BSP President

బీఎస్పీ అధినేత్రి మాయావతి మేనల్లుడు ఆకాష్‌ ఆనంద్‌ మళ్లీ పార్టీలో కీలక బాధ్యతలు చేపట్టారు. ఒకసారి కాదు.. వరుస పరిణామాల తర్వాత మరోసారి ఆయనకు మాయావతి ఛాన్స్‌ ఇవ్వడం యూపీ రాజకీయాల్లో ఆసక్తిని రేపుతోంది. 2027 అసెంబ్లీ ఎన్నికలు దగ్గరపడుతున్న వేళ ఆకాష్‌ రీఎంట్రీ కేవలం పదవి పునరుద్ధరణకే పరిమితమా? లేక మాయావతి ఆయనను యూపీ రాజకీయాల్లో మరోసారి కీలకంగా రంగంలోకి దింపనున్నారా? రానున్న రోజుల్లో ఆకాష్‌ దూకుడు ఎలా ఉండబోతోందన్నది ఇప్పుడు ఉత్తరప్రదేశ్‌లో హాట్‌టాపిక్‌గా మారింది.మాయావతి తన మేనల్లుడు ఆకాష్‌ ఆనంద్‌కి బీఎస్పీ జాతీయ సమన్వయకర్తగా కీలక బాధ్యతలు అప్పగించారు. ఇటీవలే పార్టీ నుంచి ఆకాష్‌ను తొలగించిన మాయావతి.. ఆయన క్షమాపణలు కోరిన కొద్ది రోజులకే మళ్లీ అవకాశం కల్పించారు. పార్టీ, బహుజన ఉద్యమ ప్రయోజనాలను దృష్టిలో పెట్టుకునే ఈ నిర్ణయం తీసుకున్నట్లు ఆమె వెల్లడించారు. అయితే, ఆకాష్‌ ఆనంద్‌ తిరిగి కీలక పదవిలోకి రావడంతో ఉత్తరప్రదేశ్‌ రాజకీయాల్లో ఆయన పాత్రపై చర్చ మొదలైంది. 2027 అసెంబ్లీ ఎన్నికలు సమీపిస్తున్న నేపథ్యంలో బీఎస్పీకి యువ నాయకత్వం, సంస్థాగత బలోపేతం కీలకంగా మారింది. ఈ నేపథ్యంలో ఆకాష్‌ను యూపీలో పార్టీ కార్యక్రమాలు, సభలు, కేడర్‌ మొబిలైజేషన్‌లో మరింత చురుగ్గా ఉపయోగించుకునే అవకాశం ఉందనే అంచనాలు వ్యక్తమవుతున్నాయి.భారీ సభ.. అక్టోబర్‌ 9న లక్నోలో డాక్టర్‌ బీఆర్‌ అంబేడ్కర్‌ జయంతి సందర్భంగా బీఎస్పీ నిర్వహించనున్న భారీ కార్యక్రమం ఆకాష్‌ పునరాగమనానికి తొలి పరీక్షగా మారొచ్చని పార్టీ వర్గాలు చెబుతున్నాయి. ఈ కార్యక్రమంలో ఆయన వేదికపై కనిపించకపోయినా.. ఏర్పాట్లు, సంస్థాగత వ్యూహాల్లో కీలకంగా వ్యవహరించే అవకాశం ఉందని సమాచారం. మరోవైపు.. ఆకాష్‌ రాజకీయ కార్యకలాపాలు రానున్న రోజుల్లో మరింత పెరగొచ్చని తెలుస్తోంది. నవంబర్‌ 1న అయోధ్యలోని ఓ అసెంబ్లీ నియోజకవర్గంలో జరిగే బహిరంగ సభలో ఆయన ప్రసంగించే అవకాశం ఉందని సమాచారం. ఇదే సమయంలో బీఎస్పీ అభ్యర్థిగా జితేంద్ర సింగ్‌ బబ్బ్లూను ప్రకటించే అవకాశమున్నట్లు పార్టీ వర్గాల్లో చర్చ జరుగుతోంది.మాయావతితో విభేదాలు.. మళ్లీ కలిసిన బంధంమాయావతి, ఆకాష్‌ ఆనంద్‌ మధ్య విభేదాలకు ఆయన మామ, మాజీ బీఎస్పీ నేత అశోక్‌ సిద్ధార్థ్‌తో ఉన్న రాజకీయ అనుబంధం కూడా ఒక కారణంగా మారింది. కుటుంబ ప్రయోజనాలు పార్టీ, బహుజన ఉద్యమ ప్రయోజనాల కంటే ముందుకు రాకూడదని మాయావతి గతంలో స్పష్టం చేశారు. ఆకాష్‌ కూడా ఇటీవల మాయావతిని తన రాజకీయ గురువుగా పేర్కొంటూ బహిరంగంగా క్షమాపణలు చెప్పారు. బీఎస్పీ తనకు కేవలం పార్టీ కాదని.. కుటుంబం లాంటిదని పేర్కొంటూ మరో అవకాశం ఇవ్వాలని కోరారు. అశోక్‌ సిద్ధార్థ్‌ క్రియాశీల రాజకీయాల నుంచి తప్పుకోవడంతో ఇక ఆకాష్‌ను బీఎస్పీ నుంచి వేరు చేయాల్సిన అవసరం ఉండదని మాయావతి స్పష్టం చేశారు.2027 ఎన్నికలే అసలు పరీక్షప్రస్తుతం ఆకాష్‌కు తిరిగి సంస్థాగత బాధ్యతలు అప్పగించినప్పటికీ.. ఉత్తరప్రదేశ్‌లో ఆయనకు ఎంత కీలకమైన పాత్ర ఇస్తారన్నది రానున్న రోజుల్లో తేలనుంది. 2027 అసెంబ్లీ ఎన్నికలకు బీఎస్పీ సిద్ధమవుతున్న వేళ ఆయన పునరాగమనం పార్టీకి మరో కీలక రాజకీయ పరిణామంగా మారింది. యూపీలో ఎంత మేరకు ప్రచారంలోకి తీసుకొస్తారు? పార్టీ కేడర్‌ను ఏ స్థాయిలో సమీకరిస్తారు? అన్నది ఆసక్తికరంగా మారింది.ఇదీ చదవండి: దద్దరిల్లిన ఢిల్లీ

