‘మై బాడీ.. మై రూల్స్‌’: నటి సెల్ఫీ వైరల్‌

న్యూఢిల్లీ : నాలుగు పదుల వయసులోనూ ఏ విషయంలోనూ రాజీ పడకుండా ధైర్యంగా తన ముందు సవాళ్లను ఎదుర్కొంటోంది బాలీవుడ్‌ నటి సుస్మితాసేన్‌. తన పుట్టినరోజు లోగా తాను ఏం కోరుకున్నాదో అది సాధిస్తానంటూ మాజీ విశ్వసుందరి సుస్మిత ఇటీవల చేసిన ఓ ఇన్‌స్టాగ్రామ్‌ పోస్ట్‌ వైరల్‌గా మారింది. ఎందుకంటే.. ఆమె పోస్ట్‌ చేసిన ఫొటోనే అందుకు కారణం. స్లిమ్‌ ఫిట్‌గా ఉండాలని భావించిన సుస్మితా సేన్‌.. తాను ఫిట్‌నెస్‌ కోసం ఎక్కడికి వెళ్లినా అక్కడ ఫొటోలు దిగి ఫాలోయర్లతో ఏ భయం లేకుండా షేర్‌ చేసుకుంటానని తెలిపింది.

‘మై బాడీ.. మై రూల్స్‌’  అంటూ ఆ పోస్ట్‌ చేసిన ఈ బ్యూటీ నవంబర్‌ 19న 42వ వసంతంలోకి అడుగుపెట్టనున్నారు. పుట్టినరోజును తన బాడీ లేక ముఖానికి సంబంధించిన విషయాలు షేర్‌ చేసి సెలబ్రేట్‌ చేసుకోవాలని నటి భావిస్తోంది. తాజాగా షార్జా చేరుకున్నాక దిగిన ఓ సెల్పీని పోస్ట్‌ చేయడంతో కేవలం 12 గంటల్లోనే లక్షన్నర లైక్స్‌ రావడం గమనార్హం. ఇక్కడి అల్‌ ఖాసిమా స్ట్రీట్‌లో ఓ స్టోర్‌ను నేటి (బుధవారం) రాత్రి ఏడు గంటలకు ప్రారంభించనున్నట్లు సుస్మితా వెల్లడించారు.​ విక్రమ్‌ భట్‌ విడాకులకు కారణం సుస్మితానే అంటూ ఇటీవల వదంతులొచ్చినా తన తప్పు లేదని పేర్కొన్న ఆమె, ధైర్యంగా అలాంటి సమస్య నుంచి బయటపడిన విషయం తెలిసిందే.