గుడిపేట శివారులో పులి సంచారం

Tiger Symbles Found in Gudipeta Forest Adilabad - Sakshi

మంచిర్యాలరూరల్‌(హాజీపూర్‌): మండలంలోని గుడిపేట అటవీ శివారు ప్రాంతంలో పులి అడుగు జాడలు కనిపించాయి. ఆషాడ మాసం ఆదివారం కావడంతో పలువురు చెట్ల తీర్థాలు, వన భోజనాల బాట పట్టారు. ఈ క్రమంలో గుడిపేట అటవీ శివారు ప్రాంతం అయిన గుట్టలు, అటవీ ప్రాంతంలో పులి అడుగులు పలువురికి కనిపించాయి. దీంతో ఒక్కసారిగా ఆందోళనకు గురై పులి అడుగు జాడలను ఆసక్తిగా గమినించి వాటి ఫొటోలను తీసి అటవీ శాఖ అధికారులకు, సిబ్బందికి వెంటనే సమాచారం అందించారు. ఆదివారం కావడంతో అధికారులు అందుబాటులో లేకపోవడంతో సోమవారం పులి అడుగు జాడలు కనిపించిన ప్రాంతానికి వచ్చి ధృవీకరిస్తామని తెలియజేసినట్లు సమాచారం. ఏదేమైనా ఇటీవల సీసీసీ, శ్రీరాంపూర్‌ జీఎం కార్యాలయ సమీపం, జైపూర్‌ అటవీ ప్రాంతాల పరిసరాల్లో పులితో పాటు చిరుత పులి సంచరిస్తున్నట్లు వార్తలు సోషల్‌ మీడియాల్లో హల్‌చల్‌ చేశాయి. అటవీపిల్లి అని కొంత మంది కొట్టి పారివేయగా మరికొంత మంది చిరుత పులి అని భయాందోళనలోనే గడిపారు. తాజాగా మండలంలోని గుడిపేట శివారులోని అటవీ ప్రాంతంలో పులి అడుగులు కనిపించడంతో ఈ పులి ఎక్కడి నుంచి వచ్చి ఉంటుందని అంతా ఆరాతీస్తున్నారు.

 

Read latest Telangana News and Telugu News | Follow us on FaceBook, Twitter

Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి

Read also in:
Back to Top