యుద్ధం.. హోటల్‌ రంగం కకావికలం

హొసపేటె: ఇరాన్‌, అమెరికా, ఇజ్రాయిల్‌ మధ్య జరుగుతున్న యుద్ధం కారణంగా అన్ని చోట్ల వంటగ్యాస్‌ సరఫరాకు అంతరాయం ఏర్పడింది. వాణిజ్య సిలిండర్ల కొరత హోటళ్లు, బ్రెడ్‌ అండ్‌ బ్రేక్‌ఫాస్ట్‌ రంగాలపై తీవ్ర ప్రభావం చూపుతోంది. యుద్ధం రోజురోజుకి విస్తరిస్తోంది. వివిధ కారణాల వల్ల మధ్యప్రాచ్య దేశాల చమురుపై ఆధారపడిన దేశాలపై ఈ యుద్ధ కర్మఫలం పడింది. హర్మూజ్‌ జలసంధి ద్వారా అనేక దేశాలకు రవాణా చేయాల్సిన సరుకులు కంటైనర్లలో నిల్వ ఉన్నాయి. ప్రధానంగా భారత దేశానికి విదేశాల నుంచి వచ్చే ఎల్పీజీ, ముడి చమురు కొరత ప్రభావం ప్రజలపై పడుతోంది. వాణిజ్య గ్యాస్‌ సిలిండర్ల కొరత పెరగడం వల్ల హోటల్‌ పరిశ్రమ నష్టాలను చవిచూస్తోంది.

ప్రశ్నార్థకంగా హోటళ్ల భవిష్యత్తు

వాణిజ్య గ్యాస్‌ సిలిండర్ల తీవ్ర కొరత కారణంగా కార్మికులు, హోటల్‌ యజమానుల భవిష్యత్తు ప్రశ్నార్థకంగా మారింది. ఈ పరిస్థితి ఇలాగే కొనసాగితే, హోటళ్లు మూతపడతాయనే భయాన్ని కాదనలేం. గ్యాస్‌ కొరత కారణంగా వారు ఇడ్లీ, వడ, సాంబార్‌, మిర్చిలను కట్టెల పొయ్యి మీద తయారు చేయడానికి ప్రత్యామ్నాయ పద్ధతులను ఆశ్రయిస్తున్నారు. కట్టెల పొయ్యికే ప్రాధాన్యత ఇస్తున్నారు. ప్రస్తుతం టీ, కాఫీలను తయారు చేయడం లేదు. కొన్ని హోటళ్లు ఇప్పటికే కట్టెల పొయ్యిలకు మారాయి. మెనూలో కూడా మార్పు వచ్చింది. తక్కువ ఇంధనం వాడే వంటకాలను మాత్రమే ఎంపిక చేసి తయారు చేస్తున్నారు. పూరీ, దోసె, పడ్డుల ఉత్పత్తిని నిలిపి వేశారు. దీని వల్ల వాటిని తయారు చేసే వారి ఆదాయంపై దుష్ప్రభావం పడి భవిష్యత్తు ఇబ్బందుల్లో పడుతోంది.

కట్టెల పొయ్యిలను ఆశ్రయిస్తున్నారు

నిస్సహాయ స్థితిలో యజమానులు