దర్శకుడు బాలా తెరకెక్కిస్తున్న చిత్రం వణంగాన్‌. ఈ చిత్రంలో మొదట సూర్య హీరోగా నటించారు. కొంత షూటింగ్‌ జరిగిన తరువాత కొన్ని అనివార్య కారణాల వల్ల ఆయన ఈ చిత్రం నుంచి వైదొలిగారు. సూర్య స్థానంలో అరుణ్‌ విజయ్‌ను ఎంపిక చేశారు. ఇందులో నటి రోషిణీ ప్రకాశ్, సముద్రఖని, మిష్కిన్‌ తదితరులు ముఖ్య పాత్రలు పోషించారు. వీ హౌస్‌ పొడక్షన్స్‌ పతాకంపై సురేశ్‌ కామాక్షి నిర్మిస్తున్న ఈ చిత్ర షూటింగ్‌ ఇటీవలే పూర్తయింది. విగ్రహాలతో..ప్రస్తుతం నిర్మాణాంతర కార్యక్రమాలను జరుపుకుంటోంది. ఆ మధ్య చిత్రం ఫస్ట్‌లుక్‌ పోస్టర్‌ను విడుదల చేశారు. అందులో అరుణ్‌ విజయ్‌ ఒక చేతిలో పెరియార్, మరో చేతిలో వినాయకుడి శిలను పట్టుకుని ఉన్న ఆ పోస్టర్‌కు మంచి స్పందన వచ్చింది. కాగా వణంగాన్‌ చిత్రం విడుదల గురించి నిర్మాత సురేశ్‌ కామాక్షి తన ఎక్స్‌ మీడియాలో పేర్కొంటూ జూలై నెలలో విడుదల చేయనున్నట్లు తెలిపారు. రిలీజ్‌ ఎప్పుడంటే?ఈ మేరకు రిలీజ్‌ డేట్‌ పోస్టర్‌ విడుదల చేశారు. అందులో కన్యాకుమారిలో ఉన్న తిరువళ్లువర్‌ శిలావిగ్రహం వద్ద నిలబడ్డ అరుణ్‌ విజయ్‌కు దర్శకుడు బాలా సూచనలుు ఇస్తున్నట్లుగా ఉంది. ఈ ఫొటో ఇప్పుడు సామాజిక మాధ్యమాల్లో వైరల్‌ అవుతోంది. ఈ చిత్రానికి జీవీ ప్రకాశ్‌కుమార్‌ సంగీతాన్ని, ఆర్‌పీ గురుదేవ్‌ ఛాయాగ్రహణం అందిస్తున్నారు. ஜூலை வெளியீடு(July release) @arunvijayno1 #Bala#Vanangaan@roshiniprakash_@thondankani@DirectorMysskin@Vairamuthu@gvprakash@editorsuriya@rk_naguraj@silvastunt @VHouseProd_Offl@memsundaram @johnmediamanagr #Bstudios pic.twitter.com/hKrOGvWZuR— sureshkamatchi (@sureshkamatchi) June 1, 2024

సంక్రాంతికి రిలీజ్‌ చేస్తే కనీస వసూళ్లయినా వస్తాయి.. అందుకే చాలామంది సంక్రాంతి బరిలో ఎన్ని సినిమాలున్నా సరే రిలీజ్‌ చేసేందుకు వెనకడుగు వేయరు. మరికొందరేమో పెద్ద సినిమాలు బరిలో ఉంటే మరో ఆప్షనే లేదన్నట్లు తప్పుకుంటారు. అలా ఈసారి సంక్రాంతికి గుంటూరు కారం, హనుమాన్‌, సైంధవ్‌, నా సామిరంగ సినిమాలు రిలీజయ్యాయి. అదే సమయంలో(జనవరి 12న) తమిళంలో మిషన్‌ చాప్టర్‌ 1 రిలీజైంది. దీన్ని తెలుగులోనూ విడుదల చేయాలనుకున్నారు. కానీ తర్వాత ఈ ఆలోచన విరమించుకున్నారు. భారీ బడ్జెట్‌.. ఈ మూవీలో అరుణ్‌ విజయ్‌ హీరోగా నటించాడు. అమీ జాక్సన్‌, నిమీషా సజయన్‌ హీరోయిన్లుగా యాక్ట్‌ చేశారు. విజయ్‌ దర్శకత్వం వహించగా రూ.25 కోట్ల బడ్జెట్‌తో వంశీ, రాజశేఖర్‌ ఈ సినిమా నిర్మించారు. ఇది హీరో కెరీర్‌లోనే భారీ బడ్జెట్‌ సినిమా కావడం విశేషం. యాక్షన్‌ ఎంటర్‌ టైనర్‌గా రూపొందిన ఈ చిత్రానికి జీవీ ప్రకాష్‌ కుమార్‌ సంగీతాన్ని అందించారు. ఇది ఈయనకు మ్యూజిక్‌ డైరెక్టర్‌గా 100వ సినిమా కావడం విశేషం. రెండు ఓటీటీలలో! యాక్షన్‌ మూవీ సడన్‌గా ఓటీటీలోకి వచ్చేస్తోంది. సింప్లీ సౌత్‌ అనే ఓటీటీలో మార్చి 15 నుంచి స్ట్రీమింగ్‌ కానుంది. అయితే ఇండియా మినహా మిగతా అన్ని చోట్ల అందుబాటులోకి తేనున్నట్లు ప్రకటించడం గమనార్హం. ఇకపోతే ఈ సినిమా మరో డిజిటల్‌ ప్లాట్‌ఫామ్‌లోనూ అడుగుపెడుతున్నట్లు తెలుస్తోంది. అమెజాన్‌ ప్రైమ్‌ వీడియోలో నేటి అర్ధరాత్రి నుంచి ప్రసారం కానుందట! #MissionChapter1 from tonight! pic.twitter.com/3ltYghmggH — Christopher Kanagaraj (@Chrissuccess) March 14, 2024 #MissionChapter1 | MARCH 15. Streaming worldwide, excluding India. pic.twitter.com/jxF16RmuL3 — Simply South (@SimplySouthApp) March 14, 2024 చదవండి: అంబానీ ప్రీవెడ్డింగ్‌ పార్టీలో ఇతడే హైలైట్‌.. తేడా పోజులతోనే ఫేమస్‌

స్టార్ హీరో కొత్త సినిమా ఓటీటీలోకి వచ్చేందుకు రెడీ అయిపోయింది. తమిళంలో థియేటర్లలోకి వచ్చిన ఈ సినిమాని తెలుగులోనూ విడుదల చేయాలనుకున్నారు. కానీ అక్కడ ఫలితం చూసి తెలుగు వెర్షన్ రిలీజ్ ఆలోచన మానుకున్నారు. ఇప్పుడీ చిత్రాన్ని నేరుగా ఓటీటీలోకి తీసుకొచ్చేయబోతున్నారట. తాజాగా స్ట్రీమింగ్ డేట్ కూడా ఫిక్సయినట్లు తెలుస్తోంది. ఇంతకీ ఏంటా మూవీ? ఈ సంక్రాంతికి తెలుగులో గుంటూరు కారం, హనుమాన్, సైంధవ్, నా సామిరంగ చిత్రాలు రిలీజయ్యాయి. వీటిలో బాక్సాఫీస్ విన్నర్‌గా 'హనుమాన్' నిలిచింది. ఇది తప్పితే మిగతా మూడు చిత్రాలు ఓటీటీలోకి వచ్చేశాయి. మరోవైపు తమిళంలోనూ సంక్రాంతికి రిలీజైన 'కెప్టెన్ మిల్లర్', 'అయలాన్' హిట్ టాక్ తెచ్చుకున్నాయి. కొన్నిరోజుల క్రితం ఓటీటీలోకి కూడా వచ్చేశాయి. వీటితో పాటు తమిళంలో ఇదే పండక్కి 'మిషన్ ఛాప్టర్ 1' చిత్రం కూడా రిలీజైంది. (ఇదీ చదవండి: మూడు ఓటీటీల్లో ఒకేసారి హిట్ సినిమా రిలీజ్.. స్ట్రీమింగ్ ఎప్పుడంటే?) యాక్షన్ స్టోరీతో తీసిన ఈ సినిమాని తమిళంతో పాటు తెలుగులోనూ రిలీజ్ ప్లాన్ చేశారు. కానీ సొంత భాషలోనే తేడా కొట్టేయడంతో మన దగ్గర థియేటర్లలో విడుదల చేయడం అనే ఆలోచనని పూర్తిగా పక్కనబెట్టేశారు. అలా అందరూ మర్చిపోయిన ఈ చిత్రం నెట్‪‌ఫ్లిక్స్‌లో స్ట్రీమింగ్‌కి సిద్ధమైందట. మార్చి 1 నుంచి దక్షిణాది భాషల్లో అందుబాటులోకి రానుందని అంటున్నారు. దీనిపై క్లారిటీ రావాల్సి ఉంది. మిషన్ ఛాప్టర్-1 కథ విషయానికొస్తే.. ఆస్పత్రిలో ప్రాణాల‌తో పోరాడుతున్న త‌న కూతురిని ఎలాగైనా కలుసుకోవాలని.. విదేశీ జైలులో ఖైదీగా ఉండే హీరో అనుకుంటాడు? మరి ఇందుకోసం ఎలాంటి పోరాటం చేశాడు? విదేశీ జైలులో ఖైదీగా మార‌డానికి కార‌ణమేంటనేదే స్టోరీ. అరుణ్ విజయ్ హీరోగా నటించగా.. అమీజాక్స‌న్, నిమిషా స‌జ‌య‌న్ హీరోయిన్లుగా నటించారు. (ఇదీ చదవండి: ఓటీటీలోకి సూపర్‌స్టార్ రజినీకాంత్ సినిమా.. అనుకున్న టైమ్ కంటే ముందే!)

సేతు, నందా, పితామహన్‌, నాన్‌ కడవుల్‌, అవన్‌ ఇవన్‌ వంటి చిత్రాలకు దర్శకత్వం వహించిన బాలా డైరెక్షన్‌లో వస్తున్న చిత్రం వణంగాన్‌. ఇందులో అరుణ్‌ విజయ్‌ హీరోగా నటిస్తున్నాడు. తొలుత ఈ చిత్రంలో నటించిన హీరో సూర్యతో దర్శకుడికి విభేదాలు ఏర్పడడంతో ఆయన ఈ చిత్రం నుంచి వైదొలగారు. ఆ తర్వాత సూర్య పాత్రలో అరుణ్‌ విజయ్‌ నటిస్తున్నారు. ఇందులో రోషిని ప్రకాశ్‌, సముద్రఖని, మిష్కిన్‌ వంటి ప్రముఖులు ముఖ్య పాత్ర పోషిస్తున్నారు. గతేడాది వణంగాన్‌ చిత్ర ఫస్ట్‌లుక్‌ పోస్టర్‌ రిలీజ్‌ చేయగా ఇందులో శరీరమంతా బురదతో కనిపించిన అరుణ్‌ విజయ్‌ ఒక చేతిలో పెరియార్‌, మరో చేతిలో వినాయకుడి విగ్రహాలతో ఆక్రోషంగా కనిపించాడు. ఆ పోస్టర్‌ తెగ వైరలయింది. తాజాగా ఈ సినిమా టీజర్‌ రిలీజ్‌ చేశారు. కన్యాకుమారి సముద్ర తీరంలోని తిరువళ్లువర్‌ విగ్రహ విశ్వరూపంతో టీజర్‌ ప్రారంభమవుతుంది. దేవాలయం వెనుకవైపు బైక్‌పై నుదుట విభూది, కుంకుమతో అరుణ్‌ విజయ్‌ కనిపిస్తున్నారు. బావిలో నుంచి ఓ చేతితో పెరియార్‌, మరో చేతిలో వినాయకుడితో పైకి వస్తున్న అరుణ్‌ విజయ్‌ సీన్‌ ఆకట్టుకుంటోంది. చదవండి: హీరోయిన్ త్రిషపై వల్గర్ కామెంట్స్.. సారీ చెప్పిన ఎమ్మెల్యే

అరుణ్‌ విజయ్‌ కథానాయకుడిగా నటించిన తాజా చిత్రం మిషన్‌ చాప్టర్‌–1. అమీ జాక్సన్‌, నిమీషా సజయన్‌ హీరోయిన్లుగా నటించిన ఈ చిత్రాన్ని విజయ్‌ దర్శకత్వంలో వంశీ, రాజశేఖర్‌ నిర్మించారు. యాక్షన్‌ ఎంటర్‌ టైనర్‌గా రూపొందిన ఈ చిత్రానికి జీవీ ప్రకాష్‌ కుమార్‌ సంగీతాన్ని అందించారు. ఈ చిత్ర విడుదల హక్కులను పొందిన లైకా ప్రొడక్షన్‌ సంస్థ దీన్ని సం‍క్రాంతి కానుకగా జనవరి 12న ప్రపంచవ్యాప్తంగా విడుదల చేసింది. మంచి సినిమాలను ఎప్పుడూ ఆదరిస్తారు మిషన్‌ చాప్టర్‌–1 సినిమాకు పాజిటివ్‌ టాక్‌ వస్తోంది. ఈ సందర్భంగా చిత్ర యూనిట్‌ బుధవారం సాయంత్రం చైన్నెలో థ్యాంక్స్‌ గివింగ్‌ కార్యక్రమాన్ని నిర్వహించారు. ఈ సందర్భంగా హీరో అరుణ్‌ విజయ్‌ మాట్లాడుతూ.. మంచి కథా చిత్రాలను ప్రేక్షకులు, మీడియా ఎప్పుడు నిరాకరించింది లేదన్నారు. అందుకే తాము థ్యాంక్స్‌ గివింగ్‌ కార్యక్రమాన్ని నిర్వహించినట్లు పేర్కొన్నారు. తనకు ప్రతి చిత్రంలో ఏదో ఒక సమస్య ఏర్పడుతుందని.. అదే విధంగా ఈ చిత్రం కోసం శారీరకంగా చాలా కష్టపడినట్లు చెప్పారు. ఇంత సక్సెస్‌ ఊహించలేదు సినిమా విడుదలైన తరువాత మధురై, తిరుచ్చి ఇలా తాము వెళ్లిన ప్రతిచోటా ప్రేక్షకులు మిషన్‌ చాప్టర్‌–1ను విశేషంగా ఆదరిస్తున్నారని చెప్పారు. ఇంత సక్సెస్‌ను తాము ఊహించలేదని, ఇంతమంచి కథలో తమను భాగమయ్యేలా చేసిన దర్శకుడు విజయ్‌కి కృతజ్ఞతలు తెలుపుకుంటున్నానన్నారు. తమను నమ్మి రూ.25 కోట్ల ఖర్చుతో ఈ చిత్రాన్ని నిర్మించిన వంశీ, రాజశేఖర్‌లకు ఈ సందర్భంగా ధన్యవాదాలు తెలుపుకుంటున్నానన్నారు. అదేవిధంగా ఆరంభ దశలో చిత్రం పలు సమస్యలను ఎదుర్కొందని గుర్తు చేసుకున్నారు. అలాంటిది ఈ సినిమాను ప్రపంచవ్యాప్తంగా విడుదల చేసిన లైకా ప్రొడక్షన్స్‌కు, తమిళ్‌ కుమరన్‌కు ధన్యవాదాలు కృతజ్ఞతలు తెలియజేశారు. చదవండి: గుంటూరు కారం కలెక్షన్స్‌.. ఆల్​టైమ్ రికార్డ్ సెట్‌ చేసిన మహేశ్‌

తమిళ హీరో అరుణ్‌ విజయ్‌ లేటెస్ట్ మూవీ 'మిషన్ ఛాప్టర్ 1'. అమీ జాక్సన్‌ హీరోయిన్. ఏఎల్‌ విజయ్‌ దర్శకత్వం వహించారు. ఎం.రాజశేఖర్‌, ఎస్‌.స్వాతి నిర్మించారు. భారీ యాక్షన్‌ ఎమోషనల్‌ కథతో తీసిన ఈ సినిమాలో అరుణ్‌ విజయ్‌ జై దుర్గ అనే పాత్రలో.. అమీ జాక్సన్‌ లండన్‌లోని జైలు అధికారిగా నటించారు.  (ఇదీ చదవండి: పెళ్లి చేసుకోబోతున్న హీరోయిన్ సాయిపల్లవి చెల్లి.. కుర్రాడు ఎవరంటే?) తన కుమార్తె వైద్య చికిత్స కోసం లండన్‌ వెళ్లిన అరుణ్‌ విజయ్‌.. అక్కడ జైలు పాలు అవడం, అక్కడ కొందరు పాకిస్తాన్‌కు చెందిన కరుడుగట్టిన నేరగాళ్లు జైలు నుంచి తప్పించుకునే ప్రయత్నం చేయడం, దాన్ని అరుణ్‌విజయ్‌ అడ్డుకోవడం, దాంతో ఆయన మరో పోరాటానికి సిద్ధం కావలసి రావడం వంటి పలు ఉత్కంఠ భరితమైన సన్నివేశాలతో సాగే కథనే ఈ సినిమా.  లైకా ప్రొడక్షన్స్‌ నిర్మించిన ఈ సినిమా.. సంక్రాంతి కానుకగా తమిళంలో ఈనెల 12న విడుదలైంది. అయితే చిత్రానికి పాజిటివ్ టాక్ రావడంతో హీరోహీరోయిన్లతో పాటు దర్శకుడు ఏఎల్ విజయ్.. ఆదియోగి విగ్రహ సందర్శనకు వెళ్లారు. ఈశా ఫౌండేషన్‌కు వెళ్లిన ఫొటోలు ఇప్పుడు సోషల్ మీడియాలో వైరల్ అవుతున్నాయి. (ఇదీ చదవండి: ఓటీటీలోకి వచ్చేసిన తెలుగు రొమాంటిక్ సినిమా.. స్ట్రీమింగ్ అందులోనే?) View this post on Instagram A post shared by Arun Vijay (@arunvijayno1)

అరుణ్‌ విజయ్‌ కథానాయకుడిగా నటించిన తాజా చిత్రం మిషన్‌ చాప్టర్‌ 1. అమీ జాక్సన్, నిమీషా విజయన్‌ హీరోయిన్లుగా నటించిన ఈ చిత్రానికి జీవీ.ప్రకాష్‌ కుమార్‌ సంగీతాన్ని అందించారు. ఇది ఈయనకు సంగీత దర్శకుడిగా 100వ చిత్రం కావడం విశేషం. కాగా విజయ్‌ దర్శకత్వం వహించిన ఈ చిత్రాన్ని లైకా ప్రొడక్షన్స్‌ సంస్థ విడుదల చేస్తోంది. నిర్మాణ కార్యక్రమాలను పూర్తిచేసుకున్న ఈ చిత్రం పొంగల్‌ పండుగ సందర్భంగా ఈనెల 12న తెరపైకి రానుంది. ఈ క్రమంలో శుక్రవారం సాయంత్రం చిత్ర ఆడియో ఆవిష్కరణ కార్యక్రమాన్ని చెన్నైలోని సత్యం థియేటర్‌లో నిర్వహించారు. ఈ సందర్భంగా చిత్ర దర్శకుడు విజయ్‌ మాట్లాడుతూ ఇంతకు ముందు చాలా చిత్రాలకు దర్శకత్వం వహించినా ఈ చిత్రం కొత్త అనుభవం అనిపించిందన్నారు. ఈ చిత్ర నిర్మాత స్వాతికి కృతజ్ఞతలు తెలుపుతూ.. తమిళ్‌ కుమరన్‌ ఈ చిత్రాన్ని చూసిన వెంటనే సహ నిర్మాతగా చేరారని చెప్పారు. పలు కష్టాలను అధిగమించి ఈ చిత్రాన్ని ఇక్కడివరకూ తీసుకొచ్చామని చెప్పారు. అరుణ్‌ విజయ్‌ మాట్లాడుతూ.. పొంగల్‌ సందర్భంగా విడుదలవుతున్న తన తొలి చిత్రం ఇది కావడం సంతోషంగా ఉందని చెప్పారు. మనం ఎంతగా శ్రమించినా సినిమా సరైన సమయంలో విడుదల కావడమే ముఖ్యం అన్నారు. తాను ఇంతవరకూ నటించిన చిత్రాలన్నింటికంటే భారీ బడ్జెట్‌ చిత్రం మిషన్‌ చాప్టర్‌ 1 అని పేర్కొన్నారు. ఈ స్క్రిప్ట్‌ ఇచ్చిన దర్శకుడు విజయ్‌కు కృతజ్ఞతలు తెలిపారు. దర్శకుడు విజయ్‌ పనితనం తనను ఆశ్చర్యపరిచిందన్నారు. ఆయన చిత్రాన్ని చాలా వేగంగా, అదే సమయంలో చాలా క్వాలిటీతో తెరకెక్కించారని చెప్పారు. షూటింగ్‌ స్పాట్‌లో కాస్త విరామం తీసుకుందామని భావించినా, దర్శకుడు ఆ అవకాశం ఇవ్వలేదన్నారు. ఈ చిత్ర షూటింగ్‌ను లండన్, చెన్నైలలో నిర్వహించినట్లు చెప్పారు. చెన్నైలో నాలుగున్నర ఎకరాల్లో భారీ సెట్‌ వేసి యాక్షన్స్‌ సన్నివేశాలను చిత్రీకరించారని చెప్పారు. చదవండి: గుర్తుపట్టలేనంతగా మారిపోయిన హాట్ బ్యూటీ.. ఎవరో గుర్తుపట్టారా?