నిర్మల్‌: ఏళ్లపాటు దేశాన్ని పాలిస్తున్న కాంగ్రెస్, బీజేపీలు పేదరికం, నిరుద్యోగాన్ని మరింత పెంచాయని, బహుజనుల అభివృద్ధి విస్మరించాయని బీఎస్పీ జాతీ య అధ్యక్షురాలు మాయావతి ఆరోపించారు. ఎన్నికల ప్రచారంలో భాగంగా నిర్మల్‌ జిల్లా కేంద్రంలో బుధవారం నిర్వహించిన బహిరంగ సభలో ఆమె మాట్లాడారు. బడుగు, బలహీన, మైనార్టీ వర్గాల ను ఆయా పార్టీలు విస్మరించాయని విమర్శించారు. తప్పుడు ఆర్థిక విధానాలతో పేదరికం, నిరుద్యోగం పెరిగిందన్నారు. సామాన్యుడిని ఇబ్బంది పెట్టేలా డీజిల్, పెట్రోల్‌ ధరలను పెంచారన్నారు. నోట్ల రద్దు, జీఎస్టీ నిర్ణయాలతో ప్రజలను ఇబ్బందుల పాలు చేశారని మండిపడ్డారు. దేశంలో రోజురోజుకు అవినీతి పెరుగుతోందని చెప్పారు. తాము అధికారంలోకి వస్తే 100 రోజుల్లోనే ప్రతీ కుటుంబానికి రూ.15 లక్షల నుంచి రూ.20 లక్షలు ఇస్తామని 2014 ముందు ఎన్నికల్లో నరేంద్రమోదీ హామీ ఇచ్చారని గుర్తు చేశారు. ఐదేళ్లు పూర్తి కావస్తున్నా కుటుంబానికి ఒక రూపాయి కూడా ఇవ్వలేదని విమర్శించారు. తెలంగాణలోనూ ధన బలంతోనే పార్టీలు అధికారంలోకి వస్తున్నాయన్నా రు. కేంద్ర, రాష్ట్ర ప్రభుత్వాలు బహుజను ల బాగోగులను పట్టించుకోవడంలో విఫ లమయ్యాయని ధ్వజమెత్తారు. ఓబీసీ రిజర్వేషన్ల అమలు ఘనత తమదేనన్నారు. మైనార్టీల స్థితిగతులపై సచార్‌ కమిటీ ప్రతిపాదనలను అమలు చేయడం లేదని ఆరోపించారు. దేశవ్యాప్తంగా బడుగు, బలహీన, మైనార్టీలతో పాటు అగ్రకులాల్లోని పేదలకూ రిజర్వేషన్లు పెంచేందుకు బీఎస్పీ పోరాడుతుందని చెప్పారు. ఉత్తరప్రదేశ్‌లో నాలుగుసార్లు గెలుపొందిన బీఎస్పీ ‘సర్వజన హితాయ.. సర్వజన సుఖాయ’సూత్రంతో అన్ని వర్గాల అభివృద్ధికి కృషి చేసిందన్నారు. ఇప్పుడు తెలంగాణలోనూ అన్ని వర్గాల అభ్యున్నతి కోసం బీఎస్పీ ఒంటరిగా పోరాటం చేస్తుం దని చెప్పారు. ఈసారి తమకు రాష్ట్ర ప్రజ లు అవకాశం ఇచ్చి చూడాలని కోరారు. నిర్మల్‌ జిల్లా కేంద్రంలో జరిగిన ఈ సభకు చుట్టూ పక్కల అన్ని నియోజకవర్గాల నుంచి బీఎస్పీ అభ్యర్థులు పాల్గొన్నారు.  


