ప్రతివారం బక్సాఫీసు వద్ద కొత్త సినిమాలు సందడి చేస్తుంటాయి. అలా ఈ వారం పాన్‌ ఇండియా సినిమాతో పాటు మరిన్ని కొత్త చిత్రాలు రిలీజ్‌కు రెడీ అయ్యాయి. అలాగే ఓటీటీలు వచ్చాక సినీ ప్రియులకు వినోదం మరింత రెట్టింపు అయ్యింది. పెద్ద సినిమాలన్ని తమకు నచ్చినప్పుడు ఇంట్లోనే చూసే అవకాశం వచ్చింది. ప్రతివారం ప్రేక్షకులను అలరించేందుకు ఇటూ థియేటర్లు, అటూ ఓటీటీలు కొత్త సినిమాలతో సిద్ధమవుతాయి. గతవారం థియేటర్లో రావణాసుర, మీటర్‌  వంటి సినిమాల అలరించగా ఈ వారం శాకుంతలం వంటి పాన్‌ ఇండియా సినిమాతో పాటు పెద్ద హీరోలు చిత్రాలు వెండితెరపై సందడి చేయనున్నాయి. మరి ఈ వారం థియేటర్‌/ఓటీటీలో అలరించే చిత్రాలివే. శాకుంతలం సమంత ప్రధాన పాత్రలో నటించిన పాన్‌ ఇండియా చిత్రం శాకుంతలం. గుణశేఖర్‌ దర్శకత్వం వహించిన ఈ సినిమాలో సమంత శకుంతలగా నటించగా దుష్యంతుడి పాత్రలో దేవ్ మోహన్ నటించారు. ఫిబ్రవరి 17న విడుదల కావాల్సిన ఈ మూవీ వాయిదా పడిన సంగతి తెలిసిందే. నిర్మాణాంతర పనులను పూర్తి చేసుకున్న ఈ మూవీ ఏప్రిల్‌ 14న థియేటర్లో విడుదలకు రెడీ అయ్యింది. ఈ సినిమాలో అల్లు అర్జున్‌ ముద్దుల తనయ అర్హ కీలక పాత్ర పోషించిన సంగతి తెలిసిందే. పాన్‌ ఇండియా సినిమాతో అర్హ ఇండస్ట్రీకి పరిచయం అవుతుంటం విశేషం. ‘రుద్రుడు’గా మారిన లారెన్స్‌ రాఘవ లారెన్స్‌ హీరోగా కతిరేశన్‌ స్వీయ దర్శకత్వంలో నిర్మించిన చిత్రం ‘రుద్రుడు’. ప్రియా భవానీ శంకర్‌ కథానాయిక. శరత్‌ కుమార్‌, పూర్ణిమ భాగ్యరాజ్‌, నాజర్‌ కీలక పాత్రలు పోషించారు. ఈ సినిమా 14వ తేదీన తెలుగు, తమిళ భాషల్లో ప్రేక్షకుల ముందుకు రానుంది. విజయ్‌ సేతుపతి ‘విడుదల’ తమిళంలో మంచి విజయం సాధించిన ‘విడుదలై’ చిత్రం ఇప్పుడు తెలుగులో అలరించేందుకు రెడీ అయ్యింది. విలక్షణ నటుడు విజయ్‌ సేతుపతి, నటుడు సూరి ప్రధాన పాత్రల్లో తెరకెక్కిన ఈ చిత్రం తమిళంలో రిలీజై విమర్శకుల ప్రశంసలు అందుకుంది. ఇప్పుడు ఈ సినిమాను గీతా ఫిలిం డిస్ట్రీబ్యూషన్‌  విడుదల పేరుతో తెలుగు ప్రేక్షకుల ముందుకు తీసుకువస్తున్నారు. తమిళ దర్శకుడు వెట్రిమారన్‌ రూపొందించిన ఈ సినిమా ఏప్రిల్‌ 15న తెలుగులో విడుదల కాబోతోంది.                                                                     ఓటీటీలో అలరించే చిత్రాలు విశ్వక్‌ సేన్‌ హీరోగా నటించి, దర్శకత్వం వహించిన చిత్రం ‘దాస్ కా ధమ్కీ’. నివేదా పేతురాజ్‌, హైప‌ర్ ఆది, రంగ‌స్థ‌లం మ‌హేష్‌, రావు ర‌మేష్‌, రోహిణి త‌దిత‌రులు కీల‌క పాత్ర‌ల్లో న‌టించారు. కరాటే రాజు (విశ్వక్‌ సేన్‌ తండ్రి) నిర్మించిన ఈ చిత్రం మార్చి 22న థియేటర్లో విడుదలైంది. విశ్వక్‌ కెరీర్‌లోనే అత్యధిక ఓపెనింగ్స్‌ (తొలిరోజు రూ.8 కోట్లు) రాబట్టిన ఈ సినిమా బాక్సాఫీస్‌ మంచి విజయం సాధించింది. ఇప్పుడు ఈ మూవీ ఓటీటీలో అలరించేందుకు రెడీ అయ్యింది. విడుదలైన నెల రోజులకు ముందే దాస్‌ కా ధమ్కీ ఓటీటీకి రావడం గమనార్హం. తెలుగు ఓటీటీ ప్లాట్‌ఫామ్‌ ఆహాలో ఏప్రిల్ 14 నుంచి ఈ సినిమా స్ట్రీమింగ్ కానుంది. డిస్నీ+హాట్‌స్టార్‌ ఓ కల (తెలుగు) ఏప్రిల్‌ 13 టైనీ బ్యూటిఫుల్‌ థింగ్స్‌ (వెబ్‌సిరీస్‌) ఏప్రిల్‌ 9 నెట్‌ఫ్లిక్స్‌ ఫ్లోరియా మాన్‌ (వెబ్‌సిరీస్) ఏప్రిల్‌ 13 అబ్సెషన్‌ (వెబ్‌సిరీస్‌) ఏప్రిల్‌ 13 క్వీన్‌ మేకర్‌ (కొరియన్‌ సిరీస్‌) ఏప్రిల్‌ 14 ది లాస్ట్‌ కింగ్‌డమ్‌ (హాలీవుడ్) ఏప్రిల్‌ 14 అమెజాన్‌ ది మార్వెలస్‌ మిస్సెస్‌ (వెబ్‌సిరీస్‌) ఏప్రిల్‌ 14 జీ5 మిస్సెస్‌ అండర్‌కవర్‌ (హిందీ) ఏప్రిల్‌ 14

ప్రయోగాత్మక చిత్రాల్లో నటించే హీరోల్లో ముందువరుసలో ఉంటారు విజయ్‌ సేతుపతి. తాజాగా ఆయన ‘గాంధీ టాక్స్‌’ అనే సైలెంట్‌ ఫిల్మ్‌(డైలాగులు లేని)లో లీడ్‌ రోల్‌ చేస్తున్నారు. మరాఠి దర్శకుడు కిశోర్‌ పాండురంగ్‌ బేలేకర్‌ దర్శకత్వం వహిస్తున్న ఈ చిత్రంలో అరవింద్‌ స్వామి, అదితీరావ్‌ హైదరీ, సిద్ధార్థ్‌ జాదవ్‌ ఇతర పాత్రల్లో నటిస్తున్నారు. చదవండి: మహేశ్‌-త్రివిక్రమ్‌ చిత్రంలో మలయాళ స్టార్‌ హీరో! కాగా ఆదివారం గాంధీ జయంతి (అక్టోబరు 2) సందర్భంగా ఈ సినిమా గ్లింప్స్‌ను విడుదల చేసింది చిత్రయూనిట్‌. ‘‘డైలాగ్స్‌ లేకుండా కేవలం ఎమోషన్స్‌తోనే కథను చెప్పడం అంత సులువైన విషయం కాదు. ఈ సినిమా నాకు చాలెంజింగ్‌గా అనిపించింది’’ అని కిశోర్‌ పాండురంగ్‌ బేలేకర్‌ అన్నారు. ఏఆర్‌ రెహమాన్‌ సంగీతం అందిస్తున్న ఈ సినిమా వచ్చే ఏడాది విడుదల కానుంది. 

Kamal Haasan Vikram Success Meet Dinner Party Photos Goes Viral: యూనివర్సల్‌ స్టార్‌ కమల్‌ హాసన్‌ నటించిన 'విక్రమ్‌' బాక్సాఫీస్‌ వద్ద దుమ్ములేపుతోంది. ఇప్పటివరకు సుమారు రూ. 300 కోట్లకుపైగా వసూళ్లు కొల్లగొట్టి కొత్త రికార్డు క్రియేట్‌ చేసింది. ఈ సక్సెస్‌ జోష్‌తో చిత్రబృందం గ్రాండ్‌గా సెలబ్రేట్‌ చేసుకుంది. తియనైన వేడుకకు బదులు మంచి మాంసాహారంతో విందు జరుపుకుంది. చిత్రాన్ని డిస్ట్రిబ్యూట్‌ చేసిన వారికి, థియేటర్‌ యజమానులకు స్పెషల్ పార్టీ ఇచ్చింది. చెన్నైలో నిర్వహించిన ఈ పార్టీకి కమల్‌ హాసన్‌, లోకేష్‌ కనకరాజ్‌, అనిరుధ్‌ రవిచందర్‌, విజయ్ సేతుపతి, ఉదయనిధి స్టాలిన్‌ పాల్గొన్నట్లు తెలుస్తోంది. మూవీని సక్సెస్‌ చేసిన ప్రతి ఒక్కరికీ ధన్యవాదాలు తెలిపారు. విక్రమ్ విజయం తనకెంతో ఆనందాన్ని ఇచ్చిందని కమల్‌ హాసన్‌ పేర్కొన్నారు. విజయ్‌తో లోకేష్‌ కనకరాజ్‌ తెరకెక్కించనున్న తదుపరి చిత్రం విజయం అందుకోవాలని ఆకాంక్షించారు. విక్రమ్‌ సక్సెస్‌ తనపై బాధ్యతను పెంచిందని, ఇకపై మరిన్ని మంచి సినిమాలు తెరకెక్కించేందుకు శ్రమిస్తానని డైరెక్టర్‌ లోకేష్‌ తెలిపాడు. ఇదిలా ఉంటే ఈ డిన్నర్ పార్టీలో పాల్గొన్న వారి కోసం స్పెషల్ మెనూను ఏర్పాటు చేసింది. వెజ్‌, నాన్‌ వెజ్‌, స్వీట్స్‌, ఐస్‌ క్రీమ్స్‌తోపాటు మటన్‌ కీమా బాల్స్‌, వంజరం తవా ఫిష్‌ ఫ్రై, నాటు కోడి సూప్, ప్రాన్ పచ్చడి, మైసూర్‌ మసాల దోశ, పన్నీర్‌ టిక్కా ఇలా చాలా వెరైటీలు ఉన్నాయట.    How it Started? How it is Going!!!@ikamalhaasan @Dir_Lokesh @DirLokeshFC @DiehardKamalian @RKFI @RedGiantMovies_ @turmericmediaTM #VikramSuccessMeet #VikramMovie #VikramInAction #Vikram pic.twitter.com/97v0NJyWqB — உத்தமன் | Villain (@mr_king_mr) June 17, 2022 ఈ విందులో కమల్ హాసన్‌, లోకేష్ కనకరాజ్‌, అనిరుధ్, ఉదయనిధి స్టాలిన్ పాల్గొని అందరితో కలిసి భోజనం చేశారు. దీనికి సంబంధించిన ఫొటోలు బయటకు వచ్చాయి. ఈ ఫొటోలపై నెటిజన్లు వివిధ రకాలుగా స్పందించారు. ఈ విందుని చూసి 'విక్రమ్‌ అలా మొదలై.. ఇలా కొనసాగుతోంది' అని చెప్పుకుంటున్నారు. అంతేకాకుండా విజయ్ సేతుపతి, లోకేష్‌, అనిరుధ్‌ను కమల్‌ హాసన్‌ ఆప్యాయంగా ముద్దు పెట్టుకున్న ఫొటోలు నెట్టింట వైరల్‌ అవుతున్నాయి.    #VikramSuccessMeet - Menu of #Sappad served! pic.twitter.com/pUfrp32WnD — Sreedhar Pillai (@sri50) June 17, 2022 #Vikram team @ikamalhaasan @Dir_Lokesh @anirudhofficial @Udhaystalin sat with distributors, exhibitors and media for an excellent non-vegetarian #ChettinadSappad #Vikramsuccessmeet pic.twitter.com/eff50gMUQZ — Sreedhar Pillai (@sri50) June 17, 2022 Dinner 🥘 is on 😍#VikramSuccessMeet ✨@Udhaystalin @ikamalhaasan @Dir_Lokesh @RKFI pic.twitter.com/TclFkI7Ri5 — Vinodth Vj... (@Vinodth_Vj) June 18, 2022 #Aandavar entry with @Udhaystalin sir & @Dir_Lokesh bro !!!#VikramSuccessMeet pic.twitter.com/Vj7y62hluF — Rakesh Gowthaman (@VettriTheatres) June 17, 2022 #Loki style balamana virundhu for theatre owners / distributors / press media for #VikramRoaringSuccess !!! Whattah feast was that 😍😋 Thank You @RKFI & @RedGiantMovies_ #VikramSuccessMeet pic.twitter.com/EQT9HqW0OM — Rakesh Gowthaman (@VettriTheatres) June 17, 2022 Vikram... Vikram... Vikram..... ! Organic & Perfect Industry hit in recent times for Kollywood. That's #KamalHaasan𓃵 for you💥❤️ Thanks @Dir_Lokesh 🙏 @anirudhofficial ❤️#IndustryHitForKH #Vikram #VikramSuccessMeet pic.twitter.com/bs4JMdG0Eq — Movie Meter (@MovieMeterOff) June 18, 2022

