రెడ్‌మి నోట్‌ 5ఏ నేడే లాంచింగ్‌

స్మార్ట్‌ఫోన్‌ మార్కెట్‌లో సంచలనాలు సృష్టిస్తున్న షావోమి నుంచి మరో కొత్త స్మార్ట్‌ఫోన్‌ నేడు మార్కెట్‌లోకి రాబోతుంది. రెడ్‌మి 4 సిరీస్‌ పాపులారిటీ అనంతరం రెడ్‌మి 5 సిరీస్‌లో స్మార్ట్‌ఫోన్లను లాంచ్‌ చేసేందుకు షావోమి సిద్ధమైంది. ఈ సిరీస్‌లో భాగంగా రెడ్‌మి నోట్‌ 5ఏను రెండు వేరియంట్లలో నేడు షావోమి మార్కెట్‌లోకి లాంచ్‌ చేస్తున్నట్టు తెలుస్తోంది. గత వారంలోనే రెడ్‌మి నోట్‌ 5ఏ స్మార్ట్‌ఫోన్‌ను ఆగస్టు 21న లాంచ్‌ చేయనున్నట్టు షావోమి ధృవీకరించింది. ప్రస్తుతం ఇది చైనీస్‌ మార్కెట్లలోకి మాత్రమే ప్రవేశించబోతుంది. మరికొన్ని నెలల్లో భారత్‌లోకి వచ్చేయనుంది. గిజ్బోట్ నివేదిక ప్రకారం రెడ్‌మి నోట్‌ 5ఏ మూడు కార్డు స్లాట్స్‌ను కలిగి ఉండబోతుంది. రెండు సిమ్‌ కార్డు కోసం కేటాయిస్తుండగా.. మూడోది మైక్రో ఎస్‌డీ కార్డుకు కేటాయించనుంది.