వయసు సాహసోపేతమైన పోటీల్లో పాల్గొనేందుకు అడ్డంకి కాదని చాలామంది వృద్ధులు నిరూపించారు. అలా కాకుండా క్రమశిక్షణాయుతమైన జీవితాన్ని ప్రారంభించి..సెంచరీ వయసు వరకు అదే ఫిట్‌నెస్‌తో ఉండటం అంటే మాటలు కాదు కదా.!. కానీ ఈ శతాధిక వృద్ధుడు ఇప్పటికీ అదే ఫిట్‌నెస్‌తో ఉండటమే కాదు..వందేళ్ల వయసులో బాడీబిల్డింగ్‌ పోటీల్లో పాల్గొని అందర్నీ ఆశ్చర్యపరిచాడు. అంతేగాదు యువకుడిగా ఉండగా ఆర్మీలో చేరి రెండో ప్రపంచ యుద్ధంలో తన వంతు పాత్రను పోషించి అజేయమైన ధైర్య సాహాసాలు కనబర్చాడు. పైగా ఈ వయసులో కూడా హాలీవుడ్‌ దిగ్గజాలకు, యువ అథ్లెట్లకు శిక్షణ ఇస్తూ.. ఫిట్‌నెస్ టిప్స్‌ కూడా చెబుతున్నారు. చెప్పాలంటే తరతరాలకు ఆయనొక స్ఫూర్తి..ఆయనే అమెరికాకు చెందిన అత్యంత వృద్ధ బాడీబిల్డర్‌ ఆండీ బోస్టింటో. ఆయన బాడీబిల్డింగ్‌లో ప్రపంచ ఛాంపియన్‌ కూడా. అంతేగాదు ఆయన ప్రపంచవ్యాప్తంగా ఉన్న బాడీబిల్డింగ్‌ ఔత్సాహికులకు అంతర్జాతీయ రోల్‌ మోడల్‌. ఇటీవలే వందేళ్ల వయసులో బాడీ బిల్డింగ్‌ పోటీల్లో పాల్గొని అరుదైన ఘనతను సృష్టించాడు. ఈ వయసులో కాలు కదిపేందుకు ఇబ్బంది పడుతుంటారు. అలాంటిది ఆయన బాడీబిల్డింగ్‌ పోటీల్లో పాల్గొని సత్తా చాటారు. అంతేగాదు ఈ ఏడాది ప్రారంభంలో యునైటెడ్‌ స్టేట్స్‌ ఆర్మీ స్టాఫ్‌ సార్జెంట్‌ రెండో ప్రపంచ యుద్ధంలో 101వ రెజిమెంట్‌గా అసామాన్య పరాక్రమాన్ని చూపించినందుకు గానూ ఆండీని కాంస్య నక్షత్రంతో గౌరవించింది.బాల్యం మొదలైంది అలా..ప్రపంచ ప్రఖ్యాత బాడీబిల్డర్‌గా పేరుగాంచిన ఆండీ ప్రస్థానం న్యూయార్క్‌ నగరం నుంచి మొదలైంది. 1925 జనవరి 11న ఇటాలియన్ కుటుంబంలో జన్మించిన అతను తల్లి, సోదరడుతో కలిసి పెరిగాడు. క్రిస్మెస్‌ చెట్టు బహుమతులిస్తుందని అమాయకంగా నమ్మిన తన బాల్యాన్ని గుర్తుచేసుకుంటూ..తన ఆశను ఒమ్ము చేయకుండా విశాల హృదయంతో పొరుగింటివారు తనకందించిన బహుమతులను మర్చిపోనంటాడు. అదే తనకు దాతృత్వం విలువను నేర్పించిందని చెబుతుంటాడు. ఇక ఆండీకి చిన్నప్పటి నుంచి ఫిట్‌నెస్‌ పట్ల మక్కువ ఎక్కువ. 12 ఏళ్లకే అందులో కఠినమైన శిక్షణ తీసుకున్నాడు. 16 ఏళ్లకు బాడీబిల్డింగ్‌ మ్యాగ్జైన్‌ల కోసం ఫోటోలు తీయబడ్డాడు కూడా. ఆ తర్వాత ఆర్మీలో చేరాలని ఎన్నో ప్రయత్నాలు చేసి..తిరస్కరణకు గురయ్యాడు. చివరికి పట్టుదలతో తనకిష్టమైన రంగంలో చేరి అక్కడి అధికారులచే ప్రశంసలందుకున్నాడు. అయితే తనకిష్టమైన బాడీబిల్డింగ్‌ని మాత్రం వదులుకోలేదాయన. అలా 1977లో సీనియర్‌ మిస్టర్‌ అమెరికా టైటిల్‌ను అందుకున్నాడు. ఆ తర్వాత తన భార్య ఫ్రాన్సిస్‌తో కలిసి నేషనల్‌ జిమ్‌ అసోసియేషన్‌ను స్థాపించాడు. అక్కడ హాలీవుడ్‌ దిగ్గజాలకు, యువ అథ్లెట్లకు శిక్షణ ఇస్తుంటాడు ఆండీ. ఆండి యువతరానికి ఇచ్చే సలహా..దాదాపు తొమ్మిది దశాబ్దాలుగా ఫిట్‌నెస్‌ ఔత్సాహికులను తన అనుభవాన్ని షేర్‌ చేయడమే గాక సలహాలు సూచనలు షేర్ చేసుకుంటుంటారు. అందులో కొన్ని..శారీరక శిక్షణలాంటిది మానసికంగా సిద్ధంకావడం. ఇది మన లక్ష్యాలపై దృష్టి కేంద్రీకరించేలా చేయడమే కాదు మన సామర్ధ్యాన్ని కూడా పెంచుతుంది. అవసరం అనుకుంటే సర్దబాటుని కూడా స్వీకరించండిఇక్కడ ఆండీ రెండు ప్రపంచయుద్ధం కాలికి గాయం, స్ట్రోక్‌ వంటి పలు ఆరోగ్య సమస్యలను ఎదుర్కొన్నాడు. అయితే ఆండీ తన పరిమితులపై ఫోకస్‌ పెట్టకుండా కేవలం శిక్షణపైనే దృష్టి పెట్టి తన సామార్థ్యానికి అనుగుణంగా మార్చుకుంటానని చెబుతున్నాడు. అన్నింట్లకంటే అప్లికబుల్‌ లేదా పాటించటం అనేది అత్యంత కీలకం. ఇంట్లో లేదా జిమ్‌లో అయినా.. సరైన టెక్నీక్స్‌ పాటించాలి. అ‍ప్పుడే సత్ఫలితాలు అందుకోగలరని చెబుతున్నారు ఆండీ బోస్టింటో. (చదవండి: weight loss journey: 15 నెల​ల్లో 40 కిలోలు బరువు..! శిల్పంలాంటి శరీరాకృతి కోసం..)

