పవన్ కల్యాణ్ వ్యవహారం చూస్తుంటే తెరపై ఇప్పుడు జోరు పెంచినట్లే కనిపిస్తున్నారు. ఇతర పనుల మాట ఎలా ఉన్నా, సినిమా పనులకు నికరంగా సమయం కేటాయిస్తున్నారు. ఒకపక్క ఇప్పటికే సెట్స్ మీద ఉన్న తాజా సినిమా ‘కాటమరాయుడు’ షూటింగ్‌తో బిజీగా ఉంటూనే, మరోపక్క నిర్మాత ఏ.ఎం. రత్నం కొత్త సినిమాకు కూడా నవరాత్రుల్లో ఆయన కొబ్బరికాయ కొట్టారు. పట్టాలెక్కడానికి కాస్తంత జాప్యమైనా, ఒకసారి పట్టాలెక్కేశాక బండి ఊపందుకోవడం సహజమే. అందుకు తగ్గట్లే ప్రస్తుతం ‘కాటమరాయుడు’ షూటింగ్ కూడా స్పీడుగా సాగుతోంది. హైదరాబాద్ పరిసరాల్లో చిత్రీకరణ జరుగుతోంది.