TV
సాక్షి, ఆదిలాబాద్‌ : తెలంగాణ రెండవ విడత పంచాయతీ ఎన్నికలలో ఓటమి పాలయ్యాననే మనస్తాపంతో ఓ మహిళా సర్పంచ్‌ అభ్యర్థి ఆత్మహత్యాయత్నం చేసింది. ఈ సంఘటన ఆదిలాబాద్‌ జిల్లా ముత్నురు తండాలో శుక్రవారం చోటుచేసుకుంది. వివరాల మేరకు.. ముత్నురు తండాకు చెందిన కళాబాయి అనే మహిళ పంచాయతీ ఎన్నికలలో పోటీ చేసింది.
ఈ శుక్రవారం జరిగిన రెండవ విడత పంచాయతీ ఎన్నికలలో ఆమె ఓటమిపాలైంది. దీంతో మనస్తాపానికి గురైన ఆమె ఆత్మహత్యాయత్నం చేసింది. ఇది గుర్తించిన బంధువులు ఆమెను రిమ్స్‌కు తరలించారు.
