మొఘల్‌ ఇ ఆజామ్‌.. 1960లో వచ్చిన అద్భుతమైన సినిమా ఇది. సలీం, అనార్కలిగా దిలీప్‌ కుమార్‌ (Dilip Kumar), మధుబాల (Madhubala) నటించారు. ఆన్‌స్క్రీన్‌పై సూపర్‌ హిట్‌ జోడీగా పేరు తెచ్చుకున్న వీళ్లు నిజ జీవితంలో కూడా ప్రేమించుకున్నారు. పెళ్లి చేసుకుని జీవితాంతం కలిసుండాలనుకున్నారు. దంపతులుగా కనిపిస్తారనుకుంటే విడిపోయిన ప్రేమ పక్షులుగా మారారు. అసలు ఈ జంట ​ఎందుకు విడిపోయిందన్న విషయాన్ని ప్రముఖ నటి ముంతాజ్‌ తాజాగా ఓ ఇంటర్వ్యూలో బయటపెట్టింది.పిల్లలు పుట్టరని..ముంతాజ్‌ మాట్లాడుతూ.. మధుబాల దిలీప్‌కు బ్రేకప్‌ చెప్పలేదు. అతడే ఆమెతో ప్రేమబంధాన్ని తెంచేసుకున్నాడు. తనకు పిల్లలు పుట్టరని వదిలేసి.. సైరా భానును పెళ్లి చేసుకున్నాడు. సైరా ఎంతో మంచి మనిషి. దిలీప్‌ అంటే ఆమెకు ఎంతో అభిమానం, ప్రేమ. అతడి చివరి శ్వాస వరకు ఎంతో జాగ్రత్తగా చూసుకుంది. వీళ్లిద్దరి మధ్య వయసు వ్యత్యాసం ఎక్కువ. కానీ ఇద్దరి మధ్య ఉన్న ప్రేమ వల్లే జీవితాంతం కలిసి కొనసాగారు.మొఘల్‌ ఇ ఆజామ్‌ సినిమాలో ఓ దృశ్యంఅందుకే వదిలేశాడుదిలీప్‌కు పిల్లలంటే ఇష్టం. పిల్లలు కావాలన్న కోరికతోనే సైరాను పెళ్లి చేసుకున్నాడు. ఈ విషయం నాకు స్వయంగా మధుబాల చెప్పింది. అప్పుడప్పుడు తనను కలుస్తూ ఉండేదాన్ని. తను సంతోషంగా కనిపించేది కాదు. నాతో ఏమనేదంటే.. జీవితంలో నేను ప్రేమించిన ఏకైక వ్యక్తి యూసఫ్‌ (దిలీప్‌ కుమార్‌ను యూసఫ్‌ అని పిల్చుకునేది). నేను ఎప్పటికీ తల్లిని కానని తెలిసి నన్ను ఒంటరిగా వదిలేశాడు. నాకున్న గుండె సమస్య వల్ల పిల్లల్ని కంటే నేను బతకనని చెప్పారు.ఏనాడూ నిందించలేదుఅందుకే ఇలాంటి పరిస్థితి వచ్చింది. అయినా ఏ మగవాడికైనా పిల్లలు కావాలని ఉంటుంది కదా.. ఇందులో అతడి తప్పేముందిలే అనుకునేదే తప్ప దిలీప్‌ను నిందించేది కాదు. కానీ విషాదమేంటంటే.. దిలీప్‌- సైరా భానులకు సంతానమే లేదు. ఈ విషయంలో సైరాను చూస్తుంటే బాధగా అనిపించేది. కనీసం ఒక్కరైనా పుట్టుంటే వాళ్లెంతో మురిపెంగా చూసుకునేవాళ్లు అని ముంతాజ్‌ చెప్పుకొచ్చింది.వేర్వేరు దారుల్లో ప్రేమజంటదిలీప్‌ కుమార్‌ - మధుబాల దాదాపు దశాబ్దంపాటు కలిసున్నారు. వీరి బ్రేకప్‌ అనంతరం మధుబాల.. 1960లో కిషోర్‌ కుమార్‌ను పెళ్లి చేసుకుంది. 1969లో గుండెపోటుతో మరణించింది. దిలీప్‌ కుమార్‌ 1966లో తనకంటే 22 ఏళ్లు చిన్నదైన సైరా భానును పెళ్లి చేసుకున్నాడు. 1981లో రెహ్మాన్‌ను రెండో పెళ్లి చేసుకోగా 1983లో ఈమెకు విడాకులిచ్చేశాడు. తర్వాత సైరా భానుతోనే కలిసున్న దిలీప్‌ కుమార్‌ 2021లో మరణించాడు.చదవండి: అమ్మ చనిపోయి 5 నెలలు.. వీడియో డిలీట్‌ చేయమని అడుక్కున్నా: సోహైల్‌

