బరి తెగింపు!

● సెంట్రల్‌ నియోజకవర్గ ప్రజాప్రతినిధి నున్న సమీపంలో వికాస్‌ కాలేజీ రోడ్డులో హైటెక్‌ బరికి ఏర్పాటు చేస్తున్నారు. దీనికి రూ.2కోట్లు ఒప్పందం చేసుకున్నట్లు చర్చ సాగుతోంది. క్యాసినో స్పెషలిస్టులను రప్పిస్తున్నట్లు ప్రచారం జరుగుతోంది. అంబాపురం, పాములకాలువ వద్ద బరులు ఏర్పాటుకానున్నాయి. ● జగ్గయ్యపేట మండలంలోని షేర్‌ మహ్మద్‌పేట, తొర్రకుంటపాలెం, చిల్లకల్లు, అనుమంచిపల్లి, వేదాద్రి, బుదవాడ, పెనుగంచిప్రోలు మండల పరిధిలో పెనుగంచిప్రోలు, అనిగిండ్లపాడు, వత్సవాయి మండల పరిధిలోని చిట్యాల, లింగాల, వత్సవాయి, దేచిపాలెం, ఇందుగపల్లి గ్రామాలలో కోడి పందేల బరులు ఏర్పాటు చేస్తున్నారు. షేర్‌ మహ్మద్‌పేటలోని 65వ నంబరు జాతీయ రహదారి పక్కన స్థలాన్ని చదును చేశారు. ● ‘మైలవరం’.. రెడ్డిగూడెం మండల పరిధిలో రెడ్డిగూడెం, రంగాపురం, మైలవరం మండల పరిధిలో మొర్సుమల్లి, పొందుగల, వెల్వడం, చంద్రగూడెం, గణపవరం, కీర్తిరాయినిగూడెం, మైలవరం, జి.కొండూరు మండల పరిధిలో కోడూరు, వెల్లటూరు, కందులపాడు, కవులూరు, చెర్వుమాధవరం, మునగపాడు, గంగినేని, కట్టుబడిపాలెం, కుంటముక్కల... ఇబ్రహీంపట్నం మండల పరిధిలో జూపూడి చిన్నలంక, మూలపాడు, కొండపల్లి, ఇబ్రహీంపట్నం, గుంటుపల్లి, తుమ్మలపాలెం, చిలుకూరు... విజయవాడరూరల్‌ మండల పరిధిలోని కొత్తూరు తాడేపల్లిలో బరుల ఏర్పాటుకు అధికార టీడీపీ నాయకులు సిద్ధమవుతున్నారు. ప్రధానంగా రంగాపురం, జి.కొండూరు, కొత్తూరు తాడేపల్లి బరులు దక్కించుకొనేందుకు పలువురు పోటీపడుతున్నారు. ● ‘తిరువూరు పరిధిలోని మల్లేల, కాకర్ల, తిరువూరు, గంపలగూడెం మండల పరిధిలోని పెనుగొలను, ఊటుకూరు, కనుమూరు, విసన్నపేట మండల పరిధిలోని విసన్నపేట, కొండపర్వ, పుట్రేల, ఏ.కొండూరు మండల పరిధిలోని చీమలపాడు, గొల్లమందల రేపూడిలో ఏర్పాట్లు చేస్తున్నారు. మల్లేల, కాకర్ల, ఊటుకూరు బరులకు భారీ ధర పలుకుతోంది. ●‘నందిగామ’లోని కంచకచర్ల మండల పరిధిలో గండేపల్లి, వేములపల్లి, నక్కలంపేట.. చందర్లపాడు మండల పరిధిలో కొడవటికల్లు, నందిగామ మండల పరిధిలోని మాగల్లులో బరులను ఏర్పాటు చేసేందుకు అధికార టీడీపీ నాయకులు సిద్ధమవుతున్నారు.

సంక్రాంతికి ముందే జోరుగా కోడి పందేలు, పేకాట

ఉమ్మడి కృష్ణా జిల్లాలో బరులు సిద్ధం

నియోజకవర్గ ప్రజాప్రతినిధులకు భారీగా ముడుపులు!

రూ.30 లక్షల నుంచి రూ. 2 కోట్లు పలుకుతున్న వైనం

పట్టించుకోని పోలీసులు