తమిళసినిమా: అసాధారణ నటీనటులతో పని చేశాను.. అందుకు భగవంతునికి ధన్యవాదాలు తెలుపుకుంటున్నాను.. అని దర్శకుడు విఘ్నేష్‌ శివన్‌ పేర్కొన్నారు. నటుడు విజయ్‌ సేతుపతి, సమంత, నయనతార కలిసి నటించిన చిత్రం కాత్తు వాక్కుల రెండు కాదల్‌. నిర్మాత లలిత్‌కుమార్‌ సెవెన్‌ స్క్రీన్‌ స్టూడియోస్‌ సంస్థ కోసం నయనతార, విఘ్నేష్‌ శివన్‌ రౌడీపిక్చర్స్‌ సంస్థ ఫస్ట్‌కాపీ బేస్‌లో నిర్మించిన చిత్రం ఇది. దీనికి నయనతార ప్రియుడు విఘ్నేష్‌ శివన్‌ దర్శకుడు. అనిరుధ్‌ సంగీతం అందించిన ఈ చిత్ర షూటింగ్‌ ఇటీవల పాట చిత్రీకరణతో పూర్తయ్యింది. ఈ సందర్భంగా దర్శకుడు ట్విట్టర్లో చిత్ర ఫొటోలను పోస్టు చేసి దీన్ని సాధ్యం చేసిన భగవంతుడికి కృతజ్ఞతలు అని పేర్కొన్నారు. అసాధారణ నటీ నటులతో పని చేశానని, అలాంటి వారు దొరకడం నా అదృష్టం, ఒక దర్శకుడికి కలే అని అన్నారు. ఇంతకంటే గొప్ప కాంబినేషన్‌ను ఊహించలేనన్నారు. ఉత్తమ నటుడు విజయ్‌సేతుపతి, అందమైన ప్రొఫెషనల్‌ నటి నయనతార, ప్రతిభావంతమైన నటి సమంత వీళ్లంతా ఈ చిత్రాన్ని అద్భుతంగా నడిపించారని అన్నారు. చిత్రాన్ని ఈనెల 28వ తేదీన విడుదల చేయనున్నట్లు తెలిపారు.  చదవండి: Sai Pallavi : కూలీగా మారిన స్టార్‌ హీరోయిన్‌.. ఫోటో వైరల్‌

‘ది ఫ్యామిలీ మ్యాన్‌’ వెబ్‌ సిరీస్‌ ఓటీటీలో విశేష ప్రేక్షకాదరణ పోందుతూ బ్లాక్‌ బస్టర్‌గా నిలిచిన సంగతి తెలిసిందే. ఈ సిరీస్‌లో విడుదలైన రెండు సీజన్లకు ఓటీటీ వాసులు బ్రహ్మరథం పట్టారు.దీనికి కొనసాగింపుగా సీజన్‌-3 కూడా రానున్న నేపథ్యంలో మేకర్స్‌ రాజ్‌ అండ్‌ డీకే తదుపరి సీజన్‌ను ఓ రేంజ్‌లో చిత్రీకరించనున్నట్లు తెలుస్తోంది. ఇందుకోసం సౌత్‌ స్టార్‌ తమిళ నటుడు విజయ్‌ సేతుపతిని తీసుకోవాలని సన్నాహాలు చేస్తున్నట్లు సమాచారం.  ఫ్యామిలీ మ్యాన్‌-3లో విజయ్‌ నటించనున్నాడా ? ప్రస్తుతం కరోనా కారణంగా థియేటర్లు మూతపడటం, ఓటీటీ కి ప్రేక్షకాదరణ పెరగడంతో తారల అడుగు ఓటీటీ వైపు పడుతోంది. ఈ క్రమంలో ఇటీవల సామ్‌ ‘ది ఫ్యామిలీ మ్యాన్‌ 2’ వెబ్‌ సిరీస్‌తో డిజిటల్‌ రంగంలోకి అడుగుపెట్టింది. ఇదే తరహాలో ఇప్పుడు విజయ్‌ సేతుపతి కూడా ఓటీటీలో అడుగు పెట్టనున్నట్లు సమాచారం. అసలు సీజన్‌-2 కే సేతుపతి నటించాల్సి ఉండగా అది కుదరలేదు. కాగా తదుపరి సీజన్‌లో విజయ్‌ సేతుపతి రాకతో ఈ సిరీస్‌ కు మరింత హైప్‌ తీసుకురావాలని మేకర్స్‌ ఆ దిశగా ప్రయత్నాలు చేస్తున్నట్లు వార్త‌లు వ‌స్తున్నాయి. మ‌రి విజ‌య్ సేతుప‌తి నిజంగానే ఫ్యామిలీ మ్యాన్‌లో న‌టించ‌నున్నాడా? న‌టిస్తే ఏ పాత్ర‌లో క‌నిపించ‌నున్నాడ‌న్న దానిపై అధికారికంగా స్పష్టత రావాల్సి ఉంది. కాగా ఉగ్ర‌వాదం నేప‌థ్యంలో తెర‌కెక్కిన ఈ సిరీస్ అంద‌రినీ ఆక‌ట్టుకుంది. మొద‌టి సిరీస్‌కు కొన‌సాగింపుగా వ‌చ్చిన ‘ఫ్యామిలీ మ్యాన్‌-2’ కూడా అదే స్థాయిలో దూసుకుపోతోంది. ఇక సీజన్‌ 2 లో ప్రత్యేకంగా చెప్పలాంటే సమంత తన నటనతో సీజన్‌కే హైలెట్‌గా నిలిచింది. ఇందులో సామ్‌ నటనతో పాటు స్టంట్స్‌ కూడా ఇరగదీసిందనే చెప్పాలి. చదవండి: ‘అర్జున్‌ రెడ్డి’లా పవన్‌ కల్యాణ్‌.. ఓ రేంజ్‌లో వైరల్‌ అవుతున్న ఓల్డ్‌ పిక్‌

ఎస్పీ బాలసుబ్రమణ్యం నుంచి ఎంతో నేర్చుకున్నానని గాయని చిత్ర పేర్కొన్నారు. ఎస్పీబీ గత నెల 25న మృతిచెందిన విషయం తెలిసిందే. బుధవారం సాయంత్రం సినీ పరిశ్రమ ఎస్పీ బాలసుబ్రమణ్యం సంతాప సభను నిర్వహించింది. నగరంలోని ఒక నక్షత్ర హోటల్లో జరిగిన ఈ కార్యక్రమానికి నటులు విజయ్‌సేతుపతి, ప్రసన్న, వివేక్, జయరామ్, పార్థిబన్, దర్శకుడు శీనూస్వామి, గాయని చిత్ర, గాయకుడు మనో పాల్గొని ఎస్పీ బాలసుబ్రహ్మణ్యంతో తమ అనుబంధాన్ని నెమరువేసుకున్నారు. ఆయన సాధించిన కీర్తి కెరటాలను శ్లాఘించారు. గాయని చిత్ర మాట్లాడుతూ ఇలాంటి కార్యక్రమంలో పాల్గొంటానని కలలో కూడా ఊహించలేదని అన్నారు. ఆయన నుంచి ఎంతో నేర్చుకున్నానని చిత్ర పేర్కొన్నారు. ఈ సంతాప సభకు రాలేకపోయిన దర్శకుడు భారతీరాజా ఎస్పీబీతో తన అనుబంధాన్ని పంచుకుంటూ ఒక వీడియా పంపించారు. అదేవిధంగా ప్రఖ్యాత గాయకుడు ఎస్పీ బాలసుబ్రమణ్యంను ఒకసారి కూడా ప్రత్యక్షంగా కలుసుకోలేకపోవడం తన దురదృష్టమని నటుడు విజయ్‌సేతుపతి వాపోయారు. ఎస్పీ బాలసుబ్రహ్మణ్యం కుమారుడు ఎస్పీ చరణ్, గాయని శైలజ, ఇతర కుటుంబసభ్యులు పాల్గొన్నారు. వారిని సినీ ప్రముఖులు పరామర్శించారు. ఈ సందర్భంగా తన తండ్రికి సంతాప సభ నిర్వహించిన చిత్ర పరిశ్రమ ప్రముఖులకు ఎస్పీ చరణ్‌ కృతజ్ఞతలు తెలిపారు.  (సీఎం జగన్‌కు కృతజ్ఞతలు)

హైదరాబాద్‌: విలక్షణ నటుడు క‌మ‌ల్ హాసన్‌ తనయ శ్రుతి హాస‌న్ మ‌ళ్ళీ టాలీవుడ్‌లోకి రీ ఎంట్రీ ఇస్తున్నారు.  మైఖేల్ కోర్సెల్ అనే వ్య‌క్తితో ప్రేమలో మునిగితేలిన శ్రుతి దాదాపు రెండేళ్లు సినిమాలకు దూరంగా ఉన్న సంగతి తెలిసిందే. ఇటీవల వీరి మధ్య అనుబంధానికి బ్రేక్‌ పడటంతో శ్రుతి మళ్లీ సినిమాల మీద ఫోకస్‌ చేస్తున్నారు.  విజయ్‌ సేతుపలి సరసన ‘లాభం’ సినిమాలో నటిస్తున్న ఆమె తాజాగా తెలుగులో మరో సినిమాకు కమిట్‌ అయ్యారు. మాస్‌ మహారాజ రవితేజ హీరోగా దర్శకుడు మలినేని గోపీచంద్‌ తెరకెక్కిస్తున్న సినిమాలో శ్రుతి హీరోయిన్‌గా నటిస్తున్నారు. ఇది రవితేజ 66వ సినిమా. దీనిని నిర్మాత బీ మధు నిర్మిస్తుండగా.. ఇందులో శ్రుతి నటిస్తున్న విషయాన్ని కన్‌ఫర్మ్‌ చేస్తూ చిత్ర యూనిట్‌ ట్వీట్‌ చేసింది. వాటే స్టంట్స్‌..! ఇక, రైతు సమస్యలు నేపథ్యంగా తెరకెక్కుతున్న ‘లాభం’ సినిమాలో విజయ్‌ సేతుపతితో శృతి రొమాన్స్‌ చేస్తున్నారు. ఈ సినిమాలో ఓ పాట కోసం శ్రుతి అద్భుతమైన స్టంట్స్‌ చేసినట్టు తెలుస్తోంది. శ్రుతి చేసిన విన్యాసాలకు సంబంధించిన ఫొటోలు ప్రస్తుతం సోషల్‌ మీడియాలో వైరల్‌ అవుతున్నాయి. ఫ్యాన్స్‌ ఆమెను ప్రశంసల వర్షంలో ముంచెత్తున్నారు. ‘లాభం’. చిత్రాన్ని ఆరుముగ కుమార్‌తో కలిసి విజయ్‌ సేతుపతి స్వయంగా నిర్మించారు. ఇందులో ఆయన రైతు నేతగా నటిస్తున్నారు. ఇక, అమెరికాకి చెందిన ‘ట్రెడ్‌స్టోన్‌’లో శ్రుతి  కీల‌క పాత్ర పోషిస్తున్నారు.