లండన్‌: ప్రతిష్టాత్మక రాయల్‌ కాలేజ్‌ ఆఫ్‌ ఫిజీషియన్స్‌(ఆర్‌సీపీ) 124వ ప్రెసిడెంట్‌గా భారత సంతతికి చెందిన డాక్టర్‌ ముంతాజ్‌ పటేల్‌ ఎన్నికయ్యారు. యూకే వైద్య నిపుణుల సంఘంలో ప్రపంచవ్యాప్తంగా నిపుణులుగా పేరున్న 40 వేల మంది వైద్యులు సభ్యులుగా ఉన్నారు.ఇక, ఇంగ్లండ్‌లోని లంకాషైర్‌లో డాక్టర్‌ పటేల్‌ జన్మించారు. ఈమె తల్లిదండ్రులు భారత్‌కు చెందిన వారు. మాంచెస్టర్‌లో కన్సల్టెంట్‌ నెఫ్రాలజిస్ట్‌గా డాక్టర్‌ ముంతాజ్‌ పనిచేస్తున్నారు. ఆర్‌సీపీకు మొట్టమొదటి ఇండో–ఆసియన్‌ ముస్లిం ప్రెసిడెంట్‌గా ఆమె చరిత్ర సృష్టించారు. 16వ శతాబ్దంలో ఆర్‌సీపీ ఏర్పాటయ్యాక ఐదో మహిళా అధ్యక్షురాలుగా ముంతాజ్‌ పటేల్‌ నిలిచారు. సోమవారం ముగిసిన ఎన్నికలో డాక్టర్‌ ముంతాజ్‌ గెలుపొందారు. నాలుగేళ్ల పదవీకాలం ప్రారంభం ఖరారు కావాల్సి ఉంది. ఆర్‌సీపీ వైస్‌ ప్రెసిడెంట్‌(ఎడ్యుకేషన్‌–ట్రెయినింగ్‌)గా, తాత్కాలిక ప్రెసిడెంట్‌గా 2024 జూన్‌ నుంచి కొనసాగుతున్నారు. ఆర్‌సీపీ ప్రెసిడెంట్‌గా కౌన్సిల్‌ సమావేశాలకు అధ్యక్షత వహిస్తారు. బోర్డ్‌ ఆఫ్‌ ట్రస్టీస్‌ సభ్యురాలుగా ఉంటారు.

