రేణుకా చౌదరి తెలంగాణ బిడ్డా?: పొన్నం

రేణుకా చౌదరి తెలంగాణ బిడ్డా?: పొన్నం

హైదరాబాద్ :  ఏఐసీసీ అధికారి ప్రతినిధి రేణుకా చౌదరిపై కాంగ్రెస్ ఎంపీ పొన్నం ప్రభాకర్ మరోసారి తీవ్రస్థాయిలో విరుచుకుపడ్డారు. తెలంగాణ బిడ్డనని చెప్పుకునేందుకు రేణుకా చౌదరికి అర్హత లేదని ఆయన  అన్నారు. మంగళవారమిక్కడ సీఎల్పీ కార్యాయలంలో పొన్నం ప్రభాకర్ మాట్లాడుతూ తెలంగాణ ఉద్యమాన్ని కించపరిచేలా వ్యాఖ్యలు చేస్తే సహించేది లేదని హెచ్చరించారు. పనిలో పనిగా పొన్నం.... ముఖ్యమంత్రి కిరణ్కుమార్ రెడ్డిపై విరుచుకుపడ్డారు. సీమాంధ్ర జేఏసీ కన్వీనర్లా కిరణ్ వ్యవహరిస్తున్నారని ఆరోపించారు.

తెలంగాణ టీడీపీ నేతలు చంద్రబాబునాయుడుకు తొత్తుల్లా వ్యవహరిస్తున్నారని పొన్నం వ్యాఖ్యానించారు.  రాష్ట్ర విభజన అప్రజాస్వామికంగా జరుగుతుందంటున్న సీమాంధ్ర టీడీపీ నేతల వ్యాఖ్యలపై ఎందుకు స్పందించటం లేదని ఆయన ప్రశ్నించారు. మునిగే నావలో తోక పట్టుకుని ఈదవద్దని పొన్నం సూచించారు.