CWC 2023: గర్వపడుతున్నా.. క్రికెట్‌ ప్రపంచానికి మంచి సందేశం ఇచ్చాం.. ఇకపై: అఫ్గన్ కెప్టెన్‌

CWC 2023 SA vs Afg Hashmatullah Shahidi: I Am Happy We Gave Message To World - Sakshi

ICC WC 2023- Afghanistan: వన్డే వరల్డ్‌కప్‌-2023లో తమ జట్టు ప్రదర్శన పట్ల అఫ్గనిస్తాన్‌ కెప్టెన్‌ హష్మతుల్లా షాహిది సంతోషం వ్యక్తం చేశాడు. ప్రతి మ్యాచ్‌లోనూ ఆఖరి దాకా పట్టుదలగా పోరాడిన తీరు అద్భుతమని ఆటగాళ్లను కొనియాడాడు. మెగా టోర్నీలో భాగం కావడం వల్ల ఎన్నో పాఠాలు నేర్చుకున్నామని.. తమ భవిష్యత్తుకు అవెంతో ఉపయోగపడతాయని పేర్కొన్నాడు.

భారత్‌ వేదికగా ప్రపంచకప్‌-2023లో ఆరంభంలో పరాజయాలు చవిచూసిన అఫ్గనిస్తాన్‌ డిఫెండింగ్‌ చాంపియన్‌ ఇంగ్లండ్‌ను ఓడించి సంచలన విజయం అందుకుంది. ఆ తర్వాత పాకిస్తాన్‌పై గెలిచి చరిత్ర సృష్టించిన అఫ్గన్‌.. అనంతరం శ్రీలంక, నెదర్లాండ్స్‌ జట్లపై గెలిచింది.

తొలిసారి చాంపియన్స్‌ ట్రోఫీకి అర్హత
ఈ నేపథ్యంలో నాలుగు విజయాలతో ఎనిమిది పాయింట్లు ఖాతాలో వేసుకున్న హష్మతుల్లా బృందం.. బంగ్లాదేశ్‌- శ్రీలంక మ్యాచ్‌ ఫలితం తర్వాత చాంపియన్‌ ట్రోఫీ-2025 బెర్తును ఖరారు చేసుకుంది. ఈ క్రమంలో సెమీస్‌ రేసులో నిలిచిన అఫ్గనిస్తాన్‌.. లీగ్‌ దశలో తమ ఆఖరి మ్యాచ్‌లో సౌతాఫ్రికాతో తలపడింది.

అహ్మదాబాద్‌ వేదికగా శుక్రవారం జరిగిన ఈ మ్యాచ్‌లో టాస్‌ గెలిచిన అఫ్గనిస్తాన్‌ తొలుత బ్యాటింగ్‌ చేసింది. నిర్ణీత 50 ఓవర్లలో 244 పరుగులు సాధించింది. అయితే, సౌతాఫ్రికా బ్యాటర్‌ రాసీ వాన్‌డెర్‌ డసెన్‌ అద్భుత ఇన్నింగ్స్‌  కారణంగా ఓటమి నుంచి తప్పించుకోలేకపోయింది. 

వాళ్లు అద్భుతం
దీంతో పరాజయంతో ప్రపంచకప్‌ టోర్నీని ముగించింది. అయితే, ఇంతవరకు వరల్డ్‌కప్‌ చరిత్రలో తమకు సాధ్యం కాని విషయాలెన్నో ఈసారి చేసి చూపించింది అఫ్గనిస్తాన్‌ జట్టు. ముఖ్యంగా యువ ఓపెనర్‌ ఇబ్రహీం జద్రాన్‌ తొలిసారిగా వరల్డ్‌కప్‌లో అఫ్గన్‌ తరఫున సెంచరీ చేసి సత్తా చాటాడు.

మరోవైపు.. బౌలింగ్‌ ఆల్‌రౌండర్‌ అజ్మతుల్లా ఒమర్జాయ్‌ సౌతాఫ్రికాతో మ్యాచ్‌లో 97(నాటౌట్‌) పరుగులు చేయడం విశేషం. ఇక జట్టును ముందుండి నడిపించిన కెప్టెన్‌ హష్మతుల్లా షాహిది బ్యాటర్‌గానూ రాణించాడు. టోర్నీలో మొత్తంలో 310 పరుగులు సాధించాడు.

లోపాలు, బలహీనతలపై చర్చించాం
ఈ నేపథ్యంలో ఐసీసీ ఈవెంట్లో తమ ప్రదర్శనపై సంతృప్తి వ్యక్తం చేసిన హష్మతుల్లా.. ‘‘టోర్నీ ఆసాంతం మా బ్యాటర్లు ఆడిన తీరు పట్ల నాకు గర్వంగా ఉంది. ఆరంభంలో గెలుపు కోసం అష్టకష్టాలు పడాల్సి వచ్చింది.