చెన్నై : హీరోయిన్‌ ఆండ్రియాకు సూపర్‌ చాన్స్‌ వరించడంతో ఎగిరి గంతేస్తున్నారు. ఏకంగా ఇళయ దళపతి విజయ్‌తో కలిసి నటించే అవకాశాన్ని కొట్టేసింది ఈ అమ్మడు. నిత్యం ఏదో ఒక వివాదంతో వార్తల్లో ఉండే ఈ సుందరి మల్టీ టాలెంటెడ్‌ అన్న విషయం తెలిసిందే. ఆండ్రియాలో మంచి గాయనీ, రచయిత ఉన్నారు. ఈ అమ్మడు చివరిసారిగా 'వడచెన్నై' అనే చిత్రంలో కనిపించింది. ఇటీవలే ఆండ్రియా ఒక సంచలన విషయాన్ని మీడియాకు విడుదల చేసి వార్తల్లో నిలిచింది. ‘వివాహితుడైన ఒక నటుడిని నమ్మి ఆయనతో సహజీవనం చేశాను. నేను అతని చేతిలో శారీరకంగానూ, మానసికంగానూ చాలా వేధింపులకు గురయ్యాను’ అని పేర్కొన్నారు. ఆ బాధ నుంచి తేరుకోవడానికి ఆయుర్వేద చికిత్సను తీసుకొని మళ్లీ మామూలు వ్యక్తిని కాగలిగానని ఆండ్రియా తెలిపారు. అయితే ఈ మధ్యనే ఆండ్రియా ఒక పుస్తకాన్ని రాశారు. ఆ పుస్తకంలో తనను వేధింపులకు గురి చేసిన వ్యక్తి పేరు, అతని వివరాలు పొందిపరిచినట్లు పేర్కొన్నారు. త్వరలోనే పుస్తకాన్ని బయటకు తీసుకురావాలనుకోగా, కొందరు బెదిరింపులకు పాల్పడినట్లు సోషల్‌ మీడియాలో వైరల్‌ అయింది. ఇలాంటి పరిస్థితుల్లో నటి ఆండ్రియాకు ఇళయ దళపతి విజయ్‌తో నటించే అవకాశం తలుపు తట్టింది. ఈ ఒత్తిడిలో నిజంగా ఇది ఆండ్రియాకు ఉపశమనం కలిగించే విషయమే. బిగిల్‌ సినిమాతో బ్లాక్‌బాస్టర్‌ అందుకున్నవిజయ్‌ 'మానగరం', 'ఖైదీ' చిత్రాల ఫేమ్‌ లోకేశ్‌ కనకరాజ్‌ దర్శకత్వంలో నటిస్తున్నారు. ఇటీవలే ప్రారంభమయిన ఈ చిత్ర షూటింగ్‌ శరవేగంగా చిత్రీకరణను జరుపుకుంటోంది. మరో విశేషమేమిటంటే ఈ చిత్రంలో నటుడు విజయ్‌ సేతుపతి విలన్‌గా నటిస్తున్నారు. హీరోయిన్‌గా మాళవిక మోహన్‌ను ఇప్పుటికే ఎంపిక చేసినట్లు చిత్రబృందం ప్రకటించింది. తాజాగా మరో ముఖ్య పాత్రకు ఆండ్రియాను తీసుకున్నట్లు వెల్లడించారు. కాగా ఈ చిత్రంతో ఆండ్రియా కోలీవుడ్‌లో మరోసారి చక్రం తిప్పుతుందేమో చూడాలి.   

సినిమా: దళపతి విజయ్‌ కథా నాయకుడు, మక్కళ్‌ సెల్వన్‌ విజయ్‌ సేతుపతి ప్రతినాయకుడు అయితే ఆ చిత్రం ఎలా ఉంటుంది. మజాగుం టుంది కదా! అయినా అది జరిగే పనేనా అని అనుకుంటున్నారా? జరగబోతోందండీ. విజయ్‌ హీరోగా నటిం చనున్న తాజా చిత్రంలో విజయ్‌సేతుపతి విలన్‌గా నటించనున్నారు. అవును ఇది అధికార వార్తే. నటుడు విజయ్‌ ప్రస్తుతం బిగిల్‌ చిత్రాన్ని పూర్తి చేసే పనిలో ఉన్నారు. ఆయనకు జంటగా నయనతార నటిస్తున్న ఈ చిత్రానికి అట్లీ దర్శకుడు. ఏజీఎస్‌ సంస్థ నిర్మిస్తున్న ఈ చిత్రం షూటింగ్‌ పూర్తి చేసుకుని నిర్మాణాంతర కార్యక్రమాల్లో ఉంది. దీపావళి తెరపైకి రావడానికి ముస్తాబవుతోంది. దీంతో విజయ్‌ తదుపరి చిత్రానికి రెడీ అవుతున్నారు. దీనికి లోకేశ్‌ కనకరాజ్‌ దర్శకత్వం వహిస్తున్నారు. ఇందులో బాలీవుడ్‌ బ్యూటీ కియారాఅద్వాని హీరోయిన్‌గా నటించే అవకాశం ఉందనే ప్రచారం జరుగుతోంది. దీన్ని ఎక్స్‌బీ ఫిలింస్‌ క్రియేషన్స్‌ పతాకంపై జవీర్‌ బ్రింటో నిర్మించనున్నారు. ఇది విజయ్‌ 64వ చిత్రం. దీనికి సంబంధించిన ఫ్రీప్రొడక్షన్‌ కార్యక్రమాలు ముమ్మరంగా జరగుతున్నాయి. అక్టోబరు తొలివారం నుంచి ఈ సంచలన చిత్రం సెట్‌పైకి వెళ్లనున్నట్లు సమాచారం. కాగా ఇందులో నటుడు విజయ్‌సేతుపతి విలన్‌గా నటించనున్న విషయాన్ని సోమవారం చిత్ర వర్గాలు అధికారికంగా ప్రకటించారు. ఇందు కోసం ఆయనకు పారితోషికం భారీగానే ముట్ట జెబుతున్నట్లు వినికిడి. విజయ్‌సేతుపతి కోలీవుడ్‌ సక్సెస్‌ఫుల్‌ హీరోగా రాణిస్తున్న విషయం తెలిసిందే. పాత్రలో వైవిధ్యం ఉంటే అది ఎలాంటిదైనా చేయడానికి సిద్ధం అంటున్నారు. అలా పేట చిత్రంలో రజనీకాంత్‌ను ఢీకొనే పాత్రలోనే నటించారు. ఇక సైరా నరసింహారెడ్డి చిత్రంలో విలక్షణ పాత్రలో కనిపించనున్నారు. అదే విధంగా ఇప్పుడు విజయ్‌కు విలన్‌గా మారడానికి రెడీ అవుతున్నారు.

అదేంటి.. అతని సినిమాలో అతనే విలన్‌గా నటించనున్నారని అనుకుంటున్నారా? ఆ ఇద్దరు విజయ్‌లు ఎవరని అనుకంటున్నారా? అసలు విషయం ఏంటంటే.. ఇళయ దళపతి విజయ్‌ సినిమాలో మక్కల్‌ సెల్వన్‌ విజయ్‌ సేతుపతి ఓ ముఖ్య పాత్రలో నటిస్తున్నారు. ఇళయ దళపతి విజయ్‌ తదుపరి చిత్రంలో విజయ్‌ సేతుపతి విలన్‌ క్యారెక్టర్‌ను పోషిస్తున్నట్లు తెలుస్తోంది. ఈ మేరకు షూటింగ్‌లో జాయిన్‌ అయినట్లు మేకర్స్‌ప్రకటించారు. దీనికి సంబంధించి ఓ పోస్టర్‌ణు కూడా రిలీజ్‌చేశారు. ప్రస్తుతం ఈ పోస్టర్‌సోషల్‌ మీడియాలో వైరల్‌ అవుతోంది. విజయ్‌ ప్రస్తుతం అట్లీ దర్శకత్వంలో బిగిల్‌ అనే సినిమాతో ప్రేక్షకుల ముందుకు వచ్చేందుకు రెడీ అవుతున్నాడు. సైరా సినిమాతో తెలుగు ప్రేక్షకులను పలకరించేందుకు విజయ్‌ సేతుపతి సిద్దంగా ఉన్నాడు.

ఆశ్చర్య కదా.. ‘అశ్చర్య’ అని ఉందేంటి అనుకుంటున్నారా? అయితే చదవండి. గత ఏడాది ‘అ!’తో అందర్నీ ఆశ్చర్యపరిచారు ప్రశాంత్‌ వర్మ. ఇప్పుడు ఇంకోసారి అశ్చర్యపరచడానికి ప్రశాంత్‌ వర్మ సిద్ధమయ్యారని తెలిసింది. నాని నిర్మాణంలో కాజల్‌ అగర్వాల్, నిత్యామీనన్, రెజీనా, అవసరాల శ్రీనివాస్‌ ముఖ్యపాత్రల్లో నటించిన చిత్రం ‘అ!’. ఈ సినిమాకు సీక్వెల్‌ ప్లాన్‌ చేశారు ప్రశాంత్‌ వర్మ. స్క్రిప్ట్‌ పనులు కూడా పూర్తయ్యాయని తెలిసింది. ఇందులో కాజల్, తమిళ నటుడు విజయ్‌ సేతుపతి నటిస్తారని ప్రచారం జరుగుతోంది. అయితే ఇంకా నటీనటుల గురించి ఏమీ అనుకోలేదని యూనిట్‌ సన్నిహిత వర్గాలు తెలిపాయి.

కెమెరా పట్టుకుని కెన్యా అడవుల్లో క్లిక్‌మనిపిస్తున్నారు శర్వానంద్‌. ఎందుకంటే వైల్డ్‌లైఫ్‌ ఫొటోగ్రాఫర్‌గా మారారు శర్వా. తమిళంలో విజయ్‌ సేతుపతి, త్రిష జంటగా నటించిన సూపర్‌ హిట్‌ మూవీ ‘96’ తెలుగు రీమేక్‌లో శర్వానంద్, సమంత జంటగా నటిస్తున్న విషయం తెలిసిందే. ఇందులో శర్వా వైల్డ్‌ లైఫ్‌ ఫొటోగ్రాఫర్‌ పాత్రలో కనిపిస్తారు. తమిళ మాతృకకు దర్శకత్వం వహించిన సి. ప్రేమ్‌కుమార్‌ దర్శకత్వంలోనే ఈ రీమేక్‌ రూపొందుతోంది. ‘దిల్‌’ రాజు  నిర్మిస్తున్నారు. ఈ సినిమా చిత్రీకరణ శనివారం కెన్యాలో మొదలైంది. ఈ షెడ్యూల్‌ 15 రోజుల పాటు సాగనుంది. ఈ షెడ్యూల్‌లో ముఖ్యంగా శర్వానంద్‌పై కీలక సన్నివేశాలను చిత్రీకరిస్తారు. సినిమాలో వైల్డ్‌ లైఫ్‌ బ్యాక్‌డ్రాప్‌లో సాగే దృశ్యాల చిత్రీకరణను ఈ షెడ్యూల్‌లో పూర్తి చేయాలనుకుంటున్నారు. అలాగే ఆ మధ్య మారిషస్‌లో జరిగిన షెడ్యూల్‌లో ఓ సాంగ్‌లో భాగంగా శర్వానంద్‌ స్కూబా డైవ్‌ చేశారు. కెన్యా షెడ్యూల్‌ తర్వాత  హైదరాబాద్, వైజాగ్‌లలో కూడా కీలకమైన సన్నివేశాలను చిత్రీకరిస్తారు. జూలై లోపు ఈ సినిమా షూటింగ్‌ను కంప్లీట్‌ చేయాలనే ఆలోచనలో ఉన్నారు టీమ్‌. ఈ సినిమాకు గోవింద్‌ వసంత సంగీతం అందిస్తున్నారు. మహేంద్రన్‌ ఛాయాగ్రాహకులుగా వ్యవహరిస్తున్నారు.

