Vignesh Shivan Removes AK 62 From His Twitter Bio - Sakshi
Sakshi News home page

Vignesh Shivan: ట్విటర్‌ బయో నుంచి ఆ పేరుని తొలగించిన నయనతార భర్త.. నెటిజన్స్‌ షాక్‌!

Published Sat, Feb 4 2023 5:57 PM | Last Updated on Sat, Feb 4 2023 7:15 PM

Vignesh Shivan removes AK 62 From His Twitter Bio - Sakshi

నయనతార భర్త, ప్రముఖ దర్శకుడు విఘ్నేష్‌ శివన్‌ చేసిన ఒక పని ఇప్పుడు చర్చనీయాంశంగా మారింది. ఆయన ఎందుకు అలా చేశాడు? ఇక ఆ జోడీ  కుదరనట్టేనా అని నెటిజన్స్‌ చర్చిస్తున్నారు. వివరాల్లోకి వెళితే.. కాతువాకుల రెండు కాదల్‌ చిత్రం తర్వాత కోలీవుడ్‌ స్టార్‌ అజిత్‌తో విఘ్నేష్‌ ఓ సినిమా తెరకెక్కించబోతున్నట్లు ప్రకటించిన సంగతి తెలిసిందే. అజిత్‌ కెరీర్‌లో ఇది 62వ సినిమా(AK62). ప్రముఖ నిర్మాణ సంస్థ లైకా ప్రొడక్షన్స్‌ భారీ స్థాయిలో ఈ చిత్రాన్ని నిర్మించబోతున్నట్లు ప్రకటించింది. దీంతో ఈసినిమా కోసం అజిత్‌ ప్రేక్షకులు ఎంతో ఆతృతగా ఎదురు చూస్తున్నారు.

ఈ నేపథ్యంలో విఘ్నేష్‌ చేసిన ఓ పని పలు అనుమానాలకు తావిస్తోంది. విఘ్నేష్‌ ఈ ప్రాజెక్ట్‌ నుంచి వైదొలగినట్లు గతంలో వార్తలు వినిపించాయి. ఇప్పుడు ఆ వార్తలు నిజమే అన్నట్లుగా.. విఘ్నేష్‌ తన ట్విటర్‌ బయో  నుంచి AK 62 అనే పేరును గొలగించాడు. దీంతో నిజంగానే  ఆ సినిమా నుంచి విఘ్నేష్‌ తప్పుకున్నాడా? ఇక ఈ కాంబోలో సినిమా రాదా? అని నెటిజన్స్‌ చర్చించుకుంటున్నారు. అయితే నిర్మాణ సంస్థ మాత్రం ఈ విషయంపై ఎలాంటి ప్రకటన ఇవ్వకపోవడం గమనార్హం.

కాగా లైకా ప్రొడక్షన్స్‌ మాత్రం పక్కా ఈ సినిమాను తెరకెక్కించబోతున్నట్లు తెలుస్తోంది. ఇప్పటికే ఈ సినిమా కోసం హీరోయిన్‌ని కూడా సెలెక్ట్‌ చేశారట. ఈ చిత్రంలో అజిత్‌ సరసన ఇద్దరు హీరోయిన్లు నటించనున్నారని, అందులో నటి ఐశ్వర్యరాయ్‌ ఒకరు కాగా, రెండో హీరోయిన్‌గా నటి కీర్తి సురేశ్‌ను ఎంపిక చేసినట్లు ప్రచారం జరుగుతోంది.

No comments yet. Be the first to comment!
Add a comment
Advertisement
 
Advertisement
 
Advertisement