తిరుపతి కల్చరల్‌: అలిపిరికి సమీపంలో టీటీడీకి విరుద్ధంగా నిర్మాణాలు చేపడుతున్న ముంతాజ్‌ హోటల్‌ అనుమతులను వెంటనే రద్దు చేయాలని ఆంధ్రప్రదేశ్‌ సాధు పరిషత్‌ అధ్యక్షుడు శ్రీనివాసానంద సరస్వతి స్వామి ప్రభుత్వాన్ని డిమాండ్‌ చేశారు. ఏపీ సాధు పరిషత్‌ ఆధ్వర్యంలో సాధువులు, మఠ, పీఠాధిపతులు పెద్ద ఎత్తున బుధవారం తిరుపతిలోని టీటీడీ పరిపాలనా భవనం ముందు నిరసన దీక్ష చేపట్టారు. ఈ సందర్భంగా ఆయన మాట్లాడుతూ తిరుమలకు సమీపంలో ముంతాజ్‌ హోటల్‌కు అనుమతి ఇవ్వడం దుర్మార్గమన్నారు. దీనిపై అనేకసార్లు విజ్ఞప్తి చేసినా నిమ్మకు నీరెత్తినట్లు వ్యవహరించడం విడ్డూరమన్నారు. తాము అధికారంలోకి వస్తే తిరుమలను ప్రక్షాళన చేసి ధర్మాన్ని కాపాడతామని నాడు చంద్రబాబు ప్రకటించారని, ఇక డిప్యూటీ సీఎం పవన్‌ కళ్యాణ్‌ అయితే వారాహి డిక్లరేషన్, సనాతన ధర్మ రక్షణే లక్ష్యం, సనాతన ధర్మ రక్షణ బోర్డు తెస్తాం అంటూ ప్రగల్భాలు పలికారన్నారు. వీరిని నమ్మి తాము ధర్మ రక్షణ కోసం మద్దతు పలికామని చెప్పారు. టూరిజం మంత్రిగా జనసేన పార్టీ నేత ఉండడంతో ముంతాజ్‌ హోటల్‌కు అనుమతుల వెనుక జనసేన హస్తం ఉందని స్పష్టమవుతోందన్నారు. ఇప్పటికైనా కూటమి ప్రభుత్వం చెప్పిన మాట నిలబెట్టుకుని ముంతాజ్‌ హోటల్‌ అనుమతులను వెంటనే రద్దు చేయాలని డిమాండ్‌ చేశారు. లేదంటే నిరసన దీక్షను ఆమరణదీక్షగా కొనసాగిస్తూ తమ ప్రాణాలైనా ఇవ్వడానికి తాము సిద్ధమని హెచ్చరించారు. ఆంధ్ర, తెలంగాణ రాష్ట్రాలకు చెందిన సుమారు 250 మంది సాధువులు, మఠాధిపతులు, పీఠాధిపతులు ఈ కార్యక్రమంలో పాల్గొన్నారు.

