వైభవంగా దసరా శరన్నవరాత్రులు ప్రారంభం

యర్రగొండపాలెం: జిల్లాలోని ప్రముఖ శైవక్షేత్రమైన త్రిపురాంతకంలోని బాల త్రిపుర సుందరీదేవి ఆలయంలో దసరా శరన్నవరాత్రి మహోత్సవాలు ఆదివారం అంగరంగ వైభవంగా ప్రారంభమయ్యాయి. వేదపండితులు మంత్రోచ్ఛరణలతో ఈ ఉత్సవాలను ప్రారంభించారు. ఈ సందర్భంగా అమ్మవారు బాలత్రిపురసుందరీదేవి అలంకరణలో భక్తులకు దర్శనం ఇచ్చారు. వేదపండితులు నిర్వహించిన అమ్మవారి పల్లకిసేవ భక్తులకు కనులవిందు చేసింది. అమ్మవారి కరుణ కోసం వివిధ ప్రాంతాల నుంచి భక్తులు పాల్గొని తమ మొక్కులు చెల్లించుకున్నారు. రాత్రి అమ్మవారిని పద్మవాహనంపై ఊరేగించారు.