 న్యూఢిల్లీ: విధానసభ ఎన్నికల ప్రచారం తారస్థాయికి చేరుకున్నందున, బీఎస్పీ అధినేత్రి మాయావతి సైతం రాజధాని బాట పట్టారు. మొదటగా యమునావిహార్‌లో గురువారం ఏర్పాటు చేసిన ర్యాలీకి హాజరై ప్రసంగించారు. ముజఫర్‌నగర్ అల్లర్ల నేపథ్యంలో ముస్లింలు ఈసారి కాంగ్రెస్‌కు బదులు తమకే ఓట్లు వేస్తారని ఢిల్లీ బీఎస్పీ నాయకులు విశ్వసిస్తున్నారు. అందుకే ముస్లిం జనాభా అధికంగా ఉండే యమునావిహార్‌లో మాయావతి ర్యాలీ నిర్వహించారు. ప్రచారంలో తమ పార్టీకి చక్కటి స్పందన వస్తోందని, తమ అధినేత్రి తదుపరి ఎన్నికల ర్యాలీ అశోక్ విహార్‌లో ఉంటుందని పార్టీ ఎన్నికల ప్రచార విభాగం ఇన్‌చార్జ్ ఎంఎల్ తోమర్ అన్నారు. 
  
  ‘ముస్లింలు కాంగ్రెస్‌తో విసిగిపోయారు. వాళ్లు ఇప్పుడు మార్పు కోరుకుంటున్నారు. యూపీలో మేం అధికారంలో ఉన్నప్పుడు ముస్లింల సంక్షేమం కోసం ఎన్నో చర్యలు తీసుకున్నాం కాబట్టి ఢిల్లీలోనూ వారికి మేమే ప్రత్యామ్నాయంగా అవతరిస్తాం. షీలా దీక్షిత్ ప్రభుత్వం ముస్లింల అభ్యున్నతి కోసం చేసిందేమీ లేదు. మాయావతి ఈ అంశాలపై దృష్టి సారిస్తారు’ అని తోమర్ వివరించారు.  మాయావతి శుక్రవారం నుంచి నాలుగు రోజులపాటు అశోక్‌విహార్, తుగ్లకాబాద్, నజఫ్‌గఢ్, నరేలా, ఆర్కే పురం, త్రిలోక్‌పురి, ద్వారక ప్రాంతాల్లో ఎన్నికల ప్రచారం నిర్వహిస్తారు. 2008 ఎన్నికల్లోనూ ఆమె ఢిల్లీలో త్రిలోక్‌పురి, సుల్తాన్‌పురి, అలీగావ్‌లో ప్రచారం చేసినప్పుడు అనూహ్య స్పందన వచ్చిందని బీఎస్పీ వర్గాలు తెలిపాయి. 
  
  ఈసారి ఆమె ఏకంగా ఎనిమిది ర్యాలీల్లో పాల్గొంటున్నందున తమ పార్టీకి మంచి ఫలితాలు వస్తాయని తోమర్ ఆశాభావం వ్యక్తపరిచారు. సంప్రదాయ ఓటర్లయిన దళితులతోపాటు జాట్లు, ముస్లిం ఓట్లపై బీఎస్పీ కన్నేసింది. ఢిల్లీ రాజకీయాల్లో తాము మూడోశక్తిగా అవతరించామని, యూపీలో మాయావతి చేసిన అభివృద్ధిని చూసి ఓటేయాల్సిందిగా తాము ఢిల్లీవాసులను కోరుతున్నామని తోమర్ అన్నారు. గత ఎన్నికల్లో బీఎస్పీ రెండు స్థానాలను గెలిచింది. ఈసారి తమ ఓట్ల సంఖ్య 14 నుంచి 25 శాతానికి పెరుగుతుందని ఢిల్లీ బీఎస్పీ అంచనా వేసింది. ద్రవ్వోల్బణం అదుపు, ఢిల్లీకి పూర్తిస్థాయి రాష్ట్రహోదా వంటి అంశాలను ఈపార్టీ తన మేనిఫెస్టోలో ప్రస్తావించింది.