ముంబైలో పుట్టిన ముంతాజ్‌ (నగ్మా ఖాన్) తమిళ సినిమాతో ప్రపంచానికి పరిచయం అయింది. ఆపై తెలుగులో దాదాపు 16 ఏళ్లుగా చాలా సినిమాలలో తన గ్లామర్‌ డ్యాన్స్‌లతో మెప్పించింది. ఎక్కువగా స్పెషల్ సాంగ్స్‌తో మాత్రమే ఆమెకు గుర్తింపు వచ్చింది. అందులోనూ చాలా గ్లామర్‌గా సాంగ్స్‌లలో కనిపించడంతో ఆమె పేరు బాగా వైరల్‌ అయింది. అయితే, తన కెరీర్‌ చాలా పీక్‌లో ఉన్నప్పుడే సినిమాలకు కాస్త బ్రేక్‌ ఇచ్చేసింది. ముఖ్యంగా తెలుగులో ఖుషి,అత్తారింటికి దారేది చిత్రాల్లో ఐటెమ్‌ సాంగ్స్‌లలో ఆమె డ్యాన్స్‌ను ఎవరూ మరిచిపోరు.తనకు 21 ఏళ్ల వయసులోనే పాటలలో మితిమీరిన గ్లామర్‌గా కనిపించి అందరినీ షాక్‌ అయ్యేలా చేసింది ముంతాజ్‌(Mumtaz ). 1999లోనే తెలుగు, తమిళ, మలయాళ భాషల్లోకి ఎంట్రీ ఇచ్చేసింది. చాలా బాగుంది, అమ్మో ఒకటో తారీఖు, ఖుషి, జెమినీ, కూలీ, కొండవీటి సింహాసనం, అత్తారింటికి దారేది, ఆగడు తదితర చిత్రాల్లో అతిథి పాత్రలు, స్పెషల్ సాంగ్స్ చేసింది. చివరగా 2015లో 'టామీ' అనే తెలుగు సినిమాలో కనిపించింది.సినిమాలకు ఎందుకు దూరం అయింది..?నటిగా కెరీర్ ఓ మాదిరిగా ఉండగానే పూర్తిగా ఇండస్ట్రీని వదిలేసింది. హిజాబ్ ధరించింది. అయితే ఇలా పూర్తిగా నటనని పక్కనబెట్టేయడానికి గల కారణాన్ని కూడా ఒకానొక సందర్భంలో వెల్లడించింది. 'నేను ముస్లిం కుటుంబంలో పుట్టాను. నాకు ఖురాన్ బాగా తెలుసు. మొదట్లో ఖురాన్‌లో పేర్కొన్న విషయాలకు అర్థం తెలియదు . ఒకానొక దశలో దాని అంతరార్థం నాకు అర్థమై నాలో మార్పు వచ్చింది. అందుకే ఇకపై సినిమాలు చేయకూడదని నిర్ణయించుకున్నాను. అలాగే ఇప్పుడు హిజాబ్ ధరిస్తున్నాను' అని మాజీ నటి ముంతాజ్ చెప్పుకొచ్చింది. సినిమా నుంచి పూర్తిగా తప్పుకున్న ముంతాజ్ ఇప్పుడు దైవభక్తి, ఆధ్యాత్మికతలో పూర్తిగా మునిగిపోయింది. ఆమె ఇప్పటికి మూడు సార్లు మక్కా వెళ్లింది.నేను చనిపోయిన తర్వాత ఫోటోలు షేర్‌ చేయకండిఇంట్లో నా తోబుట్టువుల పిల్లలతో కలిసి నేను చేసిన డ్యాన్స్ పాటలను చూడలేకపోయాను. అంతలా ఆ గ్లామరస్‌ సాంగ్స్‌ నన్ను ఇబ్బంది పెట్టాయి. నేను చిన్న వయసులో ఉండగానే గ్లామర్‌ పాత్రలలో నటించాను. అప్పుడు నేను దేనికీ భయపడలేదు. కానీ, ఇప్పుడు మాత్రం చాలా బాధ పడుతున్నాను. నేను ప్రేక్షకులతో పాటు నెటిజన్లను వేడుకుంటున్నాను. నేను చనిపోయిన తర్వాత, నా అగ్లీ (అంటే బోల్డ్‌, గ్లామరస్) ఫోటోలను షేర్ చేయకండి. ఇది నా చివరి కోరికగా తీసుకోండి. మీరు నా అగ్లీ ఫోటోలను షేర్ చేస్తే, అది నా మరణంలో కూడా నాకు బాధ కలిగిస్తుంది.' అని ఆమె మాట్లాడింది.నాకు పెళ్లిపై ఆశలు లేవుతాను గ్లామరస్‌గా నటించినందుకు పెళ్లి చేసుకునేందుకు కూడా ఎవరూ ముందుకు రాలేదని ఆమె చెప్పుకొచ్చింది. తన శృంగార భరిత ఫొటోలను సామాజిక మధ్యమాల నుంచి తొలగించాలని అనుకుంటున్నానని, అయితే ఆ పని తనకు సాధ్యం కావడం లేదని తెలిపింది. కాబట్టి అభిమానులు సాధ్యమైనంత వరకూ తన గ్లామరస్‌ ఫొటోలను సామాజిక మాధ్యమాల్లో పోస్ట్‌ చేయవద్దని వేడుకుంది. ఇకపై తనకు వివాహం జరుగుతుందనే నమ్మకం లేదని, అది జరుగుతుందా..? అన్నది వేచి చూద్దాం అని నటి ముంతాజ్‌ తన కన్నీటి కథను చెప్పింది. ఆమె చివరిగా నటించిన తమిళ చిత్రం రాఘవ లారెన్స్‌ హీరోగా నటించిన రాజాది రాజా. అందులో ప్రతినాయకిగా నటించింది.