ప్రస్తుతం తమిళంలో మంచి ఫామ్‌లో ఉన్న హీరో విజయ్‌ సేతుపతి. రీసెంట్‌గా రజనీకాంత్‌ ‘పేట్టా’లో కూడా కనిపించారు. ఇప్పుడీ హీరో చిరంజీవి నటిస్తున్న ‘సైరా: నరసింహారెడ్డి’ చిత్రం ద్వారా తెలుగు పరిశ్రమకు పరిచయం అవుతున్నారు. ఉయ్యాలవాడ నరసింహారెడ్డి జీవితం ఆధారంగా తెరకెక్కుతున్న చిత్రం ‘సైరా’. సురేందర్‌రెడ్డి దర్శకుడు. రామ్‌చరణ్‌ నిర్మిస్తున్నారు. నయనతార, తమన్నా కథానాయికలు. అమితాబ్‌ బచ్చన్, జగపతిబాబు, కిచ్చా సుదీప్, విజయ్‌ సేతుపతి ముఖ్య పాత్రల్లో కనిపించనున్నారు. నిన్న విజయ్‌ సేతుపతి పుట్టిన రోజు. ఈ సందర్భంగా ‘సైరా’ సినిమాలో ఆయన  పోషిస్తున్న ‘రాజా పాండీ’ లుక్‌ని రిలీజ్‌ చేసింది చిత్రబృందం. ఈ చిత్రంలో తమిళ సైన్యానికి సేనాధిపతిగా ఆయన పాత్ర ఉంటుందని సమాచారం.

ఈ ఏడాది తమిళనాట సూపర్‌ హిట్‌ సినిమాల్లో ‘96’ ఒకటి. విజయ్‌ సేతుపతి, త్రిష నటించిన ఈ మ్యాజికల్‌ లవ్‌ స్టోరీ వేరే ఇండస్ట్రీల్లోనూ రీమేక్‌ అవుతోంది. తెలుగులో ఈ చిత్రం హక్కులను నిర్మాత ‘దిల్‌’ రాజు సొంతం చేసుకున్నారు. ఇప్పుడీ చిత్రం కన్నడంలోనూ రీమేక్‌ కానుంది. పెళ్లి తర్వాత సినిమాలకు దూరంగా ఉన్న మలయాళ నటి భావన ఈ చిత్రం ద్వారా కమ్‌బ్యాక్‌ ఇవ్వనున్నారు. గణేశ్, భావన ముఖ్య పాత్రల్లో నటించనున్న ఈ చిత్రానికి ‘99’ అనే టైటిల్‌ను ఫిక్స్‌ చేసినట్టు సమాచారం.

తమిళసినిమా: నా మొదటి ప్రేమికుడు ఆయనే అని చెబుతోంది నటి పార్వతీ నాయర్‌. దుబాయ్‌లో పుట్టి పెరిగిన ఈ మలయాళీ భామ తొలుత మోడలింగ్‌ రంగంలోకి ప్రవేశించి ఆ తరువాత వెండి తెరకు ఎంట్రీ ఇచ్చింది. మొదట్లో మాతృభాషా చిత్రాలకే పరిమితం అయినా ఆ తరువాత తమిళం, తెలుగు, కన్నడం అంటూ దక్షిణాది సినిమాను తిరగేస్తోంది. అయితే గ్లామర్‌కు హద్దులు లేవన్నట్లు అందాలారబోతకు సిద్ధం అంటున్నా, ఇంకా ఈ బ్యూటీకి సరైన హిట్‌ పడలేదనే చెప్పాలి. కోలీవుడ్‌లో జయంరవితో కలిసి నిమిర్న్‌దు నిల్‌ చిత్రంతో కోలీవుడ్‌కు రంగప్రవేశం చేసిన పార్వతీనాయర్‌ ఆ తరువాత అజిత్‌తో కలిసి గౌతమ్‌మీనన్‌ దర్శకత్వంలో ఎన్నై అరిందాల్‌ చిత్రంలో నటించి గుర్తింపు పొందింది. ఆ తరువాత ఉదయనిధి స్టాలిన్‌లో నిమిర్, శాంతనుతో కోడిట్ట ఇడంగళై నిరంబుగ చిత్రాల్లో కథానాయకిగా నటించింది. ప్రస్తుతం విజయ్‌సేతుపతితో కలిసి నటించిన సీతాక్కాది చిత్రం విడుదల కోసం ఎదురుచూస్తోంది. ఈ సందర్భంగా ఈ అమ్మడు ఒక ఇంటర్వ్యూలో ప్రేమ గురించి మాట్లాడుతూ తనకు పాఠశాలలో చదువుకునే వయసులోన పలువురిపై ప్రేమ పుట్టిందని చెప్పింది. అలా తన మొదటి ప్రేమికుడు నటుడు అజిత్‌నేనని పేర్కొంది. అలాంటిది తాను ఆయనతో ఎన్నైఅరిందాల్‌ చిత్రంలో నటించే అకాశం కలగడం మరచిపోలేని అనుభవం అని అంది. సాధారణంగా ఏ హీరోయిన్‌కైనా నటుడు అజిత్‌తో కలిసి ఒక్క చిత్రంలో ఒక్క సన్నివేశంలోనైనా నటించాలన్న ఆశ ఉంటుంది. నటి పార్వతీనాయర్‌ కూడా అలాంటి కోరికతోనే ఎన్నై అరిందాల్‌ చిత్రంలో అజిత్‌తో కాకపోయినా ఆయన చిత్రంలో తానుండాలని, నటుడు అరుణ్‌విజయ్‌కు జంటగా నటించిదట. అజిత్‌ అంటే సినీమా హీరోయిన్లే కాదు సాధారణ యువతులు ఇష్టపడతారు. ఆయన వ్యక్తిత్వం అలాంటిది మరి. 

విజయ్‌ సేతుపతి.. తన సహజ నటనతో తమిళ ప్రేక్షకుల మనసును దోచుకున్నాడు. అటు మాస్‌ ఆడియెన్స్‌ ఫాలోయింగ్‌ ఉన్నా.. తన క్లాస్‌ యాక్టింగ్‌తో విజయ్‌ అందరికీ చేరువయ్యాడు. రీసెంట్‌గా 96 సినిమాతో మరోసారి సూపర్‌హిట్‌ను కొట్టాడు. అయితే ప్రస్తుతం తమిళనాట విజయ్‌ సేతుపతి నటించే తదుపరి చిత్రం గురించి చర్చ నడుస్తోంది. భారతీయుడులో కమల్‌హాసన్‌ గెటప్‌లా ఉందని నెగెటివ్‌ కామెంట్‌ వచ్చినా.. విజయ్‌ ఆ లుక్‌లో అందరినీ ఆకట్టుకున్నాడు. ‘సీతాకది’ సినిమాలోని ఈ లుక్‌ వైరల్‌ అవుతోంది. అయితే ఈ సినిమా రిలీజ్‌కు దగ్గర పడుతుండటంతో ప్రమోషన్‌ కార్యక్రమాలు పెంచింది చిత్రయూనిట్‌. షాపింగ్‌ మాల్స్‌,  మల్టీప్లెక్స్‌లో సీతాకది చిత్రంలోని గెటప్‌లతో కూడిన మైనపు బొమ్మలను ఏర్పాటు చేశారు. వీటికి విశేషమైన స్పందన వస్తోంది. ఇవి ప్రస్తుతం సెల్ఫీ స్పాట్‌లుగా మారడటంతో అక్కడ సందడి వాతావరణం నెలకొంది. విజయ్‌ సేతుపతికి ఇది 25వ చిత్రం కాగా.. ఈ మూవీ డిసెంబర్‌ 20న విడుదల కానుంది.    

సంక్రాంతి పండక్కి వెండితెరపై రజనీకాంత్‌ సందడి చేయడం కన్ఫార్మ్‌ అయిపోయింది. కార్తీక్‌ సుబ్బరాజ్‌ దర్శకత్వంలో రజనీకాంత్‌ హీరోగా నటించిన చిత్రం ‘పేట్టా’. ఇందులో నవాజుద్దీన్‌ సిద్ధిఖీ, విజయ్‌ సేతుపతి, సిమ్రాన్, త్రిష, మేఘా ఆకాష్, మాళవిక మోహనన్‌ కీలక పాత్రలు పోషించారు. సన్‌పిక్చర్స్‌ సంస్థ నిర్మించింది. ఈ సిని మాను సంక్రాంతి పండక్కి రిలీజ్‌ చేస్తున్నట్లు చిత్రబృందం ప్రకటించి, కొత్త పోస్టర్‌ను రిలీజ్‌ చేసింది. ‘‘అవును... తలైవర్‌ (నాయకుడు) రజనీకాంత్‌ సంక్రాంతికి వస్తున్నారు’’ అని కార్తీక్‌ సుబ్బరాజ్‌ పేర్కొన్నారు. ‘‘రజనీకాంత్‌సార్‌ సరసన నటిస్తానని ఊహించలేదు. చాలా సంతోషంగా ఉంది’’ అన్నారు సిమ్రాన్‌. డైరెక్టర్లు మహేంద్రన్, శశికుమార్, నటులు బాబీ సింహా, సనత్‌రెడ్డి తదితరులు నటించిన ఈ సినిమాకు అనిరు«ద్‌ రవిచంద్రన్‌ స్వరకర్త. ఈ సినిమా జనవరి 10న విడుదల అవుతుందని కోలీవుడ్‌ టాక్‌. రజనీకాంత్‌ కెరీర్‌లో బ్లాక్‌ బస్టర్‌గా నిలిచి, ట్రెండ్‌ సెట్‌ చేసిన ‘బాషా’ తర్వాత సంక్రాంతికి విడుదలవుతున్న ఆయన సినిమా ‘పేట్టా’ కావడం విశేషం. ఈ సంగతి ఇలా ఉంచితే.. రజనీకాంత్‌ నటించిన ‘2.ఓ’ ఈ నెల 29న విడుదల కానున్న సంగతి తెలిసిందే.

తమిళసినిమా: ప్రశ్నిస్తే పక్కన పెట్టేస్తున్నారంటూ నటి రమ్యానంబీశన్‌ ఆవేదన వ్యక్తం చేసింది. కోలీవుడ్‌లో పిజా, సేతుపతి, మెర్కూరీ వంటి పలు చిత్రాల్లో నటించిన ఈ కేరళా బ్యూటీ తాజాగా నటించిన నట్పున్నా ఎన్నాన్ను తెరియుమా విడుదలకు సిద్ధం అవుతోంది. మాతృభాషతో పాటు కన్నడంలోనూ నటించి బహుభాషా నటిగా పేరు తెచ్చుకున్న ఈ అమ్మడికిప్పుడు మలయాళంలో అవకాశాలు రావడం లేదట. దీని గురించి రమ్యానంబీశన్‌ ఒక భేటీలో తెలుపుతూ ఇప్పుడు మహిళలకు మీటూ అనేది ఒక పెద్ద అలలా వెలుగులోకి వచ్చిందని అంది. అయితే దీని ఏడాది ముందే మలయాళ సినిమాకు చెందిన మహిళల భద్రత కోసం డబ్ల్యూసీసీ పేరుతో ఒక సంఘాన్ని ఏర్పాటు చేశారని చెప్పింది. అయితే ఈ సంఘం ద్వారా  నటీమణులు తమ సమస్యల గురించి న్యాయమైన రీతిలో ప్రశ్నించగా అలాంటి వారిని మాలీవుడ్‌ అవకాశాలు కల్పించకుండా పక్కన పెట్టేస్తోందని చెప్పింది. ఈ అమ్మడు కోలీవుడ్‌నే నమ్ముకున్నట్లు తెలుస్తోంది. రమ్యానంబీశన్‌ తాజాగా నటుడు విజయ్‌సేతుపతికి జంటగా నటించిన సీతకాది చిత్రం విడుదలకు ముస్తాబవుతోంది.   

