husband illegal affair

కరీంనగర్‌రూరల్‌: కరీంనగర్‌ శివారు ఆరెపల్లిలో వివాహేతర సంబంధం విషయమై దంపతుల మధ్య నెలకొన్న వివాదం ఇరువర్గాల మధ్య తీవ్ర ఉద్రిక్తతకు దారి తీసింది. ఫ్యాక్షన్‌ తరహాలో కర్రలు, బండరాళ్లతో ఒకరిపై ఒకరు దాడులు చేసుకున్నారు. కరీంనగర్‌రూరల్‌ పోలీస్‌స్టేషన్‌లో ఇరువర్గాల పరస్పర ఫిర్యాదులతో 15మందిపై కేసు నమోదైంది. పోలీసులు, స్థానికుల కథనం ప్రకారం.. ఆరెపల్లి హన్మాన్‌నగర్‌లో రాజు– లావణ్య దంపతులు నివాసముంటున్నారు. రాజుకు ఓ మహిళతో వివాహేతర సంబంధం ఉందనే కారణంతో లావణ్య రెండునెలలక్రితం పుట్టింటికి వెళ్లింది. భార్యను బాగా చూసుకుంటానని చెప్పి ఇటీవల ఇంటికి తీసుకొచ్చిన రాజు, మళ్లీ వేధించడంతో కుటుంబసభ్యులకు చెప్పింది. శనివారం హన్మాన్‌నగర్‌కు వచ్చిన లావణ్య కుటుంబసభ్యులతో రాజు కుటుంబసభ్యులు గొడవపడ్డారు. ఇరువర్గాల నడుమ వివాదం పెరిగి కర్రలు, బండరాళ్లతో ఒకరిపై ఒకరు దాడులు చేసుకునే వరకు వెళ్లింది. గంటపాటు ఉద్రిక్తత నెలకొంది. ఈ దాడుల్లో ఆరుగురు గాయపడగా లావణ్య తల్లి తల పగిలి పోయింది. తండ్రి, సోదరులకు తీవ్ర గాయాలయ్యాయి. ఇరువర్గాల పరస్పర ఫిర్యాదులతో 15మందిపై కేసు నమోదు చేశామని సీఐ నిరంజన్‌రెడ్డి తెలిపారు.

రామారెడ్డి(ఎల్లారెడ్డి): మండలంలోని పోసానీపేట గ్రామంలో భర్త ఇంటి ఎదుట మహిళా సంఘాలతో కలిసి ఓ భార్య ఆందోళన చేసిన ఘటన సోమవారం చోటు చేసుకుంది. బాధితురాలు సంజన తెలిపిన వివరాలిలా ఉన్నాయి. హైదరాబాద్‌కు చెందిన సంజన ఐదేళ్ల కిత్రం రామారెడ్డి మండలం పోసానీపేట గ్రామానికి చెందిన గాండ్ల ప్రవీణ్‌కు ఫేస్‌బుక్‌ ద్వారా ఏర్పడిన పరిచయం అనంతరం ప్రేమ పెళ్లి వరకు దారి తీసింది. వివాహం జరిగి రెండేళ్లు అయింది. తన భర్త ప్రవీణ్‌ అక్రమ సంబధాలు పెట్టుకుని తనను నిర్లక్ష్యం చేస్తున్నాడని సంజన ఆరోపించింది. అలాగే తను గతంలో అనేక సార్లు పోలీసుల చుట్టూ తిరిగినా ఫలితం లేకపోవడంతో ఆందోళనకు దిగాల్సి వచ్చిందని ఆమె తెలిపారు. సోమవారం భర్త ప్రవీణ్‌ ఇంటి ఎదుట తనకు న్యాయం చేయాలని డిమాండ్‌ చేస్తూ మహిళ సంఘాలతో కలిసి ఆందోళనకు దిగింది.   


 రాయగడ : జేకేపూర్‌కు చెందిన వ్యాపారవేత్త, జగదాంబ రైస్‌మిల్ యజమాని కిల్లాన శ్రీనివాస్ భార్య కిల్లాన రాణి  ఆత్మహత్యకు పాల్పడింది. అత్తింటి ఆరళ్లు, భర్త వివాహేతర సంబంధం కారణమని కొందరు ఆరోపిస్తున్నారు. ఆమెకు మతిస్థిమితం లేదని శ్రీనివాస్ పోలీసులకు తెలిపారు. దీనికి సంబంధించిన వివరాలి లా ఉన్నాయి. జేకేపూర్‌కు చెందిన కిల్లాన శ్రీనివాస్‌కు, గుమ్మడ సమీపంలోని విందుపురానికి చెందిన రాణికి 22 ఏళ్ల కిందట వివాహమైంది.
  
   వారికి సమంత, మౌని క ఇద్దరు కుమార్తెలు. పెద్ద కుమార్తె, రెండో కుమార్తె విశాఖపట్నంలో చదువుతున్నారు. శ్రీనివాస్‌కు జేకేపూర్‌లోని ఒక ఉపాధ్యాయురాలితో వివాహేతర సంబంధం ఉందని, ఆమె ప్రస్తుతం గర్భవతి అని చెబుతున్నారు. దీంతో శ్రీనివాస్, రాణి మధ్య విభేదాలు తలెత్తాయి. దీంతో బుధవారం రాత్రి 7గంటలకు ఓంశాంతి పూజకు వెళుతున్నానని చెప్పి రాణి వెళ్లిపోయింది.
  
  సమాచారం తెలుసుకున్న పుట్టింటి  వాళ్లు వెతికినా ఆచూకీ లభించకపోవడంతో పోలీసులకు ఫిర్యాదు చేశారు భర్త, కుటుంబ సభ్యులు పట్టించుకోలేదు. గురువారం ఉదయం మజ్జిగౌరి మందిరం సమీపంలోని రైలు పట్టాలపై మహిళ మృతదేహాన్ని స్థానికులు గమనించారు.  10 గంటల సమయంలో మృతురాలు రాణిగా జీఆర్‌పీ పోలీసులు గుర్తించారు. ఆమె కుటుంబ సభ్యులకు సమాచారమిచ్చారు. ఆమెకు మతి స్థిమితం లేక ఆత్మహత్యకు పాల్పడినట్లు శ్రీనివాస్ తెలిపారు. జీఆర్‌పీ పోలీసులు కేసు చేశారు. ఓఐసీ గణపతి బెహరా కేసు దర్యాప్తు చేస్తున్నారు.