సంక్రాంతి వచ్చిందంటే చాలు బాక్సాఫీస్ వద్ద పోటీ మామూలుగా ఉండదు. స్టార్ హీరోల సినిమాలు పొంగల్‌ బరిలో ఉండడం సహజం. అలాగే వచ్చే ఏడాది కూడా కోలీవుడ్ స్టార్స్ రజనీకాంత్‌, ధనుష్‌ చిత్రాలు కూడా ఉన్నాయి. స్టార్ హీరోలతో మరో చిత్రం పోటీకి సిద్ధం అవుతోంది. అరుణ్‌ విజయ్‌ కథానాయకుడిగా నటించిన తాజా చిత్రం మిషన్‌ చాప్టర్‌– 1. ఐచ్చంయన్బదు ఇల్లయే. ఈ చిత్రంలో అమీ జాక్సన్ హీరోయిన్‌గా కనిపించనున్నారు. ఆమెతో పాటు నటిగా మలయాళంలో మంచి పేరు తెచ్చుకున్న నిమీషా సజయన్‌ నాయకిగా నటిస్తున్నారు. ఈ చిత్రం విడుదల హక్కులను లైకా ప్రొడక్షనన్స్‌ అధినేత సుభాస్కరన్‌ పొందారు.  తాజాగా ఈ మూవీ రిలీజ్‌ డేట్‌ను మేకర్స్ ప్రకటించారు. ఈ చిత్రాన్ని పొంగల్‌ సందర్భంగా విడుదల చేయనున్నట్లు పేర్కొన్నారు. దర్శకుడు విజయ్‌ తన దర్శక ప్రతిభతో నిర్మాతలకు నచ్చిన దర్శకుడిగా మారారన్నారు. చిత్ర షూటింగ్‌ను చైన్నె, లండన్‌లో 70 రోజల పాటు నిర్వహించి పూర్తి చేసినట్లు చెప్పారు. మంచి యాక్షన్‌తో రూపొందించిన ఈ చిత్రం అన్ని వర్గాల ప్రేక్షకులను అలరిస్తుందనే అభిప్రాయాన్ని వ్యక్తం చేశారు.  ఇటీవల విడుదల చేసిన చిత్ర టీజర్‌కు ప్రేక్షకుల నుంచి మంచి స్పందన లభించిందన్నారు. ముఖ్యంగా యాక్షన్‌తో కూడిన ఉద్వేగ భరిత సన్నివేశాలు ప్రేక్షకులను ఆకట్టుకుంటున్నాయని తెలిపారు. చిత్ర ఆడియో, ట్రైలర్‌ ఆవిష్కరణ కార్యక్రమం త్వరలోనే వివరాలను వెల్లడించనున్నట్లు చెప్పారు. ఈ చిత్రంలో అభిహాసన్‌, భరత్‌ బొప్పన్న ముఖ్యపాత్రలు పోషించారు. జీవీ.ప్రకాష్‌ కుమార్‌ సంగీతం అందిస్తున్నారు.  Mission Chapter 1 Teaser (Tamil) https://t.co/hIpcbHhM8Z GRAND WORLD WIDE RELEASE IN PONGAL #MISSION CHAPTER - 1 teasar Bgm music extraordinary All the best #mission entire team 🎉@arunvijayno1 @iamAmyJackson @NimishaSajayan @gvprakash #Mahadev pic.twitter.com/8L9svtJp2F — Satishtanikella (@SatishC68386813) December 24, 2023

కోలీవుడ్ హీరో అరుణ్ విజ‌య్, అమీ జాక్సన్ న‌టిస్తోన్న లేటెస్ట్ భారీ బ‌డ్జెట్ మూవీ ‘మిషన్:  చాప్ట‌ర్ 1’. ఈ చిత్రానికి ఎం.రాజ‌శేఖ‌ర్‌, ఎస్‌.స్వాతి నిర్మిస్తున్నారు. భారీ బ‌డ్జెట్ చిత్రాల‌ను రూపొందిస్తూ వ‌రుస స‌క్సెస్‌ల‌ను సొంతం చేసుకుంటున్న లైకా ప్రొడ‌క్ష‌న్స్‌ ఈ చిత్రాన్ని రూపొందిస్తున్నారు. ద‌ర్శ‌కుడు విజ‌య్ ఈ చిత్రాన్ని తెర‌కెక్కిస్తున్నారు.  సినీ ఇండ‌స్ట్రీలో 2.0, పొన్నియిన్ సెల్వ‌న్, ఇండియన్ 2 వంటి చిత్రాలు స‌హా ఎన్నో భారీ చిత్రాల‌ను లైకా ప్రొడ‌క్ష‌న్స్ సంస్థ నిర్మిస్తున్న సంగ‌తి తెలిసిందే. అయితే ఈ చిత్రాన్ని కేవ‌లం 70 రోజుల్లో లండ‌న్‌, చెన్నై స‌హా ప‌లు లొకేష‌న్స్‌లో శ‌ర‌వేగంగా చిత్రీక‌రించటం గొప్ప విశేషం.  తాజాగా ‘మిషన్:  చాప్ట‌ర్ 1’ సినిమాను విశ్లేషించి ఒక ప‌రిమిత‌మైన హ‌ద్దుల‌ని లేకుండా అన్ని వ‌ర్గాల ప్రేక్ష‌కుల‌ను ఆక‌ట్టుకుంటుంద‌ని లైకా టీమ్‌ భావిస్తోంది. దీంతో లైకా సంస్థ ‘మిషన్:  చాప్ట‌ర్ 1’ చిత్రాన్ని నాలుగు భాష‌ల్లో భారీ ఎత్తున విడుద‌ల‌ చేయ‌టానికి సన్నాహాలు చేస్తున్నారు . ఈ సినిమాకు సంబంధించిన ట్రైల‌ర్‌, ఆడియో, థియేట్రిక‌ల్ రిలీజ్‌కి సంబంధించిన వివ‌రాల‌ను త్వ‌ర‌లోనే ప్ర‌క‌టించ‌నున్నారు. చాలా గ్యాప్ త‌ర్వాత.. 2.0లో న‌టించి అలరించిన ముద్దుగుమ్మ‌ అమీ జాక్స‌న్ ఈ చిత్రంతో సినిమాల్లో అడుగు పెడుతున్నారు. జైలును సంర‌క్షించే ఆఫీస‌ర్ పాత్ర‌లో ఆమె క‌నిపించ‌నున్నారు. మ‌ల‌యాళ చిత్ర ప‌రిశ్ర‌మ‌కు చెందిన  విల‌క్ష‌ణ న‌టి నిమిషా స‌జ‌య‌న్ ఈ మూవీలో ఓ కీల‌క పాత్ర‌ను పోషించారు. జీవీ ప్ర‌కాష్ ఈ చిత్రానికి సంగీతమందించారు. ఈ సినిమా కోసం లండ‌న్ జైలును పోలి ఉండేలా చెన్నైలో భారీగా ఖ‌ర్చుతో ఓ జైలు సెట్ వేశారు.   

అజిత్‌ లేటెస్ట్‌ మూవీ తుణివు మంచి విజయాన్ని సాధించిన విషయం తెలిసిందే. ఇప్పుడీ స్టార్‌ హీరో తన 62వ చిత్రానికి సిద్ధమవుతున్నారు. ఈ చిత్రాన్ని లైకా ప్రొడక్షన్స్‌ భారీ బడ్జెట్‌తో నిర్మించడానికి సన్నాహాలు చేస్తోంది. దీనికి నయనతార భర్త, దర్శకుడు విఘ్నేష్‌ శివన్‌ దర్శకత్వం వహించడానికి కథతో సహా అన్నీ సిద్ధం చేసుకున్నారు. అయితే ఇక్కడే కథ అడ్డం తిరిగింది. విఘ్నేష్‌ శివన్‌ చెప్పిన కథ నటుడు అజిత్‌కు, నిర్మాణ సంస్థకు నచ్చకపోవడంతో ఆయన్ను తప్పించి మగిళ్‌ తిరుమేణిని తీసుకొచ్చారు. త్వరలోనే ఈ చిత్రం సెట్‌పైకి వెళ్లనుంది. అయితే దీనికి సంబంధించిన వివరాలు అధికారికంగా వెలువడాల్సి ఉంది. తాజాగా ఈ చిత్రానికి సంబంధించి మరో వార్త నెట్టింట వైరల్‌ అవుతోంది. అజిత్‌ నటిస్తున్న ఈ చిత్రంలో నటుడు అరుణ్‌ విజయ్‌ నటించనున్నారట. గతంలో వీరిద్దరు కలిసి గౌతమ్‌ మీనన్‌ దర్శకత్వంలో రూపొందిన ఎన్నై అరిందాల్‌ అనే చిత్రంలో నటించారు. అందులో అజిత్‌ పోలీసు అధికారిగా, అరుణ్‌ విజయ్‌ ప్రతినాయకుడిగా పవర్‌ ఫుల్‌ పాత్రల్లో నటించిన సంగతి తెలిసిందే. ఇప్పుడు అజిత్‌ 62వ సినిమాలో కూడా అరుణ్‌ విజయ్‌ ఢీ కొనబోతున్నారన్నమాట. 

సీనియర్‌ నటుడు విజయ్‌ కుమార్‌ తనయుడు, తమిళ యంగ్‌ హీరో అరుణ్‌ విజయ్‌ షూటింగ్‌లో గాయపడ్డారు. లండన్‌లో 'అచ్చం ఎన్బందు ఇళయే' మూవీ షూటింగ్‌లో గాయాలపాలయ్యారు. దీంతో ఇండియాకు తిరిగివచ్చిన ఆయన కేరళలో ఆయుర్వేద చికిత్స తీసుకుంటున్నారు. ఈ విషయాన్ని అరుణ్‌ స్వయంగా సోషల్‌ మీడియాలో వెల్లడించాడు. 'సాంప్రదాయ ఆయుర్వేద చికిత్సా విధానం ద్వారా కాలి గాయానికి చికిత్స పొందుతున్నాను. ప్రస్తుతం మెరుగ్గా అనిపిస్తుంది. త్వరలోనే తిరిగి షూటింగ్‌లో పాల్గొంటాను' అని ఇన్‌స్టాగ్రామ్‌లో రాసుకొచ్చాడు. ట్రీట్‌మెంట్‌ తీసుకుంటున్నట్లుగా ఓ ఫోటో సైతం రిలీజ్‌ చేయగా అది కాస్తా వైరల్‌గా మారింది.  కాగా ఈ సినిమాలో యాక్షన్‌ సీన్లు చిత్రీకరించే సమయంలో గతంలోనూ రెండుసార్లు అరుణ్‌ తీవ్రంగా గాయపడ్డారు. గతేడాది అక్టోబర్‌లో మోకాలికి గాయమవగా నవంబర్‌లో చేతులకు గాయమైంది. ఇప్పుడిది మూడోసారి కావడంతో ఫైట్‌ సీన్లలో కాస్త జాగ్రత్తగా ఉండమంటూ అభిమానులు కామెంట్లు చేస్తున్నారు. ఇకపోతే 'అచ్చం ఎన్బందు ఇళయే' అనే తమిళ చిత్రానికి ఏఎల్‌ విజయ్‌ దర్శకత్వం వహిస్తున్నారు. ఈ సినిమాతో హీరోయిన్‌ అమీ జాక్సన్‌ కోలీవుడ్‌లో కమ్‌బ్యాక్‌ ఇవ్వనుంది. ఈ చిత్రంలో మలయాళ నటి నిమిశ సజయన్‌ ముఖ్య పాత్ర పోషించనుండగా జీవీ ప్రకాశ్‌ కుమార్‌ సంగీతం అందిస్తున్నాడు. View this post on Instagram A post shared by Arun Vijay (@arunvijayno1) Behind all my hard-core actions you'll see on screen there are plenty of bruises like these... But still love doing my own stunts..😉 Wait for the next on screen..💪🏽 Luv you all..❤️#AchchamEnbadhuIllayae #actorslife #nothingcanstop pic.twitter.com/UqTcsOhuiS — ArunVijay (@arunvijayno1) November 26, 2022 View this post on Instagram A post shared by Arun Vijay (@arunvijayno1) చదవండి: అమ్మానాన్న విడాకులు.. ఆయన పేరు మాకొద్దు, అందుకే తీసేశా

వదంతులను ప్రచారం చేయొద్దని నటుడు అరుణ్‌ విజయ్‌ కోరారు. ఆయన సీనియర్‌ నటుడు విజయ్‌కుమార్‌ వారసుడన్న విషయం తెలిసిందే. ఎంజీఆర్, శివాజీ గణేషన్‌ కాలం నుంచి నేటి తరం నటీనటుల వరకు నటిస్తున్న విజయ్‌కుమార్‌ మొదట్లో హీరోగా, విలన్‌గా నటించారు. తర్వాత క్యారెక్టర్‌ ఆర్టిస్ట్‌గా తమిళం, తెలుగు తదితర భాషల్లో నటిస్తున్నారు. ఇటీవల తన కొడుకు అరుణ్‌ విజయ్‌ కథానాయకుడిగా సినం అనే చిత్రాన్ని నిర్మించారు. విజయ్‌కుమార్‌ తీవ్ర అస్వస్థతకు గురయ్యారనే ప్రచారం సామాజిక మాధ్యమాల్లో వైరల్‌ అవుతోంది. దీనిపై స్పందించిన నటుడు అరుణ్‌ విజయ్‌ తన తండ్రి విజయకుమార్‌ సంపూర్ణ ఆరోగ్యంతో ఉన్నారని, వదంతులను ప్రచారం చేయవద్దని తన ఇన్‌స్టా‍గ్రామ్‌లో పేర్కొన్నారు. ఈయన కథానాయకుడిగా నటించిన యానై, సినమ్‌ చిత్రాలు ఇటీవల విడుదలై మంచి ప్రజాదరణ పొందాయి. అదే విధంగా తమిళ రాకర్స్‌ అనే వెబ్‌సిరీస్‌ ఓటీటీలో స్ట్రీమింగ్‌ అవుతూ ప్రశంసలు అందుకుంటోంది. కాగా ప్రస్తుతం ఈయన ఏఎల్‌ విజయ్‌ దర్శకత్వంలో కథానాయకుడిగా నటిస్తున్నారు. ఇందులో నటి అమీజాక్సన్‌ హీరోయిన్‌గా రీ ఎంట్రీ ఇస్తోంది. దీనికి అచ్చం యంబదు ఇల్లయే అనే టైటిల్‌ నిర్ణయించారు. ఈ చిత్ర షూటింగ్‌ ఆగస్టు 20న ప్రారంభమైంది.   

