సుబ్బరాజుకు జపాన్‌ అభిమానులు ఫిదా

భారతీయ సినిమా స్టామినాను ప్రపంచానికి చాటిచెప్పిన బాహుబలికి.. భారత్‌లోనే కాకుండా ఇతర దేశాల్లో కూడా అభిమానులు ఉన్నారు. అందులోని నటీ నటులకు కూడా అదే స్థాయిలో గుర్తింపు లభించింది. బాహుబలి 2లో కుమారవర్మ పాత్ర పోషించిన సుబ్బరాజుకు జపాన్‌ అభిమానులు ఫిదా అయిన సంగతి తెలిసిందే. సుబ్బరాజు పాత్ర వారిని విపరీతంగా ఆకట్టుకుంది. ఆయన కోసం సోషల్‌ మీడియాలో సైతం విపరీతమైన చర్చ నడించింది. ఇటీవల జపాన్‌ వెళ్లిన సుబ్బరాజ్‌కు అక్కడి అభిమానులు జేజేలు పలికారు. సుబ్బరాజు కూడా కుమార వర్మ వేషంలోనే బహుబలి 2 స్పెషల్‌ స్క్రీనింగ్‌కు వెళ్లి సందడి చేశారు.