విజయ్‌ సేతుపతి, త్రిష జంటగా నటించిన ‘96’ సినిమా ఇటీవలె విడుదలైన సంగతి తెలిసిందే. తమిళ నాట ఈ మూవీ సూపర్‌హిట్‌ టాక్‌తో దూసుకెళ్తోంది. ఈ చిత్రాన్ని తెలుగులో కూడా రీమేక్‌ చేయాలని కొందరు నిర్మాతలు ప్రయత్నిస్తున్నారు.  అయితే ఈ చిత్రం ఇప్పటికీ విజయవంతంగా థియేటర్లలో రన్‌ అవుతోంది. దీపావళి కానుకగా సన్‌ నెట్‌వర్క్‌ ఈ చిత్రాన్ని టీవీలో ప్రదర్శించబోతున్నట్లు ప్రకటించింది. దీనిపై త్రిష సోషల్‌ మీడియాలో స్పందిస్తూ.. ‘ఇప్పటికీ 80 శాతం థియేటర్లలో సినిమాను ప్రదర్శిస్తున్నారు. అలాంటప్పుడు ఇంత త్వరగా సినిమా ప్రీమియర్‌ షో వేయడం కరెక్ట్‌ కాదు. సంక్రాంతికి ప్రీమియర్‌ షో వేస్తే బాగుంటుందని నా అభిప్రాయం’ అంటూ త్రిష ట్వీట్‌ చేసింది.  Its our 5th week and we still have an 80% occupancy in all theatres.We as a team feel its unfair to be premiering 96 this early. Its our request to push it to a Pongal viewing pls @SunTV Will be grateful #96thefilm #Ban96MoviePremierOnSunTv — Trish Krish (@trishtrashers) 3 November 2018

సినిమా: సినీరంగంలో హిట్‌తో పాటు లక్కు అవసరం. అలా సక్సెస్‌ను చూసినా నటి తాన్యా రవిచంద్రన్‌కు చిన్న గ్యాప్‌ వచ్చింది. ఇది తనే తీసుకున్న విరామమో, లేక సరైన అవకాశాలు రాకో తెలియదు గానీ మూడు చిత్రాలు చేసిన తరువాత సినిమాలకు కాస్త దూరం అయ్యిందీ బ్యూటీ. ఇంతకీ తాన్యా ఎవరో తెలిసే ఉంటుంది. దివంగత సీనియర్‌ నటుడు రవిచంద్రన్‌ మనవరాలు. నట కుటుంబం నుంచి వచ్చిన ఈ బామ వెల్లయదేవా చిత్రంతో హీరోయిన్‌గా పరిచయం అయ్యింది. ఆ తరువాత బృందావనం, కరుప్పన్‌ చిత్రాలలో నటించింది. వీటిలో విజయ్‌సేతుపతికి జంటగా నటించిన కరుప్పన్‌ చిత్రం సక్సెస్‌ అయ్యింది. ఆ తరువాత మరో చిత్రం చేయలేదు. తాజాగా సిబిరాజ్‌తో రొమాన్స్‌ చేసే అవకాశం ఈ ముద్దుగుమ్మను వరించింది. మాయాన్‌ పేరుతో తెరకెక్కుతున్న ఈ చిత్రానికి ఎన్‌.కిశోర్‌ దర్శకత్వం వహిస్తున్నారు. ఇళయరాజా సంగీతాన్ని, సత్యన్‌ సూర్యన్‌ ఛాయాగ్రహణను అందిస్తున్న ఈ చిత్రాన్ని గ్రీన్‌ ప్రొడక్షన్స్, మూ మెంట్‌ ఎంటర్‌టెయిన్‌మెంట్‌ సంస్థలు కలిసి నిర్మిస్తున్న ఈ చిత్ర మోషన్‌ పోస్టర్‌ను చిత్ర వర్గాలు గత ఆగస్ట్‌ 27వ తేదీనే విడుదల చేశారు. ఈ చిత్రంతోనైనా నటి తాన్యాకు బ్రైట్‌ ఫ్యూచర్‌ కలుగుతుందేమో చూద్దాం. కాగా నిర్మాణ దశలో ఉన్న మాయాన్‌ చిత్రం విడుదల హక్కులను డబుల్‌ మీనింగ్‌ ప్రొడక్షన్స్‌ సంస్థ పొందింది. ఈ సంస్థ ఇప్పటికే మిష్కిన్‌ దర్శకత్వంలో ఉదయనిధిస్టాలిన్‌ హీరోగా నటిస్తున్న సైకో చిత్ర విడుదల హక్కులను కొనుగోలు చేశారన్నది గమనార్హం. 

క్యారెక్టర్‌ ఆర్టిస్ట్‌ నుంచి సక్సెస్‌ఫుల్‌ హీరోగా ఎదిగారు తమిళ నటుడు విజయ్‌ సేతుపతి. మధ్యలో హీరో నుంచి విలన్‌గా కూడా మారారు. ఇప్పుడు మరో కొత్త పాత్ర పోషించడానికి విజయ్‌ సేతుపతి రెడీ అయ్యారని కోలీవుడ్‌ టాక్‌. త్వరలోనే ఆయన ఓ టెలివిజన్‌ నిర్వహించే టాక్‌ షోకు హోస్ట్‌గా వ్యవహరించనున్నారట. ఆమిర్‌ ఖాన్‌ చేసిన ‘సత్యమేవ జయతే’ షో తరహాలోనే ఈ కార్యక్రమం కూడా సామాజిక స్పృహ కలిగి ఉంటుందని సమాచారం. షో కాన్సెప్ట్‌ నచ్చడంతో వెంటనే చేయడానికి అంగీకరించారట విజయ్‌ సేతుపతి. త్వరలో ప్రారంభం కానున్న ఈ షోలో సేతుపతి కొత్త లుక్‌తో దర్శనమిస్తారట.

సినిమా: 96 చిత్రం చూసిన తరువాత ఆ చిత్ర కథానాయకి త్రిష నిజ జీవితంలో రామ్‌ ఎవరన్న ప్రశ్న ఆమె అభిమానుల్లో తలెత్తుతోంది. విజయ్‌సేతుపతి, త్రిష జంటగా నటించిన చిత్రం 96. ఇటీవల ఎలాంటి అంచనాలు లేకుండా తెరపైకి వచ్చిన ఈ చిత్రం ప్రేక్షకుల విశేష ఆదరణను పొందుతోంది. ఈ చిత్రంలోని కళాశాల సన్నివేశాల్లో విజయ్‌సేతుపతి, త్రిష పాత్రలను యువత తమలో చూసుకుని ఎంజాయ్‌ చేస్తున్నారనే చెప్పాలి. అందుకే ఈ చిత్రానికి అంత ఆదరణ లభిస్తోంది. 96 చిత్ర విడుదలకు ముందే దీని తెలుగు రీమేక్‌ హక్కులను ప్రముఖ నిర్మాత దిల్‌రాజు పొందారంటే కథ, కథనాల్లో ఎంత నవ్యత ఉందనేది అర్థం అవుతుంది. ఇందులో హీరో పేరు రామ్‌. చిత్రం చూసిన పెళ్లి కాని అమ్మాయిలు తమకు రామ్‌ లాంటి భర్త లభిస్తే బాగుండు అని ఆశ పడుతున్నారంటే 96 చిత్రం వారిపై ఎంత ప్రభావం చూపుతుందో అర్థం అవుతోంది. ఇక ఇందులో నటి త్రిష పాత్ర విరామానికి కొంచెం ముందే ఎంటర్‌ అవుతుంది. అయినా ఆ పాత్ర త్రిషకు ఎంతో పేరును తెచ్చి పెట్టింది. ఇందులో త్రిష పాత్ర పేరు జాను. ఆమె ఇంతకు ముందు విన్నైతాండి వరువాయా చిత్రంలో జెస్సీ అనే ప్రేమికురాలి పాత్రలో నటించి మంచి పేరు తెచ్చుకున్నారు. ఇప్పటి వరకూ జెస్సీ పాత్ర త్రిష జీవితంలో చెరిగిపోలేదు. అయితే 96లో జాను పాత్ర అంతకంటే మంచి పేరును తెచ్చి పెట్టింది. ఈ తరంలో అభినయంతో చిత్రాన్ని విజయతీరాలకు చేర్చే నటి నయనతారనే అనే అనుకున్న వాళ్లు జాను పాత్రలో త్రిష హావభావాలను చూసిన తరువాత మంచి పాత్రలు అమిరితే ఈమె కూడా అద్భుత అభినయాన్ని చాటగలదనే అభిప్రాయం సినీ వర్గాల్లోనూ, ప్రేక్షకుల్లోనూ కలుగుతోంది. 96 చిత్రంలో జాను పాత్రను అంతగా అనుభవించిన నటించిన త్రిష నిజజీవితంలో రామ్‌ ఉన్నాడా అనే ప్రశ్న ఆమె అభిమానుల్లో అనుమానం రేకెత్తిస్తోంది. దీనికి ఈ బ్యూటీ ఏం చెప్పిందంటే నేను చదివింది గరల్స్‌ స్కూల్, కాలేజీనేనని, అందువల్ల రామ్‌ లాంటి లవర్‌ తన నిజ జీవితంలో లేడని స్పష్టం చేసింది. 96 లాంటి హిట్‌ చిత్రం తరువాత త్రిషకు మరింత క్రేజ్‌ పెరిగిందని చెప్పవచ్చు. అంతే కాకుండా ప్రస్తుతం ఈ జాణ సూపర్‌స్టార్‌ రజనీకాంత్‌కు జంటగా పేట చిత్రంలో నటిస్తున్న విషయం తెలిసిందే. ఇక ఈ చిత్రంపై అంచనాల గురించి ప్రత్యేకంగా చెప్పనక్కర్లేదు. దీంతో త్రిష మరో రౌండ్‌ కొట్టే అవకాశం ఉందనే అభిప్రాయం సినీ వర్గాల్లో వ్యక్తం అవుతోంది.

నటుడు విజయ్‌సేతుపతి ఎదుగుదల ఆశ్చర్య పరుస్తోంది. ఆయన కథలను ఎంచుకునే విధానం, ఆయా పాత్రల్లో వైవిధ్యం చూపడానికి పడే తపన, శ్రమ చూస్తుంటే, ఈ ఎదుగుదలకు విజయ్‌సేతుపతి అర్హుడే అని ఎవరైనా చెబుతారు. ఇటీవల ఆయన నటించిన 96 చిత్రం విమర్శకులను సైతం మెప్పించింది. తాజాగా విజయ్‌సేతుపతి నటిస్తున్న చిత్రాల్లో సీతకత్తి ఒకటి.  ఈ చిత్రంలో ఆయన పలు గెటప్‌లలో కనిపంచనున్నారు. ముఖ్యంగా నటుడు కమలహాసన్‌ ఇండియన్‌ చిత్రంలో కనిపించిన తరహాలో 80 ఏళ్ల వృద్ధుడిగా నటించారు. ఆయనకు భార్యగా, జాతీయ అవార్డు గ్రహీత, సీనియర్‌ నటి అర్చన నటించడం మరో విశేషం. నటి అర్చన చాలా కాలం తరువాత నటించిన చిత్రం సీతకత్తి. నటి రమ్యనంభీశన్, పార్వతినాయర్, భాగవతి పెరుమాళ్, మౌళి తదితరులు ఇత ప్రధాన పాత్రల్లో నటించారు. ఫ్యాషన్‌ స్డూడియోస్‌ సంస్థ నిర్మిస్తున్న ఈ చిత్రం నిర్మాణ కార్యక్రమాలను ముగించుకుని, తాజాగా సెన్సార్‌ కార్యక్రమాలను పూర్తి చేసుకుంది. చిత్రం క్లీన్‌ యూ సర్టిఫికెట్‌ పొందినట్లు చిత్ర వర్గాలు ఆనందం వ్యక్తం చేశాయి. బాలాజీ ధరణీధరన్‌ దర్శకత్వం వహించిన ఈ చిత్రం నుంచి అయ్య అనే సింగిల్‌ సాంగ్‌ ఇటీవలే విడుదలై సంగీత ప్రియులను అలరిస్తోంది. వరుస విజయాలతో దూసుకుపోతున్న విజయ్‌సేతుపతి తాజా చిత్రం సీతకత్తిపైనా అంచనాలు భారీ స్థాయిలోనే నెలకొన్నాయి. ఈ చిత్రాన్ని నవంబరులో విడుదల చేయడానికి సన్నాహాలు చేస్తున్నట్లు చిత్ర వర్గాలు వెల్లడించాయి.

