ఎన్‌ఆర్‌ఐల కోసం మరో ఓటీటీలో 'డీయస్ ఈరే' స్ట్రీమింగ్‌

మలాయళ సూపర్‌స్టార్ మోహన్ లాల్ కుమారుడు  ప్రణవ్ నటించిన హారర్‌ థ్రిల్లర్‌  'డీయస్ ఈరే' మరో ఓటీటీలోకి వచ్చేసింది. ఇండియాలోని ప్రేక్షకులు చూసేందుకు ఇప్పటికే డిసెంబర్‌ 5న జియోహాట్‌స్టార్‌లో స్ట్రీమింగ్‌కు వచ్చేసింది. అయితే, ఎఆర్‌ఐల కోసం సన్‌నెక్ట్స్‌లో  ఈ మూవీ తాజాగా విడుదలైంది. అంటే కేవలం ఇతర దేశాల్లోని ప్రేక్షకులు మాత్రమే  'డీయస్ ఈరే' చిత్రాన్ని సన్‌నెక్ట్స్‌లో చూడొచ్చు.

'భూతకాలం', 'భ్రమయుగం' తదితర మూవీస్‌తో ప్రేక్షకుల్ని భయపెట్టిన రాహుల్ సదాశివన్.. ఈ సినిమాకు దర్శకత్వం వహించాడు.  అక్టోబరు 31న మలయాళంలో, నవంబరు 7న తెలుగు వెర్షన్.. థియేటర్లలో రిలీజైంది. ఓవరాల్‌గా రూ.80 కోట్ల కలెక్షన్స్ వచ్చాయి.  ముఖ్యంగా ఈ సినిమా క్లైమాక్స్‌ అదిరిపోయే రేంజ్‌లో ఉందని ప్రేక్షకులు చెప్పుకొచ్చారు. జియోహాట్‌స్టార్‌లో(jiohotstar)  తెలుగు, తమిళ, మలయాళ, కన్నడ భాషల్లో  ఈ మూవీ స్ట్రీమింగ్‌ అవుతుంది. భారత్‌ మినహా ఇతర దేశాల్లోని ప్రేక్షకుల కోసం సన్‌నెక్ట్స్‌లో తాజాగా విడుదల చేశారు. హారర్ మూవీ లవర్స్ అయితే గనుక దీన్ని అస్సలు మిస్ చేయొద్దని నెట్టింట పలు పోస్టులు కనిపించడం విశేషం.