‘‘నాకు ఇల్లు లేదు’’ అంటున్నారు జాకీ చాన్‌ కూతురు ఎట్టా ఎన్జీ. మార్షల్‌ ఆర్ట్స్‌ స్టార్‌ జాకీ చాన్‌ కుమార్తెకు ఇల్లు లేకపోవటమేంటి? అనే సందేహం కలగవచ్చు. కానీ ఎట్టా ఎన్జీ జాకీ చాన్‌ సొంత కుమార్తె కాదు. హాంగ్‌కాంగ్‌ బ్యూటీ క్వీన్‌ ఎన్జీతో జాకీ ఎఫైర్‌ సాగించినప్పుడు కలిగిన సంతానమే ఎట్టా. ‘‘ప్రస్తుతం నేను ఉండటానికి ఇల్లు కూడా లేదు, కారణం మా పేరెంట్స్‌ బిహేవియరే’’ అని ఓ వీడియో అప్‌లోడ్‌ చేశారు ఎట్టా. ‘‘నేను జాకీచాన్‌ కూతుర్ని. నా గర్ల్‌ఫ్రెండ్‌ పేరు ఆండీ. నెల రోజులుగా మేం ఇల్లు లేకుండా ఉన్నాం. బ్రిడ్జ్‌ల కింద పడుకున్నాం. మా పేరెంట్స్‌ ‘హోమోఫోబిక్‌’ బిహేవియర్‌ కారణంగానే మేం ఇల్లు లేనివాళ్లం అయ్యాం. మేం పోలీసుల దగ్గరకు, హాస్పిటల్స్, ఫుడ్‌ బ్యాంక్స్, ఎల్‌జీబీటి (లెస్బియన్స్, గే, బైసెక్సువల్, ట్రాన్స్‌జెండర్స్‌) సెంటర్స్‌కు వెళ్లాం సహాయం కోసం. కేవలం మేమిద్దరం లెస్బియన్స్‌ (స్వలింగ సంపర్కులం) అనే కారణంగానే మాకెవరూ సహాయపడటంలేదు. ఈ కారణంగానే కన్నవాళ్లు కూడా దూరం పెట్టేశారు’’ అని ఆవేదన వ్యక్తం చేశారు ఎట్టా. అయితే విషయం ఏంటంటే.. జాకీచాన్‌కు ఒకప్పుడు ఎన్జీతో సంబంధం ఉన్నప్పటికీ  ఆమె ద్వారా కలిగిన ఎట్టాను ఆయన ఓన్‌ చేసుకోలేదనే టాక్‌ ఉంది.  


