ఎందుకు మాఫీ చేయడం లేదు?

ఎందుకు మాఫీ చేయడం లేదు?

వివరణ ఇవ్వండి.. రైతు రుణాలపై ఏపీ సర్కార్‌కు హైకోర్టు ఆదేశం

 సాక్షి, హైదరాబాద్:  రైతుల రుణాలను ఎందుకు మాఫీ చేయడం లేదో వివరించాలని ఆంధ్రప్రదేశ్ ప్రభుత్వాన్ని ఉమ్మడి హైకోర్టు ఆదేశించింది. ఇందుకు సంబంధించి ప్రభుత్వానికి నోటీసులు జారీ చేసింది. పూర్తి వివరాలతో కౌంటర్లు దాఖలు చేయాలని స్పష్టం చేసింది. తమ రుణాలను మాఫీ చేస్తామని ప్రకటించిన సర్కారు.. తమకు మాఫీ వర్తింపజేయడం లేదంటూ కృష్ణా, గుంటూరు, కర్నూలు జిల్లాలకు చెందిన పలువురు రైతులు హైకోర్టును ఆశ్రయించారు. 

వాదనలు విన్న హైకోర్టు, ఎందుకు రుణ మాఫీ చేయడం లేదో వివరించాలని ప్రభుత్వాన్ని ఆదేశించింది. పూర్తి వివరాలతో కౌంటర్లు దాఖలు చేయాలని  ఆదేశిస్తూ విచారణను వాయిదా వేసింది.