వైవిధ్య‌మైన పాత్ర‌ల‌తో మెప్పిస్తూ త‌న‌కంటూ ప్ర‌త్యేక‌మైన గుర్తింపు సంపాదించుకున్న అరుణ్ విజ‌య్ హీరోగా నటించిన చిత్రం ఆక్రోశం. జి.య‌న్‌.కుమార వేల‌న్ దర్శకత్వం వహించాడు. తమిళ హిట్‌ చిత్రం ‘సినం’ను నిర్మాత ఆర్‌.విజ‌య్ కుమార్ తెలుగులో ‘ఆక్రోశం’ పేరుతో డిసెంబర్ 16న విడుద‌ల చేస్తున్నారు. ఈ సంద‌ర్బంగా బుధ‌వారం హైద‌రాబాద్‌లో జ‌రిగిన పాత్రికేయుల స‌మావేశంలో హీరోయిన్ పల్లక్ లల్వాని మాట్లాడుతూ..‘టాలీవుడ్ అంటే నాకు ఎంతో స్పెష‌ల్‌. హైద‌రాబాద్‌కి వ‌చ్చిన ప్ర‌తీసారి నా ఇంట్లో ఉన్న అనుభూతి క‌లుగుతుంది. త‌మిళంలో ఈ సినిమాకు చాలా మంచి రెస్పాన్స్ వ‌చ్చింది. తెలుగు ఆడియెన్స్ కూడా సినిమాను ఆద‌రిస్తార‌ని భావిస్తున్నాం’అన్నారు. హీరో అరుణ్ విజ‌య్ మాట్లాడుతూ 'ఏనుగు సినిమా స‌మ‌యంలో స‌తీష్‌గారితో అనుబంధం ఏర్ప‌డింది. ఇప్పుడు ఆయ‌నే ఆక్రోశం సినిమాను రిలీజ్ చేయనుండటం చాలా సంతోషంగా ఉంది. తెలుగు ఆడియెన్స్‌కు చిన్న‌, పెద్ద అనే తేడా ఉండ‌దు. మంచి  కంటెంట్ ఉంటే ఆద‌రిస్తుంటారు. అలాంటి ఓ మంచి మెసేజ్ ఉన్న సినిమా ఇది. త‌ప్ప‌కుండా తెలుగు ఆడియెన్స్‌కు క‌నెక్ట్ అవుతుంది. సినిమా థియేట‌ర్స్ నుంచి బ‌య‌ట‌కు వ‌చ్చే ప్రేక్ష‌కులు ఓ ఎమోష‌న్‌తో బ‌య‌టకు వెళ‌తారు. ష‌బీర్ అద్భుత‌మైన సంగీతాన్ని అందించారు. సిల్వ‌గారి యాక్ష‌న్ ఎలిమెంట్స్ కూడా ప్ల‌స్ అవుతుంది' అన్నారు. చదవండి: నన్ను చావబాదాడు, ఒంటిమీద బట్టలున్నాయో లేదో చూసుకోకుండా పరిగెత్తా

తమిళ సినిమా: నటుడు అరుణ్‌ విజయ్‌ శనివారం తన పుట్టినరోజు వేడుకలు జరుపుకున్నారు. ఈ సందర్భంగా ఆయన అభిమానులు అన్నదానం, రక్తదా నం భారీ ఎత్తున నిర్వహించారు. పోరాడి కథానా యకుడుగా ఉన్నత స్థాయికి చేరుకున్న నటుడు అరుణ్‌ విజయ్‌. తమిళంతోపాటు తెలుగు తదితర భాషల్లోనూ మంచి గుర్తింపు తెచ్చుకున్నారు. ఇటీవ ల ఈయన కథానాయకుడిగా నటింన చిత్రాలు వరుసగా మం విజయాన్ని అందుకున్నాయి. తా జాగా తమిళ్‌ రాకర్స్‌ అనే సిరీస్‌తో వెబ్‌ ప్రపంచంలోకి అడుగుపెట్టి సక్సెస్‌ అయ్యారు. కాగా ఆయన శనివారం తన పుట్టినరోజు వేడుకలను చెన్నైలోని ఉదవుమ్‌ కరంగల్‌ అనాథ ఆశ్రమంలో అనాథ బాలల మధ్య జరుపుకున్నారు. ఈ సందర్భంగా ఆ ఆ శ్రమంలో బాలలకు అన్నదానం చేశారు. ఈ కార్యక్రమంలో ఆయన అభిమాన సంఘం నిర్వాహకులు, కార్యకర్తలు పాల్గొన్నారు. అనంతరం అభిమానులు స్థానిక రాయపేటలోని ప్రభుత్వాస్పత్రిలో రక్తదానం చేశారు. కాగా ప్రస్తుతం అరుణ్‌ విజయ్‌ అచ్చం ఎన్బదు ఇల్లయే అనే చిత్రంలో నటిస్తున్నారు. విజయ్‌ దర్శకత్వం వహిస్తున్న ఈ చిత్ర యూనిట్‌ అరుణ్‌ విజయ్‌ పుట్టినరోజు వేడుకలను ఘనంగా నిర్వహించారు. ఆయన కేక్‌ కట్‌ చేసి, యూనిట్‌ సభ్యులకు పంపిణీ చేశారు.

నటుడు అరుణ్‌ విజయ్‌ కథానాయకుడిగా నటిస్తున్న తాజా చిత్రానికి అచ్చమ్‌ ఎంబదు ఇల్లయే అనే టైటిల్‌ ఖరారు చేశారు. నటి ఎమీజాక్సన్‌ కథానాయకిగా, కీలక పాత్రలో నిమీషా విజయన్‌ నటిస్తున్నారు. విజయ్‌ దర్శకత్వం వహిస్తున్న ఈ చిత్రాన్ని శ్రీ షిరిడీ సాయి మూవీస్‌ పతాకంపై శ్రీ,కావ్య సమర్పణలో ఎం. రాజశేఖర్, ఎస్‌. స్వాతి నిర్మిస్తున్నారు. చిత్ర వివరాలను దర్శకుడు విజయ్‌ తెలుపుతూ చిత్ర తొలి షెడ్యూల్‌ లండన్‌లో నిర్వహించినట్లు తెలిపారు. అక్కడ నటుడు విజయ్‌కు సంబంధించిన కీలక సన్నివేశాలను చిత్రీకరించినట్లు చెప్పారు. అక్కడ షూటింగ్లో విజయ్‌ తీవ్రంగా గాయపడ్డారు. వైద్యులు విశ్రాంతి తీసుకోవాలని సలహా ఇచ్చిన లెక్క చేయకుండా షూటింగ్‌కు ఇబ్బంది కలుగుతుందనే కారణంతో బాధను భరిస్తూనే నటించారన్నారు. కాగా చిత్ర రెండవ షెడ్యూల్‌ను చెన్నైలోని బిన్నీమిల్స్‌ సమీపంలో నిర్వహిస్తున్నట్లు తెలిపారు. అక్కడ ఈ చిత్రం కోసం రెండున్నర ఎకరాల స్థలంలో రూ.3.5 కోట్ల వ్యయంతో లండన్‌ సెట్‌ వేసినట్లు చెప్పారు. దీన్ని రామలింగం మేస్త్రి సహాయంతో ఆర్డ్‌ డైరెక్టర్‌ శరవణన్‌ వేలాదిమంది కార్మికులతో రూపొందించారని తెలిపారు. అదేవిధంగా ఈ చిత్రం కోసం 1000 మందికి పైగా విదేశాలకు చెందిన జూనియర్‌ ఆర్టిస్టులను రప్పించినట్లు చెప్పారు. వాళ్లతో అరుణ్‌ విజయ్‌ నటిస్తున్న భారీ పోరాట సన్నివేశాలను చిత్రీకరిస్తున్నట్లు తెలిపారు. కాగా దర్శకుడు విజయ్‌ ప్రణాళిక ప్రకారం షూటింగును అనుకున్న దానికంటే ముందుగానే పూర్తి చేస్తున్నారంటూ నిర్మాతలు సంతోషం వ్యక్తం చేశారు. కాగా దీనికి సూర్యవంశీ, ప్రసాద్‌ గోదా, జీవన్‌ గోదా సహనిర్మాతలుగా వ్యవహరిస్తున్నారు. జి. ప్రకాష్‌ కుమార్‌ సంగీతాన్ని, సందీప్‌ కె. విజయ్‌ చాయాగ్రహణం అందిస్తున్నట్లు వెల్లడించారు.  

అరుణ్‌ విజయ్‌ హీరోగా నటించిన తమిళ చిత్రం ‘సినం’. జీఎన్‌ఆర్‌ కుమారవేలన్‌ దర్శకత్వంలో ఆర్‌. విజయ్‌కుమార్‌ నిర్మించిన చిత్రం ఇది. ఈ యాక్షన్‌ క్రైమ్‌ థ్రిల్లర్‌ను తెలుగులో ‘ఆక్రోశం’ పేరుతో సీహెచ్‌ సతీష్‌ కుమార్, జగన్మోహనిలు విడుదల చేస్తున్నారు. త్వరలో ఈ చిత్రం రిలీజ్‌ కానుంది. సీహెచ్‌ సతీష్‌కుమార్‌ మాట్లాడుతూ – ‘‘నిర్మాతగా కాకుండా ఓ ఆడియన్‌గా ‘సినం’ ట్రైలర్‌ చూసి ఆశ్చర్యపోయాను. తెలుగులో ఈ సినిమాను విడుదల చేయాలని అప్పుడే నిర్ణయించుకున్నాను. మంచి సినిమా చూశామనే అనుభూతిని ప్రేక్షకులు పొందుతారు’’ అన్నారు.

తమిళ సినిమా: అరుణ్‌ విజయ్‌ కథానాయకుడు నటించిన చిత్రం బోర్డర్‌. ఆయనకు జంటగా నటి రెజీనా, స్టెఫీ పటేల్‌ నటించారు. అరివళగన్‌ దర్శకత్వం వహించిన ఈ చిత్రాన్ని ఆల్‌ ఇన్‌ పిక్చర్స్‌ పతాకంపై విజయరాఘవేంద్ర నిర్మించారు. శ్యామ్‌ సీఎస్‌ సంగీతాన్ని, బి.రాజశేఖర్‌ చాయాగ్రహణంను అందించిన ఈ చిత్రం నిర్మాణ కార్యక్రమాలు పూర్తి చేసుకుని విడుదలకు సిద్ధమైంది. దీని తమిళనాడు విడుదల హక్కులను పొందిన 11:11 ప్రొడక్షన్స్‌ అధినేతప్రభు తిలక్‌ చిత్రాన్ని అక్టోబర్‌ 5వ తేదీన విడుదల చేయనున్నట్లు సోమవారం అధికారికంగా ప్రకటించారు. అరుణ్‌ విజయ్‌ ఇంతకు ముందు నటించిన చిత్రం మంచి విజయాన్ని సాధించింది. అలాగే ఆయన తొలిసారిగా నటించిన వెబ్‌ సిరీస్‌ తమిళ్‌ రాకర్స్‌ ఇటీవల ఓటీటీలో విడుదలై వీక్షకుల నుంచి మంచి ఆదరణను పొందుతోంది. దీంతో బోర్డర్‌ చిత్రంపై మరింత అంచనాలు నెలకొన్నాయి. కమర్షియల్‌ అంశాలతో యాక్షన్‌ నేపథ్యంలో రూపొందిన ఈ చిత్రం ట్రైలర్‌ విడదలై ఇప్పటికే మంచి స్పందన తెచ్చుకుంది. దీనిపై ప్రభు తిలక్‌ మాట్లాడుతూ.. తమిళ చిత్ర పరిశ్రమలో మంచి అంచనాలు ఏర్పరచుకున్న ఈ చిత్రాన్ని తమ సంస్థ ద్వారా విడుదల చేస్తుండడం సంతోషంగా ఉందన్నారు. తమ సంస్థ ద్వారా మంచి కథాంశంతో కూడిన చిత్రాలను, నిర్మించడం, విడుదల చేయటం చేయాలని కోరుకుంటున్నట్లు చెప్పారు. దర్శకుడు అరివళగన్‌ చిత్రాన్ని బ్రహ్మాండంగా తెరకెక్కించారన్నారు. చిత్రానికి పనిచేసిన సాంకేతిక వర్గం పనితనం అభి నందనీయమన్నారు. ఇక నటు డు అరుణ్‌ విజయ్‌ గురించి చెప్పాలంటే ఆయన అద్భుతమైన నటన చిత్రాన్ని గొప్పగా మార్చిందని తెలిపారు.

అరుణ్‌ విజయ్‌ కథానాయకుడిగా తొలిసారిగా నటించిన వెబ్‌ సిరీస్‌ తమిళ్‌ రాకర్స్‌ ఇటీవల ఓటీటీలో విడుదలై విశేష ఆదరణను అందుకుంటోంది. కాగా ఈయన నటించిన మరో చిత్రం సినమ్‌. జీఎన్‌ఆర్‌ కుమరవేలన్‌ దర్శకత్వం వహించిన ఈ చిత్రంలో బాలక్‌ లాల్వాణి నాయకిగా నటించింది. నటుడు కాళీవెంకట్‌ ముఖ్య పాత్ర పోషించారు. ఈ త్ర నిర్మాణ కార్యక్రమాలు పూర్తి చేసుకుని సెప్టెంబర్‌ 16న విడుదలకు సిద్ధం అవుతోంది. చదవండి: బిగ్‌బాస్‌లోకి స్టార్‌ సింగర్స్‌ దంపతులు? ఇక ప్రేక్షకులకు రెట్టింపు వినోదమే.. కాగా శుక్రవారం చిత్రంలోని నెంజెల్లాం అనే పాటను విడుదల చేశారు. సంగీత దర్శకుడు జీవీ.ప్రకాశ్‌కుమార్, గాయని శివాంగి కలిసి పాడిన ఈ పాటకు మం స్పందన వస్తోందని యూనిట్‌ వర్గాలు సంతోషాన్ని వ్యక్తం చేశాయి. కాగా ఇందులో నటుడు అరుణ్‌ విజయ్‌ పోలీస్‌ అధికారిగా నటించడం విశేషం. చిత్రం క్రైమ్‌ థ్రిల్లర్‌ నేప«థ్యంలో సాగే యాక్షన్‌ ఎంటర్‌టెయినర్‌గా ఉంటుందని దర్శకుడు తెలిపారు. దీనికి షబీర్‌ సంగీతాన్ని అందించారు. 

ఏవీఎం ప్రొడక్షన్స్‌. ఈ పేరు విజయాలకు చిరునామా. ఎన్టీఆర్, ఏఎన్నార్, శివాజీ గణేశన్, రజినీకాంత్, కమలహాసన్‌ వంటి గొప్ప నటులందరూ ఈ సంస్థలో నటించిన వారే. అలాంటి సంస్థ కొంతకాలంగా సినిమాలకు దూరంగా ఉంటూ వచ్చింది. తాజాగా ఈ సంస్థ మళ్లీ చిత్రాలను నిర్మించడం ప్రారంభించింది. ఏవీ మెయ్యప్పన్‌ కుటుంబం నుంచి 4వ తరం చెందిన అరుణ గుహన్‌ తాజాగా చిత్ర నిర్మాణానికి శ్రీకారం చుట్టారు. ముందుగా తమిళ రాకర్స్‌ పేరుతో వెబ్‌సిరీస్‌ను రూపొందించారు. అరివళగన్‌ దర్శకత్వం వహించిన ఎనిమిది భాగాలతో ఈ వెబ్‌సిరీస్‌లో నటుడు అరుణ్‌ విజయ్, నటి ఐశ్వర్య మీనన్, వాణిభోజన్‌ హీరో హీరోయిన్లుగా నటించారు. సోనీ లివ్‌ సంస్థ భాగస్వామ్యంలో రూపొందిన ఈ వెబ్‌ సిరీస్‌ నిర్మాణ కార్యక్రమాలు పూర్తి చేసుకుని ఈ నెల 19వ తేదీ నుంచి సోనీ లివ్‌ ఓటీటీ ప్లాట్‌ఫామ్‌లో స్ట్రీమింగ్‌కు సిద్ధమవుతోంది. నూతన చిత్రాలను పైరసీ చేస్తూ నిర్మాతల ఆదాయానికి గండి కొడుతున్న తమిళరాకర్స్‌ నేపథ్యంలో రూపొందించిన వెబ్‌సిరీస్‌ ఇదని దర్శకుడు అరివళగన్‌ తెలిపారు. ఇందులో అరుణ్‌ విజయ్‌ పోలీసు అధికారిగాను, ఆయనకు జంటగా ఐశ్వర్య మీనన్, సహ పోలీసు అధికారిణిగా వాణి భోజన్‌ నటించారని తెలిపారు. ఇందులో రొమాన్స్‌ సన్నివేశాలు పరిధికి మించకుండా ఉంటాయన్నారు. నటుడు అరుణ్‌ విజయ్‌ మాట్లాడుతూ అరివళగన్‌ దర్శకత్వంలో ఇంతకుముందు రెండు చిత్రాలలో నటించానన్నారు. తాను నటించిన తొలి వెబ్‌సిరీస్‌ ఇదేనన్నారు. వెబ్‌ సిరీస్‌ ద్వారా విషయాన్ని మరింత విఫులంగా చెప్పే వీలు ఉంటుందని పేర్కొన్నారు. అరుణ గుహన్‌ మాట్లాడుతూ కథ నచ్చడంతో ఈ వెబ్‌సిరీస్‌ను రూపొందించాలని నిర్ణయించుకున్నట్లు తెలిపారు. త్వరలోనే భారీ చిత్రాన్ని నిర్మించనున్నట్లు ఆమె వెల్లడించారు.

Arun Vijay New Web Series On Tamil Rockers: సినిమా వేధించే ప్రధాన సమస్యల్లో పైరసీ  ఒకటి. పైరసీ మహమ్మారీ కారణంగా అనేక సూపర్ హిట్‌ మూవీస్‌ కలెక్షన్లలో వెనుకపడ్డాయి. ​ఎన్ని జాగ్రత్తలు తీసుకున్నప్పటికీ సినిమా.. ఈ పైరసీ భూతానికి బలి అవుతూనే వస్తోంది. గతంలో చిత్రాలు నెలలు, వందల రోజులు ఆడి, సిల్వర్‌ జూబ్లీ, గోల్డెన్‌ జూబ్లీ వేడుకలు జరుపుకునేవి. కానీ ఈ పైరసీ ఎంట్రీ ఇచ్చాక సినిమాలు పట్టుమని నెల రోజులు కూడా కనిపించట్లేదు. ఇలాంటి పైరసీ వెబ్‌సైట్‌లో ప్రముఖంగా చెప్పుకునేది తమిళ్‌ రాకర్స్‌. దక్షిణాది సినిమాలకు ఇది అతిపెద్ద గండగా పరిణిమించిన విషయం తెలిసిందే. ఎప్పటికప్పుడు కొత్త టెక్నాలజీని వాడుతూ పైరసీ ప్రింట్‌లను తీసుకువచ్చి దర్శకనిర్మాతలకు ముచ్చెటమలు పట్టేలా చేసింది ఈ వెబ్‌సైట్‌. తాజాగా ఈ తమిళ్‌ రాకర్స్‌పై ఓ వెబ్‌ సిరీస్ రానుంది. తమిళ్‌ రాకర్స్ వల్ల నిర్మాతలు ఎదుర్కొన్ని కష్టాలను ఈ వెబ్‌ సిరీస్‌లో చూపించనున్నారట. ఈ సిరీస్‌కు ప్రముఖ దర్శకుడు శంకర్‌ శిష్యుడు అరివళగన్‌ డైరెక్షన్‌ చేయనున్నారు. ఇందులో అరుణ్‌ విజయ్‌ ముఖ్య పాత్ర పోషిస్తున్నాడు. వీరిద్దరి కాంబినేషన్‌లో ఇదివరకు కుట్రమ్‌ 23, బోర్డర్‌ సినిమాలు వచ్చి ఆకట్టుకున్నాయి. ఇప్పుడు ఈ వెబ్‌ సిరీస్‌ కూడా మంచి విజయం సాధిస్తుందని చిత్రబృంద నమ్మకంగా ఉంది. తమిళ్‌ రాకర్స్‌ పేరుతోనే టైటిల్‌ ప్రకటన ఇచ్చి ఆసక్తి కలిగించారు. ఈ వెబ్‌ సిరీస్‌ టీజర్‌ను జులై 3న విడుదల చేశారు. ఈ వెబ్‌ సిరీస్‌ సోనీ లివ్‌లో స్ట్రీమింగ్‌ కానుంది.   చదవండి:  హీరో విశాల్‌కు గాయాలు.. నిలిచిపోయిన సినిమా షూటింగ్‌ మిస్‌ ఇండియా కిరీటం.. 21 ఏళ్ల అందం సొంతం కమల్‌ హాసన్‌కు ప్రభుత్వం నోటీసులు ! కారణం ?

