రాయ్పూర్ : మావోయిస్టులకు, కోబ్రా జవాన్లకు మధ్య జరిగిన ఎదురు కాల్పుల్లో ముగ్గురు జవాన్లు గాయపడ్డారు. చత్తీస్గఢ్ దంతేవాడ అటవీ ప్రాంతంలో మంగళవారం తెల్లవారుజామున ఈ ఘటన చోటుచేసుకుంది. గాయపడిన జవాన్లను చికిత్స నిమిత్తం ఆస్పత్రికి తరలించారు. పోలీసు అధికారుల కథనం ప్రకారం  కూంబింగ్లో పాల్గొని సీఆర్‌పీఎఫ్‌, కోబ్రా జవాన్లు, పోలీసులు తిరిగి వస్తుండగా  మావోయిస్టులు ఒక్కసారిగా కాల్పులు జరిపారు. అయితే ఆ దాడిని జవాన్లు సమర్థవంతంగా తిప్పికొట్టారు. తప్పించుకున్న నక్సల్స్ కోసం కూంబింగ్ కొనసాగుతోంది.