అయితే, లోపం ఎక్కడుంది.. మా బలహీనతలు ఏమిటన్న అంశంపై అందరం కూర్చుని చర్చించాం. దాని ఫలితమే ఈ విజయాలు. ఈ టోర్నీలో రాణించడం మాకు సానుకూలాంశం. మా స్పిన్‌ విభాగం పటిష్టమైందని అందరికీ తెలుసు. ఇప్పుడు బ్యాటర్లు కూడా మెరుగ్గా ఆడటం మరింత ఉత్సాహాన్నిస్తోంది. 

అదొక్కటే షాకింగ్‌
ఈ టోర్నీ ద్వారా మేము పెద్ద జట్లపై కూడా గెలవగలమని.. గెలుపు కోసం ఆఖరి వరకు పోరాడగలమనే సందేశాన్ని క్రికెట్‌ ప్రపంచానికి అందించాం. అయితే, ఆస్ట్రేలియా విషయంలో ఆఖరి వరకు మ్యాచ్‌ మా చేతిలో ఉన్నా అనూహ్య రీతిలో చేజారిపోయింది. 

అదొక్కటే మాకు ఇప్పటికీ షాకింగ్‌గా ఉంది అని పేర్కొన్నాడు. కాగా ఆస్ట్రేలియాతో మ్యాచ్‌లో అఫ్గన్‌ విజయంపై ధీమాగా ఉన్న తరుణంలో.. ఆల్‌రౌండర్‌ గ్లెన్‌ మాక్స్‌వెల్‌ అజేయ ద్విశతకంతో ఆసీస్‌ను గెలుపు తీరాలకు చేర్చాడు. దీంతో అఫ్గనిస్తాన్‌ సెమీస్‌ రేసు నుంచి దాదాపుగా నిష్క్రమించగా.. సౌతాఫ్రికా చేతిలో ఓటమితో ఇంటిబాట పట్టింది.

చదవండి: ICC: శ్రీలంక క్రికెట్‌ బోర్డుకు భారీ షాకిచ్చిన ఐసీసీ.. జింబాబ్వే తర్వాత..

Read latest Sports News and Telugu News | Follow us on FaceBook, Twitter, Telegram