 లండన్: మృత్యువుతో పోరాడుతున్న 19 నెలల కన్నబిడ్డనే పెళ్లి చేసుకున్న ఓ తండ్రి విచిత్ర విషాధ గాథ ఇదీ. ఆ తండ్రి పేరు ఆండీ బర్నార్డ్. 31 ఏళ్లు. భార్య సమ్మీ బర్నార్డ్‌కు 29 ఏళ్లు. ఇద్దరు అన్యోన్య దంపతులు. వారికి ఇద్దరు కుమారుల అనంతరం ముచ్చటగా మూడవ సంతానంగా ఆడబిడ్డ జన్మించింది. ముద్దుగా పప్పీ మాయి అనే పేరు పెట్టుకున్నారు. వారంతా కలసి ఇంగ్లండ్‌లోని థెట్‌ఫోర్డ్‌లో నివసిస్తున్నారు. వారి కుటుంబంలో ఊహించని కల్లోలం రేగింది.
 
 అందరి పిల్లల్లా ఆడుకుంటున్న పప్పీ మాయికి జబ్బు చేసింది. ఆస్పత్రికి తీసుకెళ్లారు. మామూలు ఇన్‌ఫెక్షన్ అనుకున్న  వైద్యులు చికిత్స చేసి ఇంటికి పంపించారు. కానీ జబ్బు నయం కాలేదు. రోజురోజుకు పరిస్థితి దిగజారుతూ వచ్చింది. పలు ఆస్పత్రుల చుట్టూ తిప్పారు. ఓ ఆస్పత్రిలో పప్పీ మాయికి కిడ్నీలో ట్యూమర్ ఉందని గుర్తించారు. అది క్యాన్సర్‌గా పరిణమించిందని గ్రహించారు. చికిత్స చేస్తూ వెళ్లారు. పరిస్థితిలో మార్పులేదు. తదుపరి పరీక్షల్లో, లివర్‌లో ఓ ట్యూమర్, బ్రెయిన్‌లో మరో ట్యూమర్ ఉందని తేలింది.
 
 చికిత్స ద్వారా ఎన్ని రోజులు బతుకుతుందో చెప్పలేమని, చికిత్స మానిస్తే మాత్రం రెండు రోజులకు మించి బతకదని వైద్యులు తేల్చారు. బ్రిటన్ ర్యాపిడ్ యాక్షన్ ఫోర్స్‌లో పనిచేస్తున్న తండ్రి తట్టుకోలేక పోయాడు. తుదిశ్వాస విడిచే వరకు పాప ఆనందంగా బతకాలనుకున్నాడు. ఆస్పత్రిలో అది సాధ్యం కాదని భావించాడు. పాపను ఇంటికి తీసుకొచ్చాడు. పాపకు యుక్తవయస్సు వచ్చాక వైభవంగా పెళ్లి చేస్తానంటూ బిడ్డకు ఇచ్చిన హామీ పదే పదే గుర్తుకు రావడం మొదలు పెట్టింది. బతికుండగానే బిడ్డ పెళ్లి చేయాలనుకున్నాడు.
 
 ఇలాంటి పరిస్థితుల్లో పాపను ఎవరు పెళ్లి చేసుకుంటారనుకున్నాడో ఏమో! తన అల్లారు ముద్దు బిడ్డను తానే పెళ్లి చేసుకోవాలని నిర్ణయించుకున్నాడు. ఈ మార్చి 16వ తేదీన బంధుమిత్రులు ఇద్దరికి పెళ్లి ఏర్పాట్లు చేశారు. పెళ్లి పందిరిలా ఇల్లును అలంకరించారు. పాపను పెళ్లి కూతురిలా అలంకరించారు. వెడ్డింగ్ డ్రెస్ తొడిగారు. పెళ్లి ప్రమాణాలు మాత్రం ఎవరూ చదవ లేదు. ఇంటిల్లిపాది ఏడుస్తూ కూర్చున్నారు. బంధు మిత్రులు కూడా పెళ్లి విందులో ముద్ద ముట్టుకోలేదు. పెళ్లి తంతు ముగిసిందనిపించి ఎవరిళ్లకు వారు వెళ్లిపోయారు.
 
 మృత్యువుతో పోరాడుతున్న పప్పీ మాయి ఇంకెంత కాలం బతుకుతుందో తెలియదు. అందుకని ప్రతిక్షణం ఆ పాపకు ఆనందక్షణాలు పంచేందుకు ఇంటిల్లిపాది క్షణం వీడకుండా పాపతోనే గడుపుతున్నారు. తన పాపలా ఏ పాప కూడా అర్ధాంతరంగా వెళ్లిపోకూడదనుకున్న తండ్రి ఆండీ బర్నార్డ్, పిల్లల కేన్సర్ చికిత్సకోసం ‘గోఫండ్‌మీ’ అనే పేజీని ఏర్పాటు చేశారు.