TV
ఇటిక్యాల మండలం వేముల శివారులో శుక్రవారం అదుపు తప్పి ఓ ఆటో బోల్తాపడింది.
మహబూబ్‌నగర్ (ఇటిక్యాల) : ఇటిక్యాల మండలం వేముల శివారులో శుక్రవారం అదుపు తప్పి ఓ ఆటో బోల్తాపడింది. ఈ ఘటనలో ప్రవీణ్‌ కుమార్(38) అనే వ్యక్తి మరణించగా.. 22 మందికి తీవ్రగాయాలయ్యాయి. డిండి ప్రాజెక్టులో వినాయకుడిని నిమజ్జనం చేసి ఆలంపూర్‌లోని జోగులాంబ దేవాలయాన్ని దర్శించుకుని వస్తుండగా 44వ జాతీయరహదారిపై ఈ ప్రమాదం చోటుచేసుకుంది. క్షతగాత్రులను కర్నూలు ప్రభుత్వాసుపత్రికి తరలించారు. బాధితులు నల్గొండ జిల్లా చింతపల్లి మండలం పోలేపల్లి వాసులుగా గుర్తించారు. పోలీసులు కేసు నమోదు చేసుకుని దర్యాప్తు చేస్తున్నారు.
