రాజుగాడు సినిమాలో రాజ్‌తరుణ్‌, అమైరా దస్తూర్‌

యంగ్ హీరో రాజ్‌ తరుణ్‌ హీరోగా తెరకెక్కుతున్న తాజా చిత్రం రాజుగాడు. డిఫరెంట్‌ క్యారెక్టర్స్‌ తో ఆకట్టుకుంటున్న రాజ్‌ తరుణ్ ఈసినిమాలో క్లెప్టోమేనియాతో ఇబ్బంది పడే కుర్రాడిగా నటిస్తున్నాడు. ఈ సినిమాలో తనకు అవసరం లేకపోయినా.. తన ప్రమేయం లేకుండానే దొంగతనం చేసే వింత వ్యాధితో బాధపడే కుర్రాడి కనిపిస్తున్నాడు రాజ్‌ తరుణ్‌. అమైరా దస్తూర్‌ హీరోయిన్‌గా నటిస్తున్న ఈ సినిమాతో సంజనా రెడ్డి దర్శకురాలిగా పరిచయం అవుతున్నారు.

ఏకె ఎంటర్‌టైన్మెంట్స్‌ బ్యానర్‌పై సుంకర రామబ్రహ్మం నిర్మిస్తున్న ఈ సినిమాకు గోపిసుందర్‌ సంగీతమందిస్తున్నాడు. రాజేంద్ర ప్రసాద్‌, 30 ఇయర్స్‌ పృథ్వీ, సితారలు ఇతర కీలక పాత్రలో నటిస్తున్నారు. ఉగాది సందర్భంగా ఈ సినిమా టీజర్‌ను రిలీజ్‌ చేశారు చిత్రయూనిట్‌. రాజ్‌ తరుణ్ మరోసారి ఎనర్జిటిక్‌ పర్ఫామెన్స్‌ తో ఆకట్టుకోగా రాజేంద్ర ప్రసాద్‌ తండ్రిపాత్రలో తన మార్క్‌ చూపించారు.