ఏళ్ల కల.. పుష్కరమైంది నేడు

తెలంగాణ ఆవిర్భావ వేడుకలకు ఏర్పాట్లు పూర్తి

వికారాబాద్‌: రాష్ట్ర అవతరణ దినోత్సవ ఏర్పాట్లలో అధికారులు నిమగ్నమయ్యారు. ప్రత్యేక తెలంగాణ రాష్ట్రం ఏర్పడి పన్నెండేళ్లు పూర్తి చేసుకున్న సందర్భంగా మంగళవారం వేడుకలకు జిల్లా యంత్రాంగం అన్ని ఏర్పాట్లు పూర్తి చేసింది. రాష్ట్రం సిద్ధించాక తొమ్మిది సార్లు బీఆర్‌ఎస్‌ ఆధ్వర్యంలో రాష్ట్ర అవతరణ వేడుకలు నిర్వహించగా కాంగ్రెస్‌ ప్రభుత్వ హయాంలో మూడవ పర్యాయం నిర్వహించనున్నారు. పన్నెండేళ్ల కాలంలో జిల్లా ఏర్పాటుతో పాటు జిల్లాలో మనం సాధించిన ప్రగతి, కన్న కలలు ఏ మేరకు నెరవేరాయి.. ఇంకా ఏ మేరకు నెరవేరాల్సి ఉంది. అనే విషయాలపై రాష్ట్ర అవతరణ వేడుకల సందర్భంగా ప్రత్యేక కథనం.

జిల్లా ఏర్పాటు కల సాకారం

మూడు దశాబ్దాలకు ముందు నుంచే ప్రత్యేక రాష్ట్ర ఆకాంక్షతో పాటే ప్రత్యేక జిల్లా ఏర్పాటు చేయాలనే డిమాండ్‌ సైతం జిల్లా ప్రజల నుండి వ్యక్తమవుతూ వచ్చింది. రాష్ట్ర సాధన ఉద్యమానికి సమాంతరంగా వికారాబాద్‌ జిల్లా సాధన ఉద్యమం కూడా ఉమ్మడి రంగారెడ్డి జిల్లాలోని పశ్చిమ ప్రాంత వాసు లు చేపడుతూ వచ్చారు. ఉమ్మడి జిల్లా కార్యాలయలన్నీ హైదరాబాద్‌లో ఉండటం. జిల్లా వాసులకు అంతగా ప్రాధాన్యత దక్కకపోవటం. తూర్పు జిల్లా తో అనేక అంశాల్లో భావ సారుప్యత లేకపోవటం తదితర కారణాల నేపథ్యంలో ప్రత్యేక జిల్లా ఏర్పా టు ఉద్యమం బలపడుతూ వచ్చింది. చివరకు ప్రత్యేక రాష్ట్రం సిద్దించాక 2017లో తెలంగాణ ప్ర భుత్వం కొత్త జిల్లాల ఏర్పాటుకు పూనుకొన్న సమయంలో వికారాబాద్‌ కేంద్రంగా ప్రత్యేక జిల్లా ఆ కాంక్ష సాకారమైంది. అయితే జిల్లాలో అనేక అభివృద్ది కార్యక్రమాలు పూర్తికాగా ఇంకా చాలా వరకు ని ర్మాణ దశలో ఉన్నాయి.జిల్లాను పట్టి పీడిస్తున్న సా గునీటి ప్రాజెక్టుల కల మాత్రం ఇంకా నెరవేరలేదు.

రూ.3,700 కోట్ల నిధులతో లిఫ్ట్‌ ఇరిగేషన్‌

జిల్లా కేంద్రంలో జిల్లా కార్యాలయాల(కలక్టరేట్‌) సముదాయం నూతన భవన నిర్మాణం, జిల్లా కేంద్రంలో మెడికల్‌ కళాశాల ఏర్పాటుతో పాటు అనుబంధంగా 250 పడకలతో జనరల్‌ ఆస్పత్రి ఏర్పాటు చేశారు. కేంద్ర రాష్ట్ర ప్రభుత్వాల సంయుక్త కార్యచరణతో ఆయుష్‌ ఆస్పత్రి మంజూరు చేశారు. జిల్లా కేంద్రంలో రైల్వే ఫ్లై ఓవర్‌ మంజూరై నిర్మాణ దశలో ఉంది. కేంద్ర రాష్ట్ర ప్రభుత్వాల ఆధ్వర్యంలో అనంతగిరి ఎకో టూరిజం పార్కు మంజూరైంది. తాండూరుకు నర్సింగ్‌ కళాశాల మంజూరు చేశారు. జిల్లాలో మైనార్టీ,బీసీ,ఎస్సీ,ఎస్టీ బాలురు,బాలికలు కలుపుకొని మొత్తం 20 గురుకుల పాఠశాలలు ఏర్పాటు చేయగా వాటికి భవనాలు నిర్మించాల్సి ఉంది.పరిగిలో వంద పడకల ప్రభుత్వఆస్పత్రి మంజూరైంది.మిషన్‌ భగీరథ పథకం ద్వారా ఇంటింటికి నీటి సరఫరా జరుగుతోంది. ఇటీవల కొడంగల్‌లో సుమారు రూ.3,700 కోట్ల నిధులతో సాగునీటి కోసం లిఫ్ట్‌ ఇరిగేషన్‌ పథకం, వైద్య కళాశాల, వ్యవసాయ కళాశాల, ఇంజనీరింగ్‌ కళాశాల, ఇంటర్‌ కళాశాలలు, తదితర అభివృద్ధి పనులు నూతన ప్రభుత్వం మంజూరు చేసింది.జిల్లాలో 97 రైతు వేదికలు నిర్మించారు.ప్రతీ పంచాయతీలో వైకుంఠధామాలు, పల్లె ప్రకృతి వనాలు, క్రీడా ప్రాంగణాలు నిర్మించి అందుబాటులోకి తీసుకువచ్చారు.

నిర్మాణ దశలో అభివృద్ధి కార్యక్రమాలు