చారిత్రక వైభవాన్ని సమకాలీన ఆధునికతను సమపాళ్లలో కలుపుకుని, విభిన్న రకాల వేడుకలకు నిలయంగా మారిన నగరంలో ఈవెంట్‌ మేనేజ్‌మెంట్‌ రంగంలో మహిళలు చెప్పుకోదగిన విధంగా రాణిస్తున్నారు. మొదట ఈ రంగంలో పురుషాధిపత్యం కనిపించినా, ప్రస్తుతం ఆ పరిస్థితి మారిపోయింది. తమదైన సృజనాత్మకత, అర్థవంతమైన నిర్వహణ, డీటెయిల్డ్‌ ప్లానింగ్‌తో మహిళలు ముందుకు దూసుకుపోతున్నారు. సీఏ నుంచి ఈవెంట్స్‌ వరకూ.. చార్టెడ్‌ అకౌంటెంట్‌గా చేస్తూ దానిని వదిలేసి, అనుకోకుండా కోవిడ్‌ సమయంలో ఈ రంగంలోకి ప్రవేశించాను. ఇప్పటికి 500కి పైగా ఈవెంట్స్‌ ఆర్గనైజ్‌ చేశాను. మహిళలు ప్రతి ఒక్కరితో సులభంగా కలిసిపోతారు. అందుకే రాణించగలుగుతున్నారు. ప్రస్తుతం పుట్టినరోజులు, శారీ సెర్మనీలు, షష్టిపూర్తి..వరకూ ప్రతి వేడుకకీ మహిళలే సారథ్యం వహిస్తున్నారు. – నిహారిక, శ్రీ వర్ణంఉద్యోగం కన్నా ఉన్నతంగా.. యుక్తవయసు నుంచీ మెహిందీ అంటే ఇష్టం. మా ఊరు నుంచి నగరానికి వచ్చాక ఎమ్మెస్సీ చదువుతూ పార్ట్‌ టైమ్‌ జాబ్‌ కోసం అన్వేషిస్తున్నప్పుడు ఈ ఆర్ట్‌ ద్వారా ఆదాయం గురించి తెలిసింది. అలా పార్ట్‌ టైమ్‌ ఆర్టిస్ట్‌గా.. ఆ తర్వాత ఫుల్‌ టైమ్‌ ఆర్టిస్ట్‌గా మారాను. పెళ్లి తర్వాత భర్త ప్రోత్సాహంతో కంటిన్యూ చేస్తున్నాను. మెహందీతో పాటు నెయిల్‌ ఆర్ట్‌ కూడా నేర్చుకున్నాను. నెలలో 15రోజులు పనిచేసినా చాలు. ఉద్యోగం ద్వారా వచ్చే జీతం కన్నా ఎక్కువే వస్తుంది. – శ్వేత గన్నోజు, మెహందీ ఆర్టిస్ట్‌ అందం.. అందరికీ.. ఇంటర్‌తో చదువు అటకెక్కింది. భర్త ప్రోత్సాహంతో ప్రొఫెషనల్‌గా నేర్చుకుని మేకప్‌ సేవలు అందిస్తున్నాను. బర్త్‌డే, ప్రీ వెడ్డింగ్‌ షూట్స్, సంగీత్‌ ఇలా ప్రతి వేడుకకూ మేకప్‌ అవసరం. ఇంట్లో ఫంక్షన్‌ ఉందంటే ఆ కుటుంబ సభ్యులు, బంధు మిత్రులు అందరూ మేకప్‌ కావాలంటున్నారు. దాదాపు 12 ఏళ్ల నుంచి ఈ రంగంలో పలువురు యువతకు శిక్షణ అందిస్తున్నా. – భవానీ నవీన్, మేకప్‌ ఆర్టిస్ట్‌సమన్వయమే.. ‘సంగీత్‌’కి న్యాయం.. చిన్నప్పటి నుంచీ డ్యాన్స్‌ బాగా చేసేదాన్ని. డ్యాన్స్‌ పోటీల్లో గ్రాడ్యుయేషన్‌ పూర్తి చేయగానే ఈ రంగంలోకి వచ్చేశా. దీంతో ఎనిమిదేళ్ల నుంచి