సీపీ సజ్జనార్‌ ఇంట్లో పాము కలకలం

5 Foot Snake Spotted In VC Sajjanar House - Sakshi

సాక్షి, హైదరాబాద్‌ : సైబరాబాద్‌ సీపీ సజ్జనార్‌ ఇంట్లో పాము కలకలం రేపింది. శుక్రవారం ఓ ఐదు అడుగుల పాము సజ్జనార్‌ ఇంట్లోకి చొరబడింది. అది గమనించిన ఆయన పాములు పట్టడంలో నిష్ణాతుడైన కానిస్టేబుల్‌ వెంకటేశ్‌ నాయక్‌ను పిలిపించారు. పాములు పట్టడంలో అందెవేసిన చెయ్యని ఆ కానిస్టేబుల్‌కు డిపార్టు్‌మెంట్‌లో పేరుంది. సజ్జనార్‌ ఇంటికి చేరుకున్న వెంకటేశ్‌ పామును చాకచక్యంగా పట్టి బ్యాగులో వేసుకున్నాడు. దానికిఎలాంటి హానీ తలపెట్టకుండా నెహ్రూ జూలాజికల్‌ పార్కులో అప్పజెబుతానని చెప్పాడు. పామును పట్టి దానితో పాటు తమ ప్రాణాలను రక్షించినందుకు సీపీ సంతోషం వ్యక్తం చేశారు.

కానిస్టేబుల్‌ ప్రతిభకు మెచ్చి నగదు బహుమతి అందజేశారు. ఈ సందర్భంగా సీపీ సజ్జనార్‌ మాట్లాడుతూ.. ‘ఎవరైనా పామును చూడగానే భయపడిపోయి దాన్ని చంపటానికి ప్రయత్నించకూడదు. దానికి బదులుగా పాములను రక్షించే సిబ్బందికి సమాచారం అందించాలి. ఈ భూమ్మీద ఉన్న ప్రతీ జీవికి స్వేచ్ఛగా జీవించే హక్కు ఉంది. మనం వాటికి హాని చేయనంత వరకు అవి మనకు హాని చేయవ’ని అన్నారు.

Read latest Telangana News and Telugu News | Follow us on FaceBook, Twitter

Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి

Read also in:
Back to Top