రూ. 50 కోట్ల ప్రీమియంతో ఎల్ఐసీ పాలసీ!

పెద్దనోట్ల రద్దుతో ఎల్ఐసీకి బంపర్ చాన్స్ తగిలింది. ముంబైలోని దాదర్ బ్రాంచిలో ఇప్పటివరకు దేశచరిత్రలోనే ఎన్నడూ లేనంత అతి పెద్ద పాలసీ అమ్ముడైంది. దాని ప్రీమియమే 50 కోట్ల రూపాయలు! జీవన్ అక్షయ్ పాలసీ కోసం ఒక వ్యక్తి ఈ రికార్డు స్థాయి ప్రీమియం చెల్లించాడు. అతడు రియల్ ఎస్టేట్ వ్యాపారం చేస్తుంటాడని తెలిసింది. కోట్లాది రూపాయల విలువ చేసే పాలసీలు తీసుకునే వ్యాపారవేత్తలు చాలామందే ఉంటారు. ఒక ప్రముఖ బాలీవుడ్ యాక్టర్ అయితే.. ప్రతియేటా తనకు దాదాపు రూ. 15 లక్షలు వచ్చేలా రూ. 2 కోట్లతో ఓ పెన్షన్ పాలసీ తీసుకున్నాడు. అతడి వివరాలు సోషల్ మీడియాలో లీకవ్వడంతో.. సదరు బ్రాంచి అధికారులను ఎల్ఐసీ వివరణ కోరినట్లు సమాచారం.