మస్కట్‌ (ఒమన్‌): జూనియర్‌ మహిళల ఆసియా కప్‌ హాకీ టోర్నమెంట్‌లో డిఫెండింగ్‌ చాంపియన్‌ భారత జట్టు భారీ విజయంతో బోణీ కొట్టింది. బంగ్లాదేశ్‌తో ఆదివారం జరిగిన గ్రూప్‌ ‘ఎ’ తొలి లీగ్‌ మ్యాచ్‌లో జ్యోతి సింగ్‌ నాయకత్వంలోని భారత జట్టు 13–1 గోల్స్‌ తేడాతో ఘనవిజయం సాధించింది. భారత్‌ తరఫున ‘ప్లేయర్‌ ఆఫ్‌ ద మ్యాచ్‌’ ముంతాజ్‌ ఖాన్‌ (27వ, 32వ, 53వ, 58వ నిమిషాల్లో) అత్యధికంగా నాలుగు గోల్స్‌ సాధించింది. కనిక (12వ, 51వ, 52వ నిమిషాల్లో), దీపిక (7వ, 20వ, 55వ నిమిషాల్లో) మూడు గోల్స్‌ చొప్పున చేశారు. బ్యూటీ డుంగ్‌డుంగ్‌ (33వ నిమిషంలో), మనీషా (10వ నిమిషంలో), వైస్‌ కెప్టెన్ సాక్షి రాణా (43వ నిమిషంలో) ఒక్కో గోల్‌ సాధించారు. బంగ్లాదేశ్‌ జట్టుకు ఒర్పితా పాల్‌ (12వ నిమిషంలో) ఏకైక గోల్‌ అందించింది. మ్యాచ్‌ మొత్తంలో భారత జట్టుకు 12 పెనాల్టీ కార్నర్‌లు లభించగా... నాలుగింటిని గోల్స్‌గా మలిచింది. ఒక పెనాల్టీ స్ట్రోక్‌ను వృధా చేసింది. అన్ని పెనాల్టీ కార్నర్‌లను టీమిండియా సది్వనియోగం చేసుకొనిఉంటే విజయం తేడా మరింత భారీగా ఉండేది. నేడు జరిగే తమ రెండో లీగ్‌ మ్యాచ్‌లో మలేసియాతో భారత్‌ తలపడుతుంది.

సాక్షి, ముంబై: బాలీవుడ్‌ దిగ్గజ నటి ముంతాజ్‌ మరణ వార్త గత రెండు రోజులుగా సోషల్‌ మీడియాలో చక్కర్లు కొడుతోంది. ఈ నేపథ్యంలో ఆమె కుమార్తె, నటి కమ్‌ మోడల్‌ అయిన తన్యా మద్వాని స్పందించారు. ‘మా అమ్మ గురించి ఏవేవో వార్తలు వినిపిస్తున్నాయి. ఆమె చనిపోయారంటూ వార్తలు వస్తున్నాయి. అది రూమర్‌. ఆమె బతికే ఉంది. ఆమె ఆరోగ్యవంతంగా ఉన్నారు. నాతోపాటే ఉంటూ షాపింగ్‌లు చేస్తూ.. తన పనులను ఆమె చేసుకుంటున్నారు అని తన్యా వివరణ ఇచ్చారు. ఓ వీడియో సందేశాన్ని, ముంతాజ్‌ ఫోటోను తన్యా తన ఇన్‌స్టాగ్రామ్‌లో పోస్టు చేశారు.  70 ఏళ్ల ముంతాజ్‌.. చైల్డ్‌ ఆర్టిస్ట్‌గా సోనె కి చిదియాతో కెరీర్‌ను ప్రారంభించారు. దో రాస్తే.. బంధన్‌.. మేలా, అపరాధ్‌, నాగిన్‌ తదితర చిత్రాలతో ఆమె మంచి గుర్తింపు తెచ్చుకున్నారు. ఖిలోనా(1970) చిత్రంలో వేశ్య పాత్రకు ప్రశంసలతోపాటు.. ఫిల్మ్‌ఫేర్‌ ఉత్తమ నటి అవార్డు దక్కింది. 1977 తర్వాత చిత్రాలకు దూరమైన ఆమె.. చివరగా 1990లో ఆందియాన్‌లో కనిపించారు. ప్రస్తుతం ఆమె కూతురితోపాటు ఇటలీలో ఉన్నట్లు తెలుస్తోంది.  Rumor about my mother’s death ! Not true. #mumtaz #bollywood #press #actress #mumtazactress A post shared by Tanya Madhvani (@tanyamadhvani) on Apr 28, 2018 at 2:57am PDT

