రాజమౌళి తెరకెక్కించిన  ఆర్‌ఆర్‌ఆర్‌తో ప్రపంచవ్యాప్తంగా క్రేజ్ దక్కించుకున్న హీరో యంగ్ టైగర్ జూనియర్ ఎన్టీఆర్‌. తాజాగా ఆయనకు అరుదైన గౌరవం దక్కింది. ఆస్కార్‌ యాక్టర్స్‌ బ్రాంచ్‌లో సభ్యత్వాన్ని దక్కించుకున్నారు. ఈ విషయం తెలుసుకున్న టాలీవుడ్ సినీ ప్రముఖులు, అభిమానులు జూనియర్‌కు అభినందనలు తెలుపుతున్నారు. (ఇది చదవండి: లియోకు మరో షాక్.. రిలీజైన కొద్ది గంటల్లోనే!! ) తాజాగా అకాడమీ ఆఫ్‌ మోషన్‌ పిక్చర్స్‌ అండ్‌ ఆర్ట్స్‌ కొత్త సభ్యులను ఎంపిక చేసింది. అందులో మన టాలీవుడ్ యంగ్ టైగర్ జూనియర్ ఎన్టీఆర్‌ పేరును అధికారికంగా ప్రకటించింది. ఈ విషయాన్ని సోషల్ మీడియా ద్వారా వెల్లడించింది. ఈ జాబితాలో జూనియర్ ఎన్టీఆర్‌తో పాటు  కే హుయ్ క్వాన్, మార్షా స్టెఫానీ బ్లేక్, కెర్రీ కాండన్, రోసా సలాజర్ కూడా ఉన్నారు. కాగా.. ఎన్టీఆర్ ప్రస్తుతం కొరటాల శివ దర్శకత్వంలో దేవర చిత్రంలో నటిస్తున్నారు. ఈ మూవీలో జూనియర్ సరసన బాలీవుడ్ భామ జాన్వీ కపూర్ హీరోయిన్‌గా టాలీవుడ్ ఎంట్రీ ఇస్తోంది. బాలీవుడ్ స్టార్‌ హీరో సైఫ్ అలీఖాన్ విలన్‌గా కనిపించనున్నారు. ఆ తర్వాత హృతిక్‌ రోషన్‌తో కలిసి ‘వార్‌2’లో ఎన్టీఆర్‌ నటిస్తున్నారు. (ఇది చదవండి: ఖరీదైన కారు కొన్న స్టార్ హీరోయిన్‌.. ధర ఎన్ని కోట్లంటే?) View this post on Instagram A post shared by The Academy (@theacademy)


 హాలీవుడ్లో 2013 సంవత్సరం మొత్తమ్మీద అత్యధిక సంపాదన ఎవరిదో తెలుసా? ఆస్కార్ అవార్డు విజేత జెన్నిఫర్ లారెన్స్దేనట!! ఈ విషయంలో వివరాలేవీ బయటకు చెప్పకపోయినా అత్యధిక సంఖ్యలో థియేటర్ యజమానులు, బయ్యర్లు.. అందరూ ఆమెకే ఓట్లేశారు. ఎంత సంపాదించిందో పైకి చెబితే ఆదాయపన్ను సమస్య వస్తుందని భయపడిందో ఏమో గానీ, ఆమెను మించి ఎవరూ సొమ్ము వెనకేసుకోలేదనే అంటున్నారు.
 క్విగ్లీ పబ్లిషింగ్ కంపెనీ ఈ విషయాన్ని వెల్లడించింది. ఈ మధ్య కాలంలో వరుసపెట్టి విపరీతంగా సినిమాలు చేసిన జెన్నిఫర్ లారెన్స్.. రేసులో అగ్రస్థానంలో నిలిచింది. రెండో స్థానంలో శాండ్రా బుల్లక్, మూడో స్థానంలో బ్రాడ్లీ కూపర్ ఉన్నారు. 2013 సంవత్సరం మొత్తమ్మీద అత్యంత ప్రభావశీలురైన వ్యక్తుల్లో కూడా జెన్నిఫర్ లారెన్సే అగ్రపీఠం సొంతం చేసుకుంది. ఇప్పుడు కూడా ఆమె చేతిలో పలు ప్రాజెక్టులున్నాయి. ఇక అమ్మడి చేతికి డబ్బే డబ్బన్న మాట!!