టీమిండియా స్టార్‌ ఆటగాడు విరాట్‌ కోహ్లి టెస్ట్‌ క్రికెట్‌కు ఇవాళ (మే 12) ఉదయం రిటైర్మెంట్‌ ప్రకటించాడు. విరాట్‌ నుంచి వచ్చిన ఈ అనూహ్య ప్రకటనపై క్రికెట్‌ ప్రపంచమంతా ఆశ్చర్యం వ్యక్తం చేసింది. విరాట్‌ ఫిట్‌నెస్‌, ఫామ్‌ చూసి టెస్ట్‌ల్లో మరో రెండు మూడేళ్లు కొనసాగుతాడని చాలా మంది అనుకున్నారు. అయితే విరాట్‌ అందరి అంచనాలను తలకిందులు చేస్తూ టెస్ట్‌ల నుంచి తప్పుకుంటున్నట్లు ప్రకటించాడు.విరాట్‌ ఆకస్మిక టెస్ట్‌ రిటైర్మెంట్‌ ప్రకటనపై అందరిలాగే ఢిల్లీ రంజీ జట్టు కోచ్‌ శరణ్‌దీప్‌ సింగ్‌ కూడా ఆశ్చర్యం వ్య​క్తం చేశాడు. విరాట్‌ రిటైర్మెంట్‌ నేపథ్యంలో ఓ షాకింగ్ విషయాన్ని వెల్లడించాడు.స్టార్‌ స్పోర్ట్స్‌తో మాట్లాడుతూ శరణ్‌దీప్‌ సింగ్‌ ఇలా అన్నాడు. కొద్ది రోజుల కిందట (ఈ ఏడాది జనవరిలో రంజీ ట్రోఫీ సమయంలో) విరాట్‌ టెస్ట్‌ భవిష్యత్తుపై నాతో చర్చించాడు. ఇంగ్లండ్‌తో జరుగబోయే సిరీస్‌ కోసం ఆతృతగా ఎదరుచూస్తున్నానని చెప్పాడు. ఇంగ్లండ్‌ పర్యటనకు ముందు కౌంటీలు ఆడతావా అని విరాట్‌ను అడిగాను.అయితే విరాట్‌ లేదని చెప్పాడు. కౌంటీలకు బదులుగా ఇండియా-ఏ తరఫున రెండు ​మ్యాచ్‌లు (ఇంగ్లండ్‌-ఏతో) ఆడతానని అన్నాడు. 2018 తరహాలో ఈసారి కూడా అత్యుత్తమ ప్రదర్శన ఇవ్వాలని అనుకుంటున్నట్లు తెలిపాడు. ఈసారి ఇంగ్లండ్‌ సిరీస్‌లో నాలుగైదు సెంచరీలు చేయాలని అనుకుంటున్నట్లు చెప్పాడు. అయితే ఏం జరిగిందో ఏమో తేలీదు కానీ, విరాట్‌ మూడు నెలల్లో మనసు మార్చకున్నాడు. విరాట్‌ రిటైర్మెంట్‌ వార్త వినగానే షాకయ్యానని తెలిపాడు.శరణ్‌దీప్‌ సింగ్‌ చెప్పిన ఈ విషయాలను బట్టి చూస్తే విరాట్‌ ఆకస్మిక రిటైర్మెంట్‌ ప్రకటన వెనుక ఏదో జరిగినట్లు తెలుస్తుంది. విరాట్‌కు గత కొన్నేళ్లుగా బీసీసీఐ పెద్దలతో పొసగడం లేదు. అందుకే అతను చాలా సిరీస్‌లకు ఏదో ఒక కారణం చెప్పి దూరంగా ఉంటూ వస్తున్నాడు.‍ గత రెండు మూడేళ్ల కాలంలో విరాట్‌ కేవలం మెగా టోర్నీల్లో మాత్రమే పాల్గొన్నాడు. బీసీసీఐ అధ్యక్షుడిగా గంగూలీ ఉన్న సమయం నుంచి విరాట్‌కు బోర్డుతో విభేదాలు ఉన్నట్లు వార్తలు వచ్చాయి. ప్రస్తుత టీమిండియా హెడ్‌ కోచ్‌ గౌతమ్‌ గంభీర్‌తో కూడా విరాట్‌కు సత్సంబంధాలు లేవు. పైకి ఇద్దరూ ఏమీ లేదని నటిస్తున్నప్పటికీ.. ఏదో మూలన ఏదో రగులుతూ ఉంది. ఇటీవలికాలంలో సీనియర్‌ ఆటగాళ్ల పట్ల బోర్డు తీరు కూడా సరిగా లేదని విమర్శలు వస్తున్నాయి. అందుకే సీనియర్లు చెప్పాపెట్టకుండా రిటైర్మెంట్‌ నిర్ణయాలు ప్రకటిస్తున్నారు. 2024-25 బోర్డర్‌ గవాస్కర్‌ ట్రోఫీ సందర్భంగా అశ్విన్‌ ఆకస్మిక రిటైర్మెంట్‌ ప్రకటనే ఇందుకు ఉదాహరణ.టీ20 వరల్డ్‌కప్‌ తర్వాత రోహిత్‌, జడేజా, కోహ్లి ఒకేసారి పొట్టి క్రికెట్‌కు గుడ్‌బై చెప్పారు. ఇప్పుడు రోహిత్‌ టెస్ట్‌ రిటైర్మెంట్‌ ప్రకటన చేసిన వారం రోజుల్లోపే విరాట్‌ కూడా టెస్ట్‌లకు గుడ్‌బై చెప్పాడు. ​