తమిళసినిమా: అధర్వ, నయనతార, విజయ్‌సేతుపతి, రాశీఖన్నా, హిందీ దర్శకుడు అనురాగ్‌ కశ్యప్‌ వంటి ప్రముఖ నటీనటులు నటించిన మల్టీస్టారర్‌ చిత్రం ఇమైకా నొడిగళ్‌ భారీ అంచనాల మధ్య ఈ నెల 30వ తేదీన తెరపైకి రానుంది. క్యామియో ఫిలింస్‌ పతాకంపై సీజే. జయకుమార్‌ నిర్మించిన ఈ చిత్రానికి డిమాంటీ కాలనీ చిత్రం ఫేమ్‌ అజయ్‌ జ్ఞానముత్తు దర్శకత్వం వహించారు. హిప్‌హాప్‌ తమిళా సంగీతాన్ని, ఆర్‌డీ.రాజశేఖర్‌ ఛాయాగ్రహణం అందించిన ఈ చిత్ర వివరాలను తెలియజేయడానికి చిత్ర యూనిట్‌ బుధవారం స్థానిక సాలిగ్రామంలోని ప్రసాద్‌ల్యాబ్‌లో విలేకరుల సమావేశాన్ని నిర్వహించారు. ఈ సందర్భంగా  చిత్ర నిర్మాత  సీఏ.జయకుమార్‌ మాట్లాడుతూ ఇది మల్టీస్టారర్‌ చిత్రం అని, రెండేళ్ల కఠిన శ్రమ, అవమానాలను దాటి ఈ నెల 30వ తేదీన విడుదల కానుందన్నారు. చిత్రంపై దర్శకుడి నమ్మకంతో విడుదలకు ఐదు రోజుల ముందు పత్రికల వారికి ప్రదర్శనను ఏర్పాటు చేయనున్నామన్నారు. ఇది యాక్షన్‌ థ్రిల్లర్‌ కథా చిత్రంగా ఉంటుందన్నారు. ఇందులో హిందీ నటుడు అనురాగ్‌ కశ్యప్‌ నటన యూత్‌ను బాగా ఆకట్టుకుంటుందన్నారు. అదే విధంగా అధర్వ, రాశీఖన్నాల జంట చాలా ఫ్రెష్‌గా అనిపిస్తుందని చెప్పారు. ఇక విజయ్‌సేతుపతి, నయనతారల సన్నివేశాలు అందరిని కంటతడి పెట్టిస్తాయని అన్నారు. చిత్రంలోని యాక్షన్‌ సన్నివేశాల చిత్రీకరణలో తాము ఎలాంటి కాంప్రమైజ్‌ కాలేదన్నారు. పోరాట దృశ్యాలకు అవసరమైన వాటిని నిర్మాత నుంచి ఎలా అడిగి తీసుకోవాలో ఫైట్‌ మాస్టర్‌ స్టన్‌ శివకు బాగా తెలుసన్నారు. హిప్‌హాప్‌ తమిళా నేపథ్య సంగీతంతో కలిపి చిత్రాన్ని చూడడానికి తానూ ఆసక్తిగా ఎదురుచూస్తున్నానని నిర్మాత అన్నారు. చిత్ర కథానాయకుడు అధర్వ మాట్లాడుతూ ఇమైకా నొడిగళ్‌ రోలర్‌ కోస్టర్‌ రైడ్‌ కంటే కష్టమైనదని, ఏమైనా ఎలాంటి కాంప్రమైజ్‌ కాకుండా చేయాలని తాను దర్శకుడు అజయ్‌ జ్ఞానముత్తు భావించామని అన్నారు. చాలా శ్రమ తరువాత  నిర్మాత జయ్‌కుమార్‌ ఈ చిత్రంలోకి వచ్చారని తెలిపారు.ఆయన కథను నమ్మి ఖర్చు పెట్టారని తెలిపారు. నయనతార, అనురాగ్‌ కశ్యప్, ఛాయాగ్రాహకుడు ఆర్‌డీ.రాజశేఖర్‌ అంటూ తన ఫేవరేట్స్‌ లిస్ట్‌లో ఉన్న వారందరూ ఈ చిత్రంలో పనిచేయడం పెద్ద సర్‌ప్రైజ్‌ అని అన్నారు. ఈ చిత్ర ఆల్బమ్‌ తనకు చాలా నచ్చిందని అన్నారు. ఈ చిత్రంలో పోరాట దృశ్యాల్లో నటించడం మరచిపోలేని అనుభవం అని అధర్వ పేర్కొన్నారు. రాశీఖన్నా, సంగీతదర్శకుడు హిప్‌ హాప్‌ తమిళ, దర్శకుడు అజయ్‌ జ్ఞానముత్తు పాల్గొన్నారు. 

కన్‌ఫ్యూజన్‌ క్లియర్‌ అయింది. సూపర్‌ స్టార్‌తో యాక్ట్‌ చేసే హీరోయిన్‌ ఎవరో కన్ఫార్మ్‌ అయింది. రజనీకాంత్‌ నెక్ట్స్‌ సినిమాలో ఆయన సరసన యాక్ట్‌ చేస్తున్న హీరోయిన్‌ ఎవరంటూ? కొన్ని రోజులుగా గందరగోళం ఏర్పడింది. తలైవర్‌తో డ్యాన్స్‌ చేసేది త్రిష అని కొంతమంది అంటే.. కాదు మాళవికా మోహనన్‌ అని కొందరు వాదించారు. వీటన్నింటికీ ఫుల్‌స్టాప్‌ పెడుతూ ఈ కన్‌ఫ్యూజన్‌ని క్లియర్‌ చేశారు సన్‌ నెటవర్క్‌ సంస్థ ప్రతినిధులు. రజనీకాంత్‌ సరసన నటించనున్న హీరోయిన్‌ త్రిష అని అఫీషియల్‌గా ప్రకటించారు. కార్తీక్‌ సుబ్బరాజ్‌ దర్శకత్వంలో రజనీకాంత్‌ హీరోగా ఓ సినిమా రూపొందుతోన్న సంగతి తెలిసిందే. సిమ్రాన్‌ ఓ కథానాయికగా నటిస్తున్నారు. ఈ సినిమా షూటింగ్‌ ప్రస్తుతం చెన్నైలో జరుగుతోంది. ‘‘సూపర్‌స్టార్‌ రజనీకాంత్‌కి జోడీగా నటించబోతున్నది త్రిష అనే విషయాన్ని మీతో షేర్‌ చేసుకోవడం ఎంతో ఆనందంగా  ఉంది’’ అన్నారు సన్‌ నెటవర్క్‌ ప్రతినిధులు. ‘‘కొన్ని సార్లు నిద్రలేచినా కూడా ఇంకా కలలోనే ఉన్నట్టుగా అనిపిస్తుంటుంది. ప్రస్తుతం ఈ వార్త నాకు అలాంటిదే’’ అని త్రిష ఆనందాన్ని పంచుకున్నారు. అన్నట్లు.. కొన్ని రోజుల క్రితం రజనీతో త్రిష జోడీ కుదిరింది అని ‘సాక్షి’ ప్రచురించిన సంగతి గుర్తుండే ఉంటుంది. విజయ్‌ సేతుపతి విలన్‌గా నటిస్తున్న ఈ చిత్రానికి అనిరు«ద్‌ స్వరకర్త. వచ్చే ఏడాది సంక్రాంతికి ఈ సినిమా రిలీజ్‌ కానుంది.

ఇండస్ట్రీలో స్టార్‌ స్టేటస్‌ను సొంతం చేసుకోవాలని చాలామంది హీరోయిన్స్‌ కోరుకుంటుంటారు. కానీ ఆ స్టేటస్‌ పై తనకు సరైన అభిప్రాయం లేదని చెబుతున్నారు అమలాపాల్‌. ఎందుకు? అని అడిగితే... ‘‘స్టార్‌ హోదాలో ఉన్నాను అన్న ఫీలింగ్‌ కంటే యాక్టర్‌గా ఎదుగుతున్నాను అన్న భావనే నాకు సంతృప్తిని ఇస్తుంది. అప్పుడే మరిన్ని కొత్త విషయాలు నేర్చుకోగలుగుతాను. స్టార్‌డమ్‌ శాశత్వం కాదు. అది ఎక్కువ కాలం ఉండదు. లైఫ్‌లో అదొక ఫేజ్‌ మాత్రమే. నా వివాహ బంధాన్ని తెగతెంపులు చేసుకున్న తర్వాత నాతో నటించడానికి కొందరు స్టార్‌ హీరోలు అంగీకరంచలేదు. ఆశ్చర్యం వేసింది. సినిమాల కోసం ఎంతటి రిస్క్‌ అయినా తీసుకుంటాను. సినిమాపై నాకు ఉన్న ప్రేమ అలాంటిది’’ అన్నారు. ఇంకా మాట్లాడుతూ– ‘‘తమిళ నటుడు విజయ్‌ సేతుపతికి నేను పెద్ద అభిమానిని. ఆయన ఎక్కడినుంచో ఇండస్ట్రీకి వచ్చి గొప్ప స్థాయికి  ఎదిగారు. నేను కూడా ఆయనలా మంచి యాక్టర్‌ కావాలనుకుంటున్నాను’’ అని చెప్పుకొచ్చారు అమలాపాల్‌.

తమిళసినిమా: మలయాళ చిత్రం ప్రేమమ్‌తో బహుభాషా నటిగా పేరు తెచుకున్న యువ నటీమణుల్లో మడోనా సెబాస్టియన్‌ ఒకరు. ఇటీవల ఈ అమ్మడు తమిళంలో విజయ్‌సేతుపతితో నటించిన జుంగా చిత్రం మంచి విజయాన్ని అందుకుంది. సక్సెస్‌ఫుల్‌ నటి అనిపించుకున్నా మడోనాసెబాస్టియన్‌  చిత్రాల ఎంపికలో మాత్రం కాస్త ఎక్కువగా ఆలోచిస్తుందని, వచ్చిన అవకాశాలన్నీ అంగీకరించడంలేదనీ ప్రచారం వైరల్‌ అవుతోంది. ఇలాంటి విషయాల గురించి ఈ బ్యూటీ ఏమంటుందో చూద్దాం. అవును నేను చిత్రాల ఎంపికలో కాస్త ఎక్కువగానే ఆలోచిస్తాను. ఎందుకంటే నా వ్యక్తిగత జీవితానికి సమయం అవసరం. కుటుంబం, మనకు నచ్చిన విషయాల కోసం సమయాన్ని వెచ్చించకుండా శ్రమించి ఫలితం ఏమిటీ? ఎలాంటి కథా పాత్రలను ఎంచుకోవాలన్నది నాకు తెలుసు. ప్రస్తుతం కిచ్చా సుదీప్‌కు జంటగా ఒక కన్నడ చిత్రంలో నటిస్తున్నాను. తరువాత ఒక తెలుగు చిత్రంలో నటించనున్నాను. పలు విధాలుగా భావోద్వేగాలను ప్రదర్శించే పాత్రలను కోరుకుంటున్నాను. నాకు జిమ్‌లో వర్కౌట్స్‌ చేయడం అంటే ఇష్టం. అలాగని స్లిమ్‌గా మారడం నచ్చదు. ఆహారం విషయంలో బాగానే లాగించేస్తాను. సమయం దొరికితే కుటుంబ సభ్యులందరం ఇంట్లోనే ఉంటాం. పనిలేకుండా బయటకు వెళ్లడం ఇష్టం ఉండదు. నా స్నేహితుల్లో అధిక మంది సినిమా రంగానికి సంబంధం లేనివారే. సినిమా రంగంలో సన్నిహితుడు విజయ్‌సేతుపతినే. ప్రేమమ్‌ చిత్రంలో నాతో కలిసి నటించిన సాయిపల్లవి, అనుపమ పరమేశ్వరన్‌తో ఇంతకు ముందు టచ్‌లో ఉన్నాను. ప్రస్తుతం ముగ్గురం బిజీగా ఉండటంతో మాట్లాడుకోవడం కుదరడం లేదు. అయితే అనుపమ పరమేశ్వరన్‌తో అప్పుడప్పుడూ టచ్‌లో ఉన్నా. సాయిపల్లవి కూడా బాగుందనే భావిస్తున్నా. మరో విషయం ఏమిటంటే నేను ఆరేళ్ల వయసులోనే గాయనినయ్యాను. అయితే నటిగా బిజీగా ఉండడం వల్ల పాడటానికిప్పుడు  ప్రాముఖ్యత నివ్వడం లేదు. నాకు సంగీత బృందం ఉంది. త్వరలోనే ఒక తమిళ ఆల్బమ్‌ను విడుదల చేస్తాను అని పేర్కొంది ఈ జాన.

