సాక్షి, విశాఖపట్నం: టీ పెట్టాలి.. పాలు లేవా? అయితే ఆర్డర్‌ పెట్టేద్దాం. ఐస్‌క్రీమ్‌ తినాలనిపిస్తోందా? ఆర్డర్‌ చేసేద్దాం. వర్షం పడుతోంది.. వేడివేడి స్నాక్స్‌ కావాలి? ఆర్డర్‌.! ఎక్కడ చూసినా ఇప్పుడు ‘క్లిక్‌.. ఆర్డర్‌’ ట్రెండ్‌ నడుస్తోంది. ఒకప్పుడు చిన్న షాంపూ కావాలన్నా వీధి చివర దుకాణానికి వెళ్లేవాళ్లం. పెరుగు కోసం డెయిరీకి, స్వీట్స్‌ కోసం మిఠాయి షాపుకి.. ఇలా ఏం కావాలంటే అక్కడికి వెళ్లి తెచ్చుకునేవాళ్లం. కానీ.. ఇప్పుడు ఫాస్ట్‌ డెలివరీ యాప్స్‌ వచ్చాక.. మనకు కావాల్సిన వస్తువు పది నిమిషాల్లోనే మన ఇంటికి వచ్చేస్తోంది. అందుకే ఆన్‌లైన్‌ ఆర్డర్లకు రోజురోజుకూ క్రేజ్‌ పెరుగుతోంది. వైజాగ్‌లో కూడా క్విక్‌ డెలివరీ యాప్స్‌కు ఆదరణ బాగా పెరిగిందని ‘ఇన్‌స్టామార్ట్‌’ సంస్థ చేసిన సర్వేలో వెల్లడైంది. ఇంతకీ వైజాగ్‌ వాసులు ఫాస్టెస్ట్‌ డెలివరీ యాప్స్‌లో ఎక్కువగా ఏం ఆర్డర్‌ చేస్తున్నారో తెలుసా? అదేనండి.. పెరుగు. ఇంకా ఏయే విషయాల్లో వైజాగ్‌ వాసులు ‘ఫాస్ట్‌’గా ఉన్నారో తెలుసుకుందామా? ఉరుకుల పరుగుల జీవనంలో ఇప్పుడు అంతా అరచేతిలోనే జరిగిపోతోంది. నచ్చింది తినాలన్నా, కొనాలన్నా ఒక్క క్లిక్‌తో ఇంటికే తెప్పించుకుంటున్నారు. ఆర్డర్‌ పెట్టి 10 నుంచి 15 రోజులు వేచి చూసే రోజులు పోయాయి. ఆర్డర్‌ పెట్టిన 15 నిమిషాల్లో డెలివరీ చేస్తాం అని ఒకరంటే, లేదు లేదు.. 10 నిమిషాల్లోనే మీ ఇంటికి తెస్తాం అని మరొకరు పోటీపడి మరీ కొనుగోలుదారులను ఆకర్షిస్తున్నారు. పైగా, షాప్‌లలో కూడా లభించని ఆఫర్లతో నిమిషాల్లోనే వస్తువులు ఇంటికి వస్తుండటంతో.. శ్రమ తప్పుతోందని భావించి అంతా ‘క్విక్‌ కామర్స్‌’పైనే ఆధారపడుతున్నారు. మధ్యాహ్నం, రాత్రి వేళల్లోనే అధికం ఉదయం పూటతో పోలిస్తే, మధ్యాహ్నం భోజన సమయంలో, అలాగే అర్ధరాత్రి వేళల్లో నగరంలో క్విక్‌ ఆర్డర్లు అత్యధికంగా ఉంటున్నాయి. హైపర్‌–ఎఫెక్టివ్‌ డెలివరీ నెట్‌వర్క్‌ మద్దతుతో ఆన్‌లైన్‌ గ్రోసరీ డెలివరీ సంస్థల మధ్య పోటీ తీవ్రమవుతోంది. వీలైనంత త్వరగా వినియోగదారుడికి చేరుకోవాలనే పోటీతో, తక్కువ సమయంలో అందించేందుకు ప్రయత్నింస్తున్నాయి. ఈ ప్లాట్‌ఫాంలో సగటున 10.4 నిమిషాల్లోనే ఆర్డర్లు డెలివరీ అవుతున్నాయి. ఈ జూన్‌లో ఇన్‌స్టామార్ట్‌ ఒక ఆర్డర్‌ను కేవలం 2.18 నిమిషాల్లో అందజేసి రికార్డు సృష్టించింది. 