చంద్రశేఖర్ కాలనీ : పార్లమెంట్ సభ్యురాలు కల్వకుంట్ల కవిత మంగళవారం ఇందూరు నగరంలో పర్యటించనున్నారు. ఈ సందర్భంగా నగరంలోని ఆయా ప్రాంతాల్లో జరిగే కార్యక్రమాల్లో ఆమె పాల్గొననున్నారని టీఆర్‌ఎస్ పార్టీ వర్గాలు తెలిపాయి. గుర్బాబాది రోడ్డులో గల సదానంద్‌గార్డెన్‌లో మధ్యాహ్నం 2 గంటలకు జరిగే డీసీఎంఎస్ జనరల్ బాడీ సమావేశంలో ఎంపీ కవిత పాల్గొం టారు. మధ్యాహ్నం 3 గంటలకు ప్రగతినగర్‌లో జరిగే మునిసిపల్ కార్పొరేషన్ మాస్టర్ ప్లాన్ సమీక్ష సమావేశంలో, సాయంత్రం 5 గంటలకు విద్యుత్ శాఖ సమీక్ష సమావేశంలో, శ్రావ్య గార్డెన్‌లో సాయంత్రం 6 గంటలకు జరిగే ఎంజీఆర్ మెమోరియల్ స్పోర్ట్స్ మీట్‌లో ఎంపీ కల్వకుంట్ల కవిత పాల్గొంటారు.