టైటిల్‌ : ఏనుగు నటీనటులు : అరుణ్‌ విజయ్‌, ప్రియా భవానీ శంకర్‌, సముద్రఖని, రాధికా శరత్‌ కుమార్‌, యోగిబాబు, అమ్ము అభిరామి, కేజీయఫ్‌ రామచంద్రరాజు తదితరులు నిర్మాత: సీహెచ్‌ సతీష్‌ కుమార్‌ దర్శకత్వం: హరి సంగీతం : జీవీ ప్రకాశ్‌ కుమార్‌ సినిమాటోగ్రఫీ: గోపీనాథ్‌ ఎడిటర్‌: ఆంథోని విడుదల తేది: జులై 1,2022 హరి దర్శకత్వంలో అరుణ్‌ విజయ్, ప్రియా భవానీ శంకర్‌ జంటగా నటించిన  చిత్రం ‘యానై’.  ఈ తమిళ చిత్రం ‘ఏనుగు’ పేరుతో తెలుగులో విడుదలైంది. మరి ఈ మూవీ ఎలా ఉందో రివ్యూలో చూద్దాం. కథేంటంటే.. కాకినాడకు చెందిన పీఆర్‌వీ, ‘సముద్రం’ కుటుంబాల మధ్య శత్రుత్వం ఉంటుంది. పీఆర్‌వీ రెండో భార్య కొడుకు రవి(అరుణ్‌) తన కుటుంబానికి, సవతి తల్లికొడుకులు(సముద్రఖని, బోస్‌ వెంకట్‌, సంజీవ్‌)కు అండగా నిలబడతాడు. ‘సముద్రం’కుటుంబానికి చెందిన లింగం( కేజీయఫ్‌ గరుడ రామ్‌)తో తన ఫ్యామిలీకి ముప్పు ఉందని తెలుసుకున్న రవి.. అనుక్షణం అప్రమత్తంగా ఉంటూ అన్నయ్యలకు ఎలాంటి హానీ కలగకుండా చూసుకుంటాడు. ఈ క్రమంలో తన అన్నయ్య(సముద్రఖని)కూతురు దేవి(అమ్ము అభిరామి)చేసిన పనికి రవి,అతని తల్లి(రాధికా శరత్‌ కుమార్‌)ఇంటిని వీడాల్సి వస్తుంది. అసలు దేవి చేసిన తప్పేంటి? దాని వల్ల రవి ఎందుకు అన్నయ్యలకు దూరమయ్యాడు? పీవీఆర్‌, సముద్రం కుటంబాల మధ్య వైరుధ్యుం ఎందుకు ఏర్పడింది? తండ్రి మరణం అన్నదమ్ముల మధ్య ఎలాంటి చిచ్చు పెట్టింది? ఈ మధ్యలో మేరీ (ప్రియా భవానీ శంకర్‌)తో రవి ప్రేమాయణం ఎలా సాగింది? చివరకు రవి కుటుంబాన్ని ఎలా కాపాడుకున్నాడు? అనేదే మితగా కథ ఎలా ఉందంటే.. సింగం సిరీస్, పూజ సినిమాలతో కమర్శియల్ సక్సెస్ ఫుల్ డైరెక్టర్ గా పేరు తెచ్చుకున్నారు హరి. ఆయన చిత్రాలకు తెలుగులోనూ మంచి ఆదరణ ఉంది. అందుకే తమిళ సినిమా యానైని తెలుగు ఏనుగు పేరుతో విడుదల చేశారు. యాక్షన్ అండ్‌ ఎమోషనల్ ఫ్యామిలీ ఎంటర్ టైనర్‌ ఈ చిత్రాన్ని తెరకెక్కించాడు. ఎమోషనల్‌ కంటెంట్‌తో పాటు మంచి ఫ్యామిలీ వ్యాల్యూస్‌ ఉన్నాయి. ఫస్టాఫ్‌ అంతా పీవీఆర్‌, సముద్రం కుటుంబాల మధ్య వైర్యం, మేరి, రవిల ప్రేమాయణంతో రొటీన్‌గా సాగుతుంది. ప్రధాన పాత్రల పరిచయానికే ఎక్కువ సమయం తీసుకున్నాడు దర్శకుడు. యోగిబాబుతో వచ్చే కామెడీ సీన్స్‌ నవ్వులు పూయిస్తాయి. పీవీఆర్‌ కుటుంబంలో చీలికలు ఏర్పడడంతో ఫస్టాఫ్‌ ముగుస్తుంది. ఇక సెకండాఫ్‌ మొత్తం ఫ్యామిలీ ఎమోషన్స్‌తో నింపేశాడు. అన్నయ్య కూతురు దేవిని వెతికే క్రమంలో వచ్చే ట్విస్టులు, ఎమోషన్‌ సీన్స్‌ సినిమాని మరోస్థాయి తీసుకెళ్తాయి. రవి తండ్రి చనిపోయిన సీన్‌ అయితే కంటతడి పెట్టిస్తాయి. అయితే రొటీన్‌ స్క్రీన్‌ప్లే, కొన్ని సాగదీత సీన్స్‌ సినిమా స్థాయిని తగ్గిస్తాయి. అలాగే నిడివి కూడా ఎక్కువగా ఉండడం మైనస్‌. ఫ్యామిలీ ఎమోషన్స్ కోరుకునే ప్రేక్షకులను ఈ సినిమా నచ్చుతుంది. ఎవరెలా చేశారంటే..  రవి పాత్రకు న్యాయం చేశాడు అరుణ్‌ విజయ్‌. యాక్షన్‌, ఎమోషన్స్‌ సీన్స్‌లో చక్కగా నటించాడు. ఇక మేరి పాత్రలో ఒదిగిపోయింది ప్రియా భవానీ శంకర్‌. తెరపై తెలుగింటి అమ్మాయిగా, అందంగా కనిపించింది. పీఆర్‌వీ కుటుంబ పెద్దగా సముద్రఖని తనదైన నటనతో ఆకట్టుకున్నాడు. ఈ చిత్రంలో ఆయనది చాలా కీలకమైన పాత్ర. రవి తల్లిగా రాధిక శరత్‌ కుమార్‌ మరోసారి తన అనుభవాన్ని తెరపై చూపించారు. విలన్‌ గా గరుడ రామ్‌ ఆకట్టుకున్నాడు. జిమ్మిగా యోగిబాబు తనదైన కామెడీ పంచ్‌లతో నవ్వించాడు. మిగిలిన నటీటనులు తమ తమ పాత్రల పరిధిమేర నటించారు.  ఇక సాంకెతిక విషయానికొస్తే.. జీవి ప్రకాశ్‌ సంగీతం సినిమాకు మరో ప్రధాన బలం. పాటలు అంతగా ఆకట్టుకోలేకపోయినా.. నేపథ్య సంగీతం మాత్రం అదిరిపోయింది. గోపినాథ్‌ సినిమాటోగ్రఫి బాగుంది. సముద్ర తీరం అందాలను తెరపై చక్కగా చూపించాడు. ఎడిటర్‌ ఆంథోని తన కత్తెరకు ఇంకాస్త పనిచెప్పాల్సింది. కొన్ని సీన్స్‌కి తొలగించి, నిడివిని తగ్గిస్తే సినిమా స్థాయి మరోరకంగా ఉండేది. నిర్మాణ విలువల చాలా రిచ్‌గా, సినిమా స్థాయికి తగినట్లుగా ఉన్నాయి.

హరి దర్శకత్వంలో అరుణ్‌ విజయ్, ప్రియా భవానీ శంకర్‌ జంటగా నటించిన  చిత్రం ‘యానై’. సీహెచ్‌ సతీష్‌ కుమార్‌, వేదికకారన్‌పట్టి ఎస్.శక్తివేల్ నిర్మించిన ఈ తమిళ చిత్రం ‘ఏనుగు’ పేరుతో తెలుగులో రానుంది. అన్ని కార్యక్రమాలు పూర్తి చేసుకున్న ఈ సినిమాను జులై 1 న గ్రాండ్ గా ప్రేక్షకుల ముందుకు రాబోతుంది.ఈ సినిమాకు U/A సర్టిఫికెట్ జారీ చేసింది సెన్సార్ బోర్డు. ఈ సందర్బంగా చిత్ర నిర్మాతలు మాట్లాడుతూ...మంచి కంటెంట్  ఉన్న సినిమాను తెలుగు ప్రేక్షకులకు అందించాలనే ఉద్దేశ్యంతో ప్రస్తుతం సమాజంలో ఉన్న సమస్యలని ఎంటర్టైన్మెంట్ రూపంలో ‘ఏనుగు’ ద్వారా చూపించబోతున్నాం. తెలుగులో దర్శకుడు హరి చేసిన గత సినిమాలు ఎంత పెద్ద హిట్టయ్యాయో ఇప్పుడు వస్తున్న కమర్శియల్ యాక్షన్ ఎంటర్ టైనర్  ‘ఏనుగు’చిత్రం కూడా అంతే పెద్ద హిట్ అవుతుందనే నమ్మకం ఉంది’అన్నారు. చిత్ర దర్శకుడు హరి మాట్లాడుతూ..‘‘ఏనుగు’ చిత్రంలో  ఎమోషనల్ కంటెంట్ తో పాటు మంచి ఫ్యామిలీ వాల్యూస్ ఇందులో చూయించడం జరిగింది.అలాగే ఈ సినిమాలో యాక్షన్, సెంటిమెంట్, ఎమోషన్, కామెడీ ఇలా ప్రేక్షకులకు కావలసిన అన్ని అంశాలు ఇందులో ఉన్నాయి. ఫ్యామిలీ తో వచ్చి చూసే ప్రతి ఒక్కరికీ ఈ సినిమా కచ్చితంగా నచ్చుతుంది. ఇంతకుముందు నేను చేసిన చిత్రాలను ఆదరించి నట్లే  ఇప్పుడు మంచి కంటెంట్  తో జులై 1 న తెలుగు ప్రేక్షకుల ముందుకు వస్తున్న ఈ 'ఏనుగు"  సినిమాను కూడా ఆదరిస్తారని మనస్ఫూర్తిగా కోరుతున్నాను’ అన్నారు.

‘‘నా కెరీర్లో ‘ఏనుగు’ బిగ్గెస్ట్‌ సినిమా. తెలుగు, తమిళంలో ఒకేసారి రిలీజ్‌ అవుతుంది. ఇందులో మంచి ఎమోషనల్‌ కంటెంట్‌తో పాటు ఫ్యామిలీ వాల్యూస్‌ని చూపించారు హరి. అందరూ తప్పుకుండా కనెక్ట్‌ అవుతారు’’ అని హీరో అరుణ్‌ విజయ్‌ అన్నారు. హరి దర్శకత్వంలో అరుణ్‌ విజయ్, ప్రియా భవానీ శంకర్‌ జంటగా నటించిన  చిత్రం ‘యానై’. వేదిక కారన్‌పట్టి, ఎస్‌. శక్తివేల్‌ నిర్మించిన ఈ తమిళ చిత్రం ‘ఏనుగు’ పేరుతో తెలుగులో రానుంది. జగన్మోహిని సమర్పణలో సీహెచ్‌ సతీష్‌ కుమార్‌ తెలుగులో విడుదల చేస్తున్నారు. ఈ చిత్రం ట్రైలర్‌ని హైదరాబాద్‌లో రిలీజ్‌ చేశారు.‘‘ఈ సినిమాలో ప్రస్తుత సమాజంలో ఉన్న సమస్యలని వినోదాత్మకంగా చూపిస్తూ, మంచి సందేశం ఇచ్చాం’’ అన్నారు హరి. ‘‘మా సినిమా చూసిన ప్రేక్షకులు హ్యాపీగా బయటకు వస్తారు’’ అన్నారు సీహెచ్‌ సతీష్‌ కుమార్‌. ఈ మూవీకి జీవీ ప్రకాశ్‌ కుమార్‌ సంగీతం అందిస్తున్నారు. చదవండి: లేడీ ఓరియంటెడ్‌ మూవీస్‌, ఒక్కరితో కాదు ఇద్దరు, ముగ్గురితో! డ్రగ్స్‌ కేసులో హీరోయిన్‌ సోదరుడు.. పార్టీ లోపలి వీడియో వైరల్‌

ఢిఫరెంట్‌ కథలను ఎంచుకుంటూ కోలీవుడ్‌లో తనకంటూ ప్రత్యేకమైన గుర్తింపుని తెచుకున్నాడు సినియర్‌ నటుడు విజయ్‌ కుమార్‌ తనయుడు  అరుణ్ విజయ్. ఈ యంగ్‌ హీరో తాజాగా నటించిన చిత్రం ‘యానై’. ఈ మూవీ ఇప్పుడు ‘ఏనుగు’పేరుతో టాలీవుడ్‌లో జూన్‌ 17న విడుదల కాబోతుంది.  ఉత్తరాంధ్ర లో అనేక బ్లాక్ బస్టర్ సినిమాలను డిస్ట్రిబ్యూషన్ చేసి, దనుష్‌ ‘ధర్మయోగి’తో నిర్మాతగా మారిన సీహెచ్‌ సతీష్‌ కుమార్‌.. విఘ్నేశ్వర ఎంటర్ టైన్మెంట్ పతాకంపై ఈ చిత్రాన్ని తెలుగులో విడుదల చేస్తున్నాడు.  హీరో సూర్య తో సింగం సిరీస్ , విశాల్ తో పూజ వంటి యాక్షన్ సినిమాలతో తెలుగు ప్రేక్షకులను అలరిస్తూ తనకంటూ మంచి గుర్తింపును తెచ్చుకున్న దర్శకుడు హరి ఈ మూవీకి దర్శకత్వం వహించడం విశేషం. అరుణ్ విజయ్, ప్రియా భవానీ శంకర్,సముద్రఖని, కేజీయఫ్‌ ఫేమ్‌ రామచంద్రరాజు, రాధిక శరత్‌ కముఆర్‌, యోగిబాబు, అమ్ము తదితరులు కీలక పాత్రల్లో నటించిన ఈ చిత్రానికి జీవీ ప్రకాశ్‌ కుమార్‌ సంగీతం అందించారు. 

కమర్షియల్‌ చిత్రాలకు మారుపేరు దర్శకుడు హరి. ఈ తరహా చిత్రాలకు కాస్త భిన్నంగా ఆయన తెరకెక్కించిన చిత్రం యానై అని హీరో అరుణ్‌ విజయ్‌ పేర్కొన్నారు. వీరి కాంబినేషన్‌లో రూపొందిన ఈ చిత్రాన్ని డ్రమ్‌ స్టిక్స్‌ ప్రొడక్షన్‌ పతాకంపై వెడిక్కారన్‌పట్టి ఎస్‌.శక్తివేల్‌ నిర్మించారు. ప్రియ భవానీ శంకర్‌ నాయకిగా నటించిన ఈ చిత్రానికి జీవీ ప్రకాష్‌ కుమార్‌ సంగీతం అందించారు. నిర్మాణ కార్యక్రమాలు పూర్తి చేసుకున్న ఈ చిత్రం జూన్‌ 17వ తేదీన విడుదలకు సిద్ధమవుతోంది. ఈ సందర్భంగా సోమవారం రాత్రి చెన్నైలో నిర్వహించిన చిత్ర ట్రైలర్‌ ఆవిష్కరణ కార్యక్రమంలో నటుడు విజయ్‌ మాట్లాడుతూ తాను తన మామ హరి కలిసి చిత్రం చేయాలని చాలా కాలంగా అనుకుంటున్నామని, అది ఈ చిత్రంతో కుదిరిందని తెలిపారు. ఈ కథకు భారీ బడ్జెట్‌ అవసరం అవడంతో శక్తి వేల్‌ను సంప్రదించామన్నారు. ఇందులో తన చుట్టూ ఉన్న వారిని రక్షించుకునే పాత్రలో తాను నటించానన్నారు. ఇది చాలెంజింగ్‌ అనిపించిందన్నారు. చదవండి: నాగార్జునను సైడ్‌ చేసి సమంతకు బాధ్యతలు! ఆస్ట్రేలియా ఆఫర్‌, భారీ రెమ్యునరేషన్‌, కానీ మేనేజర్‌ను పర్సనల్‌గా కలవాలట!

‘‘పాత రోమ్‌ నగరం గుర్తుందా మిత్రుడా! ఇద్దరు గ్లాడియేటర్స్‌ తలపడతారు, ఓడినవాడు చస్తాడు గెలిచినవాడు మాత్రమే బ్రతుకుతాడు.. బతికుంటే అలాంటి ఒక గెలుపుతో బతికుండాలి. చచ్చినాకూడా అలాంటి వాడి చేతిలో చచ్చాము అనే గర్వంతో చావాలి...’’. ఇటువంటి పవర్‌ఫుల్‌ డైలాగ్‌లు ఉన్న  ‘జ్వాల’’ చిత్ర టీజర్‌ను  శుక్రవారం యంగ్‌ హీరో రానా దగ్గుబాటి సోషల్‌ మీడియా ట్విటర్ ద్వారా  విడుదల చేశారు.  బేస్‌ వాయిస్‌తో తెరమీద కనిపించే సన్నివేశాలను గురించి విశ్లేషిస్తూ బ్యాక్‌గ్రౌండ్‌లో ఓ మనిషి కథలా చెప్తూ ఉంటారు. ‘సాహో’ ఫేమ్‌ అరుణ్‌ విజయ్, ‘బిచ్చగాడు’ ఫేమ్‌ విజయ్‌ ఆంటోని టీజర్‌లో పోటాపోటీగా నటించారు.  అక్షర హాసన్‌ కీలక పాత్రలో నటించారు. ‘జ్వాల’ పాన్‌ఇండియా చిత్రాన్ని అమ్మ క్రియేషన్స్‌ టి.శివ సమర్పిస్తుండగా శర్వాంత్‌రామ్‌ క్రియేషన్స్‌ పతాకంపై జవ్వాజి రామాంజనేయులు, షిరిడిసాయి మూవీస్‌ పతాకంపై యం.రాజశేఖర్‌ రెడ్డి నిర్మించారు.  రష్యా, కజకిస్తాన్, ఉజ్బెకిస్తాన్, స్విట్జర్లాండ్, కలకత్తాలతో పాటు అనేక దేశాల్లో షూటింగ్‌ జరుపుకుంది. అరుణ్‌విజయ్, విజయ్‌ ఆంటోనీ, అక్షరహాసన్‌ల కెరీర్‌లోనే తెరకెక్కిన భారీబడ్జెట్‌ చిత్రం  ‘జ్వాల’. ఈ చిత్రాన్ని  నవీన్‌ దర్శకత్వం వహించారు. ప్రకాశ్‌రాజ్, రైమాసేన్, నాజర్‌ తదితరులు ముఖ్యపాత్రల్లో నటించిన ఈ చిత్రానికి కెమెరా– కె.ఎ.బచ్చ, ఎడిటర్‌– వెట్రికృష్ణన్, సంగీతం– నటరాజన్‌ శంకరన్‌ పీ.ఆర్‌.వో– శివమల్లాల.