2024 జూన్‌ నుంచి 2025 జూన్‌ మధ్య నగరానికి చెందిన ఒక వినియోగదారుడు ఏకంగా 337 ఆర్డర్లు చేశాడంటే.. ఈ యాప్స్‌ మనల్ని ఎంతలా ప్రభావితం చేస్తున్నాయో అర్థం చేసుకోవచ్చు. స్థానిక ఉత్పత్తుల నుంచి ప్రీమియం వస్తువుల వరకు విస్తృత శ్రేణిలో అందించేందుకు ఈ–కామర్స్‌ ప్లాట్‌ఫాంలు పోటీపడుతున్నాయి. అందుకే విశాఖ వాసి ఇల్లు కదలకుండా, తనకు నచ్చిన వస్తువును కొనుగోలు చేస్తూ ‘స్మార్ట్‌’గా మార్ట్‌ను ఇంటికి తెప్పించుకుంటున్నాడు. వినియోగదారుడి ఆసక్తికి అనుగుణంగా ఆఫర్లతో ఆకట్టుకుంటూ, ఆన్‌లైన్‌ గ్రోసరీ డెలివరీ యాప్స్‌ తమ ఆర్డర్లను గణనీయంగా పెంచుకుంటున్నాయి.ఏమేం ఆర్డర్‌ చేస్తున్నారంటే... ఇన్‌స్టామార్ట్‌ క్విక్‌ కామర్స్‌ యాప్‌.. ఏడాది పాటు విశాఖ నగరంలో చేసిన సర్వేలో పలు ఆసక్తికరమైన అంశాలువెల్లడయ్యాయి. వైజాగ్‌ ప్రజలు చేసే ప్రతి 10 ఆర్డర్లలో 7 పెరుగు కోసమే ఉంటున్నాయి. ఫుల్‌ క్రీమ్, టోన్డ్‌ మిల్‌్క, పన్నీర్‌ కూడా బాగా కొనుగోలు చేస్తున్నారు. తర్వాతి స్థానంలో ఐస్‌క్రీమ్‌లు, స్వీట్స్‌ ఉన్నాయి. వీటి ఆర్డర్లలో ఏడాది కాలంలో 112 శాతం వృద్ధి కనిపించింది. టమాటాలు, రిఫైన్డ్‌ సన్‌ఫ్లవర్‌ ఆయిల్, ఉల్లిపాయలు, గుడ్లు, బంగాళాదుంపలు వంటి కూరగాయలనూ ఆన్‌లైన్‌లోనే కొంటున్నారు.ఉదయం లంచ్‌ బాక్స్‌ కోసం ఏ కూర వండాలో నిర్ణయించుకుని ఆన్‌లైన్‌లో తాజా కూరగాయలకు ఆర్డర్‌ పెడుతున్నారు. తాలింపు సిద్ధం చేసుకునేలోపే.. కూరగాయలు ఇంటికి చేరుతున్నాయి. వీటితో పాటు వేరుశనగ, కొబ్బరి, లేత కొబ్బరి, ఇడ్లీ రవ్వ వంటి ఉత్పత్తులకు కూడా అధిక డిమాండ్‌ ఉంది. వివాహ సీజన్‌లో సౌందర్య, వస్త్రధారణ ఉత్పత్తుల ఆర్డర్లు పెరుగుతున్నాయి. వర్షాకాలంలో సాయంత్రం వేళల్లో బంగాళాదుంప చిప్స్, ఆలూ భుజియా, పాప్‌కార్న్‌ వంటి స్నాక్స్‌ ఎక్కువగా కొంటున్నారు. పండగల సమయంలో పండ్లు, కూరగాయలు, పూజా నిత్యావసరాలను ఆర్డర్‌ చేస్తున్నారు.

న్యూఢిల్లీ: ద్రవ్యోల్బణం దెబ్బతో క్విక్‌ సర్వీస్‌ రెస్టారెంట్లు (క్యూఎస్‌ఆర్‌) మార్జిన్లపరమైన ఒత్తిళ్లు ఎదుర్కొంటున్నాయి. డిమాండ్‌ మందగించడంతో ముడి సరుకుల ఖర్చులు పెరిగినప్పటికీ క్యూఎస్‌ఆర్‌ కంపెనీలు రేట్లను పెంచాలంటే వెనుకాడుతున్నాయి. స్టోర్ల విస్తరణ విషయంలోనూ ఆచితూచి వ్యవహరిస్తున్నాయి. మరోవైపు, అదే సమయంలో ఫుడ్‌ డెలివరీ సంస్థల మార్జిన్లు మాత్రం మెరుగ్గా ఉంటున్నాయి. బీఎన్‌పీ పారిబా రూపొందించిన ఓ నివేదికలో ఈ అంశాలు వెల్లడయ్యాయి. డిస్కౌంట్లను నిర్దిష్ట కస్టమర్లకు మాత్రమే పరిమితం చేస్తున్నప్పటికీ సగటు రోజువారీ అమ్మకాలు తగ్గడంతో క్యూఎస్‌ఆర్‌ల మార్జిన్లపై ఒత్తిడి కొనసాగుతున్నట్లు నివేదిక పేర్కొంది. స్టోర్లను ఎడాపెడా వేగంగా విస్తరించడం, నిర్వహణ వ్యయాలు భారీగా