కొరియోగ్రాఫర్‌గా పనిచేస్తున్నా. ఈ రంగంలో రాణించాలంటే సహనం ఉండాలి. మనకు వచి్చనట్టు, నచ్చినట్టు కాదు అతిథుల బాడీ లాంగ్వేజ్‌ బట్టి నేర్పించాలి. – శ్రీవాణి, కొరియోగ్రాఫర్‌ వెడ్డింగ్‌ ప్లాన్‌ చేయడం ఒకెత్తయితే సంగీత్, మెహందీ, హల్దీ, రిసెప్షన్‌ వరకూ పెళ్లిలో భాగమైన కార్యక్రమాలన్నింట్లో మహిళల పాత్రే కీలకం. గత కొన్నేళ్లుగా ట్రెండీగా మారిన డెస్టినేషన్‌ వెడ్డింగ్స్‌ నిర్వహణా బాధ్యతల్ని సైతం మహిళలు చేపట్టడం విశేషం. ఫ్లోరల్‌ డెకరేషన్, టేబుల్‌ సెట్టింగ్స్, బ్యూటీ, కాంపాక్ట్‌ స్టేజింగ్‌ వంటివి పండించడంలో మహిళలకు సహజంగా ఉండే సున్నితత్వం ఉపకరిస్తోంది. ‘సంగీత్‌’ వారధి.. నృత్యానికి సారధి నాట్యం, సంగీతం, డ్రామా కలగలిపిన మ్యూజికల్‌ ఫెస్టివల్‌ సంగీత్‌ ప్రోగ్రామ్‌. నృత్యం వచ్చిన, రాని, అంతంత మాత్రమే చేయగలిగిన ప్రతి ఒక్కరినీ సమన్వయపరచి సంగీత్‌ని రక్తి కట్టించే కొరియోగ్రాఫర్‌ అనే కీలకపాత్రలో మహిళలు సునాయాసంగా ఒదిగిపోతున్నారు. సంప్రదాయంగా నాట్యం నేర్పడంలో ఉండే సమర్థత, శ్రద్ధ, సమయ పాలన వీటన్నింటికీ మించి కుటుంబంతో మమేకమైపోయే నేర్పు.. ఈ పాత్రలో మహిళలకు తిరుగులేని ఎంపిక. సాంగ్‌ సెలక్షన్‌ నుంచి స్టెప్పుల ఎంపిక వరకూ అంతా తామై వ్యవహరిస్తున్నారు. మాటే మంత్రం.. ఫ్యామిలీ ఈవెంట్స్‌లో బంధుమిత్రుల్ని భాగస్వాములుగా చేసే పలు కార్యక్రమాలను నడిపించే కంపేరర్లుగా కూడా మహిళలు సాటిలేని రీతిలో రాణిస్తున్నారు. భాషాపరంగా నైపుణ్యం, హాస్య చతురత, కలుపుగోలు తనంతో కంపేరింగ్‌ క్వీన్స్‌గా మారిపోతున్నారు. ఇంగ్లిష్‌–తెలుగు మిక్స్‌తో సహజంగా మాట్లాడే వీరి శైలి ఆకట్టుకుంటోంది. చిన్నితెరపై యాంకర్స్‌గా ఎలాగైతే దుమ్ము రేపుతున్నారో.. అలాగే వినోద భరిత కార్యక్రమాల్లోనూ కంపేరర్స్‌గా నగరంలో సత్తా చాటుతున్నారు. తాను ఆర్జేగా ప్రారంభమైనా వివాహ వేడుకలతో పాటు బేబీ షవర్స్, కార్పొరేట్‌ ఈవెంట్స్‌లో కంపేరర్‌గా స్థిరపడడానికి కారణం అందులో అవకాశాలు, ఆదాయం బాగుండడమేనని నగరానికి చెందిన పూజిత అంటున్నారు. (చదవండి: ఒత్తిడిని చిత్తు చేసి...ఆల్‌ ఇండియా స్థాయిలో విజేతగా నిలిచింది)