అమృత్‌సర్‌: మాదక ద్రవ్యాల కేసులో కటకటాలపాలైన పాకిస్థాన్‌కు చెందిన అక్కాచెల్లెళ్లు ఫాతిమా, ముంతాజ్‌లు గురువారం విడుదలయ్యారు. వారితోపాటు 11 ఏళ్ల హీనాకు కూడా మోక్షం లభించింది. శిక్షాకాలంలో ఫాతిమాకు హీనా జన్మిచింది. ఈ సందర్భంగా మీడియాతో మాట్లాడుతూ ఈ కేసుపై భారత ప్రధాని నరేంద్రమోదీప్రత్యేకశ్రద్ధ తీసుకున్నారని తమకు తెలిసిందని, అందువల్ల ఆయనకు కృతజ్ఞతలు తెలియజేస్తున్నాం. భారతమాతకు వందనం చేస్తున్నాం’ అని విడుదల అనంతరం ఫాతిమా ఉద్వేగంగా తెలియజేసింది. తమ దేశానికి వెళ్లే ముందు స్వర్ణదేవాలయాన్ని సందర్శించాలని అభిలషిస్తున్నట్టు చెప్పారు. కాగా పాకిస్థాన్‌లో మాదకద్రవ్యాలు తీసుకుని భారత్‌లో చొరబడేందుకు యత్నిస్తుండగా 2006, మే ఎనిమిదో తేదీన అట్టారి అంతర్జాతీయ సరిహద్దు వద్ద భద్రతా బలగాలు అరెస్టు చేయడం తెలిసిందే.


