‘‘వెండితెరకు మాటలొస్తే.. మాట్లాడాల్సి వస్తే.. ‘బాహుబలి 2’ వంటి గొప్ప అద్భుతాన్ని నాపై ఆవిష్కరిస్తారని జన్మలో అనుకోలేదు. ట్రైలరే ఇలా ఉంటే ఏప్రిల్‌ 28న థియేటర్స్‌లో ఈ అద్భుతం ఎంత బాగుంటుందో అని చెబుతుంది’’ అన్నారు దర్శకులు కె.రాఘవేంద్రరావు. ప్రభాస్, అనుష్క, తమన్నా, రానా, రమ్యకృష్ణ, నాజర్‌ ముఖ్య తారలుగా ఎస్‌.ఎస్‌.రాజమౌళి దర్శకత్వంలో కె.రాఘవేంద్రరావు సమర్పణలో శోభు యార్లగడ్డ, ప్రసాద్‌ దేవినేని నిర్మించిన ‘బాహుబలి–2’ ట్రైలర్‌ విడుదల గురువారం హైదరాబాద్‌లో జరిగింది.