(బి. జనార్దన్‌రెడ్డి) పెళ్లంటే.. జీవితంలో ఒకసారి జరిగే మధుర ఘట్టం.. ఓ కొత్త జీవితానికి ఏడడుగులు శుభ తరుణం. పాతకాలంలో పెళ్లిళ్లు ఐదు రోజులపాటు జరిగేవి. వారం రోజుల ముందు నుంచే బంధువులతో పెళ్లి ఇళ్లు సందడిగా ఉండేవి. ఊరంతా హడావుడి కనిపించేది. రానురాను ఆ సందడి మాయమైంది. ఉదయం పెళ్లి జరిగితే సాయంత్రానికి ఆ సందడి ముగిసిపోతుంది. అతిథులు కూడా ఇలా వచ్చి కనిపించి వెళ్లిపోతున్నారు. అయితే, ఇప్పుడు ట్రెండ్‌ మారింది. ఆచారాలకు మళ్లీ ఊపొచ్చింది. పాత సంప్రదాయాలను కొత్తతరం అందిపుచ్చుకుంటోంది.  ఐదురోజుల పెళ్లిళ్లు మళ్లీ మొదలయ్యాయి. మెహందీ ఫంక్షన్‌తో మొదలు.. ఐదు రోజులపాటు పెళ్లి ఇల్లు కళకళలాడిపోతోంది. ఇది నిజంగా శుభపరిణామమే. పాశ్చాత్య సంస్కృతి అందరినీ ఆవహించేసి సంప్రదాయాలను దూరం చేస్తున్న వేళ నవతరం ఈ దిశగా అడుగులు వేయడం ఆహ్వానించదగ్గ పరిణామమే. ఒకప్పుడు పెళ్లంటే నెల, 15 రోజుల ముందే బంధువులు, ఆత్మీయులు వచ్చి తలోపని చేసేవారు. కానీ, ఇప్పుడున్న బిజీ లైఫ్‌లో అందుకు అవకాశం లేదు. అందుకనే, ఇలాంటి వెతలు తీర్చేందుకు ఈవెంట్‌ మేనేజ్‌మెంట్‌ సంస్థలు  వెలిశాయి. సంప్రదాయాలను పాటించాలని ఆసక్తి ఉన్నవారికి ఈవెంట్‌ ఆర్గనైజ్‌ సంస్థలు అన్నీ సమకూర్చి పెళ్లికి నిండుదన్నాన్ని తీసుకువస్తున్నాయి. ఇప్పటి వరకు పెద్ద నగరాలకే పరిమితమైన ఈవెంట్‌ మేనేజ్‌మెంట్స్‌ చిన్న పట్టణాలకు కూడా విస్తరించాయి. సెలబ్రెటీలు, వ్యాపారవేత్తలు, ప్రముఖుల ఇళ్లలోనే జరిగే ఐదు రోజుల పెళ్లిళ్లపై ఇప్పుడు అప్పర్‌ మిడిల్‌క్లాస్‌ ఫ్యామిలీలు కూడా ఆసక్తి చూపుతున్నాయి. ఒక్కో కార్యక్రమం ఒక్కో రోజు నిర్వహిస్తున్నారు. ఈ తరహా పెళ్లిళ్లు ఉమ్మడి నల్లగొండ జిల్లాలో కొన్నిచోట్ల ఈ నెలలో జరిగాయి. పెళ్లి ముహూర్తాలు ఈ నెల 21తో ముగియగా.. జనవరి చివరి వారం నుంచి మళ్లీ మొదలవుతున్నాయి. ఐదు రోజుల పెళ్లి వేడుకకు    కొందరు ఇప్పటి నుంచే ప్లాన్‌ చేసుకుంటున్నారు.  