TV
రాజకీయ లబ్ధికోసమే విభజన : సబ్బం హరి
కేంద్రం రాజకీయ లబ్ధికోసమే రాష్ట్ర విభజన చేస్తొందంటూ ఎంపీ సబ్బంహరి వ్యాఖ్యానించారు. సమైక్య ముసుగులో అన్నీపార్టీలు రాజకీయం చేస్తున్నాయని సబ్బం విమర్శించారు.
హైదరాబాద్: కేంద్రం రాజకీయ లబ్ధికోసమే రాష్ట్ర విభజన చేస్తోందని అనకాపల్లి ఎంపీ సబ్బంహరి వ్యాఖ్యానించారు. సమైక్య ముసుగులో అన్నీపార్టీలు రాజకీయం చేస్తున్నాయని సబ్బం విమర్శించారు. ఆదివారమిక్కడ ఏపీ ఏపీ జర్నలిస్టుల ఫోరం ఆధ్వర్యంలో మీట్ ది ప్రెస్ సమావేశానికి ఆయన హాజరయ్యారు. ఈ సందర్భంగా ఆయన మాట్లాడుతూ.. విభజనే వద్దనుకున్నప్పుడు ఏం కావాలో అడిగే పరిస్థితి రాదని అన్నారు. విభజన అంశంపై అసెంబ్లీలో ఎమ్మెల్యేలంతా చర్చలో పాల్గొనాలని సబ్బం హరి తెలిపారు.
కాగా, ఈ సమావేశానికి ఆయనతోపాటు ఎంపీ అమలాపురం కాంగ్రెస్ ఎంపీ జివి హర్షకుమార్, విజయవాడ ఎంపీ లగడపాటి రాజగోపాల్, రాజమండ్రి ఎంపీ ఉండవల్లి అరుణ్ కుమార్, గుంటూరు ఎంపీ రాయపాటి సాంబశివరావులు హాజరైయ్యారు.
