కోడ్‌ అతిక్రమిస్తే కొరడా!

కోడ్‌ అతిక్రమిస్తే కొరడా!

నిర్మల్‌టౌన్‌: పంచాయతీ ఎన్నికల నోటిఫికేషన్‌ విడుదలైంది. దీంతో జిల్లాలో కోడ్‌ అమలులోకి వచ్చింది. ఎస్పీ జానకీ షర్మిల ఆధ్వర్యంలో పటిష్టమైన పోలీసు బందోబస్తు ఏర్పాటు చేశారు. జిల్లాలో 12 చెక్‌ పోస్టులు ఏర్పాటు చేసి, 24 గంటలు వాహనాలు, వ్యక్తులను క్షుణ్ణంగా తనిఖీలు చేస్తున్నారు. 8 ఇంటర్‌ స్టేట్‌, 4 ఇంటర్‌ డిస్ట్రిక్ట్‌ చెక్‌ పోస్ట్‌లు ఏర్పాటు చేశారు. రూ.50 వేల కంటే ఎక్కువ నగదు సరైన ఆధారాలు లేకుండా తీసుకెళ్లకూడదు. డిసెంబర్‌ 17 వరకు కోడ్‌ అమలులో ఉంటుందని ఎస్పీ తెలిపారు.

సోషల్‌ మీడియా పర్యవేక్షణ

మరోవైపు, సోషల్‌ మీడియా వైరల్‌ అయ్యే తప్పుడు సమాచారం, రెచ్చగొట్టే వార్తలపై జిల్లా పోలీసు ఎజెన్సీలు ప్రత్యేక పర్యవేక్షణ చేస్తున్నారు. అవమానపరిచే, మార్పు రేపే ప్రచారాలకు కేసులు పెట్టేలా చర్యలు ఉంటాయి.

అభ్యర్థులు నియమాలు పాటించాలి

అభ్యర్థులు అనుమతి పొందిన వాహనాలు మాత్రమే ఉపయోగించాలి. ఊరేగింపులు, ర్యాలీలు కుల, మత ప్రాంతా వర్గ బేధాలు రేకెత్తించే విధంగా ఉండకూడదు. లౌడ్‌ స్పీకర్ల వినియోగానికి సంబంధిత అధికారుల అనుమతి తీసుకోవాలి. ప్రతీ వాహనానికి రిటర్నింగ్‌ అధికారి జారీ చేసిన పర్మిట్‌ ఒరిజినల్‌ కాపీ ఉండాలి. నామినేషన్‌ దాఖలు చేయడానికి వచ్చిన అభ్యర్థి ఊరేగింపు రిటర్నింగ్‌ అధికారి కార్యాలయానికి 100 మీటర్ల పరిధి వరకే ఉంటుంది. కార్యాలయంలోకి ఎన్నికల నిబంధనల మేరకు అభ్యర్థులు అర్హులైన సహాయకులను మాత్రమే తీసుకెళ్లాలి.

అభ్యర్థులు, పార్టీలు సహకరించాలి

అభ్యర్థులు, పార్టీలు చట్టపరమైన నియమాలు పాటించి పంచాయతీ ఎన్నికలు ప్రశాంతంగా జరిగేలా సహకరించాలి. జిల్లాలో ఎన్నికల ప్రవర్తన నియమావళి పటిష్టంగా అమలు చేస్తాం. గ్రామీణ ప్రాంతాల్లో ప్రత్యేక పర్యటనలు, రాత్రి గస్తీలు పెంచాం. ఎన్నికల ప్రక్రియ నిష్పక్షపాతంగా సాగేందుకు పోలీసులకు సహకరించాలి. ఏవైనా అనుమనాదస్పద కదలికలు ఉంటే పోలీసులకు సమాచారం అందించాలి. –జానకీ షర్మిల, ఎస్పీ

ఇంటర్‌ డిస్ట్రిక్‌ చెక్‌ పోస్టులు

బాసర గోదావరి బ్రిడ్జి చెక్‌ పోస్ట్‌

ఖానాపూర్‌ బాదనకుర్తి చెక్‌ పోస్ట్‌

కడెం పాండవపూర్‌ చెక్‌ పోస్ట్‌

సోన్‌ గంజాల్‌ టోల్‌ ప్లాజా చెక్‌ పోస్ట్‌

జిల్లాలో ఏర్పాటు చేసిన చెక్‌ పోస్టులు..

ఇంటర్‌ స్టేట్‌ చెక్‌ పోస్ట్‌లు

సారంగాపూర్‌ రామ్‌సింగ్‌ తండా చెక్‌ పోస్ట్‌

కుభీర్‌ సిరిపెల్లి హెచ్‌, సేవాలాల్‌

తండా, డోడర్న

తాండ చెక్‌ పోస్టులు

కుంటాల దౌనెల్లి తండా చెక్‌ పోస్ట్‌

తానూర్‌ బెల్‌ తరోడ, జవుల– బి చెక్‌ పోస్ట్‌

బాసర బిద్రెల్లి చెక్‌ పోస్టు