సాక్షి,న్యూఢిల్లీ: దేశంలో ఐటీని కొత్తపుంతలు తొక్కించేందుకు వివిధ శాఖలతో సంప్రదింపులు జరిపేందుకు ప్రధానమంత్రి కార్యాలయ పర్యవేక్షణలో చీఫ్‌ ఇన్ఫర్మేషన్‌ అధికారి (సీఐఓ)ని నియమంచాలని ఇన్ఫోసిస్‌ మాజీ సీఎఫ్‌ఓ మోహన్‌దాస్‌ పాయ్‌ సూచించారు. సమర్ధ టెక్నాలజీ విధానం కోసం ప్రభుత్వం సీఐఓను నియమించాల్సిన అవసరం ఉందని ఆయన అభిప్రాయపడ్డారు. ఐటీ వ్యూహాల రూపకల్పనతో పాటు వివిధ శాఖలతో సమన్వయం కోసం ఈ ఏర్పాటు ఉండాలని చెప్పారు. బిగ్‌ డేటాను సమర్ధంగా నిర్వహించేందుకు భారత్‌కు చీఫ్‌ డేటా సైంటిస్ట్‌ అవసరమని అన్నారు. పలు ఆర్థిక లావాదేవీలకు ఆధార్‌ను అనుసంధానిస్తుండటంతో సీఐఓ పాత్ర అత్యంత కీలకంగా మారుతుందని చెప్పారు.వచ్చే ఆర్థిక సంవత్సరం నాటికి ఆధార్‌ నెంబర్‌తో ఆర్థిక లావాదేవీలను టెక్నాలజీని అనుసంధానించి మిళితం చేయనుంది. వైట్‌ హౌస్‌ సీఐఓ మాదరిగానే సీఐఓ కేంద్ర ప్రభుత్వంతో ఐటీ మౌలిక సదుపాయాలకు సంధానకర్తగా ఉంటారని అధికారులు చెబుతున్నారు. అమెరికా ప్రభుత్వం వెచ్చించే ఐటీ వ్యయాలకు కూడా వైట్‌హౌస్‌ సీఐఓ బాధ్యత వహిస్తారు. 


 వాషింగ్టన్: అమెరికాలోని ప్రఖ్యాత కాలిఫోర్నియా విశ్వవిద్యాలయం(డేవిస్) ప్రధాన సమాచార అధికారిణి(సీఐవో)గా భారతీయ-అమెరికన్ మహిళ నియమితులయ్యారు. హైదరాబాద్‌లోని మహిళా కళాశాల, ఉస్మానియా విశ్వవిద్యాలయంలో చదువుకున్న వీజీ మురళికి ఈ ఘనత దక్కింది. ఉన్నత విద్యారంగంలో నిపుణురాలైన ఆమె కాలిఫోర్నియా వర్సిటీ ఇన్ఫర్మేషన్ ఎడ్యుకేషన్ టెక్నాలజీ బాధ్యతలను కూడా పర్యవేక్షిస్తారు. ఈ హోదాలో ఆమె ద్వితీయ స్థానంలో ఉంటారు.
 
 వీజీ అనుభవం, నైపుణ్యం తమ వర్సిటీ పేరు ప్రతిష్టలు పెంచేందుకు దోహదపడుతుందని నియామక ఉత్తర్వుల్లో చాన్స్‌లర్ లిండా పి.బి. కేథీ పేర్కొన్నారు. వీజీ మురళి 2007 నుంచి వాషింగ్టన్ స్టేట్ యూనివర్సిటీలో సమాచార ఉపాధ్యక్షురాలిగా కొనసాగారు. ఆమె 1977లో ఓయూ నుంచి ఆర్గానిక్ కెమిస్ట్రీలో పీజీ చేశారు. 1981 వరకు ఓయూకు అనుబంధంగా ఉన్న రీజినల్ రీసెర్చ్ ల్యాబ్‌లో పనిచేశారు. ఆగస్టు 18వ తేదీన కాలిఫోర్నియా వర్సిటీలో నూతన బాధ్యతలు స్వీకరిస్తారు.