వేటకొడవళ్లతో దాడి : ఒకరి మృతి

 

తెనాలి : గుంటూరు జిల్లా తెనాలిలో పాతకక్షలు భగ్గుమన్నాయి. ఆస్తి తగాదాల నేపథ్యంలో మండలంలోని నేలపాడు-సిరిపురం రహదారిలో నలుగురు వ్యక్తులపై ప్రత్యర్థులు కత్తులతో దాడి చేశారు. ఈ ఘటనలో బాలయ్య అనే వ్యక్తి మృతి చెందగా.. మరో ముగ్గురికి తీవ్ర గాయాలయ్యాయి. నలుగురూ ఓ కేసు విషయమై కోర్టుకు వెళ్తుండగా వేట కొడవళ్లతో దాడి చేశారు. వీరంతా కొల్లిపార మండలం తుములూరుకు చెందిన వారు. ఎకరం పొలం విషయంలో గత కొంతకాలంగా వివాదం నడుస్తోంది. బాధితులు ప్రయాణిస్తున్న ఆటోను ప్రత్యర్థులు అంబాసిడర్ తో డీకొట్టి ఆ తర్వాత వేట కోడవళ్లతో దాడి చేశారు.  పోలీసులు కేసు నమోదు చేసుకుని దర్యాప్తు చేస్తున్నారు. పూర్తి వివరాలు తెలియాల్సి ఉంది.