సర్వేకు రాని ఉపాధ్యాయులపై చర్యలు

సర్వేకు రాని ఉపాధ్యాయులపై చర్యలు

బనశంకరి: రాష్ట్ర ప్రభుత్వం చేపట్టిన కుల గణన విధులకు హాజరుకాని ఉపాధ్యాయులపై చర్యలు తీసుకోవాలని మంత్రివర్గ సమావేశంలో తీర్మానించినట్లు న్యాయశాఖమంత్రి హెచ్‌కే.పాటిల్‌ తెలిపారు. గురువారం సీఎం సిద్దరామయ్య అద్యక్షతన నిర్వహించిన క్యాబినెట్‌ భేటీలో పలు నిర్ణయాలను తీసుకున్నారు. ఆ వివరాలను పాటిల్‌ మీడియాకు వెల్లడించారు. సర్వేలో ఉపాధ్యాయులు పాల్గొనలేదని ఫిర్యాదులు అందుతున్నాయి, హాజరు కానివారిపై చర్యలు తీసుకునే అధికారం రాష్ట్ర వెనుకబడిన వర్గాల కమిషన్‌కు అప్పగించామని చెప్పారు.

కొన్ని ముఖ్య తీర్మానాలు

● డీఎస్పీ గణపతి ఆత్మహత్య మీద కేఎన్‌.కేశవనారాయణ విచారణ కమిటీ నివేదికను కేబినెట్‌ తిరస్కరించింది.

● ప్రభుత్వ అధికారులకు వారి స్థాయికి అనుగుణంగా వృత్తి నైపుణ్య కోర్సులు తప్పనిసరి

● బెంగళూరులో అడాప్టివ్‌ ట్రాఫిక్‌ సిగ్నల్స్‌ పథకానికి రూ.56.45 కోట్లు కేటాయింపు

● ఢిల్లీలో చాణక్యపురిలో రూ.16 కోట్లతో కర్ణాటక భవన్‌ అభివృద్ధి పనులు

● 2019కి ముందు ఉన్న అన్ని వాహనాల డిజిటలరీకరణ కోసం రవాణాశాఖకు

రూ.40 కోట్లు

● బెంగళూరులో పలు ప్రాంతాలలో భూగర్భ మురుగునీటి సరఫరా, నీటి శుద్ధీకరణ ప్లాంట్ల ఏర్పాటు. దేవనహళ్లి వద్ద ఐటీపార్కు, ఎలెమల్లప్పబెట్ట, సాదరమంగల తదితర ప్రాంతాలలో ఏర్పాటుకు నిర్ణయం.

కేబినెట్‌ భేటీలో నిర్ణయం