TV
ఐపీఎల్‌లో ఆర్‌సీబీ కెప్టెన్‌ ఫాప్‌ డుప్లెసిస్‌ అరుదైన ఫీట్‌ సాధించాడు. ఐపీఎల్‌ 15వ సీజన్‌లో భాగంగా పంజాబ్‌ కింగ్స్‌తో జరుగుతున్న మ్యాచ్‌లో డుప్లెసిస్‌ కెప్టెన్‌ ఇన్నింగ్స్‌తో(57 బంతుల్లో 88, 3 ఫోర్లు, 7 సిక్సర్లు) మెరిశాడు. ఒక దశలో 30 బంతుల్లో 17 పరుగులు మాత్రమే చేసిన డుప్లెసిస్‌.. మిగతా 71 పరుగులు కేవలం 27 బంతుల్లోనే సాధించాడు. అతని విధ్వంసం ఎలా సాగిందో దీన్ని బట్టే అర్థం చేసుకోవచ్చు. ఈ సందర్భంలోనే తొలిసారి కెప్టెన్‌గా దంచికొట్టిన డుప్లెసిస్‌ ఒక అరుదైన ఫీట్‌ సాధించాడు.
ఐపీఎల్‌ కెరీర్‌లో 3వేల పరుగులు పూర్తి చేసుకున్న డుప్లెసిస్‌.. అతి తక్కువ ఇన్నింగ్స్‌ల్లో ఈ మార్క్‌ను అందుకున్న మూడో ఆటగాడిగా వార్నర్‌తో కలిసి సంయుక్తంగా ఉన్నాడు. 3 వేల పరుగులు చేయడానికి డుప్లెసిస్‌ 94 ఇన్నింగ్స్‌లు అవసరమయ్యాయి. ఇక తొలి స్థానంలో క్రిస్‌ గేల్‌( 75 ఇన్నింగ్స్‌లు), కేఎల్‌ రాహుల్‌(80 ఇన్నింగ్స్‌లు) రెండో స్థానంలో.. సురేశ్‌ రైనా 103 ఇన్నింగ్స్‌లతో నాలుగో స్థానంలో ఉన్నాడు.