మాస్టర్‌ ఆర్ణవ్‌కు అవార్డు రావడం ఖాయమని దర్శకుడు సరోవ్‌ షణ్ముగం అన్నారు. ఈయన దర్శకత్వం వహించిన 'ఓ మై డాగ్‌' చిత్రాన్ని నటి జ్యోతిక, సూర్య తమ 2డీ ఎంటర్‌టైన్‌మెంట్‌ పతాకంపై నిర్మించారు. ఈ సినిమా ద్వారా నటుడు అరుణ్‌విజయ్‌ కొడుకు ఆర్ణవ్‌ బాలనటుడిగా ప్రధాన పాత్రలో పరిచయం అయ్యాడు. ఇందులో అరుణ్‌విజయ్, ఆయన తండ్రి సీనియర్‌ నటుడు విజయ్‌కుమార్‌ ముఖ్యపాత్రలు పోషించగా, మహిమ నంబియార్‌ హీరోయిన్‌గా నటించిన ఈ సినిమాలో కుక్కపిల్ల కీలకపాత్రలో నటించడం మరో విశేషం. నివాస్‌ కే.ప్రసన్న సంగీతం, గోపీనాథ్‌ ఛాయాగ్రహణం అందించిన ఈ చిత్రం ఈ నెల 21వ తేదీ నుంచి అమెజాన్‌ ప్రైమ్‌ టైంలో స్ట్రీమింగ్‌కు సిద్ధమవుతోంది. ఈ సందర్భంగా శుక్రవారం మధ్యాహ్నం చెన్నైలో ఏర్పాటు చేసిన మీడియా సమావేశంలో శివకుమార్‌ మాట్లాడుతూ చదువులో బ్యాక్‌ బెంచ్‌ స్టూడెంట్‌ అయిన తన కొడుకు సూర్య నటుడిగా, నిర్మాతగా ఈస్థాయికి ఎదగడం గర్వంగా ఉందన్నారు. తన కొడుకు, మనవడితో కలిసి ఈ చిత్రంలో నటించడం మధురమైన అనుభవం అని నటుడు విజయ్‌కుమార్‌ తెలిపారు. ఈ చిత్రంలో నటనకు మాస్టర్‌ ఆర్ణవ్‌కు అవార్డు రావడం ఖాయమని దర్శకుడు సరోవ్‌ షణ్ముగం తెలిపారు.  Witness the epic and un-fur-gettable tale of Arjun & Simba in 5 Days! 🐾 Watch #OhMyDogOnPrime, April 21 @PrimeVideoIN@Suriya_offl #Jyotika @SarovShanmugam @2D_ENTPVTLTD #VijayaKumar #ArnavVijay #VinayRai #MahimaNambiar @gopinath_dop @nivaskprasanna @rajsekarpandian #MichealRaj pic.twitter.com/1DjIbjbNTr — ArunVijay (@arunvijayno1) April 16, 2022

ఇది తనకు పెద్ద బర్త్‌డే గిఫ్ట్‌ అని అన్నారు నటుడు అరుణ్‌ విజయ్‌. విషయం ఏమిటంటే మంగళవారం  ఈయన పుట్టిన రోజు. ఈ సందర్భంగా అరుణ్‌ విజయ్‌ నటిస్తున్న సినమ్‌ చిత్ర ఫస్ట్‌లుక్‌ పోస్టర్‌ను విడుదల చేశారు. ఈ పోస్టర్‌ను ప్రఖ్యాత దర్శకుడు మణిరత్నం ఆవిష్కరించారు. ఈయన తన చిత్ర ఫస్ట్‌లుక్‌ పోస్టర్‌ను ఆవిష్కరించడమే తన పుట్టినరోజుకు పెద్ద గిఫ్ట్‌ అని అరుణ్‌ విజయ్‌ పేర్కొన్నారు. సినమ్‌ చిత్ర యూనిట్‌ కూడా చాలా ఖుషీగా ఉంది. చిత్ర కథానాయకుడు అరుణ్‌ విజయ్‌ మాట్లాడుతూ.. మణిరత్నం తన చిత్ర ఫస్ట్‌లుక్‌ పోస్టర్‌ను ఆవిష్కరించడం చాలా సంతోషాన్నిచ్చిందని పేర్కొన్నారు. అంతే కాకుండా ఇది చిత్ర ప్రచారానికి బలాన్నిచ్చే అంశం అన్నారు. మణిరత్నం దర్శకత్వంలో తానింతకు ముందు సెక్క సివంద వానం చిత్రంలో నటించడం మరిచిపోలేని అనుభవం అని అన్నారు. ఆయన దర్శకత్వంలో నటనలో కొత్త కోణాన్ని నేర్చుకున్నానని చెప్పారు. గత ఏడాది పుట్టిన రోజు ఎలాగైతే తనకు అద్భుతంగా జరిగిందో అదే విధంగా ఈ పుట్టిన రోజు కొనసాగుతుందని భావిస్తున్నానన్నారు.  అందుకు సినమ్‌ చిత్ర ఫస్ట్‌లుక్‌ పోస్టర్‌ను మణిరత్నం చేతుల మీదగా విడుదల చేయడమే కారణం అన్నారు. ఈ చిత్రం గురించి చెప్పాలంటే ఒక పోలీస్‌ అధికారి కోపం ఎన్ని ఆటంకాలను ఎదిరించి న్యాయం కోసం పోరాడాల్సి వస్తుందని చెప్పే చిత్రమే సినమ్‌ అని తెలిపారు. ఇలాంటి కథాంశంతో ఇంతకు ముందు పలు చిత్రాలు వచ్చినా దర్శకుడు జీఎన్‌ఆర్‌.కుమారవేలన్‌ కథను వివరించిన విధానం తెరపై ఆవిష్కరించిన తీరు తనకు చాలా ఉత్సాహాన్ని కలిగిస్తోందన్నారు. కాగా సినమ్‌ చిత్ర షూటింగ్‌ సెట్‌లో అరుణ్‌విజయ్‌ పుట్టిన రోజు వేడుకను ఘనంగా నిర్వహించారు. అరుణ్‌ విజయ్‌ తండ్రి విజయ్‌కుమార్, తల్లితో పాటు, సహోదరి ప్రీతి, అగ్నిసిరగుగళ్‌ చిత్ర దర్శకుడు నవీన్‌ తదితరులు పాల్గొన్నారు. ఈ సందర్భంగా అమ్మా క్రియేషన్స్‌ శివ నటుడు అరుణ్‌విజయ్‌కు బంగారు గొలుసును బహుమతిగా అందించారు. కాగా  ఇందులో పలాక్‌ లాల్వాణి హీరోయిన్‌గా నటిస్తుండగా కాళీవెంకట్‌ చాలా ప్రాధాన్యత కలిగిన పాత్రలో నటిస్తున్నారు. షబీర్‌ సంగీతాన్ని, గోపీనాథ్‌ ఛాయాగ్రహణను అందిస్తున్నారు.   

మాఫియా చిత్ర టీజర్‌కు ప్రేక్షకుల నుంచి మంచి స్పందన వస్తోందని చిత్ర వర్గాలు ఆనందాన్ని వ్యక్తం చేశాయి. అరుణ్‌విజయ్‌ కథానాయకుడిగా నటిస్తున్న తాజా చిత్రం మాఫియా. నటి ప్రియభవానీశంకర్‌ నాయకిగా నటిస్తున్న ఈ సినిమాలో నటుడు ప్రసన్న ప్రతినాయకుడిగా నటిస్తున్నారు. యువ దర్శకుడు కార్తీక్‌నరేన్‌ తెరెక్కిస్తున్న ఈ చిత్రం నిర్మాణ కార్యక్రమాలు శరవేగంగా జరుగుతోంది. ఈ చిత్ర పస్ట్‌లుక్‌ పోస్టర్‌ను ఇటీవల విడుదల చేశారు. అందులో నటుడు అరుణ్‌విజయ్‌ స్టైలిష్‌ గెటప్‌ అందరినీ ఆకర్షించింది. మాఫియా అనగానే యాక్షన్‌ సన్నివేశాలతో కూడిన మాస్‌ ఎంటర్‌టెయినర్‌ చిత్రంగా ఉంటుందని తెలుస్తోంది. నటుడు అరుణ్‌విజయ్‌ కెరీర్‌లో ఈ చిత్రం స్పెషల్‌గా నిలిచిపోతుందని ఆయన ఇటీవల పేర్కొన్నారు.  చిత్రంలో తన పాత్ర కూడా చాలా వైవిధ్యంగా ఉంటుందన్నారు. తాజాగా చిత్ర టీజర్‌ను విడుదల చేశారు. అది ఇప్పుడు సామాజిక మాధ్యమాల్లో ట్రెండ్‌ అవుతోంది. టీజర్‌లో నటుడు అరుణ్‌విజయ్‌ను  సింహంగానూ, ప్రసన్నను నక్క గానూ చూపించి కథను మాత్రం రివీల్‌ చేయకుండా జాగ్రత్త పడుతూ వారి పాత్రల స్వభావాన్ని ఆవిష్కరించి ప్రేక్షకుల్లో మరింత ఆసక్తిని కలిగించారు. ఈ టీజర్‌ను  ఇప్పటికే 2.9 మిలియన్ల ప్రేక్షకులు యూట్యూబ్‌లో తిలకించారు. ఇది అరుణ్‌విజయ్‌ చిత్రాలలోనే పెద్ద రికార్డు అంటున్నారు. కాగా  దర్శకుడు కార్తీక్‌నరేన్‌ మాఫియా చిత్రాన్ని హై టెక్నికల్‌ వ్యాల్యూస్‌తో తెరకెక్కిస్తున్నట్లు చిత్ర వర్గాలు తెలిపాయి. లైకా ప్రొడక్షన్స్‌ సంస్థ నిర్మిస్తున్న ఈ మాఫియా చిత్ర షూటింగ్‌ పూర్తి అయిందని, ప్రస్తుతం నిర్మాణాంతర కార్యక్రమాలు జరుగుతున్నాయని తెలిపారు. కాగా చిత్ర ఆడియో ఆవిష్కరణ కార్యక్రమం, చిత్ర విడుదల వివరాలను త్వరలోనే వెల్లడిస్తామని యూనిట్‌ వర్గాలు తెలిపాయి. ఈ సినిమాకు జాక్స్‌ బిజాయ్‌ సంగీతాన్ని, గోకుల్‌ బెనాయ్‌ ఛాయాగ్రహణంను అందిస్తున్నారు.

ఇండియన్‌ తెరపై ఇంతవరకెన్నడూ చూడని యాక్షన్‌ సీన్స్‌తో తెరకెక్కిస్తున్న చిత్రం ‘సాహో’. బాహుబలి లాంటి సినిమాల తరువాత ప్రభాస్‌ నటిస్తున్న చిత్రం కావడంతో  భారీ బడ్జెట్‌తో అత్యంత ప్రతిష్టాత్మకంగా నిర్మించారు. ఈ సినిమా రిలీజ్‌ టైమ్‌ దగ్గర పడుతుండటంతో.. ప్రమోషన్‌ కార్యక్రమాలను పెంచేసింది చిత్రబృందం. ఇప్పటికే రిలీజ్‌ చేసిన టీజర్స్‌, సాంగ్స్‌తో భారీ అంచనాలను పెంచేసిన సాహో.. రోజురోజుకూ హైప్‌ పెంచేస్తోంది. ఈ చిత్రంలో ముఖ్యపాత్రలను పోషించిన వారి పోస్టర్‌లను రిలీజ్‌ చేస్తోంది యూనిట్‌. అంతం అన్నింటికీ సమాధానం కాదు అంటూ నీల్‌ నితీష్‌ ముఖేష్‌ పోస్టర్‌ను రిలీజ్‌ చేశారు. తాజాగా.. బ్లడ్‌కు బ్లడీ ఇన్విటేషన్‌ అవసరం లేదంటూ అరుణ్‌ విజయ్‌ పోస్టర్‌ను రిలీజ్‌ చేశారు. ఈ డైలాగ్‌లను చూస్తుంటే వీరి క్యారెక్టర్స్‌ ఏరేంజ్‌లో ఉండబోతున్నాయో అర్థమవుతోంది. యూవీ క్రియేషన్స్‌పై నిర్మిస్తున్న ఈ చిత్రానికి సుజీత్‌ దర్శకత్వం వహించాడు. ఈ మూవీ ఆగస్ట్‌ 30న విడుదల కానుంది. Swooning the audience with his mysterious look.. Here comes our first character poster ft. @NeilNMukesh in a dashing avatar! 😎#Saaho releases worldwide on 30th August! #30AugWithSaaho #Prabhas @ShraddhaKapoor @sujeethsign @UV_Creations @itsBhushanKumar @TSeries pic.twitter.com/vEChHoEnjf — UV Creations (@UV_Creations) August 5, 2019   Here comes our second super stylish character poster ft @arunvijayno1 as #Vishwank 😎#Saaho releases worldwide on 30th August! #30AugWithSaaho pic.twitter.com/Iu5tjThaDB — UV Creations (@UV_Creations) August 6, 2019

ఇప్పుడు చేతినిండా చిత్రాలున్న అతి తక్కువ మంది హీరోయిన్లలో నటి నివేదాపేతురాజ్‌ ఒకరు. ఒరునాళ్‌ కూత్తు చిత్రంతో సినీరంగప్రవేశం చేసిన దుబాయ్‌ వాసి అయిన ఈ తమిళ అమ్మాయి.. ఆ తరువాత జయంరవికి జంటగా నటించిన టిక్‌ టిక్‌ టిక్‌ వంటి కొన్ని విజయాలను తన ఖాతాలో వేసుకున్నారు. అలాంటిది 2019 నివేదా కేరీర్‌లో గుర్తుండిపోయే సంవత్సరంగా మిగిలిపోతుందని చెప్పవచ్చు. కారణం ఈ ఏడాదిలో అరడజనుకు పైగా చిత్రాల్లో నాయకిగా నటిస్తూ బిజీ బిజీగా ఉండటమే. తెలుగులోనూ వరుససినిమాలతో బిజీ అవుతున్నారు నివేదా. తమిళ్‌లో ఈ బ్యూటీ వెంకట్‌ప్రభు దర్శకత్వంలో నటించిన పార్టీ చిత్రం నిర్మాణ కార్యక్రమాలను పూర్తి చేసుకుని త్వరలో తెరపైకి రావడానికి ముస్తాబవుతోంది. ఇప్పుడు ప్రభుదేవాతో పొన్‌ మాణిక్యవేల్, విష్టు విశాల్‌ సరసన జగజాల కిల్లాడి, విజయ్‌సేతుపతికి జంటగా సంఘతమిళన్‌ చిత్రాలతో బిజీగా ఉన్నారు. వీటితో పాటు వాన్‌ అనే మరో చిత్రం నివేదా చేతిలో ఉంది. తాజాగా మాఫియా అనే చిత్రంలో నటుడు అరుణ్‌ విజయ్‌తో రొమాన్స్‌ చేయడానికి రెడీ అవుతున్నారు. ఇంతకుముందు ధృవంగళ్‌ 16 చిత్రం ద్వారా దర్శకుడిగా పరిచయం అయ్యి సంచలన విజయాన్ని అందుకున్న యువ దర్శకుడు నరేన్‌ తదుపరి అరవిందస్వామి, సందీప్‌కిషన్, శ్రియలతో నరకాసురన్‌ చిత్రాన్ని తెరకెక్కించారు. నిర్మాణ కార్యక్రమాలను పూర్తి చేసుకున్న ఈ చిత్రం ఆర్థిక సమస్యల కారణంగా ఇంకా విడుదల కాలేదు. తదుపరి నటుడు పార్తీపన్‌ హీరోగా నాటక మేడై అనే చిత్రాన్ని రూపొందించాలని ప్రకటన కూడా విడుదల చేసిన నరేన్‌ దాని నిర్మాణాన్ని పక్కన పెట్టి తాజాగా మరో చిత్రానికి సిద్ధం అయ్యారు. అరుణ్‌ విజయ్‌ హీరోగా మాఫియా అనే టైటిల్‌తో గ్యాంగ్‌స్టర్‌ చిత్రం చేయనున్నారు. ఇందులో నటి నివేదా పేతురాజ్‌ను హీరోయిన్‌గా ఎంచుకున్నారు. ఈ చిత్రం త్వరలోనే సెట్‌పైకి వెళ్లనుంది.

ఓ వైపు క్యారెక్టర్‌ ఆర్టిస్ట్‌గా చేస్తూనే మరోవైపు హీరోగానూ కొనసాగుతున్నారు అరుణ్‌ విజయ్‌. గతేడాది ‘తడం’ అనే తమిళ థ్రిల్లర్‌ చిత్రంతో సూపర్‌ హిట్‌ సాధించిన ఆయన తాజాగా ‘బాక్సర్‌’ అనే సినిమా అంగీకరించారు. ఇందులో బాక్సర్‌ పాత్రలో కనిపించనున్నారు అరుణ్‌ విజయ్‌. ఈ పాత్ర కోసం మిక్స్‌డ్‌ మార్షల్‌ ఆర్ట్స్‌లో శిక్షణ తీసుకుంటున్నారట. ఆల్రెడీ వియత్నాంలో ట్రైనింగ్‌ కూడా మొదలెట్టారు. వివేక్‌ దర్శకత్వం వహిస్తున్న ఈ స్పోర్ట్స్‌ డ్రామాలో రితికా సింగ్‌ హీరోయిన్‌. స్పోర్ట్స్‌ జర్నలిస్ట్‌ పాత్రలో ఆమె కనిపిస్తారు. త్వరలోనే ఈ సినిమా సెట్స్‌ మీదకు వెళ్లనుంది. ‘సాహో’ సినిమాలో అరుణ్‌ విజయ్‌ కీలక పాత్రలో నటించిన సంగతి తెలిసిందే.