Suryakumar Yadav- ICC ODI World Cup 2023: టీమిండియా టీ20 స్టార్‌ సూర్యకుమార్‌ యాదవ్‌కు మాజీ సెలక్టర్‌ సరన్‌దీప్‌ సింగ్‌ అండగా నిలిచాడు. సూర్య అద్భుతమైన ఆటగాడని.. వన్డే వరల్డ్‌కప్‌-2023 జట్టులో అతడు తప్పకుండా చోటు దక్కించుకుంటాడని విశ్వాసం వ్యక్తం చేశాడు. ఒక సిరీస్‌లో విఫలమైనంత మాత్రాన నిందించాల్సిన అవసరం లేదని.. తానైతే సూర్యకు వరుస అవకాశాలు ఇస్తానని పేర్కొన్నాడు. కాగా స్వదేశంలో ఆస్ట్రేలియాతో వన్డే సిరీస్‌లో సూర్యకుమార్‌ యాదవ్‌ పూర్తిగా నిరాశపరిచిన విషయం తెలిసిందే. ఆడిన మూడు వన్డేల్లోనూ డకౌట్‌గా వెనుదిరిగాడు. తొలి రెండు వన్డేల్లో ఆసీస్ పేసర్‌ మిచెల్‌ స్టార్క్‌ దెబ్బకు గోల్డెన్‌ డకౌట్‌ అయిన సూర్య.. ఆఖరి మ్యాచ్‌లో అష్టన్‌ అగర్‌ బౌలింగ్లో ఒక్క బంతి ఎదుర్కొని సున్నాకే పెవిలియన్‌ చేరాడు. దీంతో సూర్య వన్డేలకు పనికిరాడంటూ పెద్ద ఎత్తున విమర్శలు వచ్చాయి. ఈ నేపథ్యంలో మాజీ సెలక్టర్‌ సరన్‌దీప్‌ సింగ్‌ సూర్యకు మద్దతుగా నిలిచాడు. న్యూస్‌18తో మాట్లాడుతూ ‘‘సూర్యకుమార్‌ యాదవ్‌ అత్యద్భుతమైన బ్యాటర్‌. కానీ పాపం ఆస్ట్రేలియాతో వరుసగా మూడు వన్డేల్లో పరుగుల ఖాతా తెరవకుండానే వెనుదిరిగాడు.  అయితే, తను తిరిగి పుంజుకుని సత్తా చాటగలడు. ఆ శక్తిసామర్థ్యాలు, నైపుణ్యాలు సూర్యలో ఉన్నాయి. నా అభిప్రాయం ప్రకారం వరల్డ్‌కప్‌ జట్టులో అతడికి తప్పకుండా చోటు ఉంటుంది. ఒక సెలక్టర్‌గా ఈ మాట చెబుతున్నా. ఎవరైనా బ్యాటర్‌పై మనకి నమ్మకం ఉండి.. అతడు విఫలమైతే వెంటనే పక్కనపెట్టాల్సిన అవసరం లేదు. అతడికి అండగా ఉంటూ మరిన్ని అవకాశాలు ఇస్తే దీర్ఘకాలంలో మంచి ఫలితాలు వస్తాయి. నిజానికి గతేడాది కాలంగా సూర్య అద్భుతంగా రాణిస్తున్నాడు. తన బ్యాటింగ్‌కు వంక పెట్టాల్సిన పనిలేదు. దేశవాళీ క్రికెట్‌లోనూ టన్నుల కొద్దీ పరుగులు సాధించాడు. జట్టులో చోటు కోసం ఎంతగానో ఎదురుచూశాడు. నాకే గనుక అవకాశం ఉంటే సూర్యకు మరిన్ని ఛాన్స్‌లు ఇస్తాను’’ అని సరన్‌దీప్‌ సింగ్‌ పేర్కొన్నాడు. చదవండి: BAN Vs IRE: చరిత్ర సృష్టించిన లిటన్‌ దాస్‌.. ఫాస్టెస్ట్‌ ఫిఫ్టీ.. 16 ఏళ్ల రికార్డు బద్దలు  David Warner: సన్‌రైజర్స్‌ది తెలివి తక్కువతనం.. అందుకే వార్నర్‌ను వదులుకుని! ఈసారి..