కొత్తకొత్తగా నోకియా 105, 130 వచ్చేశాయ్‌

న్యూఢిల్లీ : హెచ్‌ఎండీ గ్లోబల్‌ నోకియా బ్రాండుకు చెందిన 105, 130 ఫీచర్‌ ఫోన్లను రీఫ్రెష్‌ మోడల్స్‌గా భారత్‌లో లాంచ్‌ చేసింది. మైక్రోసాఫ్ట్‌ బ్రాండులో తొలుత ఇవి 2015, 2014లో మార్కెట్లోకి వచ్చాయి. అనంతరం తాజాగా వీటిని రీఫ్రెష్‌గా మళ్లీ మార్కెట్లోకి తీసుకొచ్చింది హెచ్‌ఎండీ గ్లోబల్‌. అయితే కొత్త నోకియా 130 మోడల్‌ ధర, అందుబాటులో ఉండే వివరాలను కంపెనీ వెల్లడించలేదు. నోకియా 105ను సింగిల్‌ సిమ్‌, డ్యూయల్‌ సిమ్‌ వేరియంట్లలో 999 రూపాయలకు, 1149 రూపాయలకు అందుబాటులోకి తీసుకొస్తున్నట్టు ప్రకటించింది. ఈ ఫోన్‌ నీలం, తెలుపు, నలుపు రంగుల్లో జూలై 19 నుంచి మార్కెట్‌లో అందుబాటులో ఉంటుంది.