 ‘‘30 ఏళ్లుగా నటిస్తున్నా, ఎన్నో చిత్రాలు చేశా. అవార్డులు అందుకున్నా. అయితే, ఎప్పుడూ పూర్తి కథను చదవలేదు. కానీ, ‘గురు’ కథను పూర్తిగా చదవమని సుధ చెప్పారు. సరేనని చదవడం మొదలుపెడితే... నాలో ఏదో తెలియని శక్తి వచ్చింది. ఈ సినిమాతో నేను ఓ కొత్త నటుణ్ణి అనిపించింది’’ అని వెంకటేశ్‌ అన్నారు. వెంకటేశ్‌ హీరోగా సుధ కొంకర దర్శకత్వంలో ఎస్‌. శశికాంత్‌ నిర్మించిన సినిమా ‘గురు’. రితికా సింగ్, ముంతాజ్, నాజర్‌ ముఖ్యతారలు. సోమవారం ట్రైలర్‌ విడుదల చేశారు.
 వెంకటేశ్‌ మాట్లాడుతూ– ‘‘ఈ కథ విన్నప్పుడు డెంగీ జ్వరం రావడంతో చేయలేకపోయా. తమిళం, హిందీ భాషల్లో సినిమా తీసిన తర్వాత నాకు కుదిరింది. గత చిత్రాలకంటే ఇందులో బాగా లీనమై నటించా. నా డైలాగ్‌ డెలీవరీ, బాడీ లాంగ్వేజ్‌ కొత్తగా ఉంటాయి. ఈ సినిమాలో మాత్రమే నేను గురు. షూటింగ్‌లో మాత్రం నా గురు సుధానే. తనకి నేను స్టూడెంట్‌ అయిపోయా. ఈ సినిమాలో ఓ ట్యూన్‌ వినగానే చాలా ఎగ్జయిట్‌గా అనిపించి పాట పాడా. సంతోశ్‌ మంచి పాటలిచ్చారు’’ అన్నారు.
 సుధ కొంగర మాట్లాడుతూ– ‘‘గురు’ కథ అనుకున్నప్పుడు ఫస్ట్‌ మణిరత్నంగారిని సంప్రదించా. నాలుగైదేళ్లు బాక్సింగ్‌పై పరిశోధన చేసి, 250 మంది బాక్సర్లను కలిసి కథ రెడీ చేశా. వెంకీగారిని కలిసి బాక్సింగ్‌ నేపథ్యం అనగానే చాలా ఎక్జైట్ అయ్యారు. ఆయన కమిట్‌మెంట్, సిన్సియారిటీ నాకు నచ్చింది. ఆయన టైమ్‌ అంటే టైమే. ఆయనతో పనిచేయడం చాలా ఎగ్జయిటింగ్‌ ఉంది. బాక్సర్‌ రితిక 2010 నుంచి నాతో ట్రావెల్‌ అవుతోంది. ముంతాజ్‌ కూడా బాక్సర్‌.. ఇద్దరూ సిస్టర్స్‌గా యాక్ట్‌ చేశారు. నిర్మాత శశికాంత్‌ చాలా ఫ్రీడమ్‌ ఇవ్వడంతో క్వాలిటీ సినిమా వచ్చింది’’ అన్నారు. ‘‘వెంకీ సార్‌ని చూస్తే నా రియల్‌ గురు గుర్తుకొచ్చారు. ఈ చిత్రం చూశాక చాలా మంది స్ఫూర్తి పొందుతారు’’ అన్నారు రితికా సింగ్‌. శశికాంత్, ముంతాజ్, సంగీత దర్శకుడు సంతోశ్‌ నారాయణన్, పాటల రచయిత భాస్కర భట్ల, ఎగ్జిక్యూటివ్‌ ప్రాడ్యూసర్‌ రామ్‌ తదితరులు పాల్గొన్నారు.


 ఈరోజు మీతో పాటు పుట్టినరోజు జరుపుకుంటున్న ప్రముఖులు: శరత్‌బాబు (నటుడు); ముంతాజ్ (నటి)
  
 ఈ రోజు పుట్టిన రోజు జరుపుకుంటున్న వారి సంవత్సర సంఖ్య 1. ఇది సూర్యునికి సంబంధించినది. మీ పుట్టిన తేదీ 31. (3+1=4). ఇది రాహువుకి సంబంధించిన సంఖ్య. రాహు, సూర్యుల కలయిక వల్ల ఈ సంవత్సరం మీ జీవితంలో ఒక మైలురాయి వంటిదని చెప్పవచ్చు. నిరుద్యోగులకు ఉద్యోగ ప్రాప్తి, అవివాహితులకు వివాహ యోగం, పిల్లలకు ఉద్యోగ, వివాహ ప్రాప్తి జరుగుతుంది. ట్రాన్స్‌ఫర్లకోసం ఎదురు చూసేవారికి కోరుకున్న చోటికి ట్రాన్స్‌ఫరవుతుంది. కొత్త వ్యాపారాలు విస్తరించడానికి ఇది అనుకూల సమయం.
 
