విజయవంతంగా 100 అవేక్‌ స్పైన్‌ సర్జరీలు

సాక్షి, చైన్నె: పోరూరులోని శ్రీ రామచంద్ర ఇనిస్టిట్యూట్‌ ఆఫ్‌ హయ్యర్‌ ఎడ్యుకేషన్‌ అండ్‌ రీసెర్చ్‌ వైద్య రంగంలో మరో గొప్ప మైలురాయిని అధిగమించింది. పెర్యూటేనియస్‌ , ఎండోస్కోపిక్‌ పద్ధతులను ఉపయోగించి ఎలాంటి జనరల్‌ అనస్థీషియా లేకుండా, రోగి స్పృహలోనే ఉండేలా నిర్వహించే అవేక్‌ స్పైన్‌ సర్జరీ విజయవంతంగా 100 మందికి పూర్తి చేసినట్లు ఆసుపత్రి వర్గాలు వెల్లడించాయి. అధునాతనమైన ఈ మినిమల్లీ ఇన్వాసివ్‌ వెన్నెముక చికిత్సకు సంబంధించి, శ్రీ రామచంద్ర మెడికల్‌ సెంటర్‌లో ఏర్పాటు చేసిన విలేకరుల సమావేశంలో స్పైన్‌ సర్జరీ విభాగం హెడ్‌ డాక్టర్‌ కార్తీక్‌ కై లాష్‌, ప్రొఫెసర్‌ డాక్టర్‌ సుధీర్‌ గణేషన్‌ తదితరులు వివరించారు.