తమిళసినిమా: నటి అంజలి కొత్తగా ‘ఒ’ అంటోంది. కట్రదు తమిళ్‌ అంటూ కోలీవుడ్‌కు ఎంట్రీ ఇచ్చినా, అంగాడితెరు చిత్రంతో అందరి మనసుల్ని దోచుకున్న తెలుగు అమ్మాయి అంజలి. ఆ తరువాత ఎంగేయుమ్‌ ఎప్పోదుమ్‌ తదితర చిత్రాలతో విజయాలను అందుకున్న ఈ అమ్మడికి పినతల్లితో గొడవ ఒక రకంగా మంచే చేసిందనవచ్చు. ఆ కారణంగానే తెలుగులోనూ అవకాశాలు సంపాదించుకుంది. అలా అప్‌ అండ్‌ డౌన్‌గా సాగుతున్న అంజలి సినీ కేరీర్‌ తాజాగా మళ్లీ వేగం పుంజుకుంది. ముఖ్యంగా కోలీవుడ్‌లో నాలుగైదు చిత్రాలతో బీజీగా ఉంది. విజయ్‌ఆంటోనితో నటించిన కాశి చిత్రం ఇటీవలే విడుదలైంది. మమ్ముట్టికి జంటగా నటించిన పేరంబు చిత్రం విడుదలకు ముస్తాబవుతోంది. ప్రస్తుతం కాన్‌బదు పోల్, నాడోడిగళ్‌–2, లిసా, విజయ్‌సేతుపతికి జంటగా ఒక చిత్రంలో నటిస్తోంది. తాజాగా మరో చిత్రంలో నటించే అవకాశం అంజలిని వరించింది. దీని పేరు ‘ఒ’. ఇలాఉండగా ఈ బ్యూటీకి శనివారం పుట్టిన రోజు. అభిమానులతో పాటు పలువురు సినీ ప్రముఖులు శుభాకాంక్షలు అందించారు. పనిలో పనిగా తన నూతన చిత్రం ‘ఒ’ పోస్టర్‌ను విడుదల చేశారు. ఇది హర్రర్‌ థ్రిల్లర్‌ కథాంశంతో తెరకెక్కనున్న చిత్రం. ఏజే ఫిలింస్‌ సంస్థ నిర్మిస్తున్న ఈ చిత్రానికి ప్రవీణ్‌ బిగ్గాడ్‌ దర్శకత్వం వహించనున్నారు. చిత్రం గురించి ఆయన తెలుపుతూ ఆంగ్ల పదాల్లో ‘ఒ’ అక్షరానికి చాలా ప్రాధాన్యత ఉంటుందన్నారు. అలాంటి అలాంటి ఒక ఆసక్తికరమైన కథాంశంతో తెరకెక్కించినున్న ఈ చిత్రానికి ‘ఒ’ అనే టైటిల్‌ను నిర్ణయించినట్లు తెలిపారు. నటి అంజలి తన కేరీర్‌లో ఇలాంటి కథా చిత్రాన్ని ఇప్పటి వరకూ చేయలేదని, హర్రర్‌ థ్రిల్లర్‌తో వైవిధ్యంగా ‘ఒ’ చిత్రం ఉంటుందని పేర్కొంది. త్వరలో సెట్‌ పైకి వెళ్లనున్న ఈ చిత్రానికి సంబంధించి పూర్తి వివరాలు వెల్లడించాల్సి ఉంది. ఈ చిత్ర టైటిల్‌ను దర్శకుడు వెంకట్‌ ప్రభు శనివారం ఆవిష్కరించారు.

రంగమ్మా, మంగమ్మా ... అక్కినేని కోడలు సమంత ఎక్కడమ్మా! మామ నాగార్జున సిల్వర్‌జూబ్లి వెడ్డింగ్‌ యానివర్శరీ సెలబ్రేషన్స్‌లో కనిపించలేదమ్మా! ఇదిగో ఇలాగే ఫ్యాన్స్‌ అందరూ ఫన్నీగా పాడుకుంటున్నారు. కానీ సమంత మాత్రం చెన్నైలో కేక్‌ను ముక్కలు ముక్కలు చేసి పక్కనున్న వాళ్ల నోరు తీపి చేశారు. ఏంటీ? మామయ్య వెడ్డింగ్‌ యానివర్శరీలో పాల్గొనకుండా చెన్నైలో బర్త్‌డే పార్టీకి వెళ్లారా సమంత! అని ఆశ్చర్యపోకండి. ఆమె కేక్‌ కట్‌ చేసింది తమిళ చిత్రం ‘సూపర్‌ డీలక్స్‌’ సినిమా షూటింగ్‌ను కంప్లీట్‌ చేసినందుకు. బిజీ బిజీ షెడ్యూల్‌ వల్ల మామయ్య పెళ్లి రోజు పార్టీకి సమంత హాజరు కాలేకపోయారని ఇప్పుడు ప్రత్యేకించి చెప్పక్కర్లేదు. ‘అరణ్యకాండం’ ఫేమ్‌ త్యాగరాజన్‌ కుమార్‌రాజా దర్శకత్వంలో విజయ్‌ సేతుపతి, ఫాహద్‌ ఫాజిల్, సమంత ముఖ్య తారలుగా నటిస్తున్న చిత్రం ‘సూపర్‌ డీలక్స్‌’. ఇందులో రమ్యకృష్ణ ఓ కీలక పాత్ర చేస్తున్నారని కోలీవుడ్‌ టాక్‌. ఈ సినిమా షూటింగ్‌ను కంప్లీట్‌ చేశారు సమంత. ఆ సందర్భంలో సెట్స్‌లో సరదాగా కేక్‌ కట్‌ చేసి, చిత్రబృందంతో సందడి చేశారామె. తమిళ, తెలుగు భాషల్లో ఈ ఏడాది ఆల్రెడీ మూడు సార్లు సిల్వర్‌స్క్రీన్‌పై మెరిసిన సమంత ఈ ఏడాది మరో రెండో సినిమాల్లో కనిపించే అవకాశంఉంది. ఇది తెలిసిన ఫ్యాన్స్‌ మా సమంత... సూపరో సూపరు అంటున్నారు.

లేటెస్ట్‌ మల్టీస్టారర్‌ మూవీ ‘చెక్క చివంద వానమ్‌’ సినిమాకు సెర్బియాలో ప్యాకప్‌ చెప్పారు దర్శకుడు మణిరత్నం. అరవింద స్వామి, శింబు, విజయ్‌ సేతుపతి, జ్యోతిక, అదితీరావ్‌ హైదరీ ముఖ్యతారలుగా మణిరత్నం దర్శకత్వం వహించిన చిత్రం ‘చెక్క చివంద వానమ్‌’. లైకా ప్రొడక్షన్, మద్రాస్‌ టాకీస్‌ బ్యానర్లు సంయుక్తంగా నిర్మిస్తున్నాయి. తెలుగులో ‘నవాబ్‌’గా రిలీజ్‌ చేయనున్నారు. సెర్బియా షెడ్యూల్‌తో ఈ సినిమా షూటింగ్‌ పార్ట్‌ కంప్లీట్‌ అయింది. శింబు మీద కొన్ని కీలక సన్నివేశాలను చిత్రీకరించటానికి సెర్బియా వెళ్లింది చిత్రబృందం. శింబు పార్ట్‌ షూటింగ్‌ కంప్లీట్‌ అవ్వడంతో సినిమా మొత్తం పూర్తయింది. దాంతో ప్యాకప్‌ చెప్పారు మణిరత్నం. ఈ సినిమాలో అరవింద స్వామి, శింబు, విజయ్‌సేతుపతి అన్నదమ్ములుగా కనిపించనున్నారని సమాచారం. ఈ ఏడాది ద్వితీయార్థంలో రిలీజ్‌ అవనున్న ఈ సినిమాకు సంగీతం: ఏఆర్‌ రెహమాన్, కెమెరా: సంతోష్‌ శివన్‌.

నవాబ్‌.. అనుకున్నంత ఈజీ కాదు అవ్వడం. ఆరాటపడేవారు, పోరాడేవారు, లాక్కోవాలనుకునేవారు, కష్టపడి దక్కించుకునేవారు... అందరూ లిస్ట్‌లో ఉంటారు. ప్రస్తుతం ఆ లిస్ట్‌ డైరెక్టర్‌ మణిరత్నం దగ్గర ఉంది. సినిమాలో నవాబ్‌ ఎవరన్నది తెరపై చూడాల్సిందే అంటున్నారాయన. అరవింద్‌ స్వామి, విజయ్‌ సేతుపతి, శింబు, అరుణ్‌ విజయ్, జ్యోతిక, అదితీరావ్‌ హైదరి, ఐశ్వర్య రాజేష్, ప్రకాశ్‌రాజ్‌ ముఖ్యతారలుగా మణిరత్నం దర్శకత్వంలో ఓ సినిమా రూపొందనున్న సంగతి తెలిసిందే. తమిళ, తెలుగు భాషల్లో రిలీజ్‌ చేయనున్నారు. తమిళ్‌లో ‘చెక్కవంద వానమ్‌’ (ఎర్రని ఆకాశం తెలుగులో)అని, తెలుగులో ‘నవాబ్‌’ అనే టైటిల్స్‌ను ఖరారు చేశారు. శుక్రవారం టైటిల్‌ పోస్టర్‌ను రిలీజ్‌ చేశారు. మరి.. ఎవరు నవాబ్‌? అనేది ప్రస్తుతానికి సస్పెన్స్‌. ఈ సినిమాలో ఓ ఇద్దరు హీరోలు అన్నదమ్ముల పాత్రల్లో కనిపించనున్నారని సమాచారం. ఈ సినిమాలో న్యూ లుక్‌లో కనిపించడానికి హీరో శింబు ఆల్రెడీ వర్కౌట్స్‌ స్టార్ట్‌ చేసిన సంగతి తెలిసిందే. మదరాస్‌ టాకీస్‌ పతాకం, లైకా ప్రొడక్షన్స్‌ నిర్మించనున్న ఈ సినిమాకు సంగీతం: ఏఆర్‌ రెహమాన్‌.