తమిళసినిమా: యువ నటుడు అరుణ్‌ విజయ్‌కు జోడీగా నివేదాపేతురాజ్‌ జత కట్టబోతున్నారు. ఇటీవల మణిరత్నం దర్శకత్వంలో సెక్క సివంద వానం చిత్రంతో విజయాన్ని అందుకున్న అరుణ్‌ విజయ్, తడం చిత్రంతో హీరోగా మరో హిట్‌ను ఖాతాలో వేసుకున్నడు. ప్రస్తుతం మూడర్‌ కూట్టం చిత్రం ఫేమ్‌ నవీన్‌ దర్శకత్వంలో విజయ్‌ ఆంటోనితో కలిసి అగ్ని సిరగుగల్‌ చిత్రంలో నటిస్తున్నారు. దీంతో పాటు తెలుగులో ప్రభాస్‌ కథానాయకుడిగా నటిస్తున్న సాహో చిత్రంలో ముఖ్య పాత్రను పోషిస్తున్నారు. వీటితో పాటు తాజాగా మరో చిత్రానికి అరుణ్‌ విజయ్‌ పచ్చజెండా ఊపారు. దీనికి యువ దర్శకుడు కార్తీక్‌ నరేన్‌ దర్శకత్వం వహించనున్నారు. ఈయన ఇంతకు ముందు దృవంగళ్‌ పదునారు చిత్రాన్ని తెరకెక్కించారు. ఆ తరువాత అరవిందస్వామి, శ్రియ నటించిన నరకాసురన్‌ చిత్రానికి దర్శకత్వం వహించారు. ఈ చిత్రం నిర్మాణ కార్యక్రమాలు పూర్తి అయినా విడుదలలో జాప్యం జరుగుతోంది. తాజాగా కార్తీక్‌ నరేన్‌ నటుడు అరుణ్‌ విజయ్‌ కథానాయకుడిగా చిత్రాన్ని తెరకెక్కించడానికి సన్నాహాలు చేస్తున్నారు. ఇందులో నటి నివేదాపేతురాజ్‌ను నాయకిగా ఎంపిక చేశారు. ప్రస్తుతం ఈ అమ్మడు తమిళం, తెలుగు చిత్రాలతో బిజిగా ఉంది. ఇటీవల తెలుగులో నటించిన చిత్రలహరి మంచి సక్సెస్‌ టాక్‌ సొంతం చేసుకుంది. బ్రోచేవారెవరురా అనే మరో చిత్రం సైతం విడుదలకు సిద్ధంగా ఉంది. ఇక తమిళంలో వెంకట్‌ ప్రభు దర్శకత్వంలో నటించిన పార్టీ చిత్రం విడుదలకు రెడీ అవుతోంది. ప్రభుదేవాకు జంటగా పొన్‌ మాణిక్యవేల్, విజయ్‌సేతుపతితో సంఘ తమిళన్, దుల్కర్‌ సల్మాన్‌ సరసన వాన్‌ చిత్రాలతో పాటు విష్ణు విశాల్‌కు జంటగా జగజాల కిల్లాడి చిత్రంలోనూ నటిస్తోంది. తాజాగా అరుణ్‌ విజయ్‌తో రొమాన్స్‌ చేయడానికి రెడీ అవుతోంది. లైకా ప్రొడక్షన్‌ సంస్థ నిర్మించనున్న ఈ చిత్రం త్వరలో సెట్‌ పైకి వెళ్లనుంది. దీనికి సంబంధించిన పూర్తి వివరాలు అతి త్వరలో వెలువడనున్నాయి. 

‘అల్లరి ప్రియుడు, జెంటిల్‌మేన్, చిలక్కొట్టుడు, గణేష్‌’ చిత్రాల్లో హీరోయిన్‌గా నటించి తెలుగుప్రేక్షకుల్లో తనకంటూ మంచి గుర్తింపు తెచ్చుకున్నారు మధుబాల. సెకండ్‌ ఇన్నింగ్స్‌లో ‘అంతకుముందు ఆ తర్వాత, సూర్య వర్సెస్‌ సూర్య, నాన్నకు ప్రేమతో’ సినిమాల్లోనూ ముఖ్య పాత్రలతో తనదైన ముద్ర వేశారామె. అటు తమిళ, కన్నడ చిత్రాల్లోనూ నటిస్తున్న మధుబాల తాజాగా ‘కాలేజ్‌ కుమార్‌’ అనే మరో తమిళ చిత్రం అంగీకరించారు. దాదాపు 23 ఏళ్ల తర్వాత ఈ చిత్రంలో నటుడు ప్రభుతో కలిసి ఆమె నటిస్తుండటం విశేషం. సీమాన్‌ దర్శకత్వంలో 1996లో వచ్చిన ‘పాంచాలకురుచ్చి’ సినిమాలో తొలిసారి జోడీ కట్టారు మధుబాల, ప్రభు. ఆ తర్వాత వీరిద్దరూ కలిసి నటించింది లేదు. తాజాగా అరుణ్‌ విజయ్‌ హీరోగా, ప్రియా వడ్లమాని జంటగా ప్రియదర్శన్‌ దర్శకత్వంలో తెరకెక్కుతోన్న ‘కాలేజ్‌ కుమార్‌’ చిత్రంలో మరోసారి స్క్రీన్‌ షేర్‌ చేసుకుంటున్నారు మధు–ప్రభు.

ప్రభాస్‌ హీరోగా నటిస్తున్న భారీ బడ్జైట్‌ యాక్షన్‌ ఎంటర్‌టైనర్‌ ‘సాహో’. సుజీత్‌ తెరకెక్కిస్తున్న ఈ చిత్రాన్ని వంశీ, ప్రమోద్‌లు నిర్మిస్తున్నారు. శ్రద్ధాకపూర్‌ కథానాయిక. జాకీ ష్రాఫ్, మురళీ శర్మ, అరుణ్‌ విజయ్, ఎవలీన్‌ శర్మ కీలక పాత్రలు పోషిస్తున్నారు. ఈ సినిమాలో అరుణ్‌ విజయ్‌ తన పార్ట్‌ షూటింగ్‌ను పూర్తి చేశారు. ‘‘ఇలాంటి వండర్‌ఫుల్‌ టీమ్‌లో భాగం అవ్వడం చాలా సంతోషంగా ఉంది. ఈ ప్రయాణాన్ని ఓ మంచి జ్ఞాపకంగా చేసినందుకు ప్రభాస్, సుజీత్, యూవీ క్రియేషన్స్‌ సంస్థ, నటీనటులు, సాంకేతిక నిపుణులు అందరికీ థ్యాంక్స్‌. ఆగస్ట్‌ 15 నుంచి థియేటర్స్‌లో అద్భుతమైన అనుభూతిని పొందడానికి రెడీగా ఉండండి’’ అని అరుణ్‌ విజయ్‌ పేర్కొన్నారు.

రితికాసింగ్‌కు ఓ అవకాశం వచ్చింది. ఇరుదుచుట్రు చిత్రంతో అనూహ్యంగా కోలీవుడ్‌లో హీరోయిన్‌ అవతారమెత్తిన రియల్‌ బాక్సింగ్‌ బ్యూటీ రితికాసింగ్‌. ఈ చిత్రం సక్సెస్‌తో కోలీవుడ్‌ దృష్టి ఈ అమ్మడిపై పడింది. అంతే వరుసగా అవకాశాలు చుట్టుముట్టాయి. అలా లారెన్స్‌తో శివలింగ చిత్రం చేసింది. అదీ ఓకే అనిపించుకుంది. ఆ తరువాత నటించిన ఆడవన్‌ కట్టలై చిత్రం హిట్‌ అయ్యింది. అంతే రితికాసింగ్‌కు అవకాశాలు ముఖం చాటేశాయి. మధ్యలో తెలుగులోకి గురు చిత్రంతో ఎంట్రీ ఇచ్చింది. తమిళ చిత్రం ఇరుదుచుట్టుకు రీమేక్‌ అయిన ఆ చిత్రం హిట్‌ అయినా, అక్కడ మరో అవకాశం రాలేదు. అలాంటిది కాస్త ఆలస్యంగా కోలీవుడ్‌లో మరో అవకాశాన్ని దక్కించుకుంది. నటుడు అరుణ్‌విజయ్‌కు జంటగా నటించడానికి రెడీ అవుతోంది. ప్రస్తుతం తడం చిత్రాన్ని పూర్తి చేసిన అరుణ్‌ విజయ్‌ ప్రస్తుతం విజయ్‌ఆంటోనీతో కలిసి అగ్నిసిరగుగళ్‌ చిత్రంలో నటిస్తున్నారు. తదుపరి చిత్రానికీ రెడీ అవుతున్నారు. దీనికి బాక్సర్‌ అనే టైటిల్‌ను ఖరారు చేశారు. ఈ చిత్రం ద్వారా దర్శకుడు బాలా శిష్యుడు వివేక్‌ దర్శకుడిగా పరిచయం అవుతున్నారు. బాక్సర్‌ చిత్ర ప్రీ ప్రొడక్షన్‌ కార్యక్రమాలు వేగంగా జరుగుతున్నాయి. ఈ చిత్రం కోసం అరుణ్‌విజయ్‌ మలేషియా, వియత్నాం దేశాలలో బాక్సింగ్‌లో శిక్షణ తీసుకున్నారట. అంతేకాదు స్టంట్‌మాస్టర్‌ పీటర్‌ హెయిన్‌ వద్ద శిక్షణ తీసుకుంటున్నారట. భారీ బడ్జెట్‌లో తెరకెక్కనున్న ఈ చిత్రంలో నటి రితికాసింగ్‌ క్రీడా వార్తల విలేకరిగా నటించనుందని, చిత్ర షూటింగ్‌ను ఏప్రిల్‌లో ప్రారంభించనున్నట్లు చిత్ర వర్గాల సమాచారం. దీనికి లియోన్‌ జేమ్స్‌  సంగీతాన్ని అందించనున్నారు. 

బాలీవుడ్‌, టాలీవుడ్‌, కోలీవుడ్‌, మాలీవుడ్‌ ఇలా అన్ని ఇండస్ట్రీల నుంచి ఫేమస్‌ యాక్టర్స్‌ ఒకే ఫ్రేమ్‌లో కనపడితే.. అది సోషల్‌మీడియాలో వైరల్‌ కాకుండా ఉంటుందా. ప్రస్తుతం అలాంటి ఓ పిక్‌ సోషల్‌ మీడియాలో వైరల్‌ అవుతోంది. సాహో సెట్‌లో దిగిన ఆ ఫోటో అరుణ్‌ విజయ్‌ సోషల్‌ మీడియాలో షేర్‌ చేశారు.  బాహుబలి తరువాత ప్రభాస్‌ ఇమేజ్‌ జాతీయ స్థాయిలో పెరిగిపోయింది. అందుకే ప్రభాస్‌ ప్రస్తుతం నటిస్తున్న సాహో ఇండియన్‌ సినిమాగా మారిపోయింది. ఈ మూవీలో అన్ని పరిశ్రమలకు చెందిన ప్రముఖులు నటిస్తున్నారు. ఈ చిత్రంలో బాలీవుడ్‌ నుంచి నీల్‌ నితిన్‌ ముఖేష్‌, శ్రద్దా కపూర్‌, జాకీ ష్రాఫ్‌లు, కోలీవుడ్‌ నుంచి యంగ్‌ యాక్టర్‌ అరుణ్‌ విజయ్‌, మాలీవుడ్‌ నుంచి సీనియర్‌ యాక్టర్‌ లాల్‌ ఇలా ప్రముఖులు సాహో చిత్రంలో నటిస్తున్నారు. ఇంతటి భారీ తారాగణంతో అత్యంత భారీ ఎత్తున నిర్మిస్తున్న ఈ చిత్రంపై అంచనాలు రోజురోజుకూ పెరుగుతున్నాయి. ప్రస్తుతం జాకీ ష్రాఫ్‌, ప్రభాస్‌, లాల్‌, అరుణ్‌ విజయ్‌కు సంబంధించిన సన్నివేశాలను యూనిట్‌ షూట్‌ చేస్తున్నట్టు సమాచారం. ఈ సెట్‌లో అరుణ్‌ విజయ్‌ వీరితో ఫోటో దిగి సోషల్‌ మీడియాలో షేర్‌ చేశాడు. ప్రస్తుతం ఈ పిక్‌ వైరల్‌గా మారింది. యూవీ క్రియేషన్స్‌ నిర్మిస్తున్న ఈ చిత్రానికి సుజిత్‌ దర్శకత్వం వహిస్తున్నాడు. ఈ మూవీని ఆగస్టు 15న విడుదల చేసేందుకు చిత్రయూనిట్‌ ప్రయత్నిస్తోంది. Haven’t seen a more cooler person on sets !! Was great catching up with you #jackieshroff sir.. #Prabhas @bindasbhidu #lal #saaho.. 💪 pic.twitter.com/oEC48PEskn — ArunVijay (@arunvijayno1) 22 January 2019

ఇప్పటి వరకూ అనువాద చిత్రాలతో తెలుగు ప్రేక్షకులను పలకరించారు ‘బిచ్చగాడు’ ఫేమ్‌ విజయ్‌ ఆంటోని. ఇప్పుడాయన తెలుగులో చేస్తున్న స్ట్రయిట్‌ మూవీ ‘జ్వాల’. అరుణ్‌ విజయ్‌ మరో కథా నాయకుడు. ‘అర్జున్‌రెడ్డి’ ఫేమ్‌ షాలినీ పాండే కథానాయికగా నటిస్తున్నారు. ఎం. నవీన్‌ దర్శకత్వంలో టి. శివ నిర్మిస్తున్న ఈ సినిమా శుక్రవారం హైదరాబాద్‌లో ప్రారంభమైంది. విజయ్‌ ఆంటోని  మాట్లాడుతూ–‘‘తెలుగులో నేను చేస్తున్న స్ట్రయిట్‌ చిత్రమిది. నవీన్‌ చెప్పిన స్క్రిప్ట్‌ నచ్చింది. నాతో పాటు అరుణ్‌విజయ్, షాలినీ పాండేకి కూడా ఇది చాలెంజింగ్‌ మూవీ. నా కెరీర్‌లో వన్నాఫ్‌ ది బెస్ట్‌ మూవీస్‌గా ఉంటుందని చెప్పగలను. ఈ సినిమాలో కీలక పాత్రలు చేయడానికి అంగీకరించిన ప్రకాశ్‌రాజ్, జగపతిబాబుగార్లకి ధన్యవాదాలు’’ అన్నారు. ‘‘బ్రూస్‌ లీ, సాహో’ చిత్రాల తర్వాత నేను నటిస్తున్న మూడో స్ట్రయిట్‌ తెలుగు చిత్రమిది. చాలా ఎగై్జటింగ్‌గా ఉంది. ఇలాంటి యాక్షన్‌ చిత్రంలో భాగమైనందుకు సంతోషంగా ఉంది’’ అన్నారు అరుణ్‌ విజయ్‌. ‘‘ఈ చిత్రం షూటింగ్‌లో పాల్గొనడానికి ఎగై్జటింగ్‌గా ఎదురుచూస్తున్నా’’ అన్నారు షాలినీ పాండే. ఈ సినిమాకు నటరాజన్‌ సంగీతం అందిస్తున్నారు.  

ప్రభాస్‌ కథానాయకుడిగా నటిస్తున్న సాహో చిత్రం బాహుబలిని మించి ఉంటుందని అందులో ఒక ముఖ్య పాత్రను పోషిస్తున్న నటుడు అరుణ్‌ విజయ్‌ పేర్కొన్నారు. ఈయన రామ్‌చరణ్‌ హీరోగా నటించిన బ్రూస్‌లీ చిత్రంతో తెలుగు ప్రేక్షకులకు నేరుగా పరిచయం అయినా, అంతకు ముందు ఎంతవాడుగానీ లాంటి పలు అనువాద చిత్రాలతో తెలుగులోనూ గుర్తింపు పొందారు.   తాజాగా మణిరత్నం చిత్రం నవాబ్‌ ( తమిళంలో సెక్క సెవంద వారం) చిత్రంలో నటించారు. ఈ చిత్రం తమిళంతో పాటు తెలుగులోనూ ఇటీవలే తెరపైకి వచ్చి మంచి టాక్‌తో ప్రదర్శింపబడుతోంది. ఈ సందర్భంగా నటుడు అరుణ్‌విజయ్‌ శనివారం స్థానిక ఆన్నామలైపురంలోని దర్శకుడు మణిరత్నం కార్యాలయంలో సాక్షితో తన ఆనందాన్ని పంచుకున్నారు. ఆయనతో సాక్షి భేటీ. నవాబ్‌(సెక్క సెవంద వానం) చిత్రం గురించి? చిత్రానికి ప్రేక్షకుల నుంచి చాలా మంచి స్పందన వస్తోంది. చాలా ఆనందంగా ఉంది. మణిరత్నం దర్శకత్వంలో నటించడం చాలా మంచి అనుభవం. అరవిందస్వామి, శింబు, జ్యోతిక, జయసుధ, ప్రకాశ్‌రాజ్‌ వంటి ప్రముఖ నటీనటులతో కలిసి నటించడం మధరమైన అనుభూతిని కలిగించింది. నవాబ్‌ చిత్రంలో మీ పాత్ర గురించి? నవాబ్‌ చిత్రంలో త్యాగు అనే పాత్రలో నటించాను. ముందుగా మణిరత్నం దర్శకత్వంలో నటించడానికి కాస్త భయపడ్డాను. నటుడు అరవిందస్వామినే ఏం పర్వాలేదు. ఎలాంటి సందేహం కలిగినా దర్శకుడిని నిస్పందేహంగా అడుగు అని ధైర్యం ఇచ్చారు. నిజం చెప్పాలంటే త్యాగు చిత్రంలో నటించడం నాకు చాలెంజ్‌ అనిపించింది.అలాంటి పాత్రను ప్రేక్షకులు ఆదరించడం చాలా సంతోషంగా ఉంది. దర్శకుడు మణిరత్నం ఆల్వేస్‌ ఫ్యాషన్‌. ఆయన పాత్రల కన్వెర్టింగ్‌ అమేజింగ్‌గా ఉంటుంది. ఈ చిత్రంలోని పాత్ర తనకు చాలా ఎంకరేజింగ్‌ నిచ్చింది. మరిన్ని వైవిధ్యభరిత పాత్రలను పోషించడానికి ప్రేరణ నిచ్చింది. ప్రస్తుతం చేస్తున్న చిత్రాలు? ప్రస్తుతం తడం అనే చిత్రంలో హీరోగా నటిస్తున్నాను. మరిన్ని అవకాశాలు వస్తున్నాయి. మంచి కథా పాత్రలను ఎంచుకుని నటించాలన్నదే నా భావన. తెలుగులో నటించడం గురించి? తెలుగులో నటించడం నాకు చాలా ఇష్టం. నేను నటించిన ఎంతవాడు గానీ లాంటి పలు చిత్రాలతో ప్రేక్షకులకు దగ్గర అయ్యాను. తెలుగులో రామ్‌చరణ్‌ హీరోగా నటించిన బ్రూస్‌లీ చిత్రంలో విలన్‌గా నటించాను. ఆ పాత్రకు మంచి పేరు వచ్చింది.ఆ తరువాత చాలా అవకాశాలు వచ్చినా మంచి పాత్రల్లోనే చేయాలని వేచి చూశాను. అలాంటి సమయంలో ప్రభాష్‌ హీరోగా నటిస్తున్న భారీ చిత్రం సాహోలో నటించే అవకాశం వచ్చింది. ఈ చిత్రం అద్భుతంగా వస్తోంది. బాహబలి చిత్రాన్ని మించే స్థాయిలో సాహో వస్తోంది. మంచి అవకాశం అయితే తెలుగులో హీరోగానూ నటించాలని ఉంది. ముఖ్యంగా రాజమౌళి దర్శకత్వంలో నటించాలని ఆశగా ఉంది.    