పెరిగిపోవడం తదితర అంశాల వల్ల స్థూల మార్జిన్లపై ప్రభావం పడుతోందని వివరించింది. ఇక, ఫుడ్‌ డెలివరీ సంస్థల విషయానికొస్తే స్విగ్గీ, జొమాటోలాంటి అగ్రిగేటర్ల మార్జిన్లు మాత్రం మెరుగ్గా ఉంటున్నాయి. భారీ స్థాయిలో ఎదిగిన ఈ రెండు సంస్థలు.. క్యూఎస్‌ఆర్‌ చెయిన్ల కన్నా చిన్నవైన రెస్టారెంట్లను కస్టమర్లకు మరింత చేరువ చేశాయి. దీంతో లిస్టెడ్‌ క్యూఎస్‌ఆర్‌ కంపెనీలకు మార్కెట్లో పోటీ పెరిగింది. ఇది సరిపోదన్నట్లు ఆన్‌లైన్‌ ఫుడ్‌ అగ్రిగేటర్లు తమ సొంత డార్క్‌ కిచెన్‌ బ్రాండ్లను (బిస్ట్రో, స్నాక్‌ మొదలైనవి) ప్రారంభించి, ప్రత్యేక యాప్‌ల ద్వారా 10–15 నిమిషాల్లోనే ఫుడ్‌ డెలివరీ సేవలు అందిస్తున్నాయి. ఈ పరిణామాలతో గత నాలుగేళ్లుగా చూస్తే ఫుడ్‌ డెలివరీ సంస్థల మార్జిన్లు పెరుగుతుండగా, క్యూఎస్‌ఆర్‌ల మార్జిన్లపై ఒత్తిడి కొనసాగుతోందని నివేదిక వివరించింది. సామర్థ్యాలు పెంచుకోవాలి.. జూబిలెంట్‌ ఫుడ్స్‌లాంటి క్యూఎస్‌ఆర్‌ కంపెనీలు ముడి సరుకుల ధరలపరంగా సవాళ్లను ఎదుర్కొంటున్నప్పటికీ, డిమాండ్‌ బలహీనంగా ఉండటంతో ధరలను పెంచేందుకు ఇష్టపడటం లేదు. నివేదిక ప్రకారం.. ఫుడ్‌ డెలివరీ సంస్థలతో పోలిస్తే క్యూఎస్‌ఆర్‌ చెయిన్ల అమ్మకాలు తక్కువ స్థాయిలోనే ఉంటున్నాయి. లిస్టెడ్‌ క్యూఎస్‌ఆర్‌ చెయిన్ల మొత్తం అమ్మకాలు 2024 ఆర్థిక సంవత్సరంలో 9 శాతం పెరగ్గా, 2025 ఆర్థిక సంవత్సరంలో 10 శాతానికి పరిమితమయ్యాయి. అదే ఫుడ్‌ డెలివరీ సంస్థల స్థూల ఆర్డర్ల విలువ (జీవోవీ) 2024 ఆర్థిక సంవత్సరంలో 19 శాతంగా, 2025 ఆర్థిక సంవత్సరంలో 18 శాతంగా నమోదైంది. దేశీ క్యూఎస్‌ఆర్‌ మార్కెట్లో పోటీపడాలంటే ప్రస్తుత సంస్థలు తమ మార్కెట్‌ వాటాను కాపాడుకోవాలంటే వినూత్నమైన విధంగా వేగం, మెనూ, డెలివరీ సామరŠాధ్యలను పెంచుకోవడంపై దృష్టి పెట్టాల్సి ఉంటుందని పేర్కొంది. ఆదాయ పన్ను రేట్ల సవరణలు, ఇతరత్రా సానుకూల పరిణామాలతో డిమాండ్‌ మళ్లీ పుంజుకోగలదని క్యూఎస్‌ఆర్‌ సంస్థలు ఆశిస్తున్నాయి.


 కోకోనట్‌ బర్ఫీ
 కావలసినవి: కొబ్బరితురుము – 6 కప్పులు పాలు – 4 కప్పులు పంచదార – 4 కప్పులు ఏలకులు – 6 జీడిపప్పు – 10
 తయారి:ముందుగా బాణలిలో రెండు స్పూన్ల నెయ్యి వేసి కాగాక జీడిపప్పు వేసి వేయించి పొడి చేసుకోవాలి. తర్వాత ఒక గిన్నెలో పాలు, పంచదార, నెయ్యి, కొబ్బరి తరుము, జీడిపప్పు పొడి వేసి సన్నని సెగపై పెట్టి గరిటెతో కలుపుతూండాలి. అది దగ్గరగా వస్తుండగా ఏలకుల పొడి వేసి కలపాలి. ఈ మిశ్రమాన్ని నెయ్యి రాసిన  ప్లేటులో పోసి నచ్చిన ఆకారంలో కట్‌ చేసుకోవాలి.