మరోసారి గోల్డెన్‌ ఛాన్స్‌ కొట్టేశారు అదితీరావ్‌ హైదరి. మణిరత్నం సినిమాలో హీరోయిన్‌ ఛాన్స్‌ అంటే గోల్డెన్‌.. గోల్డెన్‌ ఏంటి? డైమండ్‌ అని కూడా అనొచ్చేమో. ‘‘మణిరత్నంగారి దర్శకత్వంలో గతేడాది ‘చెలియా’ చేశాను. ఆ తర్వాత సంజయ్‌దత్‌ సినిమా ‘భూమి’లో కీలక పాత్ర చేశాను. గతేడాది చాలా పాజిటివ్‌గా గడిచింది. ఇప్పుడు మణి సార్‌ సినిమాలో మళ్లీ నటించబోతున్నందుకు చాలా ఆనందంగా ఉంది. ప్రస్తుతానికి నా క్యారెక్టర్‌ డిటైల్స్‌ సీక్రెట్‌’’ అని పేర్కొన్నారు అదితీరావ్‌ హైదరి. ప్రజెంట్‌ మణిరత్నం దర్శకత్వంలో విజయ్‌సేతుపతి, శింబు, జ్యోతిక, ఐశ్యర్య రాజేష్, ఫాజల్‌ కాంబినేషన్‌లో ఓ మల్టీస్టారర్‌ మూవీ రూపొందుతున్న సంగతి తెలిసిందే. ఈ సినిమాకే అదితీని తీసుకున్నారట మణి. ఇటీవల ఈ చిత్రం షూటింగ్‌ ప్రారంభమైంది.

హిట్టూ, ఫ్లాపు, వసూళ్లు వంటి వర్డ్స్‌ను పక్కన పెడితే దర్శకుడు మణిరత్నం తెరకెక్కించిన సినిమాలు రత్నాలని ప్రేక్షకులు చెబుతుంటారు. ఎందుకంటే ఆయన సినిమాలో అంత కంటెంట్‌ ఉంటుందన్నది వారి అభిప్రాయం. అందుకే మణిరత్నం సినిమా ఎప్పుడు మొదలవుతుందా? ఎప్పుడు చూద్దామా? అని ఎదురు చూస్తుంటారు. మణిరత్నం కూడా త్వరలో సినిమా చూపించే పని మీదే ఉన్నారు. మల్టీస్టారర్‌ మూవీకి ఆయన శ్రీకారం చుట్టిన విషయం తెలిసిందే. ప్రస్తుతం ఈ సినిమా మ్యూజిక్‌ సిట్టింగ్స్‌ గోవాలో జరుగుతున్నాయి. అంటే.. సినిమాకు గోవాలో తొలి అడుగు వేశారన్నమాట. విజయ్‌ సేతుపతి, అరవింద్‌ స్వామి, జ్యోతిక, ఐశ్యర్యా రాజేశ్, ఫాహద్‌ ఫాజిల్, శింబు ముఖ్య పాత్రల్లో రూపొందనున్న చిత్రమిది. ఏఆర్‌ రెహమాన్‌ స్వరకర్త. ‘‘మణిరత్నం, ఏఆర్‌. రెహమాన్, రచయిత వైరముత్తు కాంబినేషన్‌లో రూపొందనున్న ఈ మెగా మల్టీస్టారర్‌ ఫిల్మ్‌ సాంగ్‌ కంపోజిషన్స్‌ గోవాలో జరుగుతున్నాయి’’ అని పేర్కొన్నారు విజయ్‌ సేతుపతి. ఈ సినిమా షూటింగ్‌ను జనవరిలో మొదలు పెట్టనున్నారు. ఈ సంగతి ఇలా ఉంచితే... కోలీవుడ్‌లో శింబూపై కొందరు నిర్మాతలు ఫిర్యాదు చేయడంతో అతను కొత్త సినిమాలేవీ ఒప్పుకోకూడదనే నిబంధన ఉన్నట్లు సమాచారం. దాంతో శింబు స్థానంలో మలయాళ నటుడు నివిన్‌ పౌలీని తీసుకోవాలని చిత్రబృందం ఆలోచిస్తోందని చెన్నై టాక్‌. ఈ విషయంపై  ఆఫిషియల్‌గా అనౌన్స్‌మెంట్‌ రావాల్సి ఉంది.

తమిళసినిమా: ‘చిరుత’ సినిమాతో తెలుగువారిని పలుకరించిన నటి నేహా శర్మ గుర్తుందా? ఇటీవల విడుదలైన ’సోలో’  చిత్రంలో దుల్కర్‌సల్మాన్‌తో రొమాన్స్‌ చేసిందీ భామ. తాజాగా మరో అవకాశాన్ని తన ఖాతాలో వేసుకుంది. యువ నటుడు విజయ్‌సేతుపతి కథాయకుడిగా నటిస్తున్న తాజా చిత్రం జుంగా. రూ.20 కోట్ల భారీ బడ్జెట్‌తో విజయ్‌ స్వయంగా నిర్మిస్తున్నఈ సినిమాలో సయేషా సైగల్‌ మొదటి హీరోయిన్‌గా ఎంపికవ్వగా.. రెండో హీరోయిన్‌గా నేహా శర్మకు చాన్స్‌ దక్కే అవకాశం కనిపిస్తోంది.  ఈ విషయమై ఆమెతో సంప్రదింపులు జరుపుతున్నామని, ఈ సినిమాలో చేయడానికి ఆమె అంగీకరించిందని చిత్ర దర్శకుడు గోకుల్‌ తెలిపారు. ఇందులో నేహాశర్మ పాత్రకు చాలా ప్రాధాన్యం ఉంటుందని, ఆమె చిన్నపాటి డాన్‌ పాత్రలో కనిపిస్తుందని చెప్పారు. విజయ్‌సేతుపతితో నేహాకు ఒక డ్యూయెట్‌ కూడా ఉంటుందన్నారు. కాగా విజయ్‌సేతుపతి-గోకుల్‌ కాంబినేషన్‌లో ఇంతకుముందు ‘ఇదర్కుదానే ఆశైపట్టాయ్‌ బాలకుమారా’ వంటి విజయవంతమైన చిత్రం వచ్చిన విషయం తెలిసిందే. ఈ హిట్‌ కాంబినేషన్‌లో వస్తున్న జుంగా కూడా విజయం సాధిస్తుందని చిత్ర యూనిట్‌ ఆశాభావంతో ఉంది.  


  బయట ప్రపంచానికి సినిమా ఒక అందమైన కల. ఆ రంగంలోని వారి జీవితాలు భోగభాగ్యం మాయం. ముఖ్యంగా హీరో హీరోయిన్లకు చిటికేస్తే కోరుకున్నవి ఇట్టే చేరువవుతాయి ఇవి సినిమావాళ్లపై సాధారణ ప్రజల భావాలు. అయితే ఏదైనా శ్రమించనిదే సులభంగా సొంతం కాదన్నది కాస్త పరిజ్ఞానం ఉన్న వాళ్ళకు మాత్రమే అర్థం అవుతుంది. సినిమాల కోసం కథానాయకులతోపాటు కథానాయికలు ఒక్కోసారి ప్రాణాంతక సన్నివేశాల్లో నటించాల్సి ఉంటుంది. అందుకు తగిన జాగ్రత్తలు తీసుకుంటారన్నది వేరే విషయం. యువ నటి కార్తీక విషయానికొస్తే ఈ సుకుమారి మోటార్ బైక్, జీప్ డ్రైవింగ్ వంటి వాటితోపాటు క్యామెల్ రైడింగ్ కూడా సునాయాసంగా చేసేసి యూనిట్ వర్గాలను ఆశ్చర్యపరిచారట.
  
  ప్రస్తుతం ఈ బ్లాక్ బ్యూటీ పోరంబోకు చిత్రంలో నటిస్తున్నారు. ఆర్య, విజయ్ సేతుపతి హీరోయిన్‌గా నటిస్తున్న ఈ చిత్రానికి ఎస్.పి.జననాధన్ దర్శకుడు. ఈ చిత్రంలో నటించడం సరికొత్త అనుభవం అంటున్న కార్తీక ఇటీవలే తన పుట్టిన రోజును జరుపుకున్నారు. ఈ సందర్భంగా తన చిత్రాల అనుభవాలను పంచుకున్నారు. అవేమిటో ఆ ముద్దు గుమ్మ మాటల్లోనే చూద్దాం. పోరంబోకు చిత్రం కోసం చాలా సాహసాలు చేశాను. షూటింగ్ జైసల్మర్‌లో చేశారు. నేను నటించే క్యామెల్ రైడింగ్ సన్నివేశాలను దర్శకుడు చిత్రీకరించారు. చిత్రంలో అది చాలా కీలక సన్నివేశం. వంద ఒంటెలను రప్పించారు.
  
  అందులో ఒక ఒంటె యజమాని స్వారీ ఎలా చెయ్యాలన్న విషయం గురించి కొంత శిక్షణ నిచ్చారు. ఆశ్చర్యమేమిటంటే షూటింగ్ స్పాట్‌లో తీసుకున్న కొద్దిపాటి శిక్షణతోనే ఒంటెపై స్వారీ చేసేశాను. యూనిట్ మొత్తం ఉత్కంఠతో ఆ సన్నివేశాన్ని వీక్షించారు. దర్శకుడు అయితే అంత సహజ సిద్ధంగా నటించడం చూసి విస్మయం చెందారు. మరో విశేషం ఏమిటంటే ఒంటెలు అబ్బాయిలకంటే అమ్మాయిలకు బాగా సహకరిస్తాయట. ఈ విషయాన్ని నేను ప్రత్యక్షంగా చూశాను. ఆర్య ఒంటెపై స్వారీ చేసే సన్నివేశంలో ఆ ఒంటె ఆయనకు సరిగా సహకరించలేదు. పోరంబోకు చిత్రంలో సాహసంతో కూడిన యాక్షన్ సన్నివేశాల్లో నటించాను.
  
  చిత్రం కోసం బైక్ రైడింగ్ కూడా నేర్చుకున్నాను. నేనిప్పుడు ఏ రకమయిన వెహికల్‌నయినా నడపగలను అని అన్నారు.  ఈ ముద్దుగుమ్మ టాలీవుడ్‌లో దమ్ము చిత్రం తరువాత మరో సారి తన అదృష్టాన్ని పరిక్షించుకోనున్నారు. అల్లరి నరేష్‌కు కవల సిస్టర్‌గా నటిస్తున్నారు. ఇంకా పేరు పెట్టని ఈ చిత్రానికి చిన్ని కృష్ణ దర్శకత్వం వహిస్తున్నారు. ఇందులో అల్లరి నరేష్ పాత్ర సాఫ్ట్‌గా ఉంటే కార్తీక పాత్ర డైనమిక్‌గా ఉంటుందట. ఈ చిత్రంలో ఈ భామ ఒళ్లు గగుర్పొడిచే పోరాట దృశ్యాల్లో నటించనున్నారట. మొత్తం మీద కార్తీక సాహస నారిగా అవతారమెత్తనున్నారన్నమాట.
  


  ‘పిజ్జా’ఫేం విజయ్ సేతుపతి, స్వాతి జంటగా గోకుల్ దర్శకత్వంలో రూపొందిన తమిళ చిత్రం ‘ఇదక్కు తానై ఆశైపట్ట బాలకుమార’. ఈ చిత్రం‘ఇదేగా ఆశపడింది’ పేరుతో తెలుగులో విడుదల కానుంది. సుజన్, సమన్యరెడ్డి ఈ అనువాద చిత్రానికి నిర్మాతలు. త్వరలో విడుదల కానున్న ఈ సినిమా గురించి నిర్మాతలు మాట్లాడుతూ- ‘‘తమిళంలో అత్యధిక వసూళ్లు సాధించిన వినోదాత్మక చిత్రమిది. తెలుగు ప్రేక్షకులకు నచ్చే అంశాలన్నీ ఇందులో ఉన్నాయి. అంతా వినోదమే వినోదం. ఇటీవల విడుదలైన పాటలకు శ్రోతల నుంచి మంచి స్పందన లభిస్తోంది. త్వరలోనే సినిమాను విడుదల చేస్తున్నాం’’ అని తెలిపారు. అశ్విన్, నందిత, పశుపతి ఇతర పాత్రలు పోషించిన ఈ చిత్రానికి సంగీతం: సిద్దార్థ్ విపిన్.