ఈవెంట్స్‌ వారిది ప్రధాన పాత్ర ఏ శుభకార్యమైనా ప్రజల ఆలోచనా విధానం.. అభిరుచికి తగ్గట్టుగా తగిన ఏర్పాట్లు చేసి అతిథులతో ఆహా అనేలా చేస్తున్నాయి ఈవెంట్‌ మేనేజ్‌మెంట్‌ సంస్థలు. పెళ్లిళ్ల కోసం ఎవరినీ సంప్రదించకుండా మొత్తంగా ఈవెంట్‌ మెనేజ్‌మెంట్‌దే బాధ్యతగా జనం ఒప్పందం చేసుకుంటున్నారు. బాజాభజంత్రీలు మొదలు.. వ«ధూవరులను ముస్తాబు చేయడం, పురోహితుడు, ఫంక్షన్‌హాల్‌ సహా కల్యాణం, రిసెప్షన్, వ్రతాలు ముగిసే వరకు వారే చూసుకుంటున్నారు. పెళ్లి పనులన్నీ సులువుగా అవుతుండడంతో ప్రజలు కూడా ఈవెంట్‌ సంస్థలపై ఆధారపడుతున్నారు. గతంలో పెళ్లి పనుల్లో వివిధ కుల వృత్తుల వారు భాగస్వామ్యం అయ్యేవారు. ఇప్పుడు అన్నీ పనులూ ఈవెంట్స్‌ మేనేజర్లే చూసుకుంటున్నారు.  ప్రజల అభిరుచి మేరకు..  శుభకార్యాల నిర్వహణలో ప్రజల ఆలోచన విధానం మారుతోంది. స్టేటస్‌కు తగిన విధంగా వివాహాది శుభకార్యాలు చేయాలని భావిస్తున్నారు. అవసరమైన ఏర్పాట్లు, సామగ్రి అంతా ఒకేచోట దొరికేలా చూసుకుంటున్నారు. ఈవెంట్‌ మేనేజ్‌మెంట్లకు మంచి ఆదరణ ఉంటోంది.  వారి అభిరుచి మేరకు ఏమి కావాలో అడిగి ఏర్పాట్లు చేస్తున్నాం. ఈ ఏడాది చిన్నవి, పెద్దవి కలిపి 150 వరకు ప్రోగ్రామ్‌లు చేశాం.    – పద్మజ, ఈవెంట్‌ మేనేజర్, సూర్యాపేట సంప్రదాయాలు కోరుకుంటున్నారు తమ పిల్లల పెళ్లిళ్లు ఘనంగా చేయడానికి తల్లిదండ్రులు ఖర్చుకు వెనకాడడం లేదు. మేము అన్ని సౌకర్యాలు కల్పిస్తున్నాం. పెళ్లికి కావాల్సిన వివిధ వస్తువులను కూడా సమకూరుస్తున్నాం. దీంతో పెళ్లి చేసేవారు ఎలాంటి టెన్షన్‌ లేకుండా ఉంటున్నారు. పెళ్లిలో అన్ని ఆచారాలు, సంప్రదాయాలు ఉండాలని కోరుకుంటున్నారు. సంప్రదాయానికి కొంత కొత్తదనం జోడించి నిండుదనం తీసుకొస్తున్నాం.     – శ్రవణ్, కేపిఆర్‌ ఈవెంట్‌ మేనేజర్, నల్లగొండ  ఈవెంట్‌ ఆర్గనైజ్‌ సంస్థల చార్జీలు ఇలా.. సంగీత్‌ : రూ.50 వేల నుంచి రూ.6 లక్షల వరకు  మెహందీ : రూ.30 వేల నుంచి రూ.2 లక్షలు హల్దీ : రూ.30 వేల నుంచి రూ.2 లక్షలు కల్యాణం : రూ.లక్ష నుంచి రూ.15లక్షలు  (ఫంక్షన్‌హాల్, భోజనం ఖర్చు కాకుండా) వినియోగించే మ్యాన్‌పవర్‌ సంగీత్‌ : 5 నుంచి 30 మంది మెహందీ : 10 మంది హల్దీ – 10 మంది వివాహం : 30 నుంచి వంద మంది  (సప్లయర్స్‌ కాకుండా) ప్రస్తుత ఐదు రోజుల పెళ్లిళ్లలో నిర్వహించే కార్యక్రమాలు ఇవీ.. సంగీత్‌: ఇది పెళ్లి కూతురు ఇంటి వద్ద జరుగుతుంది. ఒకరకంగా చెప్పాలంటే