అబ్బాయి అఖిలేశ్ యాదవ్- బాబాయ్ శివ్ పాల్ యాదవ్ మధ్య సమాజ్ వాదీ పార్టీలో తలెత్తిన అంతర్గత ఆధిపత్య పోరు సమసిపోయినట్టు పైకి కనిపిస్తున్నా.. లోలోపల మాత్రం కుంపటి ఇంకా మండుతున్నట్టే కనిపిస్తోంది. ఎస్పీ సుప్రీం ములాయం సింగ్ యాదవ్ రంగంలోకి దిగడంతో బలవంతంగా అఖిలేశ్-శివ్ పాల్ యాదవ్ మధ్య రాజీ కుదిరింది. ఈ వివాదంలో ములాయం తనయుడిని మందలించి.. తమ్ముడు శివ్ పాల్ కు మద్దతునివ్వడంతో ఆయన వర్గం పార్టీపై పట్టు పెంచుకునేందుకు ప్రయత్నిస్తున్నట్టు తెలుస్తోంది.