● రూ.25 వేలు ఖర్చు అయ్యే పనికి రూ.1.50 లక్షల వరకు చెల్లింపు ● జీబ్రా గుర్తుల్లో మున్సిపల్‌ అధికారుల చేతివాటం

● రూ.25 వేలు ఖర్చు అయ్యే పనికి రూ.1.50 లక్షల వరకు చెల్లింపు ● జీబ్రా గుర్తుల్లో మున్సిపల్‌ అధికారుల చేతివాటం ● నెలరోజుల కిందట మల్లమ్మసెంటర్‌లో ట్రాఫిక్‌ సిగ్నల్‌ కు నాలుగువైపులా రోడ్డుపై తెలుపు రంగుతో జీబ్రా పెయింట్‌ లైన్లు వేశారు. వాస్తవానికి ఈ లైన్లుకు రూ.25 వేలు లేదా రూ.30వేలకు మించి ఖర్చుకాదని కాంట్రాక్టర్లు చెబుతున్నారు. అయితే అధికారులు ఈ పనికి రూ.1.50లక్షలు నిధులు డ్రా చేశారనే ఆరోపణలు వినిపిస్తున్నాయి. ● నెలరోజుల కాలానికే ఆ జీబ్రా గుర్తులు వెలవెల బోవటం గమనార్హం.. ● తక్కువ ఖర్చుతో పనులు చేసి ఎక్కువ బిల్‌ పెట్టడంపై మహిళా ఇంజినీర్‌ అభ్యంతరం వ్యక్తం చేసినట్లు తెలిసింది. ● మున్సిపల్‌ డీఈ మహమద్‌ రఫీక్‌ను వివరణ కోరగా గుంటూరు, విజయవాడ, ఒంగోలులో అమలుచేసిన ఎస్‌ఎస్‌ఆర్‌ రేట్ల ప్రకారం ఎస్టిమేషన్‌ వేసి పనులు చేయించాం. ● చేతులతో పెయింట్‌ వేయకుండా విజయవాడ నుంచి మెషీన్‌ తెప్పించి స్వ్కేర్‌ ఫీట్‌కు రూ.800లు, జీఎస్‌టీతో కలిపి రూ.1.5లక్షల ఖర్చుతో జీబ్రా గుర్తులు వేయించాం. ● ప్రతిరోజూ ఆ ట్రాఫిక్‌ సిగ్నల్స్‌ వద్ద 85వేల వాహనాలు రాకపోకలు సాగిస్తాయని, దీని వల్ల వేసిన జీబ్రా పెయింటింగ్‌ మసకబారిందని పేర్కొన్నారు. తాము చేసిన పనిలో ఎటువంటి అవకతవకలు జరగలేదని తెలిపారు.