అమ్మాయి బ్యాచ్‌లర్‌ పార్టీ. అమ్మాయి రేపటి నుంచి మరో కుటుంబంలోకి వెళ్లిపోతుంది కాబట్టి తన కుటుంబంతో ఒకరోజు ఆడిపాడుతుంది. రాజుల కాలంలో అయితే కచేరి నిర్వహించే వారు. ప్రస్తుతం అమ్మాయి కుటుంబ సభ్యులు, దగ్గరి బంధువులు కలిసి నృత్యాలు చేస్తున్నారు. ఈ కార్యక్రమానికి కొందరు వరుడి కుటుంబ సభ్యులను కూడా ఆహ్వానిస్తున్నారు. అంతా కలిసి పరిచయ కార్యక్రమం నిర్వహిస్తున్నారు.  మెహందీ: గతంలో పెళ్లికూతురిని చేయడానికి ముందు ఇంట్లో వారే పెళ్లి కూతురికి చెట్టు నుంచి కోసి తెచ్చిన గోరింటాకు పెట్టేవారు. ప్రస్తుతం ఈ కార్యక్రమాన్ని పెద్ద ఎత్తున నిర్వహిస్తున్నారు. ఇంట్లో ప్రత్యేక సెట్టింగ్‌ వేసి ఈవెంట్స్‌ వారితో పెళ్లి కూతురికి గోరింటాకు పెడుతున్నారు. ఈ కార్యక్రమం జరుగున్నంతసేపు బ్యాక్‌గ్రౌండ్‌ మ్యూజిక్‌ ఉంటుంది. ఈ కార్యక్రమాన్ని ఒక రోజు మొత్తం నిర్వహిస్తున్నారు. హల్దీ: పెళ్లి కూతురుకు పసుపు పెట్టడం. అమ్మాయి, అబ్బాయి ఇళ్లలోనూ మంగళస్నానం కార్యక్రమాలు నిర్వహిస్తారు. దీనికి కూడా భారీ సెట్టింగ్‌ పెడుతున్నారు. వివాహం: పెళ్లిలో ప్రతిఒక్క ఘట్టం సంప్రదాయం ప్రకారం నిర్వహిస్తున్నారు. వివాహ తంతులో సంప్రదాయంగా వాడే వస్తువులకు ప్రత్యేక డిజైన్లు వేస్తున్నారు. వరుడిని గుర్రంపై పెళ్లి మండం వరకు, ఆ తర్వాత ముత్యాల పందిరితో స్టేజీపైకి తోడ్కొనివస్తున్నారు. వధువును గంపలో కూర్చోబెట్టుకుని తీసుకువస్తున్నారు. సంప్రదాయంతో పాటు ఈవెంట్‌ ఆర్గనైజర్లు మరికొన్ని ప్రత్యేక సాంస్కృతిక కార్యక్రమాలు ఏర్పాటు చేస్తున్నారు. వ్రతం, రిసెప్షన్‌: చివరగా వ్రతంతో పెళ్లి వేడుక ముగుస్తుంది. వ్రతాలకు అవసరమయ్యే వస్తువులను కూడా ఈవెంట్స్‌ ఆర్గనైజర్లే సమకూరుస్తున్నారు. రిసెప్షన్‌ పెళ్లి కంటే ఎక్కువ ఆర్బాటంగా చేస్తున్నారు.  మేళతాళాల్లోనూ స్పెషలే.. వివాహాలకు సన్నాయి బృందాలు, సాధారణ బ్యాండ్‌ వాయించడం ఇప్పటి వరకు ఉన్న ఆనవాయితీ. ప్రస్తుతం ఇందులోనూ కొత్త ట్రెండ్‌ వచ్చింది. కేరళ బ్యాండు, పంజాబీ బ్యాండ్‌కు బాగా క్రేజీ ఉంది.  ►పెళ్లికి ముందు జరిగే వేడుకల్లో కొన్ని సామాజిక వర్గాల ఆచారాల ప్రకారం అదనపు కార్యక్రమాలు కూడా చేస్తారు. ప్రతి కార్యక్రమానికి ఒక డ్రెస్‌ కోడ్‌ పెడుతున్నారు. ఇంటిళ్లిపాదీ, బంధువులు ఈ కార్యక్రమాలకు ప్రత్యేక దుస్తులతో హాజరవుతున్నారు.  ఎంతో సంతోషంగా ఉంది మా పాప పెళ్లి వేడుక ఐదు రోజులు ఎంతో ఆనందంగా చేశాం. ఎలాంటి టెన్షన్‌ లేకుండా ఈవెంట్‌ ఆర్గనైజ్‌ వారి సహకారంతో సంప్రదాయబద్ధంగా వేడుక పూర్తిచేశాం. దగ్గరి బంధువులు, మిత్రుల రాకతో ఒక రోజు ముందు నుంచే.. సందడి నెలకొంది. ఐదు రోజుల పెళ్లంటే కష్టమని అందరూ చెప్పారు. కానీ, పాత సంప్రదాయం మళ్లీ తీసుకురావాలనే కోరికతో కష్టమేమీ లేకుండా నిర్వహించాం. మాతో పాటు బంధువులంతా సంతోషం వ్యక్తం చేశారు.  – మంగళగిరి రామ్మోహన్‌–రూపాదేవి, నల్లగొండ కష్టమైనా.. ఇష్టంగానే చేశాం ప్రస్తుత కాలంలో ఐదు రోజుల పెళ్లి చేయడం కొంచెం కష్టమే. గ్రామీణ ప్రాంతాలలో ఇబ్బంది ఉండదు. పట్టణాల్లో  బంధువులకు స్నేహితులకు వసతి కల్పించడం.. ఐదు రోజుల కార్యక్రమాలను ఇబ్బంది లేకుండా జరిపించడానికి కష్టపడాల్సి వచ్చింది. మా కూతురి పెళ్లి వేడుక ఐదు రోజులు జరిపించాం. ఈ కార్యక్రమంలో బంధువులు స్నేహితులు అన్ని రోజులు మాతో కలిసి ఉండడం ఆనందంగా ఉంది. – దొంతిరెడ్డి శ్రీధర్‌రెడ్డి – ప్రమీల, కోదాడ నాడు సంప్రదాయాలకే ప్రాధాన్యం ఆ కాలంలో ఐదు రోజుల పెళ్లిళ్లు చేసేటప్పుడు సంప్రదాయాలకు అధిక ప్రాధాన్యం ఇచ్చేవారు. ఇంటి పెద్దలు ముందుండి ఏ కార్యక్రమం ఎలా చేయాలో పద్ధతిగా చెప్పేవారు.. చేయించేవారు. బంధువులు ఇరుగుపొరుగువారు మమేకమై కార్యక్రమాలను ఆనందోత్సాహాలతో నిర్వహించేవారు. కాలం మారింది ఇప్పుడు ఐదు రోజుల పెళ్లిళ్లు భారీ సెట్టింగ్‌లు ఈవెంట్‌ మేనేజర్లతో కార్యక్రమాలు చేస్తున్నారు.     –శ్రీరామకవచం సరోజినీదేవి, కోదాడ 


 కార్నివాల్ డ్యాన్స్‌ల నుంచి ఖవ్వాలి పాటల దాకా... జానపద నృత్యాల నుంచి జాజ్ మ్యూజిక్ దాకా... కాదేదీ స్వాగత సన్నాహాలకు అనర్హం అంటున్నారు ఈవెంట్ నిర్వాహకులు. సకల కళల సమాహారంగా సాగుతున్నాయ్ స్వాగత సన్నాహాలు. కొత్త కొత్త ఆశలతో నవవసంతాన్ని ఆహ్వానించే సందర్భాన్ని చిరస్మరణీయం చేసేందుకు, సిటీజనుల హార్ట్స్‌ను ఆర్ట్స్‌తో కొల్లగొట్టేందుకు సిద్ధమయ్యాయి.