 సంవత్సరం తలపెట్టిన ఏ కార్యమైనా మీకు జీవితంలో మంచి ఆదాయాన్నిస్తుంది. స్నేహితులతో, అధికారులతో ఉన్న మనస్పర్థలు తొలగిపోయి, సత్సంబంధాలు ఏర్పడతాయి. విదేశీవిద్య, ఉద్యోగాల కోసం చేసే ప్రయత్నాలు ఫలిస్తాయి. ఎప్పటినుంచో ఎదురు చూస్తున్న గ్రీన్‌కార్డ్ ఈ సంవత్సరం కచ్చితంగా వచ్చే అవకాశం ఉంది. లక్కీ నంబర్స్: 1,4,5,9; లక్కీ కలర్స్: ఎల్లో, గోల్డ్, రోజ్, ఆరంజ్, బ్రౌన్; లక్కీడేస్: ఆది, సోమ, బుధ, శుక్రవారాలు; లక్కీ మంత్స్: జనవరి, ఏప్రిల్, జులై, సెప్టెంబర్; సూచనలు: హృద్రోగ సమస్యలు వచ్చే అవకాశం ఉన్నందువల్ల మెడికల్ చెకప్ చేయించుకోవడం మంచిది. రాహుజపం చేయించడం, వికలాంగులను, అంధులను ఆదుకోవడం, కోతులకు అరటిపండ్లు పెట్టడం, తండ్రి తరఫు వారిని ఆదరించడం మంచిది.
  - డాక్టర్ మహమ్మద్ దావూద్
  
  


  తాజ్‌మహల్!
  ప్రపంచ వింతల్లో ఒకటి!
  ఒక భర్త తన భార్య గుర్తుగా ఇంత భారీగా
  కట్టించిన మహల్ భువిపై ఇంకొకటి లేదు!
  మొఘల్ చక్రవర్తి షాజహాన్‌కు భార్య ముంతాజ్ అంటే ఎంతో ప్రేమ!
  ఆమె 1631లో పరమపదించారు.
  ఆమె గుర్తుగా తాజ్‌మహల్‌ని కట్టారు షాజహాన్!
  ఉత్తరప్రదేశ్ ఆగ్రాలో...
  యమునా నదీ తీరాన...
  పూర్తిగా పాలరాయితో...
  వెయ్యి ఏనుగుల సాయంతో...
  ఇరవై వేల మంది కార్మికులు
  ఇరవై రెండేళ్ల పాటు శ్రమించి నిర్మించిన అతిగొప్ప కట్టడమిది!
  
  కట్టి శతాబ్దాలు అవుతోంది.
  అయినా దాని వన్నె తగ్గలేదు.  
  కనీసం ఒక్కసారైనా ఆ మహాకట్టడాన్ని చూడాలని ఉబలాటపడేవారే అందరూ!
  సినీ తారలూ దీనికి మినహాయింపు కాదు!
  నట సామ్రాట్ అక్కినేని నాగేశ్వరరావు శ్రీమతి అన్నపూర్ణ దంపతులు తాజ్‌మహల్‌ను సందర్శించుకున్నప్పటి ఫొటోని పైన చూడవచ్చు!
  అలాగే ఢిల్లీలో జరిగిన జాతీయ చలనచిత్ర అవార్డుల కార్యక్రమంలో పాల్గొన్న అనంతరం మహానటి సావిత్రి, ప్రఖ్యాత నటుడు శివాజీ గణేశన్, వారి అర్థాంగి కమలా గణేశన్ ప్రత్యేకంగా ఆగ్రా వెళ్లి తాజ్‌మహల్‌ని దర్శించుకున్నప్పటి
  స్టిల్ కూడా.
  
 
  అలాగే నేటి హాస్యబ్రహ్మ బ్రహ్మానందం తన శ్రీమతి లక్ష్మితో కలిసి తాజ్‌మహల్ ముందు తీపిగుర్తుగా తీయించుకున్న స్టిల్.
  అమెరికా అధ్యక్షుడైనా అతి సామాన్యుడైనా
  తాజ్‌మహల్ అందాలకు ముగ్ధుడవ్వాల్సిందే.
  ఆ నిర్మాణానికి ఆశ్చర్యపోవాల్సిందే.
  దాని ముందు ఫొటో దిగాల్సిందే!
  ఎందుకంటే...
  తాజ్‌మహల్ వంటి దృశ్యకావ్యం
  మరొకటి లేదు గనుక!
  వేరొకటి సాటి రాదు గనుక!!
  ఇంకొకటి కట్టలేరు గనుక!!!
  
  -  సంజయ్ కిషోర్