మరిన్ని వార్తలు

10-11-2023
Nov 10, 2023, 21:53 IST
వన్డే ప్రపంచకప్‌-2023లో ఇప్పటికే సెమీస్‌కు చేరిన దక్షిణాఫ్రికా.. మరో విజయాన్ని తమ ఖాతాలో వేసుకుంది. ఈ మెగా టోర్నీలో భాగంగా...
10-11-2023
Nov 10, 2023, 20:51 IST
వన్డే వరల్డ్‌కప్‌-2023లో శ్రీలంక ఆటగాడు ఏంజులో మాథ్యూస్‌ టైమ్డ్‌ ఔట్‌తో చరిత్రకెక్కిన సంగతి తెలిసిందే. ఈ మెగా టోర్నీలో భాగంగా...
10-11-2023
Nov 10, 2023, 20:17 IST
దక్షిణాఫ్రికా స్టార్‌ వికెట్‌ కీపర్‌ బ్యాటర్‌ క్వింటన్‌ డికాక్‌ అరుదైన ఘనత సాధించాడు. వన్డే వరల్డ్‌కప్‌ టోర్నీలో ఒక మ్యాచ్‌లో...
10-11-2023
Nov 10, 2023, 19:15 IST
Angelo Mathews Timed Out Row: ‘టైమ్డ్‌ అవుట్‌’ విషయంలో శ్రీలంక ఆల్‌రౌండర్‌ ఏంజెలో మాథ్యూస్‌ను ఉద్దేశించి ఆస్ట్రేలియా మాజీ...
10-11-2023
Nov 10, 2023, 19:08 IST
న్యూజిలాండ్‌ యువ సంచలనం రచిన్ రవీంద్ర.. ఈ పేరుకు ప్రత్యేకంగా పరిచయం అవసరం లేదు. అరంగేట్ర వరల్డ్‌కప్‌లోనే అద్భుతమైన ప్రదర్శన కనబరుస్తూ రికార్డులకు...
10-11-2023
Nov 10, 2023, 18:16 IST
వన్డే ప్రపంచకప్‌-2023లో అహ్మదాబాద్‌ వేదికగా దక్షిణాఫ్రికా, అఫ్గానిస్తాన్‌ జట్లు తలపడతున్నాయి. ఈ మ్యాచ్‌లో టాస్‌ గెలిచి తొలుత బ్యాటింగ్‌ చేసిన...
10-11-2023
Nov 10, 2023, 17:10 IST
Rohit Sharma- ViratKohli- Team India Captaincy: వన్డే వరల్డ్‌కప్‌-2023లో టీమిండియా అద్భుత విజయాలతో దూసుకుపోతోంది. ఆడిన ఎనిమిది మ్యాచ్‌లలో...
10-11-2023
Nov 10, 2023, 16:53 IST
వన్డే వరల్డ్‌కప్‌-2023లో టీమిండియా పేస్‌ త్రయం జస్ప్రీత్‌ బుమ్రా, మహ్మద్‌ సిరాజ్‌, మహ్మద్‌ షమీ అదరగొడుతున్న సంగతి తెలిసిందే. ​తొలి...
10-11-2023
Nov 10, 2023, 16:00 IST
అఫ్గనిస్తాన్‌ స్టార్‌ ఓపెనర్‌ ఇబ్రహీం జద్రాన్‌ అరుదైన ఘనత సాధించాడు. వన్డే వరల్డ్‌కప్‌  ఎడిషన్‌లో 23 ఏళ్ల వయస్సులోపు అత్యధిక...
10-11-2023
Nov 10, 2023, 15:42 IST
ICC WC 2023: వన్డే వరల్డ్‌కప్‌-2023 సెమీస్ చేరాలంటే తప్పక గెలవాల్సిన మ్యాచ్‌లో సత్తా చాటిన న్యూజిలాండ్‌ పాకిస్తాన్‌ అవకాశాలను...
10-11-2023
Nov 10, 2023, 13:42 IST
అహ్మదాబాద్‌లోని నరేంద్ర మోదీ స్టేడియం వేదికగా ఇవాళ (నవంబర్‌ 10) ఆఫ్ఘనిస్తాన్‌, సౌతాఫ్రికా జట్లు తలపడుతున్నాయి. ఈ మ్యాచ్‌లో ఆఫ్ఘనిస్తాన్‌...
10-11-2023
Nov 10, 2023, 13:39 IST
ICC WC 2023- NZ vs SL: వన్డే వరల్డ్‌కప్‌-2023లో మాజీ చాంపియన్‌ శ్రీలంక ఘోర పరాభవం మూటగట్టుకుంది. న్యూజిలాండ్‌...
10-11-2023
Nov 10, 2023, 12:50 IST
2023 అక్టోబర్‌ నెల ఐసీసీ ప్లేయర్‌ ఆఫ్‌ ద మంత్‌ అవార్డును న్యూజిలాండ్‌ రైజింగ్‌ స్టార్‌ రచిన్‌ రవీంద్ర దక్కించుకున్నాడు....
10-11-2023
Nov 10, 2023, 11:59 IST
భారత సంతతికి చెందిన న్యూజిలాండ్ రైజింగ్‌ క్రికెట్‌ స్టార్‌ రచిన్ రవీంద్రకు వింత అనుభవం ఎదురైంది. శ్రీలంకతో మ్యాచ్‌ ముగిసిన...
10-11-2023
Nov 10, 2023, 10:11 IST
వన్డే వరల్డ్‌కప్‌-2023లో భాగంగా శ్రీలంకతో జరిగిన మ్యాచ్‌లో న్యూజిలాండ్‌ 5 వికెట్ల తేడాతో గెలుపొంది, సెమీస్‌ బెర్త్‌ను దాదాపుగా ఖరారు...
10-11-2023
Nov 10, 2023, 09:15 IST
ప్రస్తుత ప్రపంచకప్‌లో పాక్‌ సెమీస్‌కు చేరడం దాదాపుగా అసాధ్యమనే చెప్పవచ్చు. ఏదో అత్యద్భుతం జరిగితే తప్ప, దాయాది జట్టు ఫైనల్‌ ఫోర్‌కు...
10-11-2023
Nov 10, 2023, 08:10 IST
వన్డే వరల్డ్‌కప్‌-2023లో భాగంగా ఇవాళ (నవంబర్‌ 10) ఆఫ్ఘనిస్తాన్‌, సౌతాఫ్రికా జట్లు తలపడుతున్నాయి. అహ్మదాబాద్‌ వేదికగా ఈ మ్యాచ్‌ జరుగనుంది....
10-11-2023
Nov 10, 2023, 07:27 IST
వన్డే వరల్డ్‌కప్‌ 2023లో సెమీస్‌ బెర్త్‌లు దాదాపుగా ఖరారైపోయాయి. భారత్‌, సౌతాఫ్రికా, ఆస్ట్రేలియాతో పాటు న్యూజిలాండ్‌ సెమీస్‌కు చేరడం​ దాదాపుగా...
09-11-2023
Nov 09, 2023, 21:14 IST
జీవనసహచరులు.. ఒకరినొకరు అర్థం చేసుకుంటూ పరస్పర సమన్వయంతో కలిసి నడిస్తే జీవితం సాఫీగా సాగిపోతుంది. కష్టసుఖాల్లో ఒకరికొకరు తోడుగా ఉంటూ...
09-11-2023
Nov 09, 2023, 21:00 IST
వన్డే ప్రపంచకప్‌-2023లో పాకిస్తాన్‌ సెమీస్‌ ఆశలు దాదాపు గల్లంతయ్యాయి. ఈ మెగా టోర్నీలో భాగంగా శ్రీలంకపై 5 వికెట్ల తేడాతో...

మరిన్ని ఫొటోలు



 

Read also in:
Back to Top