  
  కొత్త ఏడాదిని ఎంత కొత్తగా స్వాగతించాలా అంటూ వేదికల అన్వేషణలో యువత.. అందుకు అనుగుణంగానే నగరవ్యాప్తంగా ఈవెంట్ల మోత.. దేశ విదేశాల నుంచి డీజే, వీజేలు, గాయకులు, మ్యుజీషియన్ల రాక. వెరసి వెల్‌కమ్ 2015 ఈవెంట్స్.
  
  ఆర్ట్ ఆఫ్ డీజే- వీజేయింగ్...  
  న్యూ ఇయర్ ఈవెంట్లలో డీజేల సందడి గురించి చెప్పక్కర్లేదు. విభిన్న రకాల డీజేయింగ్ ఆర్ట్స్ చవిచూపుతూ టర్న్‌టేబుల్ క్వీన్‌ల దగ్గర్నుంచి రీమిక్స్‌ల కింగ్‌ల దాకా సిటీలో వీనుల విందు అందిస్తారు. ఈ ఏడాది ఆ కోవలో గండిపేటలోని గోల్కొండ రిసార్ట్స్‌లో అలీ నైట్ ఇంటర్నేషనల్ డీజేలు ఐరా క్రాఫ్ట్, అర్నాల్డ్‌లు సందడి చేయనున్నారు. షామిర్‌పేటలోని లియోనియో రిసార్ట్స్‌లో జరిగే ఈవెంట్ కోసం యూరోపియన్ డీజే బుక్ జింక్స్, న్యూ డిస్కో నుంచి డీప్ హౌజ్, టెక్నోలను పండించడంలో సిద్ధహస్తురాలైన డీజే నిఫ్రా, ఇండియాలోని బెస్ట్ 6 డీజేలలో ఒకరైన ఆర్యన్, 128 బీపీఎం ప్రోగ్రెసివ్ సౌండ్‌ను ప్రొడ్యూస్ చేసే ఏకైక డీజే ఫాల్గున్ తరలివస్తున్నారు.
  
  ఇండియన్ ప్రీమియర్ లీగ్, ఎయిర్‌టెల్ చాంపియన్ లీగ్‌ల పోస్ట్‌పార్టీలకు డీజేగా వర్క్ చేసిన దమన్ కూడా వస్తున్నాడు. బంజారాహిల్స్ అవర్ ప్లేస్‌లో సిటీ లేడీ వీజే షరాన్, యూకేకు చెందిన లేడీ డీజే పింక్‌లు జంటగా మ్యూజిక్‌ని కదం తొక్కిస్తున్నారు. మరో ఇటలీ డీజే ఒల్లె ఎస్సె... టాప్‌క్లబ్స్‌లో ప్లే చేసిన పేరును వెంటపెట్టుకుని నగరానికి వచ్చేస్తోంది. దుర్గం చెరువులోని మారకేష్‌లో లండన్ కెటివికి చెందిన వీజే హెలెన్ తళుక్కుమననుంది. మరో ఈవెంట్ కోసం లండన్ నుంచి వీజే సేజల్ శర్మా రానుంది. బంజారాహిల్స్ రాడిసన్ బ్లూ ప్లాజా హోటల్‌లో రష్యన్ డీజే ఒస్కాన్నా పవర్ ఆఫ్ మ్యూజిక్ చూపనుంది. డిస్ట్రిక్ట్ ఎన్‌లో జర్మనీ డీజే నీల్ రిచర్ క్రియేట్ చేసే టెంపరేచర్‌ను గమనించవచ్చు.
  
  థీమ్ ఆర్ట్...
