డేవిడ్ కామెరాన్ బ్రిటన్ ప్రధానమంత్రిగా చివరి కేబినెట్ సమావేశం ఉద్విగ్నభరితంగా సాగింది. చివరి మంత్రిమండలి సమావేశానికి నేతృత్వం వహించిన కామెరాన్‌ను సహచర మంత్రులు ప్రశంసల్లో ముంచెత్తారు. ఆయనో అద్భుతమైన ప్రధాని అంటూ ముక్తకంఠంతో కితాబిచ్చారు. ఈ సమావేశంలో కామెరాన్ కొంత ఉద్విగ్నతకు లోనయ్యారు. సహచర మంత్రులు నాలుగుసార్లు బల్లలను గట్టిగా చరుస్తూ.. ఆయన సేవల పట్ల తమ హర్షామోదాలను తెలియజేస్తూ.. ప్రధానిగా కామెరాన్‌కు ఘనమైన వీడ్కోలు పలికారు.