2026లో ప్రపంచంలో ఆయిల్, గ్యాస్‌ కొరతే

సాక్షి, హైదరాబాద్‌: ఇరాన్‌కు అమెరికా అధ్యక్షు­డు డొనాల్డ్‌ ట్రంప్‌ జారీ చేసిన హెచ్చరికలపై హైదరాబాద్‌లోని ఇరాన్‌ కాన్సులేట్‌ తీవ్రంగా స్పందించింది. ‘మంగళవారం పవర్‌ప్లాంట్‌ డే’ అని ట్రంప్‌ చేసిన హెచ్చరికకి అక్షరాలా అర్థం.. ‘బుధవారం పశ్చిమాసియాలో విద్యుత్‌ సర­ఫ­రా స్తంభించిపోతుంది, 2026లో ప్రపంచంలో ఆయిల్, గ్యాస్‌ కొరత నెలకొంటుంది’ అనేనని సా­మాజిక మాధ్యమం ‘ఎక్స్‌’ వేదికగా సోమ­వా­రం పరోక్ష హెచ్చరికలు జారీ చేసింది. విశ్వ­శాంతి, ఇంధన భద్రతకు ట్రంప్‌ ముప్పుగా పరి­ణమించాడని విమర్శించింది.

అమెరికా, ఇజ్రా­యెల్‌ దేశాలు ఇరాన్‌పై బాంబుల వర్షం కురిపి­స్తుండగా, ఇరాన్‌ పశ్చిమాసియా దేశాల్లోని అ­మె­రికా సైనిక స్థావరాలతో పాటు ఇజ్రాయెల్‌పై బాలిస్టిక్‌ క్షిపణులతో ప్రతిదాడులు చేస్తున్న విషయం తెలిసిందే. హార్మూజ్‌ జలసంధిని సోమవారంలోగా తెరవకుంటే నరకానికి పంపి­స్తానని ఆదివారం ఇరాన్‌ను హెచ్చరించిన ట్రంప్‌.. మంగళవారం మరో అడుగు ముందుకేసి ఆ దేశంలోని విద్యుత్‌ కేంద్రాలు, వంతెనలతో పాటు ఇతరత్రా అన్నింటిపై దాడులు చేస్తామని హెచ్చరించారు. దీనికి ఇరాన్‌ కాన్సులేట్‌ స్పందిస్తూ పశ్చిమాసియా దేశాల్లోని విద్యుత్‌ కేంద్రాలతో పాటు చమురు కేంద్రాలపై ప్రతిదాడులకు దిగుతామని పరోక్ష హెచ్చరికలు జారీ చేయడం గమనార్హం.