  థీమ్ అనేది సిటీలో న్యూ ఇయర్ ఈవెంట్స్‌ను కమ్మేస్తున్న సరికొత్త ట్రెండ్. ది వైట్ ైనె ట్ సెన్సేషన్ అనే ప్రపంచవ్యాప్త న్యూ ఇయర్ పార్టీల పాపులర్ థీమ్‌ను అవర్‌ప్లేస్ అందిపుచ్చుకుంది. ఎంట్రన్స్ నుంచి వెన్యూ అంతా
  థీమ్ మయంగా, ప్రధాన వేదిక వైట్ థీమ్ లైటింగ్‌తో వెలుగుతూ ఉంటుంది. ప్లష్ వైట్ సీటింగ్, డైనింగ్ ఏరియా కూడా వైట్ సీట్స్‌తో ఉంటుంది. మాస్క్ థీమ్ కూడా ఈసారి అనేక ఈవెంట్లలో హైలైట్‌గా మారింది. హార్డ్‌రాక్
  కేఫ్ నిర్వహిస్తున్న మస్క్యురాదె పార్టీ, కాక్‌టైల్ పబ్‌లో మాస్క్‌లు, బీడ్స్, ఫెదర్స్ ధరించి మరీ డ్యాన్స్ చేయమంటూ నిర్వాహకులు ఆహ్వానిస్తున్నారు. అలాగే డొలారీ ధనిలో జరిగే ఈవెంట్‌ను లాస్‌వెగాస్ థీమ్‌తో నిర్వహిస్తున్నారు.
  
  పాటల పొంగు...
  గచ్చిబౌలి సంధ్యా కన్వెన్షన్ సెంటర్‌లో సెన్సేషనల్ సింగర్ యుతిక పెర్ఫార్మెన్స్ మొదలుకుని లలిత కళాతోరణంలో తెలుగు గాయకుల దాకా ఎక్కడ చూసినా  పాటల పందిళ్లే. కెనడాకు చెందిన భారతీయ సెన్సేషన్... శ్వేత సుబ్రమ్ డీజేలతో కలిసి గచ్చిబౌలి ఎల్లా గ్రూప్ ఆఫ్ హోటల్స్‌లో సందడి చేయనుంది. షామీర్‌పేట లియోనియా రిసార్ట్స్‌లో ఇండియన్ ఐడల్ పెర్ఫార్మర్, ఏషియన్ గేమ్స్ 2010లో సందడి చేసిన తాన్యాగుప్తా సాంగు భళా అనిపించనుంది. ప్లేబ్యాక్ సింగర్ ప్రణవి... పాప్, రెట్రో, సుఫీ, ఫోక్‌లను అలవోకగా అందించే అస్మిత్‌సింగ్, ఇంకా మరెందరో గాయనీ గాయకులు తమ గాత్ర మాధుర్యంతో స్వాగతవేడుకలకు ఊపు తెచ్చేందుకు సిద్ధమయ్యారు.  
  
  కళ... కళ... వేదిక
  వీరే కాదు మరెన్నో కళలు, కళాకారులు సిటీకి వెల్లువెత్తుతున్నాయ్. అంతర్జాతీయ రష్యన్ కళాకారులు అందించే క్విక్ ఏంజెల్స్, ఫైర్ ఏంజెల్స్, ఇల్యూజన్ యాక్ట్, ఆక్రో యాక్ట్ వంటివన్నీ నూతన సంవత్సరపు వేడుకల్లో భాగంగా మారుస్తూ మారియట్ హోటల్ ఎక్స్‌ప్లోజన్ 2015ను నిర్వహిస్తోంది. ప్రగతి రిసార్ట్స్‌లో స్కైలాంతర్స్, ఫోక్ డ్యాన్సర్స్, కార్నివాల్ డ్యాన్సర్స్, బాలీవుడ్ డ్యాన్సర్స్, రాక్‌బ్యాండ్.. ఇలా విభిన్న రకాల కళల సమ్మేళనంగా ఈవెంట్‌ను నిర్వహిస్తున్నారు. అమీర్‌పేటలోని ఆదిత్య పార్క్ ఇన్‌లో వెలాసిటీ 2015 కార్నివాల్‌లో వార్సి బ్రదర్స్ ఖవ్వాలి కాంతులు వెదజల్లనుంటే... హోటల్ బసేరాలోని మెహ్‌ఫిల్‌లో ప్రసిద్ధ గజల్ కళాకారులు హాయిని పంచనున్నారు.
  - ఎస్.సత్యబాబు