నూతన నటీనటులు అమర్ నాగినేని, తుషార్, అనూషా ప్రధాన పాత్రధారులుగా బెస్ట్ ఫ్రెండ్స్ క్రియేషన్స్ పతాకంపై ఓ చిత్రం రూపొందుతోంది. వి.జాన్ థామస్ దర్శకుడు. హైదరాబాద్‌లో ఈ చిత్రం షూటింగ్ మొదలైంది. దర్శకుడు మాట్లాడుతూ- ‘‘మూడు హృదయాల అంతర్మథనమే ఈ సినిమా కథాంశం. చాలా భిన్నంగా ఉంటుంది. ఇంకా పేరు నిర్ణయించని ఈ చిత్రంలో నటించేవారందరూ కొత్తవాళ్లే కావడం విశేషం. అక్టోబర్ 9 నుంచి డిసెంబర్ వరకూ నిరవధికంగా చిత్రీకరణ జరుపుతాం’’ అని తెలిపారు. నరేశ్, అక్షయ్, వినయ్, శైలంద్రసింగ్, కరుణాకర్, సయ్యద్ భాషా తదితరులు ఇతర పాత్రలు పోషిస్తున్న ఈ చిత్రానికి కథ: శైలేంద్రసింగ్, కెమెరా: కుమార్.