TV
● సర్పంచ్‌కు 89, వార్డు మెంబర్‌కు 26 నామినేషన్లు దాఖలు
నిర్మల్‌చైన్‌గేట్‌: పంచాయతీ ఎన్నికల తొలి ఘట్టమైన మొదటి విడత నామినేషన్ల స్వీకరణ ప్రక్రియ గురువారం ప్రారంభమైంది. జిల్లాలోని ఆరు మండలాలలో మొదటి విడత ఎన్నికల నిర్వహణలో భాగంగా తొలిరోజు 155 నామినేషన్లు దాఖలయ్యాయి. ఇందులో సర్పంచ్‌ అభ్యర్థిత్వానికి 89, వార్డు మెంబర్లు కు 136 నామినేషన్లు వేశారు. ఈనెల 29 వరకు నామినేషన్లు స్వీకరణ, 30 వరకు పరిశీలన, డిసెంబర్‌ 1వ తేదీన అప్పీళ్లు. 2న పరిష్కారం, 3న ఉపసంహరణకు రాష్ట్ర ఎన్నికల కమిషన్‌ అవకాశం కల్పించింది.
మూడు పంచాయతీల్లో ఏకగ్రీవ తీర్మానం
మామడ/పెంబి: తొలి విడత పంచాయతీ ఎన్నికల నోటిఫికేషన్‌ గురువారం విడుదలైంది. దీంతో నామినేషన్ల స్వీకరణ ప్రారంభించారు. తొలిరోజు జిల్లా వ్యాప్తంగా 115 నామినేషన్లు దాఖలాయ్యాయి. ఇక జిల్లాలోని మూడు పంచాయతీల్లో ఏకగ్రీవానికి తీర్మానం చేశారు. మామడ మండలం వాస్తపూర్‌, ఆరేపల్లి, పెంబి మండలం రాంనగర్‌ పంచాయతీల సర్పంచ్‌, ఉపసర్పంచ్‌, వార్డుసభ్యులను ఏకగ్రీవంగా ఎన్నుకోవాలని నిర్ణయించారు. వాస్తపూర్‌ సర్పంచ్‌గా రాంపూర్‌ గ్రామానికి చెందిన ఆడేం భూమబాయి, ఉపసర్పంచ్‌గా వాస్తపూర్‌ గ్రామానికి చెందిన పెందుర్‌ సంతోష్‌, 8 వార్డులను, ఆరేపల్లి సర్పంచ్‌గా జంగిలి మల్లయ్యను ఎన్నుకునేందుకు నిర్ణయించినట్లు గ్రామస్తులు తెలిపారు. పెంబి మండలం రాంనగర్‌ గ్రామానికి చెందిన ఆత్రం లింగు సర్పంచ్‌గా, భూక్య జ్యోతిరాంను ఉపసర్పంచ్‌గా ఏకగ్రీవంగా ఎన్నుకుకోవాలని నిర్ణయించారు.
వార్డు సభ్యుల స్థానాలకు వచ్చిన నామినేషన్లు..
మండలం దాఖలైన నామినేషన్లు
దస్తురాబాద్‌ 3
కడెం 9
ఖానాపూర్‌ 7
పెంబి 0
మామడ 6
లక్ష్మణచాంద 1