మణిరత్నం.. ఈ పేరు చెప్పగానే ‘గీతాంజలి, బాంబే, రోజా, సఖి, ఘర్షణ, దళపతి, యువ’ వంటి ఎన్నో హిట్‌ చిత్రాలు గుర్తొస్తాయి. ప్రేమకథలే కాదు.. మెసేజ్‌ ఓరియంటెడ్‌ ఎమోషనల్‌ చిత్రాలను తెరకెక్కించడంలోనూ ఆయనకు ఆయనే సాటి. ఆయన దర్శకత్వంలో తెరకెక్కిన తాజా చిత్రం ‘నవాబ్‌’. అరవింద స్వామి, జ్యోతిక, అరుణ్‌ విజయ్, ఐశ్వర్యా రాజేశ్, శింబు, విజయ్‌ సేతుపతి, ప్రకాశ్‌ రాజ్‌. త్యాగరాజన్‌ ప్రధాన తారలుగా లైకా ప్రొడక్షన్స్‌ సమర్పణలో మద్రాస్‌ టాకీస్‌ బ్యానర్‌పై రూపొందిన ఈ చిత్రం త్వరలోనే విడుదల కానుంది. ఈ చిత్రం ట్రైలర్‌ను హీరో నాగార్జున విడుదల చేశారు. లైకా ప్రొడక్షన్స్, మద్రాస్‌ టాకీస్‌ సంస్థల ప్రతినిధులు మాట్లాడుతూ– ‘‘మాఫియా నేపథ్యంలో తెరకెక్కిన చిత్రమిది. మంచి యాక్షన్‌ ప్యాక్డ్‌గా ఉంటూనే ఎమోషనల్‌ కంటెంట్‌తో సాగుతుంది. నాగార్జునగారు రిలీజ్‌ చేసిన ట్రైలర్‌ ఇప్పటికే వన్‌ మిలియన్‌ వ్యూస్‌ను రాబట్టుకుని సోషల్‌ మీడియాలో సెన్సేషన్‌ క్రియేట్‌ చేస్తోంది. టాప్‌ టెక్నీషియన్స్‌ సహకారంతో తెరకెక్కిన ఈ సినిమాపై ఇండస్ట్రీలో భారీ అంచనాలున్నాయి. ఆ అంచనాలను మించేలా సినిమా ఉంటుంది. ప్రస్తుతం పోస్ట్‌ ప్రొడక్షన్‌ కార్యక్రమాలు జరుగుతున్నాయి. త్వరలోనే సినిమా విడుదల తేదీ పకటిస్తాం’’ అన్నారు. ఈ చిత్రానికి సంగీతం: ఎ.ఆర్‌.రెహమాన్, కెమెరా: సంతోష్‌ శివన్, ఎగ్జిక్యూటివ్‌ ప్రొడ్యూసర్‌: శివ ఆనంది, నిర్మాతలు: మణిరత్నం, సుభాష్‌ కరణ్‌.

అరుణ్‌ విజయ్‌ హీరోగా మహిమా నంబియార్, అభినయ హీరోయిన్లుగా దర్శకుడు అరివళగన్‌ తమిళంలో తెరకెక్కించిన చిత్రం ‘కుట్రమ్‌ 23’. ఈ సినిమాను ‘క్రైమ్‌ 23’గా ప్రసాద్‌ ధర్మిరెడ్డి, రంధి శంకరరావు, సూరాపాటి గాంధి, ఇంద్ర కుమార్‌ తెలుగులో ఈ నెల 31న రిలీజ్‌ చేస్తున్నారు. ఈ సందర్భంగా నిర్మాత ప్రసాద్‌ ధర్మిరెడ్డి మాట్లాడుతూ – ‘‘బ్రూస్‌లీ, ఎంతవాడుగానీ’ చిత్రాల్లో విలన్‌గా ఆకట్టుకున్న అరుణ్‌ విజయ్‌ నటించిన ఈ సినిమాను తెలుగులో రిలీజ్‌ చేయడం హ్యాపీగా ఉంది. దర్శకుడు అరివళగన్‌ సోషల్‌ మెసేజ్‌తో పాటు కమర్షియల్‌ అంశాలను చక్కగా జోడించి ఈ చిత్రాన్ని రూపొందించారు. అన్ని వర్గాల ప్రేక్షకులను ఆకట్టుకునే మంచి క్రైమ్‌ థ్రిల్లర్‌. ప్రభాస్‌గారు రిలీజ్‌ చేసిన ట్రైలర్‌కు మంచి స్పందన వస్తోంది. ఈ నెల 31న ఈ సినిమాను గ్రాండ్‌గా రిలీజ్‌ చేస్తున్నాం’’ అన్నారు. ఈ చిత్రానికి సంగీతం: విశాల్‌ చంద్రశేఖర్, కెమెరా: కేయమ్‌ భాస్కరన్‌.

‘బాహుబలి’ సినిమాలో ఊళ్ల మీద పడి దోచేసుకునే దొంగలను తన ఎత్తులతో పనిపడతాడు అమరేంద్ర బాహుబలి. ఆ పాత్రలో ప్రభాస్‌ కటౌట్‌ సూపర్‌. ఇప్పుడీ కటౌట్‌ దొంగగా కనిపిస్తే.. కచ్చితంగా మంచి దొంగే అని ప్రత్యేకంగా చెప్పక్కర్లేదు. ఈ దొంగ లోకల్‌ దొంగ కాదు ఇంటర్నేషనల్‌ దొంగ అట. ఒక దేశం నుంచి ఇంకో దేశాన్ని చిటికెలో దాటేస్తాడట. ఇంటర్‌ పోల్‌ని ముప్పు తిప్పలు పెట్టి మూడు చెరువుల నీళ్లు తాగించేస్తాడట. అసలు విషయం ఏంటంటే.. ‘సాహో’ సినిమాలో ప్రభాస్‌  పురాతన వజ్రాలు దొంగిలించే క్రేజీ దొంగ పాత్రలో కనిపించనున్నారని సమాచారం. ‘రన్‌ రాజా రన్‌’ ఫేమ్‌ సుజీత్‌ దర్శకత్వంలో ప్రభాస్‌ హీరోగా రూపొందుతున్న చిత్రం ‘సాహో’. యువీ క్రియేషన్స్‌ పతాకంపై వంశీ, ప్రమోద్‌ నిర్మిస్తున్నారు. ఇందులో బాలీవుడ్‌ బ్యూటీ శ్రద్ధా కపూర్‌ కథానాయిక. ప్రభాస్‌ను రెడ్‌ హ్యాండెడ్‌గా పట్టుకునే సీరియస్‌ పోలీస్‌ ఆఫీసర్‌ రోల్‌లో శ్రద్ధ కనిపించనున్నారు. మరి ఈ దొంగా పోలీస్‌ ఆట ఎలా ఉంటుందో తెలియాలంటే వచ్చే ఏడాది వరకు ఆగాల్సిందే. జాకీ ష్రాఫ్, మందిరా బేడీ, అరుణ్‌ విజయ్‌ ముఖ్య పాత్రల్లో కనిపించనున్న ఈ చిత్రం షూటింగ్‌ ప్రస్తుతం హైదరాబాద్‌లో జరుగుతోంది. ఈ చిత్రానికి కెమెరా: మది, సంగీతం:శంకర్‌ ఎహాసన్‌ లాయ్‌.

‘బ్రూస్‌ లీ’, ‘ఎంతవాడుగాని’ చిత్రాల్లో విలన్‌గా నటించి, తెలుగు ప్రేక్షకులను అలరించిన అరుణ్‌ విజయ్‌ హీరోగా తెరకెక్కిన తమిళ చిత్రం ‘కుట్రమ్‌ 23’. ‘వైశాలి’ చిత్రం ఫేమ్‌ అరివళగన్‌ దర్శకుడు. మహిమ నంబియార్, అభినయ హీరోయిన్స్‌. ఈ చిత్రాన్ని అరుణ ప్రసాద్‌ ధర్మిరెడ్డి సమర్పణలో శ్రీ విజయ నరసింహా ఫిలింస్‌ పతాకంపై ‘క్రైమ్‌ 23’ పేరుతో తెలుగులో విడుదల చేస్తున్నారు. ప్రసాద్‌ ధర్మిరెడ్డి, రంధి శంకరరావు, సూరాపాటి గాంధి, ఇందర్‌కుమార్‌ నిర్మాతలు. ఈ నెల 24న రిలీజ్‌ అవుతోన్న ఈ చిత్రం గురించి ప్రసాద్‌ ధర్మిరెడ్డి మాట్లాడుతూ– ‘‘తమిళనాడులో జరిగిన వాస్తవ సంఘటనల ఆధారంగా రూపొందిన మెడికల్‌ క్రైమ్‌ థ్రిల్లర్‌ చిత్రమిది. యాక్షన్, రొమాన్స్, ఫ్యామిలీ సెంటిమెంట్‌.. ఇలా అన్ని ఎమోషన్స్‌తో అరివళగన్‌ బాగా తెరకెక్కించారు. అరుణ్‌ విజయ్‌ పోలీస్‌ ఆఫీసర్‌గా మంచి నటన కనబరిచాడు. ఇటీవల ప్రభాస్‌గారి చేతుల మీదుగా విడుదలైన ట్రైలర్‌కు అద్భుతమైన స్పందన వచ్చింది’’ అన్నారు.

అరుణ్‌ విజయ్‌ హీరోగా ‘వైశాలి’ ఫేమ్‌ అరివళగన్‌ దర్శకత్వంలో రూపొందిన తమిళ హిట్‌ మూవీ ‘కుట్రమ్‌ 23’. మహిమా నంబియార్, అభినయ కథానాయికలుగా నటించారు. ఈ చిత్రాన్ని ‘క్రైమ్‌ 23’ పేరుతో శ్రీ విజయ నరసింహా ఫిలింస్‌ పతాకంపై శ్రీమతి అరుణ ప్రసాద్‌ ధర్మిరెడ్డి సమర్పణలో ప్రసాద్‌ ధర్మిరెడ్డి, రంధి శంకరరావు, సూరాపాటి గాంధి, ఇందర్‌కుమార్‌ సంయుక్తంగా తెలుగులోకి అనువదించారు. ఈ నెల 18న ‘క్రైమ్‌ 23’ విడుదల కానుంది. ప్రసాద్‌ ధర్మిరెడ్డి మాట్లాడుతూ- ‘‘రీసెంట్‌గా ప్రభాస్‌ చేతుల మీదగా విడుదల చేసిన మా చిత్రం ట్రైలర్‌కు మంచి స్పందన వచ్చింది. ఇందులో పవర్‌ఫుల్‌ పోలీసాఫీసర్‌గా అరుణ్‌ విజయ్‌ బాగా నటించారు. వాస్తవ సంఘటనల ఆధారంగా రూపొందిన మెడికల్‌ క్రైమ్‌ థ్రిల్లర్‌ చిత్రమిది. ప్రతి సన్నివేశం ఉత్కంఠభరితంగా ఉంటుంది’’ అన్నారు. విజయ్‌కుమార్, అరవింద్‌ ఆకాశ్, వంశీకృష్ణ కీలక పాత్రలు చేసిన ఈ చిత్రానికి విశాల్‌ చంద్రశేఖర్‌ స్వరకర్త.   

తమిళ హీరో అరుణ్‌ విజయ్‌ దుబాయ్‌ వెళ్లారు. ఇంకేముంటుంది? ప్రభాస్‌ హీరోగా నటిస్తున్న ‘సాహో’ షెడ్యూల్‌ అబుదాబిలో జరుగుతోంది కదా ఆ షూట్‌లో పాల్గొనడానికి వెళ్లాడేమో అనుకుంటే తప్పులో కాలేసినట్లే. ‘సాహో’లో అరుణ్‌ నటిస్తున్నారు. అయితే దుబాయ్‌ వెళ్లింది మాత్రం ‘నవాబ్‌’ షూట్‌ కోసం. మణిరత్నం దర్శకత్వంలో అరవింద స్వామి, శింబు, విజయ్‌ సేతుపతి, అరుణ్‌ విజయ్, జ్యోతిక, అదితీ రావ్‌ హైదరీ ముఖ్య తారలుగా రూపొందుతోన్న మల్టీస్టారర్‌ మూవీ ‘చెక్క చివంద వానమ్‌’. తెలుగులో ‘నవాబ్‌’ అనే టైటిల్‌ ఖరారు చేశారు. ఈ సినిమా చెన్నై షెడ్యూల్‌ కంప్లీట్‌ అయ్యింది. నెక్ట్స్‌ షెడ్యూల్‌ దుబాయ్‌లో జరగనుంది. ‘‘ఈ సినిమాలో నా ఫైనల్‌ షెడ్యూల్‌ కోసం దుబాయ్‌ వెళ్తున్నాను’’ అని పేర్కొన్నారు అరుణ్‌ విజయ్‌. తమిళంలో అరుణ్‌ విజయ్‌ హీరోగా నటించిన ‘కుట్రమ్‌ 23’ తెలుగులో ‘క్రైమ్‌ 23’ పేరుతో రిలీజ్‌ కానుంది. 

అరుణ్‌ విజయ్‌ హీరోగా ‘వైశాలి’ ఫేమ్‌ అరివళగన్‌ దర్శకత్వంలో రూపొందిన తమిళ చిత్రం ‘కుట్రమ్‌ 23’ని తెలుగులో ‘క్రైమ్‌ 23’ అనే టైటిల్‌తో అనువాదం చేస్తున్నారు. మహిమ నంబియార్, అభినయ కథానాయికలు. శ్రీమతి అరుణ ప్రసాద్‌ ధర్మిరెడ్డి సమర్పణలో ప్రసాద్‌ ధర్మిరెడ్డి, రంధి శంకరరావు, సూరాపాటి గాంధి, ఇందర్‌కుమార్‌ సంయుక్తంగా తెలుగులో రిలీజ్‌ చేస్తున్నారు. ‘క్రైమ్‌ 23’ తెలుగు ట్రైలర్‌ను హైదరాబాద్‌లో రిలీజ్‌ చేశారు. ప్రభాస్‌ మాట్లాడుతూ– ‘‘నా తొలి సినిమా ‘ఈశ్వర్‌’లో అరుణ్‌ విజయ్‌ సిస్టర్‌ శ్రీదేవితో కలిసి నటించాను. ఇప్పుడు ‘సాహో’ చిత్రంలో అరుణ్‌ విజయ్‌తో కలిసి నటిస్తున్నాను. ‘క్రైమ్‌ 23 ట్రైలర్‌’ చాలా బాగుంది. హీరోగా అరుణ్‌ విజయ్‌కు, ఈ చిత్రాన్ని తెలుగులోకి అనువదిస్తున్న నిర్మాతలకు మంచి పేరు రావాలని కోరుకుంటున్నాను’’ అన్నారు. అరుణ్‌ విజయ్‌ మాట్లాడుతూ– ‘‘ప్రభాస్‌ చేతుల మీదగా ట్రైలర్‌ లాంచ్‌ కావడం చాలా ఆనందంగా ఉంది. ఫస్ట్‌ టైమ్‌ పోలీస్‌గా నటించాను. ఆల్‌ ఎమోషన్స్‌తో అరివళగన్‌ బాగా తెరకెక్కించారు. తెలుగు ప్రేక్షకులు ఆదరిస్తారన్న నమ్మకం ఉంది. ప్రస్తుతం ‘సాహో’, మణిరత్నంగారి ‘నవాబు’ సినిమాల్లో నటిస్తున్నాను’’ అన్నారు. ‘‘వైశాలి’ తర్వాత తెలుగులో రిలీజ్‌ అవుతున్న నా రెండో చిత్రమిది. కాన్సెప్ట్‌ ఓరియెంటెడ్‌ చిత్రాలను ఆదరించే తెలుగు ప్రేక్షకులు మా చిత్రాన్ని ఆదరిస్తారనే నమ్మకం ఉంది’’ అన్నారు దర్శకుడు. ‘‘ప్రభాస్‌గారు ట్రైలర్‌ను విడుదల చేయడం ఆనందంగా ఉంది. అనువాద కార్యక్రమాలు కంప్లీట్‌ అయ్యాయి. తమిళంలో హిట్‌ సాధించిన ఈ చిత్రం తెలుగు ప్రేక్షకులను మెప్పిస్తుందన్న నమ్మకం ఉంది. తెలుగులో ఓ స్ట్రైట్‌ మూవీ చేయాలనే ఆలోచన ఉంది’’ అన్నారు నిర్మాతలు. ఈ చిత్రానికి సంగీతం: విశాల్‌ చంద్రశేఖర్‌.

