రెండోసారి

‘హౌస్‌ఫుల్‌ 4’తో ఈ మధ్యనే థియేటర్స్‌లో సందడి చేశారు అక్షయ్‌ కుమార్, కృతీ సనన్‌. సాజిద్‌ నడియాడ్‌ వాలా నిర్మాణంలో ఫర్హాన్‌ సమ్‌జీ ఈ సినిమా రూపొందించారు. తాజాగా మరోసారి ఈ కాంబినేషన్‌ రిపీట్‌ కానుంది. సాజిద్‌ నడియాడ్‌వాలా నిర్మాణంలో అక్షయ్‌ కుమార్‌ హీరోగా తెరకెక్కనున్న చిత్రం ‘బచ్చన్‌ పాండే’. తమిళంలో అజిత్‌ నటించిన ‘వీరమ్‌’ సినిమాకు ఇది హిందీ రీమేక్‌. ఫర్హాద్‌ సమ్‌జీ దర్శకుడు. తాజాగా ఈ సినిమాలో హీరోయిన్‌గా కృతీ సనన్‌ నటించనున్నట్లు చిత్రబృందం ప్రకటించింది. ‘ఈ క్రిస్మస్‌ని మరింత స్పెషల్‌గా మార్చడానికి కృతీసనన్‌ మాతో కలసి వస్తున్నారు’’ అని చిత్రబృందం పేర్కొంది. ‘‘ఈ టీమ్‌తో మళ్లీ కలసి పని చేయడం థ్రిల్లింగ్‌గా ఉంది’’ అన్నారు కృతీసనన్‌.