జీవిత గమ్యాన్ని నిర్దేశించారు

జీవిత గమ్యాన్ని నిర్దేశించారు

మాది రాజస్థాన్‌లోని సవాయి మాదాపూర్‌ జిల్లా మలర్నా చౌర్‌ గిరిజన గ్రామం. నాన్న సీతారాం మీనా. డీపీఆర్వోగా పనిచేశా రు. 1నుంచి 7వరకు హిందీ మీడియంలో, 8 నుంచి 12వ తరగతి వరకు ఇంగ్లీష్‌ మీడియంలో చదివాను. బీహెచ్‌యూలో ఐఐటీ సివిల్‌ ఇంజినీరింగ్‌ పూర్తి చేశా. నాన్న నాకు బాల్యం నుంచే క్రమశిక్షణతో కూడిన జీవిత గమ్యాన్ని నిర్దేశించారు. ఆ దిశగా ప్రోత్సహించారు. ఐఐటీ అనంతరం సివిల్స్‌కు ప్రిపేర్‌ అవుతున్న సమయంలో ఇంట్లో కొంత ఆర్థిక ఇబ్బందులు ఎదురయ్యాయి. ఆ విషయాన్ని నాకు తెలియనివ్వకుండా చదువుపైనే దృష్టి సారించాలని సూచించారు. ఉన్నత ఉద్యోగంతోనే సమాజంలో గుర్తింపు, గౌరవం ఉంటుందని చెప్పేవారు. ఎప్పటికప్పుడు దిశానిర్దేశం చేఽసేవారు. సివిల్స్‌లో ఐదు సార్లు నిరాశ ఎదురైనా లక్ష్యాన్ని చేరుకునే దిశగా మరింత కష్టపడాలని వెన్నుతట్టారు. ఆ ప్రోత్సాహంతోనే ఆరో ప్రయత్నంలో 458వ ర్యాంకు సాధించాను. ఐఏఎస్‌గా ఎంపికయ్యా. నా జీవిత లక్ష్యాన్ని చేరుకోవడంలో మా నాన్నే నాకు రోల్‌మోడల్‌.

– యువరాజ్‌ మర్మాట్‌,

సబ్‌కలెక్టర్‌, ఉట్నూర్‌

తల్లిదండ్రులతో యువరాజ్‌ మర్మాట్‌