ఇతర సినిమాలకంటే ‘కట్టి బట్టి’ విభిన్నమైనదని బాలీవుడ్ నటి కంగనారనౌత్ పేర్కొంది. ఈ సినిమాలో ఇమ్రాన్‌ఖాన్ సరసన కంగన నటిస్తోంది. ‘ఈ సినిమా షూటింగ్ వచ్చే నెలలో ప్రారంభం కానుంది. ఇదొక చక్కని ప్రేమ కథా చిత్రం. బాలీవుడ్‌లో ఇప్పటిదాకా మనం చూసిన ప్రేమ కథా చిత్రాలకంటే ఇది విభిన్నంగా ఉంటుంది’ అని కంగన చెప్పింది. ఈ సినిమాలో ప్రేమ మూలకాన్ని అత్యంత విభిన్నంగా చిత్రించనున్నారని 27 ఏళ్ల ఈ కథానాయిక చెప్పింది. కాగా ఇమ్రాన్ సరసన కంగన నటించడం ఇదే తొలిసారి. కంగనాకు ఓ ఇటలీ సినిమా అవకాశం కూడా వచ్చింది.
  
  అయితే ఇంత బిజీ షెడ్యూల్‌లో ఆ సినిమాకు డేట్లు ఇవ్వడం కష్టమని కంగన భావిస్తోంది.  ‘ఇటలీ సినిమాలో చేసే అవకాశం నాకు వచ్చి ంది. నా షెడ్యూల్ ప్రకారం ఆ సినిమా చేయగలుగుతానా లేదా అనే విషయంలో ఇప్పటికీ ఓ నిర్ణయానికి రాలేకపోయాను’ అని అంది. ప్రస్తుతం కంగన ‘కిట్టీ’, ‘డివైన్ లవర్స్’, ‘తను వెడ్స్ మను 2’ మూడు సినిమాల్లో నటిస్తోంది. ‘కట్టి బట్టి సినిమాని యూటీవీ మోషన్ పిక్చర్స్ సంస్థ నిర్మిస్తోంది. కాగా ఇటీవల విడుదలైన క్వీన్ సినిమా హిట్ అవడంతో తన పారితోషికాన్ని 50 శాతం మేర కంగనా పెంచిందనే వదంతులు బాలీవుడ్‌లో షికారు చేస్తున్నాయి.
  
  ఈ విషయమై కంగన మాట్లాడుతూ అందుకు తాను అర్హురాలినేనంది. పెం చాలనే నిర్ణయం తీసుకోవడానికి కారణమేమిటని ప్రశ్ని ంచగా గత ఏడు సంవత్సరాలుగా బాలీవుడ్‌లో పనిచేస్తున్నానని, ఇప్పటిదాకా నేను ఏమి సంపాదించాననే విషయమై విశ్లేషించుకున్నానని, పెంపునకు అర్హురాలినని అనిపించిందని చెప్పింది. కాగా 2006లో ‘గ్యాంగ్‌స్టర్’ సినిమాతో కంగన... బాలీవుడ్‌లోకి అడుగు పెట్టింది.
  


 మొన్న ‘క్వీన్’గా..., నిన్న ‘రివాల్వర్ రాణీ’గా ప్రేక్షకుల ముందుకొచ్చి అలరించిన ‘ఫ్యాషన్ డాల్’ కంగనా రనౌత్ మరో ప్రత్యేక చిత్రంతో అభిమానులకు కనువిందు చేయనుంది. కథానాయిక ప్రాధాన్యమున్న చిత్రాలతో దూసుకుపోతున్న కంగనా ఈసారి మాత్రం నటుడు ఇర్ఫాన్‌ఖాన్‌తో జతకడుతోంది. తాను తెరకెక్కిస్తున్న ‘డివైన్ లవర్స్’ సినిమాలో వీరిద్దరు నటిస్తున్నట్లు ప్రముఖ దర్శకుడు సాయి కబీర్ మంగళవారం మీడియాకు తెలిపారు. ఈ విషయమై దర్శకుడు సాయి కబీర్ మాట్లాడుతూ... ‘కంగనా రనౌత్, ఇర్ఫాన్‌ఖాన్‌లతో కలిసి ‘డివైన్ లవర్స్’ పేరుతో సినిమాను తెరకెక్కిస్తున్నాను. ఇప్పటికే ఈ పేరుతో వచ్చిన సినిమాలు మంచి ప్రేక్షకాదరణను సంపాదించుకున్నాయి. ‘క్వీన్’ సినిమా తర్వాత దాదాపుగా కథానాయిక ప్రధాన్యమున్న చిత్రం ‘రివాల్వర్ రాణీ’లోనే కంగనా నటించింది.
  
  మరోసారి అటువంటి చిత్రంతోనే ప్రేక్షకుల ముందుకొస్తుందని అందరూ భావించారు. అయితే కంగనా మాత్రం అటువంటి కట్టుబాట్లతో గిరిగీసుకోకుండా ఇర్ఫాన్‌తో కలిసి తెరను పంచుకోవడానికి పచ్చజెండా ఊపింది. కంగనా నటించిన మిగతా చిత్రాలకు ఇది భిన్నంగా ఉంటుంది. భారతీయ కళకు అద్దం పట్టేలా చిత్రాన్ని నిర్మిస్తాం. ముంబై, అలీగఢ్ వంటి ప్రదేశాల్లో సినిమాను తెరకెక్కించేందుకు ప్రణాళికలు సిద్ధం చేసుకున్నాం. మధ్యతరగతి జీవితాల్లోని నీతి, నిజాయతీలను కథావస్తువుగా తీసుకున్నామ’ని చెప్పారు. కంగనాతో భవిష్యత్తులో భారీ చిత్రాలు నిర్మిస్తానని చెప్పిన కబీర్ అంతవరకు వచ్చిన ఈ గ్యాప్‌లో ‘డివైన్ లవర్స్’ పేరుతో ఈ చిత్రాన్ని తెరకెక్కిస్తున్నట్లు చెప్పారు. సయీద్ మీర్జా, కుందన్ షాల తాను ఎంతో  స్ఫూర్తిని పొందానని, అదే స్ఫూర్తితో సినిమాలను తెరకెక్కిస్తున్నానని చెప్పాడు.