సాక్షి, చెన్నై : పుకార్లకు పుల్‌ స్టాప్‌ పడిపోయింది. క్లాసిక్‌ చిత్రాల దర్శకుడు మణిరత్నం భారీ మల్టీస్టారర్‌ను అధికారికంగా ప్రకటించేశారు. చిత్ర తారాగణంతోపాటు వారి టైటిల్‌ లోగోను కూడా విడుదల చేసేశారు.  తమిళ్‌లో ‘చెక్క చివంత వానమ్‌’ గా తెరకెక్కుతున్న ఈ చిత్రం తెలుగులో ‘నవాబ్‌’ గా రానుంది. ఇక కాస్టింగ్‌ విషయానికొస్తే... శింబు, విజయ్‌ సేతుపతి, అరవింద్‌ స్వామి పేర్లను ఇది వరకే ప్రకటించగా... ఇప్పుడు అదనంగా అరుణ్‌ విజయ్‌(బ్రూస్‌ లీ ఫేమ్‌) జత కలిశాడు. ముందుగా మళయాళ నటుడు పహద్‌​ ఫజిల్‌ పేరు అనుకున్నప్పటికీ.. డేట్లు అడ్జస్ట్‌ కాకపోవటంతో ఆ ప్లేస్‌లో అరుణ్‌ విజయ్‌ను తీసుకున్నారు.  జ్యోతిక, ఐశ్వర్య రాజేష్‌, అదితి రావ్‌ హైదరి, డయానా హీరోయిన్లుగా.. ప్రకాశ్‌ రాజ్‌, త్యాగరాజన్‌, మన్‌సూర్‌ అలీఖాన్‌, జయ సుధ తదితరులు కీలకపాత్రలు పోషించబోతున్నారు. మద్రాస్‌ టాకీస్‌, లైకా ప్రొడక్షన్స్‌ హౌజ్‌ వారు సంయుక్తంగా ఈ భారీ మల్టీస్టారర్‌ను తెరకెక్కించనున్నారు. ఏఆర్‌ రెహమాన్‌ సంగీతాన్ని అందించనున్న ఈ చిత్రం ఫిబ్రవరి 12 నుంచి షూటింగ్‌ ప్రారంభమయ్యే అవకాశం ఉంది. #NAWAB @LycaProductions @arrahman @santoshsivan @sreekar_prasad #SeetharamaSastry @thearvindswami #STR #VijaySethupathi @arunvijayno1 @prakashraaj @salamsir21 #Jyotika @aditiraohydari @aishu_dil @DayanaErappa @dhilipaction @ekalakhani @onlynikil pic.twitter.com/uDk420IwgC — Lyca Productions (@LycaProductions) February 9, 2018 #CCV #ManiRatnam @LycaProductions @arrahman @santoshsivan @sreekar_prasad @vairamuthu @thearvindswami #STR #VijaySethupathi @arunvijayno1 @prakashraaj @salamsir21 #Jyotika @aditiraohydari @aishu_dil @DayanaErappa @dhilipaction @ekalakhani @onlynikil pic.twitter.com/VaIk6EUxPc — Lyca Productions (@LycaProductions) February 9, 2018


 చిత్ర విచిత్రాలు జరగడం సినీప్రపంచంలో షరా మామూలే. ఇక వచ్చే ఏడాది సంక్రాంతి రేస్‌లో ఏఏ తమిళ చిత్రాలు ఢీకొనబోతున్నాయన్నది ఇప్పుడు  చెప్పలేని పరిస్థితి. దీపావళి పండగకే తెరపైకి రావలసిన విశాల్‌ కత్తిసండై వాయిదా పడి సంక్రాంతికి విడుదల కానుందని ప్రకటించారు. అలాంటిది అనూహ్యంగా మూడు వారాల ముందుగానే క్రిస్మస్‌ సందర్భంగా ఈ నెల 23న తెరపైకి దూసుకొస్తోంది. ఇక ఈ నెల 16న విడుదల కావలసిన సూర్య ఎస్‌–3 చిత్రం 23కు వాయిదా పడినట్లు చిత్ర వర్గాలు వెల్ల డించాయి. అయితే ఇప్పుడు ఈ తేదీకీ తెరపైకి వచ్చే అవకాశాలు కనిపించడం లేదు. సంక్రాంతి తరువాతేననే టాక్‌ కోలీవుడ్‌లో వినిపిస్తోంది.
 అయితే ఇళయదళపతి విజయ్‌ నటిస్తున్న ఆయన 60వ చిత్రం భైరవా మాత్రం ముందుగా ప్రకటించిన విధంగా సంక్రాంతి సందర్భంగా తెరపైకి రానుంది. దీనికి పోటీగా అనూహ్యంగా అరుణ్‌విజయ్‌ హీరోగా నటించిన కుట్రమ్‌ 23 చిత్రం తెరపైకి రానుంది. ఈ చిత్రం వర్గాలు అధికారికంగా శనివారం విడుదల చేసిన ఒక ప్రకటనలో వెల్లడించారు.
 అరుణ్‌ విజయ్‌కి జంటగా మహిమా నంబియార్‌ నటించిన ఈ చిత్రానికి అరివళగన్ దర్శకుడు. రెదర్‌ ది సినిమా పీపుల్‌ పతాకంపై ఇందర్‌కుమార్‌ నిర్మించిన ఈ చిత్రానికి విశాల్‌చంద్రశేఖర్‌ సంగీతాన్ని, కేఎం.భాస్కరన్ ఛాయాగ్రహణం, భువనశ్రీనివాస్‌ ఎడిటింగ్‌ బాధ్యతలను నిర్వహించారు. ఈ సందర్భంగా చిత్ర నిర్మాత ఇంద్రకుమార్‌ తెలుపుతూ ఇది మెడికల్‌ క్రైమ్‌ థ్రిల్లర్‌ కథా చిత్రం అని తెలిపారు. ఒక మంచి సందర్భంలో కుట్రం 23 చిత్రాన్ని విడుదల చేయనుండడం సంతోషంగా ఉందన్నారు.ఈ చిత్రం ప్రేక్షకులకు కచ్చితంగా డబుల్‌ సంతోషాన్నిస్తుందనే నమ్మకం ఉందన్నారు.


 కుట్రమ్ 23 చిత్రం నటుడు అరుణ్ విజయ్‌కు విజయ మకుటాన్ని అందిస్తుందనే నమ్మకాన్ని నటుడు జయంరవి వ్యక్తం చేశారు. పలు విజయవంతమైన చిత్రాల నటుడు అరుణ్‌విజయ్ కథానాయకుడిగా నటిస్తున్న తాజా చిత్రం కుట్రమ్ 23. అరివళగన్ దర్శకత్వం వహించిన ఈ చిత్రంలో నటి మహిమానంబియార్ నాయకిగా నటించారు. ఇతర ముఖ్య పాత్రల్లో అభినయ, లక్ష్మీరామకృష్ణన్,అరవింద్ ఆకాశ్,అమిత్‌భార్గవ్, సుజావరూణి నటించారు. విశాల్ చంద్రశేఖర్ సంగీతాన్ని అందించిన ఈ చిత్రాన్ని రేదన్ నిర్మించారు.
  
   చిత్ర ఆడియో, ట్రైలర్ ఆవిష్కరణ కార్యక్రమం గురువారం ఉదయం స్థానిక రాయపేటలోని సత్యం సినీ మాల్‌లో జరిగింది. దర్శకుడు గౌతమ్‌మీనన్, నటుడు జయంరవి ముఖ్యఅతిథులుగా పాల్గొని చిత్ర ఆడియోను, ట్రైలర్‌ను ఆవిష్కరించారు. జయం రవి మాట్లాడుతూ తన చిత్ర దర్శకుడికి పలు అబద్దాలు చెప్పి అయినా ఈ కుట్రమ్ 23 చిత్ర ఆడియో ఆవిష్కరణ కార్యక్రమంలో పాల్గొనాలని భావించానన్నారు.
  
  అయితే ఆ దేవుడే అలాంటి అవకాశాన్ని కల్పించారని చెప్పారు. ఈ చిత్రం అరుణ్‌విజయ్‌కి విజయ మకుటాన్ని తొడుగుతుందనే నమ్మకం తనకుందని జయంరవి పేర్కొన్నారు.అరుణ్ విజయ్ ఎలాంటి పాత్రనైనా ఎంత రిస్క్ తీసుకునైనా నటించడానికి సిద్ధపడే నటుడని అలాంటి ఆయన హీరోగా నటించిన ఈ కుట్రమ్ 23 చిత్రం మంచి విజయం సాధించాలని మనస్ఫూర్తిగా కోరుకుంటున్నానని దర్శకుడు గౌతమ్‌మీనన్ అన్నారు. నటుడు విజయకుమార్, దర్శకుడు శశి, ఎస్‌పీ. జననాథన్, మహిళ్‌తిరువేణి, శరవణన్, భరత్, ఉదయ్, శ్రీకాంత్, మహేంద్రన్ పాల్గొన్నారు.
  


 బ్రూస్ లీ సినిమాలో రామ్ చరణ్కు ప్రతీనాయకుడిగా నటించి టాలీవుడ్ ప్రేక్షకులకు పరిచయం అయిన తమిళ నటుడు అరుణ్ విజయ్ డ్రంకన్ డ్రైవ్ కేసులో పట్టుబడ్డాడు. శుక్రవారం అర్థరాత్రి ఓ ప్రైవేట్ ఫంక్షన్లో పాల్గొని తన భార్యతో కలిసి తిరిగి వస్తున్న సమయంలో చెన్నై నుగంబాక్కం పోలీస్ స్టేషన్ పరిథిలో పోలీసులు ఆయన్ను అదుపులోకి తీసుకున్నారు. ఇందుకు సంబంధించి పూర్తి వివరాలు తెలియాల్సి ఉంది.


 కుట్రం పేరుతో కూడిన కట్రం కడిదల్ హిట్. సంఖ్య పేరుగా తెరకెక్కిన 24 చిత్రం సూపర్‌హిట్.  ఇప్పుడు కుట్రం 23 అంటూ తెరపైకి రావడానికి నటుడు అరుణ్‌విజయ్ సిద్ధం అవుతున్నారు. ఎస్ హీరోగా నటిస్తూ అనూహ్యంగా ఎన్నైఅరిందాళ్ చిత్రంతో అజిత్‌కు విలన్‌గా మారిన అరుణ్‌విజయ్ ఆ పాత్రతో విశేష ప్రేక్షకాదరణ పొందారు. మళ్లీ హీరోగా మారిపోయారు.
  
   ఇన్ సినిమా ఎంటర్‌టెయిన్‌మెంట్ పేరుతో సొంత నిర్మాణ సంస్థను ప్రారంభించి నిర్మాతగా,కథానాయకుడిగా చేస్తున్న చిత్రం కుట్రం 23. చిన్న గ్యాప్ తరవాత కథానాయకుడిగా నటించనుండడంతో అరుణ్‌విజయ్ అందుకు చాలా కథలనే విన్నారట. అలా విన్న కథలో ది బెస్ట్ అనిపించిన కథను దర్శకుడు అరివళగన్ అందించారట.
  
   ఇంతకు ముందు ఈరం, వల్లినం,ఆరదు సినమ్ వంటి విజయవంతమైన చిత్రాల సృష్టికర్త అరివళగన్. మెడికల్ క్రైమ్ థ్రిల్లర్ కథా చిత్రంగా తెరకెక్కుతున్న ఈ చిత్రం ఇప్పటికే 60 శాతం షూటింగ్‌ను పూర్తి చేసుకుందట. మిగిలిన షూటింగ్‌ను జూన్ నెలాఖరుకంతా పూర్తి చేస్తామంటున్నారు చిత్ర యూనిట్. చిత్ర ఫస్ట్‌లుక్ పోస్టర్లను ఈ నెల చివరి వారంలో విడుదల చేయనున్నట్లు తెలిపారు. కమర్షియల్ అంశాలతో ఆసక్తికరంగా సాగే ఈ కుట్రం 23 ప్రేక్షకులకు సరికొత్త అనుభూతిని కలిగిస్తుందంటున్నారు  దర్శకుడు అరివళగన్.  


 నటుడిగా సక్సెస్ అయ్యాను. నిర్మాతగా నాకిది తదుపరి ఘట్టంఅంటున్నారు నటుడు అరుణ్ విజయ్. ఇంతకు ముందు కథానాయకుడిగా పలు చిత్రాలు చేసిన ఈయన ఇటీవల ఎన్నై అరిందాల్ చిత్రంలో అజిత్‌కు ప్రతినాయకుడిగా నటించి విలక్షణ నటుడిగా విశేష ఆదరణ పొందారు. అరుణ్ విజయ్ హీరోగా నటించిన వాడీల్ చిత్రం విడుదలకు సిద్ధం అవుతోంది. ఇందులో కార్తీక హీరోయిన్‌కాగా ఈ నటుడిప్పుడు నిర్మాత కానున్నారు. ఇన్ సినిమాస్ ఎంటర్‌టెయిన్‌మెంట్ (ఐసీఈ)పేరుతో చిత్ర నిర్మాణ సంస్థను ప్రారంభించారు. తండ్రి విజయకుమార్, భార్య మొదలగు కుటుంబ సభ్యులతో కలిసి మంగళవారం సాయంత్రం స్థానిక రాయపేటలోని రష్యన్ సెంటర్ హాలులో చిత్ర నిర్మాణ సంస్థ లోగోను ఆవిష్కరించారు. అరుణ్ విజయ్ మాట్లాడుతూ చిత్ర నిర్మాణం చేపట్టాలన్నది తన చిరకాల కోరిక అన్నారు.
  
  నటుడిగా జయించాను. నిర్మాతగా కూడా ప్రతిభావంతులైన నవ దర్శకులు,నటులను ప్రోత్సహించాలన్న ధ్యేయంతోనే ఈ సంస్థను ప్రారంభించానని పేర్కొన్నారు. తాను నటించిన వాడీల్ చిత్రాన్ని సెప్టెంబర్ చివరి వారంలో గానీ అక్టోబర్ తొలి వారంలో గానీ విడుదల చేయనున్నట్లు వెల్లడించారు.ప్రస్తుతం తెలుగులో రామ్ చరణ్ తేజతో కలిసి బ్రూస్‌లీ చిత్రంలోనూ,కన్నడంలో పునీత్‌రాజకుమార్‌తో చక్రవ్యూహ చిత్రంలోనూ నటిస్తున్నానని తెలిపారు. ఇలా ఇతర భాషా చిత్రాల్లో నటించడం ఇదే ప్రప్రథం అన్నారు. కొత్త చిత్రాలేమీ ప్రస్తుతానికి ఒప్పుకోలేదని కథా చర్చలు జరుగుతున్నట్లు చెప్పారు.ఎన్నై అరిందాల్ చిత్రంలో మాదిరిగా ఇకపై కూడా విలన్‌గా నటిస్తారా? అని అడుగుతున్నారని అయితే ఒక మంచి దర్శకుడి చిత్రంలో నటించాలన్న కోరికతోనే గౌతమ్ మీనన్ దర్శకత్వంలో ఎన్నై అరిందాల్ చిత్రంలో నటించానని అరుణ్ విజయ్ వివరించారు.
  


 నటి కార్తీక తనను కారులోనే చంపేసేవారని, టైమ్ బాగుండి ప్రాణాలు దక్కించుకున్నట్లు నటుడు అరుణ్ విజయ్ అన్నారు. ఎన్నై అరిందాల్ చిత్రంతో రీ ఎంట్రీ అవడంతో పాటు విలన్‌గా అవతారమెత్తిన ఈయన ఆ చిత్రంలో విక్టర్ పాత్రలో నటించి అనంతరం నిజ జీవితంలోను విక్టర్‌గా పిలుచుకునే గుర్తింపు పొందారు. అలాంటి అరుణ్‌విజయ్ హీరోగా నటించిన చిత్రం వా. ఫెరర్ టచ్ ఎంటర్‌టైన్‌మెంట్ పతాకంపై రూపొందిన ఈ చిత్రానికి దత్తన్ శివ దర్శకత్వం వహించారు. కార్తీక కథా నాయకిగా నటించిన వా చిత్రానికి ఎస్ ఎస్ తమన్ సంగీతాన్ని అందించారు. చిత్ర ఆడియో ఆవిష్కరణ కార్యక్రమం బుధవారం సాయంత్రం స్థానిక సాలిగ్రామంలో గల ప్రసాద్ ల్యాబ్‌లో జరిగింది.
  
   ఈ సందర్భంగా చిత్ర హీరో అరుణ్ విజయ్ మాట్లాడుతూ వా చిత్రం గురించి చెప్పాలంటే చాలా అనుభవాలున్నాయన్నారు. చిత్ర ప్రారంభం రోజున హీరోయిన్ కార్తీక తనను నటుడు సతీష్‌ను కారులోనే చంపేసే దుస్సంఘటన జరిగిందన్నారు. ఆమె డ్రైవ్‌చేస్తున్న కారులో తాము ప్రయాణం చేసే సన్నివేశాన్ని దర్శకుడు చిత్రీకరణకు సిద్ధం అయ్యారన్నారు. అంతా రెడీ అయిన తరుణంలో కార్తీక తనవద్దకు వచ్చి కారు బ్రేక్ వేయడం ఎలా అని అడిగారన్నారు. దీంతో తనకు షాక్ తగిలినంత పనైనందన్నారు. దర్శకుడు విషయం చెప్పగా ఆమె జోక్ చేసి వుంటారని, కారు డ్రైవింగ్ కార్తీకకు తెలుసు అని అన్నారన్నారు. మరో విషయం ఏమిటంటే కార్తీక కారు నడపాలన్న విషయాన్ని దర్శకుడు ముందుగానే ఆమె తల్లి రాధకు వివరించారన్నారు.
  
  ఆమె కూడా కార్తీకకు డ్రైవింగ్ వచ్చని చెప్పడంతో దర్శకుడు తనకు భరోసా ఇచ్చారన్నారు. తీరా షాట్‌లో బ్రేక్ వేయాల్సిన కార్తీక ఎక్సలేటర్‌పై కాలు వేశారన్నారు. దీంతో కారు దాని ఇష్టానికి పరుగులు తీసిందని అన్నారు. కాస్త ఆలస్యంగా తేరుకున్న తాను స్టీరింగ్ చేత తీసుకుని కారును అదుపులోకి తీసుకొచ్చానని తెలిపారు. ఏ మాత్రం ఆదమరిచి ఉన్నా భయానక పరిస్థితిని ఎదుర్కోవలసి వచ్చేదని అరుణ్ విజయ్ అన్నారు. వా చిత్రం సంతృప్తికరంగా వచ్చిందని త్వరలోనే చిత్రాన్ని విడుదలకు సన్నాహాలు చేస్తున్నట్లు తెలిపారు.  
  


 హీరోలు సిక్స్‌ప్యాక్ బాడీకి తయారవడం అన్నది కొత్తేమీ కాదు. అయితే ఆ తరహా ప్యాక్‌బాడీలకు క్రేజ్ మాత్రం తగ్గలేదు. బాలీవుడ్ సూపర్‌స్టార్స్ అమీర్‌ఖాన్, షారూఖ్ ఖాన్‌ల నుంచి కోలీవుడ్ యువ హీరోలు భరత్, అధర్వ వరకు పలువురు సిక్స్‌ప్యాక్‌కు మారినవారే. తాజాగా నటుడు అరుణ్ విజయ్ తన సిక్స్‌ప్యాక్ చూపించడానికి రెడీ అయ్యారు. ఇందుకోసం ఆయన ఆరు నెలలు నిరంతరంగా శ్రమించారట. ఆయన పర్సనల్ ట్రైనర్ శివకుమార్ కూడా ప్రత్యేక శ్రద్ధ చూపించి తనను సిక్స్‌ప్యాక్ బాడీ బిల్డర్‌గా తయారు చేశారంటున్నారు అరుణ్ విజయ్.
  
  ఇంతకీ ఈయన ఇంత శ్రమించి సిక్స్‌ప్యాక్‌కు మారింది ఎందుకనుకుంటున్నారు? అజిత్ హీరోగా నటిస్తున్న ఎన్నై అరిందాల్ చిత్రం కోసం అట. గౌతమ్‌మీనన్ దర్శకత్వంలో ఏఎం రత్నం నిర్మిస్తున్న ఈ చిత్రంలో అరుణ్‌విజయ్ ముఖ్యపాత్రలో నటిస్తున్నారు. ఆ పాత్ర గురించి ప్రస్తుతానికి సస్పెన్స్ అంటున్న ఈ యువ నటుడు ఎన్నై అరిందాల్ చిత్ర విడుదల కోసం చాలా ఆతృతగా ఎదురు చూస్తున్నానన్నారు. ఈ చిత్రం సంక్రాంతి సందర్భంగా తెరపైకి రావడానికి ముస్తాబవుతోంది. అరుణ్ విజయ్ హీరోగా నటించిన వా డీల్ వా చిత్రం తదుపరి విడుదలకు సిద్ధం అవుతోంది.