క్రిస్టియానో రొనాల్డో అదరగొట్టాడు.

సాకర్‌ స్టార్‌ క్రిస్టియానో రొనాల్డో అదరగొట్టాడు. ఉత్కంఠ పోరులో జీనియస్ గేమ్‌తో కేక పుట్టించాడు. ఫుట్‌బాల్‌ వరల్డ్‌కప్‌లో భాగంగా స్పెయిన్‌తో జరిగిన మ్యాచ్‌లో ఈ పోర్చుగల్ కెప్టెన్ హ్యాట్రిక్ గోల్స్ సాధించాడు. దీంతో హురాహోరీగా సాగిన మ్యాచ్ డ్రాగా ముగిసింది. స్పెయిన్, పోర్చుగల్ జట్లు ఆది నుంచి నువ్వా-నేనా అన్నట్లు మేటి ఆటను ప్రదర్శించాయి. హ్యాట్రిక్‌తో దుమ్మరేపిన రోనాల్డో .. ఓ రకంగా స్పెయిన్ విజయాన్ని అడ్డుకున్నాడు. రియల్ మాడ్రిడ్ స్ట్రయికర్ రోనాల్డో.. ఆట నాలగో నిమిషంలోనే తొలి గోల్ చేశాడు.